વાંચો તમારું 01 મે 2025 નું રાશિ ભવિષ્ય

મેષ : આપના કામમાં સહકાર્યકર વર્ગ-નોકર-ચાકર વર્ગનો સાથ મળી રહે. સગા-સંબંધીવર્ગના કામમાં વ્યસ્ત રહેવાનું થાય.

વૃષભ : આપના કાર્યની સાથે સામાજિક-વ્યવહારિક કામ અંગે વ્યસ્તતા-દોડધામ રહે. કામનો ઉકેલ આવતાં રાહત જણાય.

મિથુન : માનસિક પરિતાપ-વ્યગ્રતા છતાં આપના કામમાં વ્યસ્ત રહેવાનો પ્રયાસ કરો. વિચારોની દ્વિધા-અસમંજસ્તા રહે.

કર્ક : આપે કોઈના દોરવાયા દોરવાઈ જઈને કોઈ કામ કરવું નહીં. બેંકના, વીમા કંપનીના, શેરોના કામમાં સાવધાની રાખવી.

સિંહ : આપના કામમાં આકસ્મિક સાનુકૂળતા મળી રહેતાં કામનો ઝડપથી ઉકેલ લાવી શકો. દોડધામ-શ્રમમાં ઘટાડો જણાય.

કન્યા : નોકરી-ધંધાના કામમાં વ્યસ્ત રહીને દિવસ પસાર કરી શકો. જમીન-મકાન-વાહનના કામમાં સાનુકૂળતા જણાય.

તુલા : જેમ દિવસ પસાર થતો જાય આપને રાહત થતી જાય. પરદેશના કામકાજમાં સાનુકૂળતા મળી રહે. હર્ષ-લાભ રહે.

વૃશ્ચિક : આપને કામમાં પ્રતિકૂળતા જણાય. નાણાંકીય લેવડ-દેવડમાં સાવધાની રાખવી પડે. કૌટુંબિક-પારિવારીક પ્રશ્ને ચિંતા રહે.

ધન : આપના કાર્યની સાથે રાજકીય-સરકારી કામમાં આપે વ્યસ્ત રહેવાનું બને. મિલન-મુલાકાતમાં સાનુકૂળતા રહે.

મકર : સીઝનલ ધંધામાં આપે માલનો ભરાવો કરવો નહીં. ગ્રાહક વર્ગનું ધ્યાન રાખવું પડે. વાદ-વિવાદથી દૂર રહેવું.

કુંભ : આપના રૂકાવટ-વિલંબમાં અટવાઈ પડેલા કામનો ધીરે ધીરે ઉકેલ આવતો જાય. સંતાનનો સાથ મળી રહે.

મીન : નોકરી-ધંધે જાવ તો ઘર-પરિવારની અને ઘરે રહો તો નોકરી-ધંધાની ચિંતા આપને રહ્યા કરે. બેચેની-વ્યગ્રતા રહે.

- અગ્નિદત્ત પદમનાભ