આલિયા ભટ્ટે 'શમશેરા'નું પોસ્ટર શેર કરીને પતિ પર વરસાવ્યો પ્રેમ
Updated: Jun 20th, 2022
- અભિનેત્રીએ હાર્ટ આઈ ઈમોજી સાથે રણબીરનું પોસ્ટર શેર કરતાં લખ્યું હતું કે, 'યે હુઈ ના હોટ મોર્નિંગ...મારો મતલબ છે કે, ગુડ મોર્નિંગ
મુંબઈ, તા. 20 જૂન 2022, સોમવાર
રણબીર કપૂરની ફિલ્મ 'શમશેરા'માંથી તેનો લુક લીક થયા બાદ સોમવારે ઓફિશિયલ પોસ્ટર રિલીઝ કરવામાં આવ્યું છે. લાંબા વાળ, દાઢી, આંખોમાં તેજ રણબીરનો આ તીવ્ર દેખાવ તેનો અત્યાર સુધીનો સૌથી અલગ અવતાર છે. આ લુકથી માત્ર ચાહકો જ નહીં પરંતુ રણબીરની પત્ની અભિનેત્રી આલિયા ભટ્ટ પણ આ લુકથી ખૂબ જ પ્રભાવિત થઈ હતી. આલિયાએ આ અંગે ટ્વિટ કરીને પોતાની પ્રતિક્રિયા આપી છે.
Now that’s a hot morning .. I mean .. good morning 😍😬 pic.twitter.com/JzqdFdlkCb
— Alia Bhatt (@aliaa08) June 20, 2022
અભિનેત્રીએ હાર્ટ આઈ ઈમોજી સાથે રણબીરનું પોસ્ટર શેર કરતાં લખ્યું હતું કે, 'યે હુઈ ના હોટ મોર્નિંગ...મારો મતલબ છે કે, ગુડ મોર્નિંગ.' તે સ્પષ્ટ છે કે, આલિયા પોતાના પતિના આ તીવ્ર દેખાવ પર ફરીથી તેનું હૃદય ગુમાવી બેઠી છે. રણબીરના શમશેરા લુક પર ચાહકો પોઝિટિવ પ્રતિક્રિયાઓ જોવા મળી રહી છે. તે જ સમયે, કેટલાક લોકોએ મજાક કરવાનું બહાનું શોધી કાઢ્યું છે.
- યુઝર્સે આલિયા પર કટાક્ષ કર્યો
એક યુઝરે લખ્યું હતું કે, 'ભારતીય માં: આની શું હાલત છે... વાળંદની દુકાન પર જાઓ અને તેના વાળ કપાવો.' આલિયાના ટ્વીટને પ્રમોશન સ્ટંટ ગણાવતા બીજાએ લખ્યું હતું કે, 'હમણાં પતિ અને પત્ની એકબીજા માટે મફતમાં પેઈડ ટ્વિટ કરશે.' આલિયા અને રણબીરે કટાક્ષ કરીને ચાહકોને જવાબ આપ્યો છે.