Image Envato

Three Planet Combination In Taurus May 2024:  જ્યોતિષશાસ્ત્ર પ્રમાણે ગુરુ ગ્રહ 12 વર્ષ પછી વૃષભ રાશિમાં ગોચર કરી રહ્યા છે. તો 14 મેના રોજ વૃષભ રાશિમાં ગ્રહોના રાજા કહેવાતા સુર્યનો પ્રવેશ કરવા જઈ રહ્યા છે. અને તેના પછી 19 મેના રોજ શુક્ર વૃષભ રાશિમાં પ્રવેશ કરશે. જેના કારણે 19 મેના રોજ ત્રિગ્રહી યોગનું નિર્માણ થઈ રહ્યુ છે. આ યોગની અસર દરેક રાશિના લોકો પર જોવા મળશે. પરંતુ આ 3 રાશિઓ એવી છે કે, જેમની કિસ્મત બદલાઈ જવાની છે. સમજો કે તેમનું નસીબ ચમકવાનું છે. આ સાથે કરિયર અને ધંધો રોજગાર કરતાં લોકોને પ્રગતિ જોવા મળશે. આવો જાણીએ કે આ કઈ 3 ભાગ્યશાળી રાશિ છે. 

વૃષભ રાશિ

આ રાશિના લોકો માટે ત્રિગ્રહી યોગ ફાયદાકારક સાબિત થઈ શકે છે. કારણ કે આ યોગ તમારી રાશિના લગ્ન ભાવમાં બની રહ્યો છે. તેથી, આ સમયે તમારા વ્યક્તિત્વમાં સુધારો આવશે. સાથે તમે કેટલાક સમયથી વિચારી રાખેલી યોજનાઓમાં સફળતા મળશે. આ સમયગાળા દરમિયાન તમને ધન, વેપાર, મિલકત અને પારિવારિક બાબતોમાં લાભ અપાવશે. આ સમયગાળા દરમિયાન તમે કોઈ મિલકત અથવા વાહનની ખરીદી કરો તેવા યોગ બની રહ્યા છે. તેમજ આ સમયગાળામાં તમારું વિવાહિત જીવન શાનદાર રહેશે. આ સાથે તમારા જીવનસાથીની પણ આ સમયમાં પ્રગતિ થઈ શકે છે.

વૃશ્ચિક રાશિ

વૃશ્ચિક રાશિના લોકો માટે ત્રિગ્રહી યોગ ખૂબ અનુકૂળ સાબિત થઈ શકે છે. કારણ કે, આ યોગ તમારી ગોચર કુંડળીના સાતમા ભાવમાં બનવા જઈ રહ્યો છે. તેથી આ સમયમાં તમને ભાગીદારીના કામમાં લાભ મળી શકે છે. આ ઉપરાંત તમને દરેક કાર્યોમાં દરેક બાબતે તમારા પરિવારના સભ્યો તરફથી સંપૂર્ણ સહકાર અને આર્થિક લાભ મળશે. વિશેષમાં આ સમયગાળા દરમિયાન તમને પૈતૃક સંપત્તિમાંથી વારસામાં મળી શકે તેવા યોગ બની રહ્યા છે. તેમજ અવિવાહિત લોકોને લગ્નના પ્રસ્તાવ આવી શકે છે. આ સાથે નોકરી કરતાં લોકોને પણ પ્રમોશન મળી શકે છે.

મકર રાશિ

ત્રિગ્રહી યોગ બનતા મકર રાશિના લોકો માટે ફાયદાકારક સાબિત થઈ શકે છે. કારણ કે આ યોગ તમારી ગોચર કુંડળીના પાંચમા ઘરમાં બનવા જઈ રહ્યો છે. તેથી આ સમયમાં તમને તમારા બાળક સંબંધિત કોઈ સારા સમાચાર મળી શકે છે. ગુરુની નવમી દૃષ્ટિ તમારી રાશિ પર પડી રહી છે. તેથી, આ સમયગાળા દરમિયાન નોકરી કરતા લોકોને પ્રમોશન મળવાની યોગ છે, અને સાથે સાથે સારા પગાર વધારાનો આનંદ મળી શકે છે. આ ઉપરાંત તમે આ સમયગાળા દરમિયાન દેશ અને વિદેશમાં મુસાફરી કરી શકો છો. તેમજ તમે કોઈ ધાર્મિક અથવા શુભ કાર્યક્રમમાં સામેલ થઈ શકો છો.