BREAKING : ગાંધીનગરના દશેલા પાસે બની મોટી દુર્ઘટના, કાર તળાવમાં ખાબકતા 4ના મોત, હજુ એકની ચાલી રહી છે શોધખોળ

ગાંધીનગરના દશેલા ગામમાં મોટી દુર્ઘટના બની છે. દશેલા વિસ્તારમાં આવેલા એક તળાવમાં કાર ડૂબી ગઈ હતી. જેને લઈને કારમાં સવાર 5 લોકો પણ ડૂબ્યા હતા, જેમાંથી 4 લોકોના મોત થયા છે. જ્યારે એકની શોધખોળ હજુ ચાલી રહી છે. આ ઘટનાની જાણ થતા ગ્રામજનો અને ગાંધીનગર ફાયર વિભાગની ટીમ આવી પહોંચી હતી. સ્થાનિકોની મદદથી ચાર મૃતદેહ બહાર કઢાયા છે.

મળતી માહિતી અનુસાર, કારમાં 5 લોકો સવાર હતા. રાજસ્થાનથી પરત આવતી સમયે ગઈકાલે કાર રસ્તો ભુલતા તળાવમાં ખાબકી હતી. આમ, આ કાર અકસ્માત થતા પાણીમાં ખાબકી હોવાનું માનવામાં આવી રહ્યું છે. જોકે, કારનો હજુ પતો લાગ્યો નથી.