નવી દિલ્હી, તા. 10 જાન્યુઆરી 2019, ગુરુવાર

મધ્યપ્રદેશના સાતપુડાના વાઘ માટેના અભ્યારણ્યમાં હાલમાં વાઘની વસતી ગણતરી ચાલી રહી છે ત્યારે એક મહિલા ફોરેસ્ટ કર્મચારીએ સમયસૂચકતા વાપરીને પોતાનો અને બીજા બે ચોકીદારોનો જીવ બચાવ્યો હતો.

બન્યુ એમ હતુ કે વાઘની ગણતરી કરવા માટે મહિલા કર્મચારી વાઘના પગલાના નિશાન જોઈને પાછળ પાછળ ગઈ હીત.એક નાળા પાસે જોયુ તો માંડ 8 મીટર દુર વાઘ બેઠો હતો.

વાઘે માણસોની હાજરી જોઈને ત્રાડ પાડી હતી.જોકે મહિલા કર્મી સુધા ધુર્વેએ તાલીમ યાદ કરીને ત્યાં જ વાઘની આંખમાં આંખ મિલાવીને ઉભી રહી ગઈ હતી.વાઘે તેમને ડરાવવા માટે વારંવાર ત્રાડ નાંખી હતી .જોકે સુધા ધુર્વે હિલચાલ કર્યા વગર વાઘ સામે જ જોયા કર્યુ હતુ. લગભગ દોઢ કલાક સુધી આ સ્થિતિ રહી હતી અને એ પછી વાઘ કંટાળીને ચાલ્યો ગયો હતો.

સુધાએ ચોકીદારોને ઈશારો કરીને કહ્યુ હતુ કે જો ભાગવાની કોશિશ કરીશું તો વાઘ હુમલો કરી દેશે.