Breaking News
.

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ઝાકળ બન્યું મોતી - કુમારપાળ દેસાઈ

પોતે પોતાનું કર્તવ્ય નિભાવવું !

અવધ પ્રદેશના રાજા કરણ અને એના પડોશી રાજા ધુ્રવ વચ્ચે ઘનિષ્ઠ મિત્રતા હતી. એક દિવસ રાજા ધુ્રવ એકાએક પોતાના મિત્ર કરણના મહેલમાં પહોંચી ગયો. રાજા કરણને એના આવવાની કોઈ ખબર નહોતી.
આમ એકાએક પોતાના મિત્ર રાજવીને જોઈને રાજા કરણના આનંદનો પાર ન રહ્યો. કોઈ વસ્તુ અણધારી મળે, ત્યારે એનો આનંદ વધુ છલકાઈ ઊઠે છે.
રાજા કરણે ધુ્રવના સ્વાગતને માટે ખાસ દરબાર ભર્યો, તત્કાળ દરબારીઓને એકઠા કરવામાં આવ્યા, સેનાપતિઓ આવ્યા અને પછી રાજા ધુ્રવના સત્કાર-વિધિનો પ્રારંભ થયો.
રાજા કરણે હોકો લાવવાનું ફરમાન કર્યું અને થોડીવારમાં જ રાજસેવક હાથમાં હોકો લઈને હાજર થયો. પણ એના પગ થંભી ગયા. એ વિચારમાં પડયો કે કોની સામે હોકો મૂકું ? પોતાના રાજા કરણની સામે કે પછી આગંતુક રાજા ધુ્રવની સામે ? રાજા કરણ એ એના અન્નદાતા તો રાજા ધુ્રવ એ એના મહેમાન !
થોડીવાર વિચાર કર્યા પછી રાજસેવકે હોકો પોતાના રાજા કરણની સામે મૂક્યો આ જોઈને રાજા કરણે એ હોકો રાજા ધુ્રવની સામે મૂકવાનો સંકેત કર્યો. પણ રાજસેવક એમનેમ ઊભો રહ્યો તેથી અકળાઈને રાજા કરણે કહ્યું,
'તારામાં કોઈ અક્કલ છે ખરી ! કોઈપણ ચીજ પહેલાં અતિથિને આપવાની હોય. રાજા ધુ્રવ આપણા પરમ મિત્ર અને મહેમાન છે. આવી ભૂલ કેમ કરી ?'
રાજકર્મચારીએ કહ્યું, 'મહારાજ, અતિથિ ધર્મ તો આપે નિભાવવાનો છે. મારું કર્તવ્ય તો આપની સેવા કરવાનું છે અને આપનો હુકમ માથે ચડાવવાનું છે. જ્યારે રાજ્યના મહેમાનની સેવા કરવી એ તો આપનું જ કર્તવ્ય છે.'
આ સાંભળી રાજા ધુ્રવ અત્યંત પ્રસન્ન થઈને બોલી ઊઠયા, 'દરેક વ્યક્તિએ પહેલાં પોતાનું કર્તવ્ય નિભાવવું જોઈએ. આ રાજસેવકનું વર્તન સર્વથા યોગ્ય છે.'
 

Keywords zakal,banyu,moti,

Post Comments