Devbhoomi Dwarka News: હાલના સમયમાં નાની ઉંમરે હાર્ટ એટેક આવવાના કિસ્સાઓમાં ચિંતાજનક વધારો થઈ રહ્યો છે. આવી જ એક અત્યંત કરુણ અને હૃદય હચમચાવી દે તેવી ઘટના દેવભૂમિ દ્વારકા જિલ્લાના સલાયા પંથકમાંથી સામે આવી છે. અહીં એક યુવકનું ચાલુ બાઈકે હાર્ટ એટેક આવતા કરુણ મોત નીપજ્યું છે. આ સમગ્ર ઘટના નજીકમાં લાગેલા સીસીટીવી  કેમેરામાં કેદ થઈ ગઈ છે, જે જોઈને કોઈ પણનું કાળજું કંપી ઉઠે તેમ છે.

બાઈક હંકારતા આવ્યો હાર્ટ એટેક

Gujarat Weather Alert: ગુજરાતમાં ઉનાળાની શરૂઆતે જ હવામાનમાં મોટો પલટો જોવા મળ્યો છે. રાજ્યના અનેક વિસ્તારોમાં કમોસમી વરસાદ (માવઠું) શરૂ થતાં વાતાવરણમાં ઠંડક તો પ્રસરી છે, પરંતુ ખેડૂતોના જીવ અદ્ધર થઈ ગયા છે. ખાસ કરીને દેવભૂમિ દ્વારકા જિલ્લામાં શુક્રવારે (ત્રીજી એપ્રિલ) વહેલી સવારથી ગાજવીજ સાથે ધોધમાર કમોસમી વરસાદ નોંધાયો છે.

નીચાણવાળા વિસ્તારોમાં પાણી ભરાયા

Dwarka Fuldol Utsav: દેવભૂમિ દ્વારકાના વિશ્વપ્રસિદ્ધ જગત મંદિરમાં હોળી-ધૂળેટીના પર્વ નિમિત્તે  'ફૂલડોલ ઉત્સવ'ની ભવ્ય ઉજવણી શરૂ થઈ ગઈ છે. ભગવાન દ્વારકાધીશના દર્શન કરવા અને કાળિયા ઠાકોરના સંગાથે હોળી રમવા માટે લાખો શ્રદ્ધાળુઓનું મહેરામણ ઉમટી પડ્યું છે. આ વર્ષે ઉત્સવમાં દેશી ભક્તોની સાથે વિદેશી મહેમાનો પણ કૃષ્ણ ભક્તિમાં લીન જોવા મળ્યા હતા.

ભાવિકો અને વિદેશી શ્રદ્ધાળુઓનું આગમન

Dwarka Jagat Mandir Phuldol Utsav : આગામી 3 માર્ચે ચંદ્રગ્રહણ છે, જેમાં ચંદ્રગ્રહણનો કુલ સમયગાળો 3 કલાક અને 27 મિનિટનો રહેશે. પરંતુ ભારતમાં ઘણા રાજ્યો અને શહેરોમાં આ ગ્રહણ સાંજે 6 વાગ્યા પછી જ માત્ર અડધો કલાકથી 45 મિનિટ માટે જોવા મળશે. જ્યારે કેટલાક રાજ્યો અને શહેરોમાં ચંદ્રોદય ગ્રહણ કાળ પછી થવાનો હોવાથી ગ્રહણ જોવા મળશે નહીં. જેના લીધે વિવિધ શહેરોમાં ચંદ્રગ્રહણ પાળવા મામલે અલગ-અલગ મત પ્રવર્તે છે. જો કે, ભારતમાં કેટલાક ભાગોમાં ગ્રહણ દેખાવાના કારણે મંદિરોમાં વેધકાળ વગેરેનું પાલન સહિતની પરંપરાઓ અનુસરવામાં આવશે. એટલે ચંદ્રગ્રહણના સમયગાળાને ધ્યાનમાં રાખીને દ્વારકાના જગતમંદિરમાં બપોરે જ ફૂલડોલ ઉત્સવની ઉજવણી કરવામાં આવશે, જાણો દર્શન અને સેવા ક્રમનો નવો સમય.

Al Mukhtar Boat Seized In Dwarka Sea: ગુજરાતના દરિયાકાંઠે નશીલા પદાર્થો અને પ્રતિબંધિત વસ્તુઓની ઘૂસણખોરી રોકવા માટે ભારતીય કોસ્ટગાર્ડે વધુ એક વખત મોટી સફળતા મેળવી છે. દેવભૂમિ દ્વારકાથી અંદાજે 115 નોટિકલ માઈલ દૂર અરબી સમુદ્રમાં સર્ચ ઓપરેશન હાથ ધરીને 'અલ મુખ્તાર' નામની ઈરાની બોટને કરોડોની કિંમતના વિદેશી સિગારેટના જથ્થા સાથે પકડી પાડવામાં આવી છે.

બાતમી આધારે મળી સફળતા

MSP Groundnut Payment Status Devbhumi Dwarka : કૃષિ સહાય પેકેજ અને ટેકાના ભાવે વેચેલી મગફળીના બાકી નાણાં મામલે કોંગ્રેસ ખેતી નિયામકને રજૂઆત કરી છે. જેમાં જણાવ્યું હતું કે, 'હજારો ખેડૂતોને હજુ એકેય રૂપિયો કૃષિ સહાય નથી મળી...' દેવભૂમિ દ્વારકા અનેક ખેડૂતોને ટેકાના ભાવે વેચેલી મગફળીના બાકી નાણાં ઘણાં દિવસો બાદ પણ મળ્યા નથી. 

Dog Bite In Devbhumi Dwarka: દેવભૂમિ દ્વારકા જિલ્લામાં રખડતા શ્વાનોના આતંકે માઝા મૂકી છે. સલાયામાં શ્વાનોના હુમલાની ઘટનાઓએ રહીશોમાં ભારે ફફડાટ ફેલાવ્યો છે. ગત રોજ સલાયામાં એક જ દિવસમાં શ્વાનોએ નાના બાળકો અને વૃદ્ધો સહિત કુલ 8 લોકોને બચકા ભરી લોહીલુહાણ કરતા સમગ્ર વિસ્તારમાં ભયનો માહોલ જોવા મળી રહ્યો છે.

લોકોનું બહાર નીકળવું મુશ્કેલ

મળતી માહિતી મુજબ, છેલ્લા ઘણાં દિવસમાં 97 જેટલા લોકો શ્વાન કરડવાનો ભોગ બન્યા છે.

Devbhumi Dwarka News : ગુજરાતમાં છેલ્લા કેટલાક સમયથી નાની ઉંમરના યુવાનોમાં હાર્ટ એટેકના કિસ્સાઓ ચિંતાજનક રીતે વધી રહ્યા છે. આવી જ એક હૃદયદ્રાવક ઘટના દેવભૂમિ દ્વારકા જિલ્લાના ખંભાળિયા તાલુકાના મોવાણ ગામે સામે આવી છે. અહીં એક પ્રસંગમાં દાંડિયારાસ રમી રહેલી 16 વર્ષની તરુણીને અચાનક હૃદયરોગનો હુમલો આવતા તેનું ઘટનાસ્થળે જ કરુણ મોત નિપજ્યું હતું.

ખુશીનો અવસર માતમમાં ફેરવાયો

પ્રાપ્ત વિગતો અનુસાર, કલ્યાણપુર તાલુકાના ગઢકા ગામે રહેતી 16 વર્ષીય સંધ્યા અરવિંદભાઇ ડાભી સોમવારે ખંભાળિયાના મોવાણ ગામે રહેતા તેના પિતાના મામાના ઘરે એક શુભ પ્રસંગમાં હાજરી આપવા માટે આવી હતી.

Tiranga Hoisted At 15 Remote Islands : આજે સોમવારે(26 જાન્યુઆરી, 2026) ભારતના 77મા પ્રજાસત્તાક પર્વની દેશભરમાં ભવ્ય ઉજવણી કરવામાં આવી, ત્યારે દેવભૂમિ દ્વારકા જિલ્લામાં સુરક્ષા એજન્સીઓએ દરિયાની વચ્ચે દેશભક્તિનો જબરો જુસ્સો બતાવ્યો છે. જિલ્લા પોલીસ, મરીન ટાસ્ક ફોર્સ અને ભારતીય નેવીના સંયુક્ત ઉપક્રમે દરિયામાં આવેલા 15 જેટલા દુર્ગમ ટાપુઓ પર રાષ્ટ્રધ્વજ લહેરાવી ગણતંત્ર દિવસની ગૌરવભેર ઉજવણી કરવામાં આવી હતી.

દુર્ગમ ટાપુઓ પર સુરક્ષા દળોનો હરખ

દ્વારકાનો દરિયાકાંઠો વ્યુહાત્મક રીતે અત્યંત મહત્ત્વનો છે.

Salaya Bull Fight Video Viral : દેવભૂમિ દ્વારકા જિલ્લાના સલાયા ગામમાં રખડતા ઢોરનો ત્રાસ હવે વેપારીઓ માટે મોટું નુકસાન નોતરી રહ્યો છે. સલાયાના મુખ્ય બજારમાં બે આખલાઓ વચ્ચે થયેલી લડાઈનો એક ચોંકાવનારો વીડિયો સામે આવ્યો છે, જેમાં એક આખલો લડતા-લડતા સીધો જ ફરસાણની દુકાનમાં ઘુસી જતાં ભારે દોડધામ મચી ગઈ હતી.

દુકાનમાં મચાવી તોડફોડ, વેપારીને મોટું નુકસાન

સલાયા ગામના મુખ્ય બજારમાં જ્યારે ગ્રાહકોની અવરજવર હતી ત્યારે અચાનક બે બેફામ આખલાઓ સામસામે આવી ગયા હતા. બંને વચ્ચે એવું યુદ્ધ જામ્યું કે બજારમાં અફરાતફરી મચી ગઈ.

Devbhumi Dwarka News: દેવભૂમિ દ્વારકાના મકનપુરના દરિયાકાંઠે રજાઓ ગાળવા આવેલા રાજસ્થાનના ચાર મિત્રો પૈકી એક યુવાન દરિયામાં ડૂબી જતાં ગુમ થયો છે, જ્યારે અન્ય ત્રણ યુવાનોનો આબાદ બચાવ થયો છે. આ ઘટનાને પગલે ફાયર વિભાગ દ્વારા દરિયામાં ગુમ થયેલા યુવકની શોધખોળ હાથ ધરવામાં આવી છે.

મળતી માહિતી મુજબ, રાજસ્થાનથી આવેલા ચાર મિત્રો દ્વારકાના દર્શને આવ્યા હતા. આ દરમિયાન ચારેય યુવાનો મકનપુર ગામ નજીક દરિયાકાંઠે નાહવા પડ્યા હતા. દરિયામાં ભરતીનો પ્રવાહ અચાનક વધી જતા ચારેય મિત્રો ઊંડા પાણીમાં તણાવા લાગ્યા હતા.

Devbhumi Dwarka News: દેવભૂમિ દ્વારકામાં આજે(4 જાન્યુઆરી) એક હૃદયદ્રાવક ઘટના બની છે. શહેરના સુપ્રસિદ્ધ લાઈટહાઉસ પરથી એક 32 વર્ષીય મહિલાએ પોતાના 6 વર્ષના માસૂમ પુત્ર સાથે મોતની છલાંગ લગાવી જીવન ટૂંકાવ્યું છે. આ ઘટનાને પગલે સમગ્ર પંથકમાં અરેરાટી વ્યાપી ગઈ છે.

શું છે સમગ્ર ઘટના?

દ્વારકાના ગોમતી ઘાટ પાસે આવેલા પ્રખ્યાત 5 માળના લાઈટહાઉસ પર આજે સાંજે પ્રવાસીઓની ભારે ચહલપહલ હતી.

Gujarat Weather Update: રાજ્યમાં વર્ષ 2025ના અંતિમ દિવસે હવામાનમાં અચાનક પલટો આવતાં સૌરાષ્ટ્રના દરિયાકાંઠાના વિસ્તારોમાં કમોસમી વરસાદ ખાબક્યો છે. વહેલી સવારથી જ પોરબંદર અને દેવભૂમિ દ્વારકા જિલ્લાના ગ્રામ્ય પંથકોમાં વીજળીના કડાકા-ભડાકા વગર ધીમી ધારે વરસાદ શરુ થતાં જનજીવન પ્રભાવિત થયું છે.

વહેલી સવારથી વાદળછાયું વાતાવરણ

આજે વહેલી સવારથી જ સમગ્ર પંથકમાં કાળા ડિબાંગ વાદળો છવાયા હતા. ત્યારબાદ પોરબંદર શહેર અને આસપાસના ગ્રામ્ય વિસ્તારોમાં હળવા વરસાદી ઝાપટા પડ્યા હતા.

INSV Kaundinya: પ્રાચીન ભારતીય ટેકનોલોજીનો ઉપયોગ કરીને બનાવવામાં આવેલું નૌકાદળનું જહાજ INSB કૌંડિન્યા ગુજરાતના પોરબંદરથી ઓમાનના મસ્કત તરફ તેની સફર શરૂ કરી રહ્યું છે. આ જહાજની અનોખી વિશેષતાઓ જાણીને તમને પણ નવાઈ લાગશે કે આવું જહાજ અને સુવિધા ભારત સિવાય દુનિયામાં બીજા કોઈ દેશ પાસે નથી. PM મોદીએ પણ સોશિયલ મીડિયામાં ફોટો શેર કરી આનંદની લાગણી વ્યક્ત કરી છે. અને કહ્યું છે કે ' અનોખા જહાજથી ગલ્ફ ક્ષેત્ર અને તેની આસપાસના દેશો સાથેના આપણા ઐતિહાસિક સંબંધોને નવીકરણ મળશે'

પવનથી ચાલે છે, કોઈ બનાવટમાં કોઈ ખીલાનો ઉપયોગ નહીં

Devbhumi Dwarka News : ગુજરાતમાં તાંત્રિક વિધિના નામે લોકો સાથે છેતરપિંડી થતી હોવાની ઘટના સામે આવતી હોય છે, ત્યારે દેવભૂમિ દ્વારકા LCBની ટીમે તાંત્રિક વિધિના બહાને સોનાના દાગીના પડાવી લેતી 'મદારી ગેંગ'નો પર્દાફાશ કર્યો છે. LCBએ આ ટોળકીના 2 સાગરીતને દબોચીને આગળની કાર્યવાહી હાથ ધરી છે. 

તાંત્રિક વિધિના નામે સોનાના દાગીના પડાવ્યા

Fishermen Seaweed Farming: ગુજરાતમાં કચ્છના કિનારાથી લઈને દેવભૂમિ દ્વારકા નજીકની ઊંડી ખાડીઓ સુધીનો અંદાજિત 430 કિમીનો દરિયાકાંઠાનો વિસ્તાર હવે એક નવા આર્થિક ક્રાંતિના કેન્દ્ર તરીકે ઊભરી રહ્યો છે. સી-વીડ (દરિયાઈ શેવાળ) ની ખેતી એક ઝડપથી વિકસતા ક્ષેત્રમાં પરિવર્તિત થઈ રહી છે, જે માછીમાર પરિવારોને આર્થિક રીતે સશક્ત બનાવવાની સાથે સાથે દેશની બ્લૂ ઇકોનોમીને મજબૂત બનાવી રહી છે.

ગરીબ માછીમારો માટે સી-વીડ બની જીવનરેખા

સી-વીડની ખેતી ખાસ કરીને દરિયાકાંઠાના સમુદાયો અને માછીમાર પરિવારો માટે આશીર્વાદરૂપ સાબિત થઈ છે. ચોમાસા દરમિયાન જ્યારે માછીમારી પર પ્રતિબંધ હોય છે, ત્યારે સી-વીડ ઉત્પાદનની પ્રવૃત્તિ આ પરિવારોને આવક પ્રદાન કરે છે.

એક સપ્તાહમાં આધાર-પુરાવા રજૂ કરવા તાકીદ

મંદિરની જમીનની માલિકી ટ્રસ્ટની હોય તો દસ્તાવેજ, બાંધકામોની પરમિશન, એનઓસી વગેરે વિગતવાર પૂર્તતા કરવા SDMનો આદેશ

દ્વારકાના સબ ડિવિઝનલ મેજિસ્ટ્રેટ દ્વારા મુદ્દાવાર માગવામાં આવેલી વિગતોમાં નાગેશ્વર જયોતિર્લિંગ ખાતે દર વર્ષે લાખો શ્રધ્ધાળુઓની ભારે ભીડભાડ રહેતી હોવાથી સુરક્ષા મુદ્દો ટાંકીને મંદિરમાં અંદર ચલાવવામાં આવતી કોમર્શીયલ દુકાનો અંગે પરમીશન લીધી હોય તો તેના આધાર પૂરાવા રજૂ કરવા જણાવાયું છે. બીજા મુદ્દામાં રેવન્યુ રેકર્ડ અનુસાર સરકારી ખરાબામાં નાગેશ્વર મંદીર આવેલું હોય, તે જમીનની માલીકી ટ્રસ્ટની હોય તો તેના આધાર રજૂ કરવા તેમજ મંદિર બનાવવાની પરમીશનના આધારો, સ્ટ્રકચર સ્ટેબીલીટી રીપોર્ટ તેમજ મંદીરની બાજુમાં વસવાટ માટે બનાવેલા ભવનની માલીકી તથા પરમીશનના આધારો રજૂ કરવા જણાવાયું છે.

Shivrajpur Beach in Dwarka : ભગવાન શ્રી કૃષ્ણની નગરી દ્વારકાથી માત્ર 12 કિલોમીટરના અંતરે આવેલો શિવરાજપુર દરિયાકિનારો આજે સ્થાનિક નહીં પણ આંતરરાષ્ટ્રીય સ્તરે ખ્યાતિ પામીને ગુજરાતના પ્રવાસન ક્ષેત્રમાં એક નવું સીમાચિહ્ન સ્થાપિત કરી રહ્યો છે. 2020માં 'બ્લૂ ફ્લેગ બીચ'નું ગૌરવશાળી પ્રમાણપત્ર મેળવ્યા બાદ, આ બીચ પ્રવાસીઓ માટે એક મુખ્ય આકર્ષણનું કેન્દ્ર બની ગયો છે.

પ્રવાસીઓની સંખ્યામાં વધારો

ગુજરાત પ્રવાસન વિકાસ નિગમ લિમિટેડ(TCGL)ના તાજેતરના આંકડા મુજબ, શિવરાજપુર દરિયાકિનારાની લોકપ્રિયતામાં જબરજસ્ત વધારો જોવા મળ્યો છે. વર્ષ 2023માં 6,78,647 પ્રવાસીઓ ઉમટ્યા હતા, જ્યારે  વર્ષ 2024માં 6,80,325 પ્રવાસીઓ આવ્યા હતા.

Kalyanpur Farmer: કલ્યાણપુર તાલુકાના માનપર ગામે એક યુવાન ખેડૂતે કમોસમી વરસાદના કારણે પાકમાં થયેલા નુકસાન અને ગોલ્ડ લોન ભરપાઈ કરવાની ચિંતામાં આવીને આપઘાત કરી લીધો હોવાનો કરુણ બનાવ સામે આવ્યો હતો.

ગોલ્ડ લોન અને પાક નિષ્ફળતાની ચિંતા

મળતી માહિતી મુજબ, કલ્યાણપુર નજીક આવેલા માનપર ગામે રહેતા અને ખેતીના વ્યવસાય સાથે સંકળાયેલા કરશન વાવણોટિયા (ઉં.વ. ૩૭) નામના યુવાને બેંકમાંથી ગોલ્ડ લોન લીધી હતી.

Dwarkadhish Temple Gate Collapse: ગુજરાતના પવિત્ર યાત્રાધામ દ્વારકા ખાતે આવેલા જગતમંદિરમાં આજે દર્શનાર્થીઓની અતિશય ભીડને કારણે એક ગંભીર દુર્ઘટના સર્જાઈ હતી. વેકેશનને કારણે ઉમટેલી શ્રદ્ધાળુઓની ભીડને નિયંત્રિત કરવા માટે લગાવવામાં આવેલો એક હંગામી ગેટ ધરાશાયી થતાં અફરાતફરીનો માહોલ સર્જાયો હતો. સદ્ભાગ્યે, આ ઘટનામાં કોઈ જાનહાનિ કે ગંભીર ઈજાના સમાચાર નથી.

આ પણ વાંચોઃ મહેસાણા હિટ એન્ડ રનઃ અજાણ્યા વાહને બે વૃદ્ધાને અડફેટે લેતા ઘટનાસ્થળે મોત, ડ્રાઇવર ફરાર