જુના ડીસા ગામે જમીન પચાવી પાડવા મામલે ચાર શખસો સામે ફરિયાદ

ડીસા તા.28

ડીસા નજીક આવેલા જુનાડીસા ગામે વડીલોપારજીત જમીન ઉપર દબાણ કરી પચાવી પાડતા આ મામલે જમીન માલિકે ડીસા તાલુકા પોલીસ મથકે ફરિયાદ નોંધાવી છે.

જુનાડીસાના વતની અને હાલ ડીસા ખાતે રહેતા વઘાભાઈ ઉર્ફે હરિલાલ અમથુજી નાઈની વડીલો પારજીત જમીન જેનો જૂનો સર્વે નંબર ૯૫૬/૨ અને નવો સર્વે નંબર ૧૪૬૨ જે ૧.૩૯.૭૭ હે.ચો.મી તેમના કુટુંબની સહિયારી છે. જોકે આ જમીન તેઓ ખેતી માટે અવાર નવાર આપતા હતા. તે દરમિયાન આ જમીન સોભાજી રામાજી સોલકી, વિરચંદજી સેધાજી સોલંકી, સોભાજી સેધાજી સોલંકી અને બળવતજી સેધાજી સોલંકી તમામ રહે.ધરપડા વાળાએ જમીન ઉપર ગેરકાયદેસર કબજો રાખી ખેતી કરતા હોઇ આ બાબતે વાઘાભાઈ ઉર્ફે હરિભાઈ નાઈ દ્વારા કબજો ખાલી કરવા માટે અવાર નવાર કહેતા પણ આ ઈસમોએ જમીનનો કબજો ખાલી ના કરતા આ મામલે વાઘાભાઈ ઉર્ફે હરિભાઈ નાઈએ ડીસા તાલુકા પોલીસ મથકે સોભાજી રામાજી સોલકી, વિરચંદજી સેધાજી સોલંકી, સોભાજી સેધાજી સોલંકી અને બળવતજી સેધાજી સોલંકી તમામ રહે.ધરપડાવાળા વિરુદ્ધ ફરિયાદ નોંધાવી હતી.