- તારાપુર-વટામણ હાઇવેની હોટલનો કિસ્સો

- શ્રમ અધિકારીએ તપાસ કરી તારાપુર પોલીસમાં ફરિયાદ નોંધાવી

સુરેન્દ્રનગર જિલ્લાના નાનીયાડી ગામના લીંબાભાઈ રેવાભાઈ ગમારાની તારાપુર-વટામણ હાઈવે રોડ ઉપર કસ્બારા ગામે હોટલ બલદેવ કાઠીયાવાડી (ચોટીલા)વાળા નામે હોટલ આવેલ છે. આ હોટલ પર સગીર વયના બાળકોને બાળ મજૂર તરીકે કામે રાખ્યા હોવાની ફરિયાદસ મળી હતી.

આ મામલે આણંદના  શ્રમ અધિકારીએ સ્થળતપાસ કરતા હોટલમાંથી કામ કરતા બાળમજૂરો મળી આવ્યા હતા. આ બનાવ અંગે શ્રમ અધિકારીએ તારાપુર પોલીસ મથકમાં ફરીયાદ નોંધાવતા પોલીસે હોટલના સંચાલક લીંબાભાઈ ગમારા વિરુધ્ધ ગુનો નોંધી કાયદેસરની કાર્યવાહી હાથ ધરી છે.