મુંબઈ, તા. 20 જૂન 2022 સોમવાર

અનુપમ ખેર અત્યારે પોતાની 525મી ફિલ્મ 'ધ સિગ્નેચર' પર કામ કરી રહ્યા છે. સોમવારે તેમણે પોતાના સત્તાકીય સોશ્યલ મીડિયા એકાઉન્ટ પર ફિલ્મનો ફર્સ્ટ લુક પોસ્ટર શેર કર્યુ છે. પોસ્ટરને શેર કરતા તેમણે જણાવ્યુ કે ફિલ્મનુ શૂટિંગ હવે પૂરુ થઈ ગયુ છે. ફિલ્મના પોસ્ટરમાં અનુપમ ખેરએ બ્લેક પેન્ટની સાથે સફેદ શર્ટ પહેર્યો છે. તેઓ ઘણા થાકેલા જોવા મળી રહ્યા છે. તેમણે ડાબા ખભા પર લટકેલા એક બેગને પકડ્યુ છે જ્યારે બીજા હાથમાં તેમને એક છત્રી પકડેલા જોઈ શકાય છે.

ધ સિગ્નેચરમાં મહિમા ચૌધરી, રણવીર શૌરી, નીના કુલકર્ણી, મનોજ જોશી અને સ્નેહા પોલ પણ છે. ફિલ્મને ગજેન્દ્ર અહિરેએ ડાયરેક્ટ કરી છે અને આના પ્રોડ્યુસર કેસી બોકાડિયા છે. અનુપમ ખેરે ફિલ્મનો ફર્સ્ટ લુક શેર કરતા ખુશી વ્યક્ત કરી છે. તેમણે લખ્યુ, ફર્સ્ટ લુક પોસ્ટર: જણાવતા ખુશી થઈ રહી છે કે અમે અમારી ફિલ્મ ધ સિગ્નેચરનુ શૂટિંગ પૂરુ કરી લીધુ છે.

અનુપમ ખેરે પોતાની ટ્વીટમાં આગળ લખ્યુ, કેસી બોકાડિયાએ આને પ્રોડ્યુસ કરી છે. ગજેન્દ્ર અહિરે આના ડાયરેક્ટર છે. ફિલ્મને અનુપમ ખેર સ્ટુડિયોએ પણ કો-પ્રોડ્યુસ કરી છે. ફિલ્મમાં મહિમા ચૌધરી, અનુ કપૂર અને રણીવર શૌરી પણ છે. આ મહિનાની શરૂઆતમાં, અનુપમ ખેરએ જાહેરાત કરી હતી કે ધ સિગ્નેચર તેમની 525મી ફિલ્મ છે.

અનુપમ ખેરએ ચાહકોનો આભાર વ્યક્ત કર્યો હતો

અનુપમ ખેરે પોતાની સોશિયલ મીડિયા પોસ્ટ પર લખ્યુ હતુ, ''ધ સિગ્નેચર!! મારી 525મી ફિલ્મનુ નામ ફાઈનલ થઈ ગયુ છે. અમને તમારી 1 લાખથી પણ વધારે પ્રતિક્રિયાઓ મળી છે. ફિલ્મ શાનદાર ગજેન્દ્ર અહિરે દ્વારા નિર્દેશિત અને ગ્રેટ કેસી બોકાડિયાજી દ્વારા નિર્મિત છે. અમારી ફિલ્મનુ નામ નક્કી કરવામાં અમારી મદદ કરવા માટે આભાર!! જય હો! #ધ સિગ્નેચર.''

મહિમા ચૌધરીનુ કમબેક

'ધ સિગ્નેચર' સાથે, મહિમા ચૌધરી પોતાના કેન્સરની સારવાર બાદ એક્ટિંગમાં પાછી ફરી રહી છે. અમુક દિવસ પહેલા અનુપમ ખેરએ એક વીડિયો શેર કર્યો હતો જેમાં તેમણે ખુલાસો કર્યો હતો કે તેમને મહિમાના કેન્સરની સારવાર વિશે ત્યારે જાણ થઈ જ્યારે તેમણે 'ધ સિગ્નેચર' માટે તેમનો સંપર્ક કર્યો હતો.