Valsad Accident News: વલસાડના કપરાડા તાલુકાના વીરક્ષેત્ર ગામે આજે(22 એપ્રિલ) એક ભયાનક રોડ અકસ્માત સર્જાયો છે. પ્રસંગમાં હાજરી આપીને પરત ફરી રહેલા મહેમાનો સવાર એક પીકઅપ વાન અચાનક દુર્ઘટનાનો શિકાર બની હતી. આ અકસ્માતમાં 7 લોકોના કરૂણ મોત થયા છે. મળતી માહિતી મુજબ, રસ્તામાં આવતા એક ચઢાણ પર વાન ચઢી રહી હતી ત્યારે અચાનક વાન રિવર્સ આવવા લાગી હતી અને તે જ સમયે બ્રેક ફેઈલ થઈ ગઈ હતી. બ્રેક કામ ન કરતાં વાન રિવર્સમાં આવવા લાગી હતી અને ચાલકે કાબૂ ગુમાવતા પીકઅપ વાન પલટી ખાઈ ગઈ હતી.

Vapi Court : ભિલાડમાં કિશોરીનું શારીરિક શોષણ કરી ગર્ભવતી બનાવવાના કેસમાં વાપી એડિશનલ સેશન્સ કોર્ટે આરોપીને 20 વર્ષની કેદની સજા અને રૂ.10 હજારનો દંડ ફટકારતો મહત્વનો ચૂકાદો આપ્યો છે. કોર્ટે પિડીતાને ગુજરાત વિકટીમ કમ્પેન્સસ સ્કીમ હેઠળ રૂ.4 લાખ વળતર પેટે ચૂકવવા હુકમ કર્યો છે. ભિલાડખાતે આવેલી હોટલમાં કામ કરતી કિશોરીને લગ્નની લાલચ આપી આરોપીએ અધમ કૃત્ય કર્યું હતું.

Valsad News: ગુજરાતમાં દારૂબંધી હોવા છતાં બુટલેગરો અવનવા રસ્તાઓ અપનાવી રહ્યા છે, પરંતુ કસ્ટમ્સ વિભાગની સતર્કતાએ આજે દારૂની હેરાફેરીના એક મોટા નેટવર્કનો પર્દાફાશ કર્યો છે. અમદાવાદ કસ્ટમ્સ હેઠળના વલસાડ કસ્ટમ્સ ડિવિઝનના અધિકારીઓએ દરિયામાં પેટ્રોલિંગ દરમિયાન 555 બોક્સ દારૂનો જથ્થો અને એક બોટ ઝડપી પાડી છે. આ મુદ્દામાલની અંદાજિત કિંમત 50 લાખ રૂપિયા હોવાનું અનુમાન છે.

કેવી રીતે પાર પાડ્યું ઓપરેશન?

પ્રાપ્ત વિગતો અનુસાર, 16 એપ્રિલ 2026ના રોજ વલસાડ કસ્ટમ્સ ડિવિઝનના અધિકારીઓ નિયમિત દરિયાઈ પેટ્રોલિંગમાં હતા.

Valsad SOG Busts LPG Theft Racket Near Bhilad: વલસાડ જિલ્લાના ભીલાડ નજીક સર્વિસ રોડ પર LPG ગેસની ચોરી અને ગેરકાયદે રિફિલિંગ કરતું મોટું નેટવર્ક વલસાડ જિલ્લા SOGએ પકડી પાડ્યું છે. આ કાર્યવાહી દરમિયાન ટેન્કર, પિકઅપ વાહન, ગેસના સિલિન્ડરો તેમજ ગેરકાયદે રિફિલિંગ માટે ઉપયોગમાં લેવાતી પાઇપ સહિત કુલ 63 લાખનો મુદ્દામાલ જપ્ત કરવામાં આવ્યો હતો. સમગ્ર મામલે ભીલાડ પોલીસે ત્રણ શખ્સની ધરપકડ કરીને આગળની કાર્યવાહી હાથ ધરી છે. 

ભીલાડ નજીક LPG ગેસ ચોરીનું મોટું નેટવર્ક પકડાયું

મળતી માહિતી મુજબ, અમરેલી જિલ્લાના પીપોદ વિસ્તારથી LPG ગેસ ભરેલું ટેન્કર સરીગામ સ્થિત શિવ શક્તિ ગેસ પ્લાન્ટ તરફ જઈ રહ્યું હતું.

Vapi News: વાપી શહેરમાં કાચબા ગતિએ ચાલતું ઓવરબ્રિજનું કામ હવે નિર્દોષ લોકો માટે જીવલેણ સાબિત થઈ રહ્યું છે. બુધવારે ગાંધી સર્કલ પાસે શીતલ એપાર્ટમેન્ટ સામે એક ભયાનક અકસ્માત સર્જાયો હતો, જેમાં ખાડામાં કેબલ રિપેરિંગ કરી રહેલા BSNLના બે કર્મચારીઓ અચાનક માટી ધસી પડતા દટાઈ ગયા હતા. સદનસીબે, સ્થાનિકોની સમયસૂચકતાને કારણે બંનેનો જીવ બચી ગયો છે.

કેવી રીતે બની ઘટના?

ઓવરબ્રિજના પિલર નિર્માણ માટે કોન્ટ્રાક્ટરે ખોદેલા ઊંડા ખાડાઓને કારણે BSNLની ટેલિફોન કેબલ કપાઈ ગયો હતો.

Umargam Election Officer Self-destruction Case: વલસાડમાં ઉમરગામના ચૂંટણી અધિકારીના ચકચારી બનેલા આપઘાત કેસમાં વાપી રેલવે પોલીસ(જીઆરપી)ના અધિકારીએ તપાસ શરૂ કરી છે. બુધવારે(15 એપ્રિલ, 2026) એફએસએલની મદદથી ઓફિસ અને નિવાસસ્થાને સર્ચ કર્યુ હતું. જો કે, કોઈ સ્યુસાઇડ નોટ મળી નથી. પોલીસ દ્વારા કચેરીના કર્મચારીઓના નિવેદન અને ફૂટેજ લેવાની પણ કામગીરી કરાશે.

ઉમરગામ ચૂંટણી અધિકારી આપઘાત કેસમાં પોલીસ તપાસ શરૂ

Umargam Mamlatdar Dies: ગુજરાતમાં આગામી સ્થાનિક સ્વરાજની ચૂંટણીઓની તડામાર તૈયારીઓ ચાલી રહી છે, ત્યારે વલસાડ જિલ્લામાંથી એક અત્યંત આઘાતજનક સમાચાર સામે આવ્યા છે. ઉમરગામના મામલતદાર ડી.સી. બ્રાહ્મણકાચ્છે ટ્રેન નીચે પડતું મૂકીને પોતાનું જીવન ટૂંકાવી લીધું છે. આ આપઘાતને લઈને રેલવે પોલીસ અને સ્થાનિક પોલીસે તપાસ હાથ ધરી છે.

Gujarat Fishermen in Iran : ઈરાન-ઈઝરાઈલ વચ્ચે ચાલી રહેલા યુદ્ધને કારણે કિસ્ટ ટાપુ પર ફસાયેલા ઉમરગામ સહિત રાજયના 72 માછીમારો આર્મેનિયા એરપોર્ટ પહોંચ્યા બાદ વિમાન મારફતે ભારત આવવા રવાના થયા છે. યુદ્ધની સ્થિતિમાં ફસાયેલા તમામ માછીમારો ભારત પરત આવવા નીકળતા પરિવારજનોમાં આનંદની લહેર પ્રસરી ગઈ છે.

 ઈરાન-ઈઝરાઈલ વચ્ચે ફાટી નીકળેલા યુદ્ધને કારણે વલસાડ જીલ્લાના ઉમરગામના મરોલીના 25થી વધુ સહિત રાજયના 72 માછીમારો ઈરાનના કિસ્ટ ટાપુ પર ફસાઈ ગયા હતા. જેને કારણે માછીમારોના પરિવારજનોમાં ચિંતા વ્યાપી ગઈ હતી. એટલું જ નહીં પણ ફસાયેલા માછીમારો 35 દિવસથી વધુ બોટમાં જીવન વ્યથિત કરતા હતા.

Gujarat Local Body Election: ગુજરાતમાં સ્થાનિક સ્વરાજની ચૂંટણીની જાહેરાત થતાં જ એક તરફ રાજકીય ગરમાટો વ્યાપી ગયો છે તો બીજી તરફ ચૂંટણી વેળા વિકાસના કામો અંગે આશ્વાસન આપતા નેતાઓ સામે વિરોધ ઉઠ્યો છે. પારડી તાલુકાના ગોયમા ગામે છેલ્લા અઢી દાયકાથી મીઢોળી ફળિયામાં પાકો રસ્તો નહી બનતા ઠેરઠેર રોડ નહીં તો વોટ નહીંના બેનરો લગાવી વિરોધ કરવામાં આવી રહ્યો છે.

એક તરફ ગુજરાતમાં સ્થાનિક સ્વરાજની ચૂંટણીની જાહેરાત થતાં રાજકીય પક્ષો દ્વારા ઉમેદવારોની પસંદગીની પ્રક્રિયા હાથ ધરાઈ રહી છે. તો બીજી તરફ ચૂંટણી જાહેર થતાં જ વિકાસના કામો અંગે વચનો આપનારા નેતા અને પક્ષ સામે લોકોમાં વિરોધનો વંટોળ શરૂ થયો છે. પારડી તાલુકાના ગોયમા ગામે મીઢોળી ફળિયામાં વર્ષોથી લોકો કાચા રસ્તાને કારણે આવાગમન કરવામાં પારવાર મુશ્કેલીનો સામનો કરી રહ્યા છે.

Iran US Israel Conflict: ઈઝરાયલ-ઈરાન વચ્ચે ચાલી રહેલા યુદ્ધની સ્થિતિમાં ઈરાનના કિસ્ટ ટાપુ પર ફસાયેલા ઉમરગામ સહિત ગુજરાતના 72 માછીમારો 35 દિવસ બાદ વિઝા લઈ 1500 કિ.મી. દૂર આર્મેનિયા જવા નીકળ્યા છે.

ઈરાન સરકારે 20 દિવસના વિઝા આપ્યા

ઈઝરાયલ અને ઈરાન વચ્ચે ચાલી રહેલા યુદ્ધ વચ્ચે ઈરાનના કિસ્ટ ટાપુ પર ઉમરગામ તાલુકા સહિત ગુજરાતના 72 માછીમારો ફસાયા હતા.

Local Body Elections In Valsad: ગુજરાતમાં સ્થાનિક સ્વરાજ્યની ચૂંટણીના પડઘમ વાગી રહ્યા છે ત્યારે વલસાડ જિલ્લાના ઉમરગામ તાલુકામાં વહીવટી તંત્રની એક ગંભીર બેદરકારી સામે આવી છે. ઉમરગામ તાલુકા પંચાયતની દહેરી બેઠકની નવી જાહેર થયેલી મતદાર યાદીમાંથી એકસાથે 1400 જેટલા મતદારોના નામ ગાયબ થઈ જતાં ભારે હોબાળો મચ્યો છે.

દહેરી બેઠકના મતદારો અન્ય યાદીમાં 'ટ્રાન્સફર'

રાજકીય ગરમાટા વચ્ચે જ્યારે ઉમેદવારો અને મતદારોએ નવી યાદીમાં પોતાના નામ શોધવાનું શરૂ કર્યું, ત્યારે તંત્રની મોટી ભૂલ પ્રકાશમાં આવી હતી. દહેરી બેઠક હેઠળ આવતા ભંડારવાડ, પતરાગઢ, રામવાડી, બગરિયા અને ભીંડીયા ફળિયાના કુલ 1400 મતદારોના નામ યાદીમાંથી ગુમ હતા.

Massive Fire Erupts in Vapi: વાપીના ડુંગરી ફળિયા વિસ્તારમાં ગત મોડી રાત્રે એક પછી એક 35થી વધુ ભંગારના ગોડાઉનોમાં ભીષણ આગ ફાટી નીકળતા સમગ્ર પંથકમાં ભારે અફરાતફરી મચી ગઈ હતી. કેમિકલ અને પ્લાસ્ટિક વેસ્ટના મોટા જથ્થાને કારણે આગે રૌદ્ર સ્વરૂપ ધારણ કર્યું હતું. ફાયર વિભાગની અનેક ટીમોએ કલાકોની ભારે જહેમત બાદ આગ પર કાબુ મેળવ્યો હતો. સદનસીબે આ ઘટનામાં કોઈ જાનહાનિ થઈ નથી.

Vapi News: દક્ષિણ ગુજરાતના ઔદ્યોગિક હબ ગણાતા વાપીના બલીઠા હાઈવે પર શનિવારે રાત્રે એક એવી ઘટના બની જેણે સમગ્ર પંથકને હચમચાવી દીધો છે. એક અજાણ્યા રાહદારીનું અકસ્માતમાં મોત થયા બાદ પણ રસ્તા પર પડેલા તેના દેહ પરથી અનેક વાહનો પસાર થતા રહ્યા, પરંતુ કોઈએ માનવતા દાખવી વાહન થોભાવવાની તસ્દી લીધી નહીં.

Magic Mango Tree in Valsad: દક્ષિણ ગુજરાત એટલે હાફૂસ અને કેસર કેરીનું ગઢ, પણ વલસાડ જિલ્લાના બિનવાડા ગામના એક પ્રગતિશીલ ખેડૂતે આ ઓળખમાં નવું છોગું ઉમેર્યું છે. ખેડૂત શૈલેષભાઈ પટેલે વિજ્ઞાન અને ખેતીના સમન્વયથી એક એવો ચમત્કારી આંબો તૈયાર કર્યો છે, જેના પર એક સાથે અનેક સ્વાદ અને આકારની કેરીઓ જોવા મળી રહી છે. માત્ર 12 ફૂટની ઊંચાઈ ધરાવતા પાંચ વર્ષના 'ડાહ્યા કાકા' જાતના આંબા પર તેમણે ગ્રાફ્ટિંગ(કલમ) પદ્ધતિ દ્વારા 22 જેટલી વિવિધ જાતો બેસાડી છે.

કેવી રીતે થઈ શરૂઆત?

બિનવાડા ગામના શૈલેષભાઈ મોહનભાઈ પટેલના આ અનોખા પ્રયોગની શરૂઆત ગયા વર્ષના ચોમાસા દરમિયાન થઈ હતી.

Gujarat Fishermen Stranded in Iran : અમેરિકા-ઇઝરાયલ અને ઈરાન વચ્ચે ચાલી રહેલા યુદ્ધની અસર ઘણાં દેશોમાં પડી રહી છે. સમગ્ર ખાડીના દેશોમાં ચાલી રહેલા યુદ્ધ વચ્ચે વલસાડના ઉમરગામના મરોલી સહિત ગુજરાતના 72 માછીમારો ઈરાનના કિસ્ટ ટાપુ પર ફસાયા છે. યુદ્ધની તણાવની સ્થિતિ વચ્ચે માછીમારો છેલ્લા 25 દિવસથી બોટ પર જીવ ગુજારી રહ્યા છે. જો કે, માછીમારોએ પોતે સલામત હોવાનું જણાવ્યું છે. પરંતુ યુદ્ધને લઈને ચિંતા વ્યક્ત કરતાં માછીમારોએ વહેલી તકે ભારત પરત લાવવા સરકારેને અપીલ કરી છે. 

Valsad News: વલસાડ જિલ્લામાં આવેલા ભિલાડમાં પોતાની જ સગીર ભાણેજને કપડા અપાવવાના બહાને લઈ જઈ જંગલમાં દુષ્કર્મ આચરવાના અતિ ઘૃણાસ્પદ કેસમાં વાપીની એડિશનલ સેશન્સ કોર્ટે આરોપી પિતરાઈ મામાને 20 વર્ષની કેદની સજા ફટકારી છે. સંબંધોને લાંછન લગાડતી આ ઘટનામાં કોર્ટે કડક વલણ અપનાવી પીડિતા ભાણેજને ન્યાય અપાવ્યો છે.

શું છે સમગ્ર કેસ?

વર્ષ 2022માં ભિલાડના ગ્રામ્ય વિસ્તારમાં રહેતી 13 વર્ષીય સગીરાને તેના જ પિતરાઈ મામાએ લલચાવી-ફોસલાવી હતી. 01-06-22ના દિવસે આરોપી પિતરાઈ મામો ભાણેજને બજારમાં નવા કપડા અપાવવાનું બહાનું કરી પોતાની સાથે લઈ ગયો હતો.

 AI IMAGE

Valsad : વલસાડ જિલ્લા સ્પેશિયલ ઓપરેશન ગ્રુપે વાપીના કરવડ ગામની સીમમાં ઓટો રીક્ષામાં રૂ.6.86 લાખની કિંમતના 13.730 કિલોગ્રામ ગાંજાનો જથ્થો જપ્ત કર્યો હતો. પોલીસે મહિલા, તરૂણી સહિત પાંચ આરોપીની ધરપકડ કરી જથ્થો આપનાર સહિત બે શખ્સને વોન્ટેડ જાહેર કર્યો હતો. ગાંજાનો જથ્થો ભૂવનેશ્વરથી ટ્રેન મારફતે લવાયા બાદ વાપી રેલવે સ્ટેશનેથી રીક્ષામાં ગાંજાના 13 પાર્સલો ભરી આરોપી ડિલીવરી કરવા જતાં પકડાઈ ગયા હતા.

Pardi News : વલસાડના પારડીના ડુમલાવ ગામે આજે(1 માર્ચ, 2026) જાહેર રજા હોવા છતાં ખાસ ગ્રામસભા બોલાવવામાં આવી હતી. જેમાં ગામમાં નવી કંપનીની સ્થાપના અને અંડરગ્રાઉન્ડ નહેર સામે લોકોએ ભારે વિરોધ સાથે આક્રોશ ઠાલવ્યો હતો. ગ્રામસભામાં ખેડૂતો સહિતના લોકોએ ભારે વિરોધ નોંધાવ્યો હતો. આ મામલે યોગ્ય પગલાં લેવામાં નહીં આવે તો ગ્રામજનોએ આંદોલન કરવાની પણ ચિમકી ઉચ્ચારી હતી. 

ડુમલાવ ગામે નવી કંપની અને અંડર ગ્રાઉન્ડ નહેર સામે ગ્રામજનોનો વિરોધ

Vapi News: વાપીના છીરી વિસ્તારમાં રહેતી 13 વર્ષની સગીરાને લગ્નની લાલચ આપી ગર્ભવતી બનાવવાના ચકચારી કેસમાં વાપી એડિશનલ સેશન્સ કોર્ટે મહત્ત્વનો ચુકાદો આપ્યો છે. કોર્ટે આરોપીને 20 વર્ષની જેલની સજા ફટકારવાની સાથે પીડિતાને આર્થિક સહાયનો પણ આદેશ કર્યો છે.

શું હતી સમગ્ર ઘટના?

મળતી માહિતી અનુસાર, વર્ષ 2023માં વાપીના છીરી વિસ્તારમાં રહેતા એક પરપ્રાંતિય પરિવારની 13 વર્ષીય સગીરાને પડોશમાં જ રહેતા કિશન ખેલારી વર્માએ પ્રેમજાળમાં ફસાવી હતી. 13 સપ્ટેમ્બર 2023ના રોજ, સગીરા જ્યારે મોપેડ શીખવા નીકળી હતી ત્યારે આરોપી તેનું અપહરણ કરી મહારાષ્ટ્રના કોલ્હાપુર ભગાડી ગયો હતો.