Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

મેનેજમેન્ટ - ધવલ મહેતા

ભારતની કંપનીઓએ હવે આસિયાન દેશોમાં ઉદ્યોગ તેમજ વ્યાપાર માટે ઝંપલાવવું જોઈએ

ભારતનો આસિયાન દેશો સાથેનો વ્યાપાર છેલ્લા ૨૫ વર્ષમાં ૨૫ ગણો વધી ગયો છે. આ વેપાર હજી વધે તે માટે ભારત સરકારે પ્રયત્નો કરવાના છે
 

 

આશિયાન દેશો

વસતી

માથાદીઠ આવક (૨૦૧૬)

૨૦૧૬-૧૭ (નિકાસ)

૨૦૧૬-૧૭ (આયાત)

 

 

 

(કરન્ટ ડોલર્સ)

 

 

૧.

બુ્રનેઇ

૪.૩ લાખ

૨૬,૯૩૯ ડોલર્સ

૪.૩ કરોડ ડોલર્સ

૬૨.૭ કરોડ ડોલર્સ

૨.

કમ્બોડિયા

૧.૬ કરોડ

૧૨૭૦ ડોલર્સ

૧૦.૫ કરોડ

૩.૬ કરોડ ડોલર્સ

૩.

ઇન્ડોનેશિયા

૨૬.૩૯ કરોડ

૩૫૭૦ ડોલર્સ

૩૪૯ કરોડ ડોલર્સ

૧૩.૪૩ કરોડ ડોલર્સ

૪.

લાઓસ

૬૮.૬ લાખ

૨૩૫૩ ડોલર્સ

૨.૫૭ કરોડ ડોલર્સ

૨૦.૭ કરોડ ડોલર્સ

૫.

મલેશીયા

૩.૧૬ કરોડ

૯૫૦૮ ડોલર્સ

૫૨૪ કરોડ ડોલર્સ

૮૯૩ કરોડ ડોલર્સ

૬.

મ્યામાર (બર્મા)

૫.૩૩ કરોડ ડોલર્સ

૧૧૯૬ ડોલર્સ

૧૧૧ કરોડ ડોલર્સ

૧૦૭ કરોડ ડોલર્સ

૭.

ફીલીપીન્સ

૧૦.૪૯ કરોડ

૨૯૫૧ ડોલર્સ

૧૪૮ કરોડ ડોલર્સ

૪૯ કરોડ ડોલર્સ

૮.

સીંગાપોર

૫૭.૧ લાખ

૫૨,૯૬૩ ડોલર્સ

૯૫૬ કરોડ ડોલર્સ

૭૦૯ કરોડ ડોલર્સ

૯.

થાયલેંડ

૬.૯૦ કરોડ

૫૯૧૧ ડોલર્સ

૩૧૩ કરોડ ડોલર્સ

૫૪૨ કરોડ ડોલર્સ

૧૦

વીએટનામ

૯.૫૫ કરોડ

૨૨૧૪ ડોલર્સ

૬૭૯ કરોડ ડોલર્સ

૩૨૧ કરોડ ડોલર્સ

નરેન્દ્ર મોદીએ આશિયાન સંગઠનના દસ દેશો જોડે દ્વિપક્ષીય વ્યાપાર- ઉદ્યોગ અને કનેક્ટીવીટીને વધારવા માટેની પહેલવૃત્તિ દર્શાવી છે. આ આશિયાન દેશોમાં ભારત માટે વ્યાપાર ઉદ્યોગની ઘણી તકો પડેલી જણાય છે. તેમાંના કેટલાક ભારત કરતા માથાદીઠ આવકમાં ઘણાં વધારે છે તો કેટલાક ઓછા છે કેટલાકની વસતી ઘણી ઓછી છે તો કેટલાકની વસતી મોટી છે પરંતુ ભારત કરતા તો ઘણી ઓછી છે.

૧ જુલાઈ ૨૦૧૬ના રોજ ભારતની વસ્તી ૧૩૨.૪૨ કરોડની અંદાજવામાં આવી છે અને ૧ જુલાઈ ૨૦૧૭ના રોજ તે ૧૩૩.૯૨ કરોડ થઈ જે દર્શાવે છે કે માત્ર એક વર્ષમાં ભારતની વસ્તી દોઢ કરોડ વધી ગઈ. યુનાઇટેડ નેશન્સ સ્ટેટીસ્ટીક્સ અનુસાર જગતની કુલ વસ્તી ૧લી જુલાઈ ૨૦૧૬ના રોજ ૭૪૬.૬ કરોડ હતી અને ૧લી જુલાઈ ૨૦૧૭ના રોજ ૭૫૫ કરોડ હતી એટલે કે જગતની વસતીમાં માત્ર એક જ વર્ષમાં ૮.૪ કરોડનો વધારો થયો. વિશ્વની વસ્તી ૨૦૩૦માં ૮૬૦ કરોડ, ૨૦૫૦માં ૯૮૦ કરોડ અને ૨૧૦૦માં ૧૧૨૦ કરોડ થવા સંભવ છે.

અહીં વસતીના આંકડા એટલે દર્શાવ્યા છે કે વસતી નિયંત્રણની બાબતમાં ભારતીયજનોએ કોઈ શિસ્ત બતાવી નથી અને તેથી ભારત જે વૃદ્ધિદરે રાષ્ટ્રીય આવકમાં પ્રગતિ કરે છે તેમાંથી વસ્તી વધારાનો ૧.૨થી ૧.૩ ટકાનો દર બાદ કરવો પડે. પશ્ચિમ જગત શાણું છે તેણે તેની વસ્તી સ્થિર કરી દીધી છે. યુરોપના દેશોમાં સ્ત્રીઓનો ફર્ટિલીટી રેટ માત્ર ૧.૬ છે જે વસ્તી વધારાને શૂન્ય કરે છે અથવા ઘટાડે છે ઓછી વસ્તીને કારણે તેમની જીવનની ગુણવત્તા વધતી જાય છે અને જીવન લાંબુ થતું જાય છે.

ઇ.સ. ૨૦૧૬માં ભારતની માથાદીઠ આવક ૧૭૧૦ ડોલર્સ જ હતી જ્યારે લોકશાહીનો ડોળ કર્યા વિના ચીન તેની માથાદીઠ આવકમાં ૮૧૨૩ ડોલર્સ પર પહોંચી ગયું છે. ચીનનો આર્થિક વિકાસદર ખેતી આધારિત નથી પરંતુ મેન્યુફેક્ચરિંગ આધારિત છે અને સરાસરી ખેતરો ભારતના સરાસરી ખેતરો કરતા પણ નાના છે. છતાં તેનું ખેતી ઉત્પાદન વધારે છે.

જો આર્થિક રીતે ભારતે સડસડાટ આગળ વધવું હોય તો તેણે વ્યાપાર ઉદ્યોગ વધારવા પડશે. ખેડૂતો સતત સરકારી સહાયની માગણીઓ કરે જ જાય છે તેમ છતાં ખેત ઉત્પાદન સરાસરી ૩ ટકાથી વધતુ નથી. ભારતે- વ્યાપાર ઉદ્યોગ તરફી લોબીને ઉત્તેજન આપવું પડશે. આથી ભારતનો આશિયાન દેશોનો વ્યાપાર ભારતના આર્થિક વિકાસ માટે મહત્ત્વનું પાસું છે. યાદ રહે કે છેલ્લા ૨૫ વર્ષોમાં ભારત અને આસિયાનના દસ દેશો વચ્ચે વ્યાપારી સંબંધોમાં ઘણો સુધારો થયો છે. ભારતનો આસિયાન દેશો સાથેનો વ્યાપાર છેલ્લા ૨૫ વર્ષમાં ૨૫ ગણો વધી ગયો છે.

આ વેપાર હજી વધે તે માટે ભારત સરકારે પ્રયત્નો કરવાના છે અને ઇઝ ઓફ ડુઇંગ બિઝનેસના માત્ર ૧૦૦મું નહી પણ પહેલા પચ્ચીસમા સ્થાને પહોંચવાનું છે યાદ રહે કે ઉપરના દસ દેશોમાંથી સીંગાપોર, મલેશિયા, થાયલૅન્ડ વગેરે ઇઝ ઓફ ડુઇંગ બિઝનેસમાં ભારતથી આગળ છે. સીંગાપોર તો ઘણું જ આગળ છે ઉપરના દસ દેશોમાં કેટલાક બૌદ્ધધર્મી છે તો કેટલાક મુસ્લિમ દેશો છે પરંતુ સસ્તી ચીજોના ઉત્પાદનમાં ઘણી કુશળતા દર્શાવી રહ્યા છે વળી આ આશિયન દેશોનું સભ્ય ચીન નથી એટલે આ સંગઠનમાં ચીનના વર્ચસ્વનો (હેજીમોની)નો કોઈ સવાલ ઉઠતો નથી.

ચીનને ભારતના આશિયાન દેશો સાથેના સુધરતા જતા આર્થિક અને વ્યૂહાત્મક સંબંધો પસંદ પડયા નથી. આપણને વ્યાપાર ઉદ્યોગની બાબતોમાં રસ હોવાથી આ દેશો સાથે વ્યાપારી સંબંધો બાંધવા ભારતની કંપનીઓએ કમર કસવી જરૃરી છે. વળી આ દેશો આપણા પાડોશી દેશો હોવાથી વ્યાપાર ઉદ્યોગ કરવામાં વાહન વ્યવહારના ખર્ચો પણ બચે તેમ છે. ખાસ કરીને ભારત ઉપરના દેશો સાથે દરિયાઈ વેપાર વધારવા માંગે છે.

ઇ.સ. ૨૦૧૫-૨૦૧૬ દરમિયાન ભારત અને આશિયાન દેશો વચ્ચે દ્વિપક્ષી વ્યાપાર (નિકાસ વત્તા આયાત) ૬૫.૧ બીલીઅન ડોલર્સ હતો જે ઇ.સ. ૨૦૧૬-૨૦૧૭ દરમિયાન દસ ટકા વધીને ૭૧.૬ બીલીઅન ડોલર્સ થયો પરંતુ આ દસ આશિયાન દેશોનો વિદેશી વ્યાપાર ચીન સાથે અધધધ પ્રમાણમાં વિકસ્યો છે. ઇ.સ. ૨૦૧૬માં આશિયાન દેશો અને ચીન વચ્ચેનો દ્વિપક્ષી વ્યાપાર ૨૫૬ બીલીઅન ડોલર્સ હતો ભારતે આ દસ દેશોના અર્થકારણ અને બજારોનો અભ્યાસ કરીને ઉંડુ માર્કેટ રીસર્ચ કરીને આ દેશોના પોતાના ઉદ્યોગો સ્થાપવા પણ પ્રયત્નો કરવા જોઈએ. નીચેનો કોઠો આશિયાન દેશોની કેટલીક વિગતો પૂરી પાડે છે.

ઉપરનો કોઠો દર્શાવે છે કે માત્ર ૫૭ લાખની વસ્તી ધરાવતું સીંગાપોર (જે સીટી સ્ટેટ છે) તેની માથાદીઠ આવક ૫૨,૯૬૩ ડોલર્સ જેવી અધધ છે અને તેની આયાત અને નિકાસ ગણનાપાત્ર છે. તેની વાર્ષિક ૯૫૬ કરોડની નિકાસ અને ૭૦૯ કરોડની નિકાસ તરફ ભારતે ધ્યાન આપવાની જરૃર છે જેથી ભારત સિંગાપોરમાં નિકાસ વધારો કરી શકે. મલેશિયાની વાર્ષિક આયાત ૮૯૩ કરોડ અને ઇન્ડોનેશિયાની આયાત ૧૩૪૩ કરોડ છે જે દર્શાવે છે કે ભારત માટે અમુક ચીજવસ્તુઓની ઇન્ડોનેશિયા અને મલેશિયામાં નિકાસ કરવાની તકો છે.

થાયલેન્ડની પણ ૨૦૧૬- ૨૦૧૭માં ૫૪૨ કરોડની આયાત હતી જેને પણ ભારત પોતાની નિકાસ પેટે લક્ષ્યાંકિત કરી શકે છે પરંતુ આ દેશોમાં ભારત માટે સૌથી વધારે તકો નવા નવા ઉદ્યોગો સ્થાપવાની છે. અલબત્ત ભારતે સસ્તા માલની અમેરિકા અને પશ્ચિમ જગતમાં નિકાસ કરવા માટે (ખાસ કરીને વસ્ત્રોની) વીએટનામ, ફીલીપાઇન્સ, થાયલેંડ વગેરે સાથે સખત હરીફાઈ કરવી પડે છે તેમ છતાં આ દેશોમાં મજૂરી દર ધીમે ધીમે વધી રહ્યા હોવાથી ભારતનો આ દિશામાં ફાયદો વધી રહ્યો છે.

બાંગ્લાદેશ સાથે પણ ભારત આ બાબતમાં હરીફાઈ કરી રહ્યું છે પરંતુ બાંગ્લાદેશનો આશિયાન દેશોમાં સમાવેશ થતો નથી. ભારત કરતા મ્યાનમાર ગરીબ દેશ છે ત્યાં મીલીટરીએ અનેક  દાયકાઓ સુધી રાજ્ય કર્યું અને ભારતમાં ૧૯૫૧- ૧૯૧૯ના ૪૦ વર્ષ દરમ્યાન જે ઉદ્યોગ વ્યાપાર પર અંકુશની નીતિ હતી તે મ્યામારે ચાલુ રાખી હવે ત્યાં મીલીટરી રાજ્યનો અંત આવતા જો ત્યાંની સરકાર ઉદારીકરણની નીતિ અપનાવે તો ભારતીય ઉદ્યોગોને માટે મ્યામાર (બર્મા)માં મોટી તકો છે આમ પણ ભારત માટે રંગુન અને બ્રહ્મદેશના અન્ય ભાગો પરિચિત જ છે.

વિદેશી વ્યાપાર - વીન વીન સિચ્યુએશન :

દુનિયાના દરેક દેશે હવે એ સમજવાની જરૃર છે કે વિદેશી વ્યાપાર એટલે દેશને નુકસાન અને બીજા દેશને ફાયદો તે માન્યતા સાચી નથી જો વિદેશી વ્યાપાર માટેની 'ટર્મ્સ ઓફ ટ્રેડ' વાટાઘાટો દ્વારા યોગ્ય રીતે ઘડવામાં આવે તો વિદેશી વ્યાપાર વીન- વીન પરિસ્થિતિ સર્જે છે. લુઝ-વીન કે વીન-લુઝ પરિસ્થિતિ સર્જાતી નથી. ભારતની આઇ.ટી. કંપનીઓની યશસ્વી કામગીરીને લીધે જણાયું છે કે, ભારતની આઇ.ટી. કંપનીઓની વિદેશી કામગીરીને લીધે ભારતને અને પશ્ચિમ જગતને બન્નેને ફાયદો થયો છે.

આશિયાન દેશો સાથે વ્યાપાર ઉદ્યોગની સ્થાપના માટે એક વાત ધ્યાનમાં રાખવાની છે કે મોટા ભાગના દેશોમાં ભારત જેવી લોકશાહી નથી. મ્યામાર વર્ષો પછીની મીલીટરી હકુમતથી હમણાં જ મુક્ત થયું છે. બુ્રનેઇમાં અબાધિત સુલતાનશાહી છે તો વીએતનામમાં ૧૯૭૫ સુધી સિવિલ યુદ્ધો વધારે થયા હતા અને ૧૯૭૫માં જ ઉત્તર અને દક્ષિણ વિએટનામ ભેગા થયા અત્યારે ત્યાં સામ્યવાદી શાસન છે

પરંતુ ભારતનું અર્થકારણ નિકાસલક્ષી છે એક જમાનામાં ભારતથી પણ ગરીબ થાયલેંડની આવક ભારતની માત્ર ૨૦૧૬માં ૧૭૧૦ (કરન્ટ યુ.એસ.) ડોલર્સની અને ચીનની ૮૧૨૩ (કરન્ટ યુ.એસ.) ડોલર્સની સરખામણીમાં ૫૯૧૧ ડોલર્સ છે જે ભારતની માથાદીઠ આવકથી વધારે છે પરંતુ ચીનની માથાદીઠ આવકથી ઓછી છે ૨૬ કરોડની વસતીથી ખદબદતું ઇન્ડોનેશિયા પણ તેની ૩૫૭૦ ડોલર્સની માથાદીઠ આવક સાથે ભારતથી આગળ છે અને ભારતથી તેની માથાદીઠ આવક બે ગણાથી પણ વધારે છે.
ભારતે આશિયાન દેશો સાથે સહકાર વધારવા શું કરવું ?

આદેશો સાથે વ્યાપાર- ઉદ્યોગ વધારવા ભારતીય ઉદ્યોગકારો અને વેપારીઓને ખાસ પ્રોત્સાહનો આપો.

આશિયાન યુનિવર્સિટી શરુ કરો :

આ દેશોમાં આવેલી ભારતીય એમ્બેસીઓના સુષુપ્ત ટ્રેડ ડેલિગેશનને જાગૃત કરો તેઓ ભારતીય ઉદ્યોગો વ્યાપારીઓને સામે ચાલીને મળે તે માટેની વ્યવસ્થા ગોઠવો. એક મુદ્દાની વાત એ છે કે ભારતે જ્યા હજાર એકર ખુલ્લી જમીન મળે ત્યાં આશિયાન દેશો માટે (ભલે ભારત આશિયાનનું સભ્ય નથી) યુનિવર્સિટી સ્થાપી આ દેશોના દર વર્ષે ઓછામાં ઓછા દરેક દેશના ૨૫૦ સ્નાતક થયેલા વિદ્યાર્થીઓને બોલાવીને બીઝનેસ કે ટેકનિકલ ડીગ્રી પ્રોગ્રામ શરુ કરવાની જરૃર છે ગુજરાત આની પહેલ કરી શકે છે. આ યુનિવર્સિટીમાં દસ દેશોના દસ ભાષાઓના વિદ્યાર્થીઓ ભણાવવાનું ખર્ચાળ સાબિત થઈ શકે છે. તેથી માત્ર અંગ્રેજી ભાષામાં જ તેમને ભણાવી શકાય તેવો પ્રબંધ કરવાનો છે. ભારત આ માટે સજ્જ છે.
 


For more update please like on Facebook and follow us on twitter

http://bit.ly/Gujaratsamachar

https://twitter.com/gujratsamachar

 

Post Comments