નવી દિલ્હી, 11 એપ્રિલ 2020 શુક્રવાર

કોરોના વાયરસ રોગચાળોનો સામનો કરી રહેલા વિશ્વમાં મૃતનો સિલસિલો બંધ થવાનું નામ નથી લઈ રહ્યો. કોરોના વાયરસને કારણે મૃત્યુઆંક એક લાખને વટાવી ગયો છે.

નવા આંકડા મુજબ કોરોના વાયરસના ચેપને કારણે 1 લાખ 90 લોકોનાં મોત નીપજ્યાં છે. આંકડા મુજબ આશરે 16 લાખ 38 હજાર અને 216 ચેપના કેસ નોંધાયા છે. લગભગ 3 લાખ 69 હજાર અને 17 લોકો સાજા થયા હોવાનું જાણવા મળે છે.

દિલ્હીમાં આજે કોરોના વાયરસના નવા 183 કેસ નોંધાયા છે. દિલ્હીમાં ઇન્ફેક્શનની કુલ સંખ્યા વધીને 903 થઈ ગઈ છે. 183 નવા કેસોમાં 154 કેસ મરકઝ સાથે સંબંધિત છે. દિલ્હીમાં આજે કોરોના વાયરસના કારણે બેના મોત થયાના પણ સમાચાર છે.

સરકાર દ્વારા એવું કહેવામાં આવ્યું છે કે ચેપને કારણે છેલ્લા 24 કલાકમાં 37 લોકોનાં મોત નીપજ્યાં છે, જ્યારે ચેપનાં 896 નવા કેસ નોંધાયા છે,જ્યારે દેશભરમાં કોરોના વાયરસના કુલ કેસ વધીને 6,671 થયા છે. આરોગ્ય મંત્રાલયે આ માહિતી આપી છે.

કોરોના વાયરસનો સૌથી વધુ પ્રભાવીત રહેલા ઇટાલીમાં 18,849 લોકોએ પોતાનો જીવ ગુમાવ્યો છે. ત્યાંજ અહીં 1,39,422 કેસ નોંધાયા છે.

જ્યારે અમેરિકામાં કોરોના વાયરસને કારણે મૃત્યુ પામેલા લોકોની સંખ્યા વધીને 16,715 થઈ ગઈ છે. અહીં વાયરસના ચેપના લગભગ 4 લાખ 69 હજાર 450 કેસ છે. જોકે, ન્યૂયોર્કમાં મૃત્યુઆંકની સંખ્યામાં ઘટાડો થયો છે.

બ્રિટનમાં આરોગ્ય સચિવએ જણાવ્યું છે કે કોરોના વાયરસથી મૃત્યુ પામેલા લોકોની સંખ્યા 8,958 પર પહોંચી ગઈ છે. 24 કલાકમાં અહીં મોતનાં 980 નવા કેસ નોંધાયા છે.

બ્રિટનના આરોગ્ય સચિવ મેટ હેનકોકે જણાવ્યું છે કે ગત દિવસોમાં બ્રિટનમાં 19,116 લોકોનો ટેસ્ટ કરવામાં આવ્યા હતા, જેમાંથી 5,706 લોકો પોઝિટિવ જોવા મળ્યા છે. સરકારી આંકડા મુજબ બ્રિટનની વિવિધ હોસ્પિટલોમાં આશરે 19,304 લોકો દાખલ છે.