ખેડા જિલ્લામાં 10,999 કર્મચારીઓ ચૂંટણી પ્રક્રિયામાં ફરજ પર હાજર રહેશે
Updated: May 6th, 2024
- 10.24 લાખ પુરુષો અને 9.82 લાખ મહિલાઓ મત આપશે
- ખેડા લોકસભાની 7 વિધાનસભામાં 2,038 મતદાન મથકો માટે 814 કર્મચારીઓ રિઝર્વ રખાયા
ત્રીજા તબક્કામાં ખેડા લોકસભાની ચૂંટણી મંગળવારે યોજાનાર છે. આ ચૂંટણીમાં ૨૦.૦૭ લાખ મતદારો ખેડા લોકસભાની ૭ વિધાનસભામાં નોંધાયેલા છે. ત્યારે હવે આ મતદાનની પ્રક્રિયામાં ફરજ બજાવવા માટે કુલ ૧૦,૯૯૯ કર્મચારીઓ તૈનાત રહેશે. જેમાં દસક્રોઈમાં કુલ ૨૦૬૮, ધોળકામાં ૧૩૭૨, માતરમાં ૧૫૨૮, નડિયાદમાં ૧૩૪૫, મહેમદાવાદમાં ૧૪૯૦, મહુધામાં ૧૪૩૬ અને કપડવંજમાં ૧૭૬૦ કર્મચારીઓ ફરજ બજાવશે.
મતદાન મથકોની વાત કરીએ તો દસક્રોઈમાં ૩૮૩, ધોળકામાં ૨૫૪, માતરમાં ૨૮૩, નડિયાદમાં ૨૪૯, મહેમદાવાદમાં ૨૭૬, મહુધામાં ૨૬૬ અને કપડવંજમાં ૩૨૬ મતદાન મથકો પર મતદાન થશે. કુલ ૧૦,૯૯૯ કર્મચારીઓ પૈકી ૮૧૪ કર્મચારીઓ રીઝર્વ રહેશે જ્યારે મતદાન સ્ટાફમાં ૮,૧૮૪ કર્મચારી અને પટ્ટાવાળા તરીકે ૨,૦૩૭ કર્મચારી તૈનાત હશે. કુલ ૨૦.૦૭ લાખ પૈકી ૮૫ વર્ષથી વધુ ઉંમરના વૃદ્ધ મતદારોની વાત કરીએ તો ૧૬,૫૧૬ અને ૨૦,૫૨૩ દિવ્યાંગ મતદારો ફરજ બજાવશે.