મેષ : આપના કાર્યની સાથે બીજું કોઈ કામ આવી જતાં, અન્ય સહકર્મીનું કામ આવી જતાં આપના કાર્યભારમાં વધારો થાય.
વૃષભ : આપના રૂકાવટ-વિલંબમાં અટવાઈ પડેલા કામનો ધીરે-ધીરે ઉકેલ આવતો જાય. સંતાનના પ્રશ્ને આપની ચિંતા-પરેશાની ઘટે.
મિથુન : આપ હરો-ફરો-કામકાજ કરો પરંતુ આપના હ્ય્દય-મનને શાંતિ રાહત જણાય નહીં. કામકાજમાં રૂકાવટ રહ્યા કરે.
કર્ક : આપના યશ-પદ-ધનમાં વધારો થાય તેવું કામકાજ થવાથી આનંદ અનુભવો. પરદેશના કામ અંગે મિલન-મુલાકાત થઈ શકે.
સિંહ : આપના કાર્યની સાથે કૌટુંબિક-પારિવારીક કામકાજ રહે. કામકાજમાં સાનુકુળતા જણાય. કામનો ઉકેલ આવતો જાય.
કન્યા : આપના ગણત્રી-ધારણા પ્રમાણેનું કામકાજ થવાથી કામ કરવાનો ઉત્સાહ રહે. ઈચ્છિત વ્યક્તિ સાથે મુલાકાત થઈ શકે.
તુલા : આપના કામમાં કોઈને કોઈ રૂકાવટ-મુશ્કેલી અનુભવાય. આવેશ-ઉશ્કેરાટમાં આવી જઈને કોઈ કામ કરવું નહીં. ખર્ચ જણાય.
વૃશ્ચિક : આપના કામમાં આકસ્મિક સાનુકુળતા મળી રહેતાં કામનો ઝડપથી ઉકેલ લાવી શકો. મહત્ત્વના નિર્ણય લઈ શકાય.
ધન : દિવસના પ્રારંભથી જ આપે સતત કોઈને કોઈ કામમાં વ્યસ્ત રહેવાનું બને. જમીન-મકાન-વાહનના કામમાં સરળતા રહે.
મકર : નોકરી-ધંધાના કામકાજ અંગે બહાર કે બહારગામ જવાનું બને. આપના કામમાં સહકાર્યકરવર્ગ-નોકર-ચાકરવર્ગ મદદરૂપ થાય.
કુંભ : આપે તન-મન-ધનથી વાહનથી સંભાળીને શાંતિથી દિવસ પસાર કરી લેવો. કૌટુંબિક-પારિવારીક પ્રશ્ને ચિંતા-ઉચાટ રહે.
મીન : આપના કામમાં અન્યનો સહકાર મળી રહે. મહત્ત્વના કામનો ઉકેલ લાવી શકો. અગત્યના નિર્ણય લઈ શકાય.
- અગ્નિદત્ત પદમનાભ
