અક્ષય કુમાર અને જેકલિન ફર્નાન્ડિસ છઠ્ઠી વાર સાથે કામ કરતા જોવા મળશે
- જોકે હજી આની સત્તાવાર ઘોષણા કરવામાં આવી નથી
Updated: Feb 12th, 2021
(પ્રતિનિધિ દ્વારા) મુબઇ, તા.11 ફેબ્રુઆરી 2021, ગુરુવાર
અક્ષય કુમાર હાલ પોતાની આગામી ફિલ્મ રામસેતુને લઇન ેચર્ચામાં છે. આ ફિલ્મમાં તેની સાથે જેકવેલિન ફર્નાન્ડિસ કામ કરી રહી છે. જોકે સત્તાવાર રીતે આની ઘોષણા કરવામાં આવી નથી. જો આમ થશે તો સૌથી રસપ્રદ વાત એ છે કે, અક્ષય અને જેકલિન છઠ્ઠી ફિલ્મમાં સાથે કામ કરશે.
ફિલ્મ સાથે જોડાયેલા સૂત્રે જણાવ્યું હતુ કે, રામસેતુ ફિલ્મમાં અક્ષય સાથે જેકલિનને સાઇન કરવામાં આવી છે. આ ફિલ્મની વાર્તા અકતા અને ભાઇચારા પર આધારિત છે. જેનું શૂટિંગ અયોધ્યામાં કરવામાં આવશે. આ માટે અક્ષયે ત્યાંના મુખ્યમંત્રી યોગી આદિત્યનાથ પાસેથી પહેલાથી જ મંજૂરી મેળવી લીધી છે.
અક્ષય અને જેકલિને અત્યાર સુધીમાં, હાઉસફુલ, હાઉસફુલ ટુ, હાઉસફુલ ૩, બ્રધર્સમાં સાથે જોવા મળ્યા છે. હવે પછી તે બચ્ચન પાંડેય અને રામસેતુમાં જોવા મળશે.
આ ફિલ્મની ઘોષણા અયે ૨૦૨૦ના દિવાળીના દિવસે કરી હતી. જેનું દિગ્દર્શન અભિષેક શર્મા કરવાના છે.