(પીટીઆઇ) કોલકાતા, તા. ૧૯

લાંબા અંતરની ૧૧૪ આર્ટિલરી ગન ધનુષનું નિર્માણ કરવા માટે ભારતીય સેના અને સંરક્ષણ મંત્રાલયે ઓર્ડિનન્સ ફેકટરી બોર્ડ(ઓએફબી)ને મંજૂરી આપી દીધી છે તેમ એક સત્તાવાર નિવેદનમાં જણાવવામાં આવ્યું છે. 

આ પ્રોડક્ટનું નિર્માણ ઓએફબી અને ભારતીય સેનાના સંયુક્ત ઉપક્રમે કરવામાં આવશે. આ ગનમાં ઇનરશિયલ નેવિગેશન આધારિત સાઇટિંગ સિસ્ટમ, ઓટો લેયિંગ ફેસિલિટી, ઓન-બોર્ડ બેલેસ્ટિક કોમ્પ્યુટેશન અને એડવાન્સ ડે એન્ડ નાઇટ ડાયરેક્ટ ફાયરિંગ સિસ્ટમની સુવિધા છે. 

ગોળીબારની ચોકસાઇ વધારવા ધનુષને ઇલેક્ટ્રોનિક રીતે અપડેટ કરવામાં આવી છે. આ ગનના નિર્માણમાં ડીઆરડીઓ, ડીજીક્યુએ, બીઇએલ, સેલ  સહિતના સંરક્ષણ પીએસયુ તથા કેટલીક ખાનગી કંપનીઓએ પણ ધનુષના નિર્માણમાં મહત્ત્વપૂર્ણ ભૂમિકા ભજવી છે.