Chhota Udepur News: ગુજરાત સ્થાનિક સ્વરાજ્યની ચૂંટણીને લઈને રાજકીય ગરમાવો જોવા મળી રહ્યો છે. આ દરમિયાન છોટાઉદેપુરના ઝીંઝરવાની ગામે ચૂંટણી પ્રચારમાં ગયેલા ભાજપ નેતાને નદીએ લઈ જઈને કહ્યું કે, 'પહેલા પુલ બનાવો...' સ્થાનિકોએ પુલ બનાવવા માટે આક્રમક રીતે રજૂઆત કરતાં ભાજપ નેતા ક્ષોભજનક સ્થિતિમાં મૂકાયા હતા.

Election Commission SVEEP Controversy: એક તરફ આકાશમાંથી અગનજ્વાળા જેવી ગરમી વરસી રહી છે, જ્યાં નેતાઓ એસી ગાડીઓ છોડવા તૈયાર નથી, ત્યાં બીજી તરફ છોટા ઉદેપુરના રસ્તા પર શાળાના વિદ્યાર્થીઓને ઉતારી દેવામાં આવ્યા છે. આગામી 26 એપ્રિલ 2026ના રોજ યોજાનારી સ્થાનિક સ્વરાજ્યની ચૂંટણીઓ માટે મતદાન જાગૃતિના નામે વહીવટી તંત્ર દ્વારા જે 'ખેલ' પાડવામાં આવ્યો છે, તેને લઈને હવે ગંભીર સવાલો ઊભા થઈ રહ્યા છે.

Chhota Udepur News : છોટાઉદેપુરના કવાંટ તાલુકાના મુસેટ જામલી ગામેથી બાઈક લઈને નોકરીએ જવા નીકળેલા યુવાનનો મૃતદેહ મળી આવ્યો હોવાની ઘટના સામે આવી છે. સમગ્ર મામલે પોલીસે અકસ્માતથી મોતની નોંધ કરી છે, ત્યારે મૃતકના પરિવારજનોનું કહેવું છે કે, તેમના દીકરાની હત્યા કરવામાં આવી છે. એટલે સમગ્ર મામલે ન્યાયિક તપાસની પરિવારજનોએ માગ કરી છે.

નોકરીએ જવા નીકળેલા યુવકનું મોત

મળતી માહિતી મુજબ, કવાંટ તાલુકાના મુસેટ જામલી ગામે રહેતો નિલેશ જેસીંગ વણકર એક કંપનીમાં નોકરી કરતો હતો અને રોજની જેમ સવારે બાઈક લઈને નોકરીએ જવા નીકળ્યો હતો.

Chhota Udepur News: સૌરાષ્ટ્ર અને દક્ષિણ ગુજરાત સહિત કેટલાક વિસ્તારોમાં આગામી ત્રણ દિવસ ગાજવીજ સાથે કમોસમી વરસાદની આગાહી છે. આ દરમિયાન છોટાઉદેપુર જિલ્લામાં બદલાયેલા હવામાન વચ્ચે 19 એપ્રિલ, 2026ના રોજ નસવાડી પંથકમાં કુદરતે કહેર વર્તાવ્યો છે. જેમાં નસવાડીના ચામેઠા ગામે ખેતરમાં મકાઈની લણણીનું કામ કરી રહેલા શ્રમિકો પર વીજળી ત્રાટકતા અજય હસમુખભાઈ ભીલનું કરુણ મોત નીપજ્યું છે. આ દુર્ઘટનામાં અન્ય બે વ્યક્તિઓનો આબાદ બચાવ થયો છે.

નસવાડીના ચામેઠા ગામે ખેતરમાં કામ કરતી વખતે વીજળી પડતા યુવકનું મોત

Suspicious Death in Chhota Udepur: છોટા ઉદેપુર જિલ્લાના કવાંટ તાલુકામાં એક યુવાનના મોતના મામલે ભારે રહસ્ય સર્જાયું છે. મુસેટ જામલી ગામનો યુવાન નોકરીએ જવા નીકળ્યા બાદ તેનો મૃતદેહ મળી આવતા પરિવારમાં શોકનો માહોલ છે. પોલીસ આ ઘટનાને પ્રાથમિક દ્રષ્ટિએ અકસ્માત ગણાવી રહી છે, જ્યારે પરિવારે પુત્રની હત્યા કરવામાં આવી હોવાના ગંભીર આક્ષેપો કર્યા છે.

સવારે નોકરીએ નીકળ્યો અને સાંજે લાશ મળી

મળતી માહિતી મુજબ, મુસેટ જામલી ગામનો રહેવાસી નિલેશ જેસિંગ વણકર એક ખાનગી કંપનીમાં નોકરી કરતો હતો.

Sankheda BJP MLA Video Viral: સ્થાનિક સ્વરાજ્યની ચૂંટણીના માહોલ વચ્ચે જનતાનો રોષ નેતાઓ પર ભારે પડી રહ્યો છે. છોટા ઉદેપુર જિલ્લાના સંખેડાના ધારાસભ્ય અભેસિંહ તડવીનો એક વીડિયો સોશિયલ મીડિયા પર વાઈરલ થયો છે, જેમાં તેઓ એક મતદાર સાથે ઉગ્ર દલીલો કરતા અને પિત્તો ગુમાવતા નજરે પડે છે. આયુષ્માન કાર્ડના લાભ મેળવવા બાબતે સર્જાયેલી આ માથાકૂટે રાજકીય ગરમાવો લાવી દીધો છે.

શું હતી સમગ્ર ઘટના?

BJP Suspends 10 Rebels in Chhota Udepur: સ્થાનિક સ્વરાજ્યની ચૂંટણીના ગરમાવા વચ્ચે છોટા ઉદેપુર જિલ્લા ભાજપમાં ભડકો જોવા મળી રહ્યો છે. પક્ષના સત્તાવાર ઉમેદવારો સામે બળવો કરી ફોર્મ ભરનારા વધુ 10 કાર્યકરો અને હોદ્દેદારો સામે જિલ્લા ભાજપે કડક હાથે કામગીરી કરી છે. શિસ્તભંગના આરોપ હેઠળ આ તમામ 10 બળવાખોરોને પક્ષમાંથી 6 વર્ષ માટે સસ્પેન્ડ કરી દેવામાં આવ્યા છે.

કેમ લેવાયા કડક પગલાં?

મળતી માહિતી મુજબ, ભાજપ દ્વારા ટિકિટ ન ફાળવવામાં આવતા પક્ષના જ કેટલાક જૂના જોગીઓ અને કાર્યકરોમાં નારાજગી હતી.

Chaitar Vasava's On BJP: છોટાઉદેપુરના નસવાડી તાલુકાના રાયપુર ખાતે દેડિયાપાડાના ધારાસભ્ય ચૈતર વસાવાની સભામાં હજારોની સંખ્યામાં લોકો ઉમટ્યા હતા. જેમાં રાયપુર ખાતે સભા સંબોધતા ચૈતર વસાવાએ કહ્યું કે, 'ચૂંટણીમાં ભાજપના નેતાઓ પૈસા લઈને આવે ત્યારે તેઓના પૈસા લઈ લેજો, પરંતુ તેઓને મત આપતા નહીં. તેઓ ખેતી કરીને પૈસા લાવ્યા નથી, ભ્રષ્ટાચારના પૈસા છે.'

નસવાડીમાં ચૈતર વસાવાના ભાજપ પર આકરા પ્રહાર

આ ઉપરાંત, વસાવાએ ભાજપના નેતાઓને મંચ ઉપરથી ખુલ્લી ધમકી આપતા કહ્યું કે, 'પાળિયા અને ધારીયા લઈને જે દિવસે ગાંધીનગર પહોંચીશું, ત્યારે તમારી પોલીસ પણ બચાવી નહીં શકે.

Minister Manishaben Vakil Chhotaudepur Visit: ચૂંટણીના માહોલમાં જ્યારે મંત્રીઓ પ્રચાર માટે મેદાનમાં ઉતરે છે ત્યારે જનતાના પાયાના પ્રશ્નો તેમની સામે પડકાર બનીને ઊભા રહે છે. આવું જ કંઈક છોટા ઉદેપુર જિલ્લાના બોડેલી તાલુકાના પાણેજ ગામે જોવા મળ્યું. જિલ્લા અને તાલુકા પંચાયતની ચૂંટણી સભા સંબોધવા આવેલા પ્રભારી મંત્રી મનીષાબહેન વકીલ સમક્ષ ગ્રામજનોએ વર્ષોથી વણઉકલ્યા પ્રશ્નોનો મારો ચલાવ્યો હતો.

ગામ ડૂબે છે, નિકાલ ક્યારે?

પાણેજ ગામના લોકોએ મંત્રીને સીધો સવાલ કર્યો કે ગામ નીચાણવાળા વિસ્તારમાં છે અને રોડ ઊંચો હોવાને કારણે પૂર આવે ત્યારે ગામમાં પાણી ભરાઈ જાય છે.

Chhota Udepur News: નસવાડી તાલુકા શિક્ષણ વિભાગ અને રેવન્યુ રેકોર્ડમાં ભાકા ગામ લખેલું છે, જ્યારે સ્ટેટ આર એન્ડ બી વિભાગે જે વિલેજ બોર્ડ માર્યું છે તેમાં ભાખા ગામ લખેલું છે. બે અલગ અલગ વિભાગોએ ગામના નામના અલગ અલગ બોર્ડ મારેલા છે.

શિક્ષણ વિભાગ અને રેવન્યુ રેકોર્ડમાં ભાકા ગામ જ્યારે સ્ટેટ આર એન્ડ બી વિભાગના બોર્ડમાં ભાખા નામ

છોટા ઉદેપુર જિલ્લાના નસવાડી કવાંટ રોડ ઉપર ભાકા ગામ આવેલું છે. આ રસ્તો સ્ટેટ આર એન્ડ બી વિભાગની માલિકીનો છે.

Worker Dies After Electric Shock In Naswadi: છોટા ઉદેપુર જિલ્લાના નસવાડી તાલુકાના કાંધા ગામે કાળજું કંપાવી દે તેવી ઘટના સામે આવી છે. મકાનના ધાબા પર કામ કરતી વખતે શ્રમિકને માથા પરથી પસાર થતી હાઈ ટેન્શન લાઇનમાંથી જોરદાર કરંટ લાગતા તેનું ધાબા પર જ મોત નીપજ્યું હતું. આ ઘટનાને પગલે ગ્રામજનોમાં વીજ કંપની પ્રત્યે ભારે રોષ જોવા મળી રહ્યો છે.

સાથી શ્રમિકે બચાવવા પ્રયાસ કર્યો પણ કુદરતને કંઈક બીજું જ મંજૂર હતું

મળતી માહિતી અનુસાર, મૃતકની ઓળખ નસવાડી તાલુકાના કાળીદોરી ગામના ખુશાલ રાઠવા તરીકે થઈ છે.

Chhota Udepur Crime News: છોટા ઉદેપુર તાલુકાના કોળી ગામમાં રહસ્યમય સંજોગોમાં એક 65 વર્ષીય વૃદ્ધની લોહીલુહાણ હાલતમાં મૃતદેહ મળી આવતા ચકચાર મચી ગઈ છે. ગામના નિશાળ ફળિયામાં રહેતા વૃદ્ધ પર અજાણ્યા શખસે કુહાડી જેવા તીક્ષ્ણ હથિયાર વડે હુમલો કરી મોતને ઘાટ ઉતારી દીધા હોવાની પ્રાથમિક વિગતો સામે આવી છે.

નિશાળ ફળિયામાં હત્યાથી ખળભળાટ

મળતી માહિતી અનુસાર, મૃતકની ઓળખ 65 વર્ષીય નંદુ રાઠવા તરીકે થઈ છે. સ્થાનિકોના જણાવ્યા અનુસાર, નંદુ રાઠવા પર કોઈ અજાણ્યા શખસે હિંસક હુમલો કર્યો હતો.

Chhota Udaipur BJP List : ભાજપે મોડી રાતે અમદાવાદ, ખેડા અને નડિયાદ બાદ છોટા ઉદેપુર માટે પણ સ્થાનિક એકમની ચૂંટણીના ઉમેદવારોની યાદી જાહેર કરી દીધી. જેમાં છોટા ઉદેપુરની જિલ્લા પંચાયત માટે 32 ઉમેદવારો, તાલુકા પંચાયતો માટ 150 અને નગરપાલિકાના 28 ઉમેદવારોના નામ સામેલ છે. જોઈ લો યાદી  

Chhota Udepur Water Crisis: છોટા ઉદેપુર જિલ્લાના નસવાડી તાલુકાના છેવાડાના રણબોર ગામમાં ઉનાળાની શરૂઆત સાથે જ જળસંકટ ઘેરૂ બન્યું છે. સરકાર દ્વારા નલ સે જલ અને છેવાડાના માનવી સુધી સુવિધા પહોંચાડવાના દાવાઓ વચ્ચે રણબોર ગામના લોકો ટીપું પાણી મેળવવા માટે વલખાં મારી રહ્યા છે. વહીવટી તંત્રની ઘોર બેદરકારી સામે રોષ વ્યક્ત કરવા આજે ગ્રામજનોએ અધૂરી પાણીની ટાંકી પાસે ઢોલ-નગારા વગાડી અનોખો દેખાવો કર્યો હતો.

50 બોર હોવા છતાં ગ્રામજનો તરસ્યા

Chhota Udepur News : રાજ્યમાં સ્થાનિક સ્વરાજ્યની ચૂંટણી માટે આગામી 26 એપ્રિલ, 2026ના રોજ મતદાન થવાનું છે. આ દરમિયાન છોટાઉદેપુર જિલ્લાના કવાંટ તાલુકાના હાફેશ્વરના 4 ફળીયાનો રસ્તો ન બનતા સ્થાનિકોએ ચૂંટણી બહિષ્કારની ચીમકી ઉચ્ચારી છે. જેમાં વન વિભાગ પંચાયત માર્ગ મકાન વિભાગને રસ્તો બનાવવા માટે મંજૂરી ન આપતાં ગ્રામજનોમાં રોષ જોવા મળી રહ્યો છે. સમગ્ર મામલે સ્થાનિકો એકઠા થઈને ચૂંટણી બહિષ્કારની ચીમકી ઉચ્ચારતા તંત્રમાં ખળબળાટ મચી જવા પામ્યો છે. 

છોટાઉદેપુર જિલ્લા પંચાયત માર્ગ મકાન વિભાગ દ્વારા કવાંટ તાલુકાના હાફેશ્વર ગામે તેલીબારી, ઉત્તરદળા પાદર, વાકવી આમ ચાર ફળીયાના રસ્તા બનાવવા માટે મંજૂરી આપી છે.

Model Code of Conduct in Kawant: છોટા ઉદેપુર જિલ્લામાં 32 જિલ્લા પંચાયત બેઠકો અને સાત તાલુકા પંચાયતોની ચૂંટણી જાહેર થતાની સાથે જ સમગ્ર જિલ્લામાં આદર્શ આચાર સંહિતા લાગુ કરી દેવામાં આવી છે. રાજ્ય ચૂંટણી પંચના આદેશ મુજબ જિલ્લા કલેક્ટરે કડક અમલવારી માટે સૂચનાઓ આપી હોવા છતાં, કવાંટ તાલુકામાં અધિકારીઓની ઉદાસીનતાને કારણે આચાર સંહિતા માત્ર કાગળ પર જ હોય તેવું ચિત્ર ઉપસ્યું છે.

અધિકારીઓની નિષ્ફળતા કે મિલીભગત?

મળતી માહિતી અનુસાર, ચૂંટણી પ્રક્રિયાને નિષ્પક્ષ બનાવવા માટે જિલ્લા કલેક્ટરે દરેક તાલુકા મથકે નોડલ અધિકારીઓની નિમણૂક કરી છે. આ અધિકારીઓની મુખ્ય જવાબદારી જાહેર સ્થળો પરથી રાજકીય પક્ષોના હોર્ડિંગ્સ, બેનરો અને ચિન્હો દૂર કરવાની હોય છે.

Naswadi National Highway 56 Canal Issue: છોટા ઉદેપુર જિલ્લાના નસવાડી તાલુકાના ભગવાનપુરા ગામ નજીક નેશનલ હાઈવે 56ને પહોળો કરવાની કામગીરી ખેડૂતો માટે આશીર્વાદને બદલે શ્રાપ સમાન સાબિત થઈ રહી છે. હાઈવેની કામગીરી કરી રહેલા કોન્ટ્રાક્ટર દ્વારા બેદરકારીપૂર્વક નર્મદાની કેનાલો તોડી નાખવામાં આવતા અને તેમાં માટી ભરી દેતા સેંકડો એકર જમીનમાં સિંચાઈનું પાણી મળતું બંધ થઈ ગયું છે. ઉનાળુ પાક તૈયાર થઈ રહ્યો છે ત્યારે પાણી ન મળતા ખેડૂતોનો ઊભો મોલ સુકાઈ જાય તેવી ગંભીર સ્થિતિ સર્જાઈ છે.

જમીન આપવા છતાં ખેડૂતો સાથે અન્યાય

ખેડૂતોના જણાવ્યાનુસાર, વિકાસના કામ માટે તેઓએ પોતાની કિંમતી જમીનો રોડ બનાવવા માટે આપી દીધી છે.

Chhota Udepur illegal Sand Mining: છોટા ઉદેપુરના અછાલા ગામેથી પસાર થતી નદીમાં છેલ્લા કેટલાય સમયથી બેરોકટોક ચાલી રહેલા ગેરકાયદે રેતી ખનનને લઈ ગ્રામજનોમાં ભારે રોષ જોવા મળી રહ્યો છે. સ્થાનિકોનો આક્ષેપ છે કે રેતી માફિયાઓ દ્વારા રાત-દિવસ ટ્રેક્ટરો મારફતે નદીમાંથી રેતીની ચોરી કરવામાં આવી રહી છે. આ બાબતે અવાજ ઉઠાવનારા ગ્રામજનોને રેતી માફિયાઓ જાનથી મારી નાખવાની ધમકી આપી રહ્યા હોવાના આક્ષેપ થઈ રહ્યા છે.

ખેતરો અને પાણીની લાઈનોને મોટું નુકસાન

અછાલાના સ્થાનિક રહેવાસી દિનેશ નાયકના જણાવ્યાનુસાર, રેતી ભરેલા ટ્રેક્ટરો ગ્રામજનોના ખેતરોમાંથી પસાર થાય છે, જેના કારણે ઊભા પાકને વ્યાપક નુકસાન પહોંચી રહ્યું છે.

Sand Mining In Chhota Udepur: છોટાઉદેપુરમાં નગરપાલિકાના વારીગૃહ આસપાસ મોટા પ્રમાણમાં ગેરકાયદે રેતી ખનન કરવામાં આવતું હોવાથી પાણીનું સંકટ સર્જાયું છે. આ મામલે છોટાઉદેપુર નગરપાલિકાના ભાજપના સત્તાધીશોએ વિરોધ નોંધાવીને કલેક્ટરને આવેદન પત્ર આપ્યું છે.

છોટાઉદેપુરમાં થતાં ગેરકાયદે ખનન મામલે વારંવાર રજૂઆત કરવા છતાં રેતી ખનનની પ્રવૃત્તિ બંધ ન થતાં નગરજનોમાં પાણીની મુશ્કેલી ઉભી થઈ છે. નગરના રંગપુર નાકા પાસે તથા ફતેપુરામાં નગરપાલિકાના પાણીના વોટર વર્કસ આવેલા છે, જેની આસપાસ ટ્રેક્ટરો મારફત મોટા પ્રમાણમાં રેતી ખનન થઈ રહ્યું છે.

Chhota Udepur News : છોટાઉદેપુર જિલ્લાના બોડેલી પંથકમાં એક રુંવાડા ઉભા કરી દે તેવી અમાનવીય ઘટના સામે આવી છે. 15થી વધુ અસામાજિક તત્ત્વોના ટોળાએ એક કિન્નરને રસ્તામાં આંતરી, તેને નગ્ન કરી બેરહેમીથી ફટકાર્યો હોવાની ઘટનાથી સમગ્ર જિલ્લામાં ખળભળાટ મચી ગયો છે. આ ક્રૂરતાના વીડિયો સોશિયલ મીડિયામાં વાઈરલ થતા લોકોમાં ભારે આક્રોશ જોવા મળી રહ્યો છે.

ઝંડ હનુમાનથી પરત ફરતી વખતે બની ઘટના

મળતી માહિતી મુજબ, પીડિત કિન્નર કુનાલભાઈ દરજી પંચમહાલ જિલ્લામાં આવેલા સુપ્રસિદ્ધ યાત્રાધામ ઝંડ હનુમાન ખાતે દર્શન કરવા ગયા હતા.