દીપિકા પાદુકોણની બર્થ ડે પર પ્રશંસકોને ભેટઃ ગેહરાઇયાની રીલીઝ ડેટ જાહેર કરી
Updated: Jan 6th, 2022
- નવી ફિલ્મ ગેહરાઇયાનું વર્લ્ડ પ્રીમિયર 11મી ફેબ્રુઆરીએ યોજાશે
નવી દિલ્હી : દીપિકા પાદુકોણે તેના જન્મદિવસે તેના પ્રશંસકોને ખાસ ભેટ આપી છે. તેમણે પોતાની આગામી ફિલ્મ ગેહરાઇયાની રીલિઝ ડેટ જાહેર કરી છે. તેમણે પોતાની આગામી ફિલ્મની તારીખની છ નવા પોસ્ટર્સ સાથે જાહેરાત કરી છે. આ ફિલ્મનું ૧૧મી ફેબ્રુઆરી ૨૦૨૨ના રોજ વર્લ્ડ પ્રીમિયર થશે. દીપિકાએ પોસ્ટર્સ જારી કરીને લખ્યું હતું કે તમારા બધાની ધીરજ અને ખૂબ જ પ્રેમ માટે. આ ખાસ દિને તમારા બધા માટે વિશેષ ભેટ છે. દીપિકાએ જન્મદિવસના પ્રસંગે ખાસ પાત્રો માટે પોસ્ટર્સની સાથે-સાથે દીપિકા અને સિદ્ધાંતનો હૃદયસ્પર્શી સીન પણ જારી કર્યો છે.
આ ફિલ્મમાં દીપિકા, સિદ્ધાંત ચતુર્વેદી અને અનન્યા પાંડે ખાસ ભૂમિકામાં છે.
તેની સાથે ધૈર્ય કરવા, નસીરૂદ્દીન શાહ અને રજત કપૂરે પણ ફિલ્મમાં મહત્ત્વની ભૂમિકા નીભાવી છે.