Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ફયુચર સાયન્સ - કે.આર.ચૌધરી

એલિયન - પરગ્રહવાસીનું આખરી સત્ય શું છે ?

આપણાં પુરાણ અને શાસ્ત્રમાં ચૌદ લોકની વાત આલેખાયેલ છે. અહીં લોકનો અર્થ વિવિધ ગ્રહ પર વિકસેલ જીવસૃષ્ટિ એમ કહી શકાય.

પૃથ્વી પર આપણે સંદેહે વસીએ છીએ. જેને દુર્લભ અકસ્માત ગણીએ તો, બ્રહ્માંડમાં પણ આવા દુર્લભ અકસ્માત અસંભવ નથી એમ આપણો અનુભવ જણાવે છે. શું આખરે અન્ય ગ્રહ પર સજીવ સૃષ્ટિ છે ? હોય તો ? મનુષ્યને, મનુષ્ય કરતાં વધારે આગળ વધેલ હોય તેવી જીવ સૃષ્ટિની તલાશ છે.

સવાલનો જવાબ 'યસ' આપવાનો હોય તેમ, ખ્યાતનામ વૈજ્ઞાાનિક સ્ટીફન હોકીંગ દ્વારા સ્થાપવામાં આવેલ ''બ્રેક થુ્ર લીસન'' પ્રોજેક્ટમાં ખગોળશાસ્ત્રીઓને ખાસ પ્રકારનાં રેડિયો તરંગો, તેમનાં ઉપકરણોમાં જણાયા છે. આ તરંગોને ટેકનીકલી ફાસ્ટ રેડિયો બસ્ટ કહે છે. જે માત્ર થોડી મિલી સેકન્ડ માટે મળ્યા હતાં. આ પ્રોજેક્ટ સ્ટીફન હોકીંગ અન્ય વૈજ્ઞાાનિકો અને અબજોપતિ રશીઅન બિઝનેસમેન યુરી મિલ્નર દ્વારા શરૃ કરવામાં આવ્યો છે.

તાજેતરમાં ડેટન, ઓહીયો ખાતે આવેલ રાઇટ-પેટરસન એરફોર્સ બેઝ (WPAFB)નો ઈજનેર રેમન્ડ ઝીમાન્સ્કીએ ખુલાસો કર્યો હતો કે ''૧૯૪૭માં બનેલ ૧૯૪૭ રોસવેલ યુફો ક્રેસ''ની ઘટનામાંથી પરગ્રહવાસીને એરફોર્સનાં બેઝ પર સંશોધન માટે લાવવામાં આવ્યા હતાં.'' રોઝવેલ યુફો ક્રેસ ઘટના શું છે ? એલીયન એટલે કે  પરગ્રહવાસીનું આખરી સત્ય શું છે ?

બ્રેક થુ્ર લીસન મિશન : પરગ્રહવાસીનો અવાજ સાંભળી શકાશે ?

છેલ્લા છ દાયકાથી પ્રોજેક્ટ 'સેટી' દ્વારા પરગ્રહની રેડિયો સીગ્નેચર શોધવાનાં વૈજ્ઞાાનિકો પ્રયાસ કરી રહ્યાં હતાં. જોકે પ્રોજેક્ટ સેટી પૂર્ણ થયેલ છે. છેલ્લા કેટલાક વર્ષોમાં રશીઅન અબજોપતિ મિલ્નરે બ્રેક થુ્ર ઈનીશીએટીવ ફાઉન્ડેશન દ્વારા અનેક પ્રોજેક્ટ શરૃ કર્યા છે. જેમાંનો એક પ્રોજેક્ટ, ''બ્રેક થુ્ર લીસન મિશન'' છે. તાજેતરમાં અમેરિકાનાં વેસ્ટ વર્જીનીયા ખાતે આવેલ ''ગ્રીન બેંક ટેલીસ્કોપ'' દ્વારા લેટેસ્ટ રેડિયો સીગ્નલ્સ પકડી પાડવામાં આવ્યાં છે. જે પરગ્રહવાસી લોકોનાં સીગ્નલ હોવાની શક્યતા વૈજ્ઞાાનિકો વિચારી રહ્યાં છે.

૩ અબજ પ્રકાશવર્ષ દૂર આવેલી વામન આકાશ ગંગા / ક્વાર્ફ ગેલેક્સી તરફથી આવતાં ૧૫ જેટલાં ''ફાસ્ટ રેડિયો બર્સ્ટ સીગ્નલ સોર્સ'' ખગોળશાસ્ત્રીઓએ નોંધ્યા છે. આ સંશોધન પહેલાં પણ ૧૫ જેટલાં રેડિયો સીગ્નલ્સ બ્રહ્માંડમાં અન્ય સ્થળેથી આવતાં હોવાનું વૈજ્ઞાાનિકોએ પકડી પાડયાં હતાં. હાલમાં જે સીગ્નલો વૈજ્ઞાાનિકોએ ઝડપ્યા છે તેને  FRB-121102 નામ આપવામાં આવ્યું છે કારણ કે આ સ્થાનેથી ૨૦૧૨માં FRB પકડી પાડવામાં આવ્યા હતાં.

શરૃઆતમાં વૈજ્ઞાાનિકો માનતા હતા કે આવા સીગ્નલો દૂર અંતરીક્ષમાં થઇ રહેલ વિનાશકારી ઘટનાનાં સાક્ષી હશે. ''સુપર નોવા'' જેવા તારાંનાં વિસ્ફોટ દ્વારા થતાં મૃત્યુમાં પણ આવા સીગ્નલો છૂટે છે. પરંતુ, આજ સ્થાનેથી ૨૦૧૫ અને ૨૦૧૬માં ફરીવાર આવા સીગ્નલો પ્રાપ્ત થતાં ખગોળશાસ્ત્રીઓને પોતાની માન્યતા  બદલવા મજબૂર થવું પડયું છે.

એક નવા પ્રયોગમાં યુનિ. ઓફ કેલિફોર્નિયા બર્કલે દ્વારા આ ડ્વાર્ફ ગેલેક્સી ઉચ્ચ તરંગ લંબાઇ પર સ્કેન કરતાં ૧૫ જેટલા FRB  ઝીલવામાં આવ્યા હતા. આ સીગ્નલ વિશે વિચારીએ તો, આવા સીગ્નલ ખૂબ જ વધારે ચુંબકીય ક્ષેત્ર ધરાવતાં ઝડપી ધરીભ્રમણ કરતાં ન્યુટ્રોન સ્ટાર્સમાંથી પણ મુક્ત થઇ શકે છે. સીગ્નલ જો પરગ્રહવાસીનાં હોય તો, સૂર્યમાળા જ્યારે બે અબજ વર્ષની ઉંમરે પહોંચી હશે ત્યારે આ સીગ્નલો મુક્ત થયા હશે જે હવે પૃથ્વીવાસી જીવી રહ્યા છે.

આ સેટરનાં ડૉ. વિશાળ ગજ્જર કહે છે કે ''આપણી પાસે ૨૦ સ્ત્રોત છે. જેમાંથી માત્ર એક જ સ્ત્રોત તેનાં સીગ્નલો પુનરાવર્તીત કરે છે. બીજી પરગ્રહવાસી સભ્યતા આવા સીગ્નલને પેદા કરી શકે છે. જો કે સ્ત્રોત કરતાં પરગ્રહવાસીને લગતી થીયરી અને સવાલો આપણી પાસે વધારે છે. જ્યારે સંશોધનનો સ્ત્રોત એક જ છે.''

૫૦ શેડ્સ ઓફ ગ્રે : રહસ્ય પરથી પડદો ઉઠાવે છે !

એક નિવૃત્ત એરફોર્સનાં એન્જીનીયરની લેટેસ્ટ પ્રેસ કોન્ફરન્સ અને પુસ્તક પ્રકાશન વેળા થયેલ રહસ્યોદઘાટન પ્રમાણે ''ઓહિયોનાં ડેટન ખાતે આવેલ અમેરિકન એરફોર્સ બેઝની ગુપ્ત ટનલમાં આવતાં અને મૃત પરગ્રહવાસીને સંતાડવામાં આવ્યા છે. ૧૯૪૭માં થયેલ રોસવેલ યુફો ક્રેસ ઘટનામાંથી લશ્કરે ઘાયલ જીવતાં અને મૃત પરગ્રહવાસીને ઉપાડીને એરફોર્સ બેઝ પર લાવ્યા હતાં. રેમન્ડ ઝીમાન્સ્કી નામનાં ઈજનેરે એરફોર્સ માટે ૩૯ વર્ષ સેવા આપીને હવે નિવૃત્ત જીવન વિતાવે છે.

પૃથ્વી પર ખાબકેલ ઉડતી રકાબીનાં પરગ્રહવાસીને રાઈટ પેટરસન એરફોર્સ બેઝ પર તાત્કાલીક ખસેડી લેવાયા હોવાનું રેમન્ડ ઝીમાન્સ્કી જણાવે છે. તેણે કહ્યું હતું કે તેનાં ઉપરી અધિકારી અને શુભેચ્છકે કહ્યું હતું કે ''એરફોર્સ બેઝમાં'' ગુપ્ત ટનલની આખી ટનલ બનાવાયેલી છે. જ્યાં પરગ્રહવાસીને રાખવામાં આવ્યા છે. ૧૯૪૭માં રોસવેલ ઘટનામાં મળેલ ઉડતી રકાબી / મશીન અને પરગ્રહવાસીને નિરીક્ષણ અને સંશોધન માટે બેઝની ગુપ્ત ટનલમાં રાખવામાં આવતા હતાં. મૃત્યુ પામેલ પરગ્રહવાસીનાં શરીરને ચીરફાડ કરી સંશોધન કરવામાં આવ્યું હતું.

૨ જુલાઇ ૧૯૪૭નાં રોજ એક ઉડતી રકાબી / યુફો ન્યુ મેક્સીકોનાં રોસવેલ ટાઉન પાસે તૂટી પડી હતી. આ ઘટનાને ૭૦ વર્ષ થઇ ગયાં છે. અમેરિકન કાયદા પ્રમાણે ૬૦ વર્ષે ગુપ્ત દસ્તાવેજોને લોકો સમક્ષ મૂકવામાં આવે છે. રોઝવેલ ઘટનાનાં દસ્તાવેજો પણ નેશનલ આર્કાઇવ્ઝ દ્વારા ખુલ્લા મૂકવામાં આવ્યા છે. પરંતુ તેમાંથી 'સત્ય' છુપાવી  દેવામાં આવ્યું હોય તેવું લાગે છે.

૨૦૧૨માં અમેરિકાની સેન્ટ્રલ ઈન્ટેલીજન્સ બ્યુરોમાં લાંબી સેવા આપનાર એજન્ટે રોસવેલ ઘટનાની ૬૫મી વર્ષગાંઠે જાહેર કર્યું હતું કે ''સીઆઈએની ગુપ્ત ફાઇલમાં રોસવેલ ઘટનાનો ઉલ્લેખ છે. અને ઘટના ખરેખર બની હતી.'' કોન્સીરેસી થિયરીમાં માનનારાં લોકો કહે છે કે તૂટી પડેલ ઊડતી રકાબીનાં દરેક ભાગ છૂટા પાડી તેમાં વપરાયેલ ટેકનોલોજી શોધી કઢવામાં આવી હતી. અમેરિકાની આધુનિક ટેકનોલોજી રકાબીનાં આંતરીક ભાગમાંથી જ મેળવવામાં આવી છે.

સીઆઈએમાં ૨૫ વર્ષ સેવા આપનાર ચેઝ બ્રાન્ડન કહે છે કે ''એજન્સીની લાગ્લે ખાતે આવેલ હેડ ક્વાર્ટરમાં આવેલ ગુપ્ત વૉલ્ટમાં રોઝવેલની માહિતી છુપાવી રાખવામાં આવી છે. રોઝવેલ ઘટના અને યુફોને લગતી બુક'' ૫૦ શેડ્સ ઓફ ગ્રે રેમન્ડ ઝીમાન્સ્કીએ પ્રકાશિત કરી છે. એરફોર્સ બેઝનાં લોકો પરગ્રહવાસીને ''ગ્રે'' તરીકે ઓળખાવતાં હતાં.

ધ રોઝવેલ એક્સીડેન્ટ : ખરેખર ઉડતી રકાબી તૂટી પડી હતી?

રોઝવેલ ડેઈલી રેકોર્ડ ન્યુઝપેપરની ૮ જુલાઈ ૧૯૪૭ની આવૃત્તિમાં એરફોર્સ દ્વારા રોઝવેલની રૌચ પાસે તુટી પડેલ ઉડતી રકાબી/યુફો કબજે કરવાના સમાચાર પ્રસિધ્ધ થયા હતા. વિલીયમ બ્રાઝેલ નામનાં ફોરમેને, ૧૪ જુલાઈના રોજ ન્યુ મેક્સીકોના રોસવેલથી ૫૦ કી.મી. દુર તુટી પડેલ યુફોનો કેટલોક ભંગાર જોયો હોવાના અહેવાલ પણ આવ્યા હતા. રોઝવેલના લશ્કરી પ્રવક્તાએ જાહેરાત કરી હતી કે, ''ગઈકાલે ઉડતી રકાબી જોઈ હોવાની ઘણી બધી અફવાઓ ફેલાઈ હતી.

જે આજે હકીકતમાં ફેરવાઈ ગઈ છે. એરફોર્સની આઠમી ટુકડીના ૫૦૯ બોમ્બ ગુ્રપના ઈન્ટેલીજન્સ ઓફીસર તુટી પડેલ ઉડતી રકાબી/યુફોને કબજે કરવામાં નસીબદાર સાબીત થયા છે.'' અને હેડલાઈનમાં સમાચાર ચમક્યા કે ''ફ્લાઈંગ ડિસ્ક કોચ બાય એરફોર્સ'' બરાબર ૨૪ કલાક બાદ, લશ્કર તેમની સ્ટોરી બદલીને નવી જાહેરાત કરે છે.

રોઝવેલ ખાતે તુટી પડેલ મનાતી ઉડતી રકાબી ખરેખર તો, પ્રોજેક્ટ મોગલમાં વાપરવામાં આવેલ હવામાન સંબોધન માટેનું બલુન હતું. જેની સાબીતી સ્વરૃપે લોકો સામે ફોઈલ, રબર અને લાકડાનો કાટમાળ રજુ કરવામાં આવે છે. ઈતિહાસકાર રોબર્ટ ગોલ્ડબર્ગ નોંધે છે કે, ''સરકારને જે અસર પેદા કરવી હતી, તે પેદા થઈ જાય છે. બીજા દિવસથી ઉડતી રકાબી તુટી જવાની ઘટના લોકમાનસમાંથી ગાયબ થઈ જાય છે.'' કદાચ સરકાર કોઈ સત્ય  છુપાવી રહી હતી.

આ ઘટના બની ત્યારે, શેરીફ જેસ સ્લોટર અને ડેપ્યુટી શેરીફ ચાર્લ્સ ફોગસ એક કેદીને લેવાં રોઝવેલ તરફથી જ જઈ રહ્યા હતા. તેમનાં પોલીસ રેડિયોમાં યુફો તુટી પડવાના મેસેજ તેઓ સાંભળે છે.

બંને લોકો ઘટનાસ્થળે પહોંચીને સમગ્ર ઘટનાનાં સાક્ષી બને છે. ડેપ્યુટી શેરીફ ચાર્લ્સ ફોગસ ઘટનાનાં વર્ષો બાદ જાહેર કરે છે કે ઘટના સ્થળે પહોંચ્યા ત્યાં લશ્કરના ૪૦૦ જેટલાં સૈનિકો તહેનાત હતાં. નજીકમાં તુટી પડેલ ઉડતી રકાબી હતી. લશ્કરી અધિકારીઓ પરગ્રહવાસીના શરીર ઘટનાસ્થળેથી દુર કરી રહ્યાં હતાં. લગભગ ચાર જેટલાં પરગ્રહવાસીઓના શરીર લઈ જવામાં આવ્યા. તેમના શરીર ઢાંકેલા હતાં. પણ પગ દેખાતા હતા. જે મનુષ્યને મળતા આવતા હતા.

રકાબીનો વ્યાસ લગભગ ૧૦૦ ફૂટ જેટલો હતો. પરગ્રહવાસીનાં શરીરનો રંગ ઘેરો કથ્થઈ હતો. જાણે સુર્યનાં તડકા વધારે રહ્યા હોય. બે ટ્રકમાં પરગ્રહવાસી જેની સંખ્યા ૩-૪ હતી તેને લઈ જવામાં આવ્યા. ૨૦ મીનીટ બાદ તેમને ઘટનાસ્થળ છોડી દેવાની સુચના આપવામાં આવી. તેઓ પાછા કેદી લેવાની કામગીરીમાં લાગી ગયા.

સત્ય કે અર્ધસત્ય?

બીજા વિશ્વયુધ્ધ સને ૧૯૫૦નાં દાયકામાં પ્રથમવાર ઉડતી રકાબીઓ જોવા મળી હોવાનાં અસંખ્ય અહેવાલો આવવા લાગ્યા હતાં. બીજા વિશ્વયુધ્ધ દરમ્યાન પરમાણુ શસ્ત્ર બનાવવાની અને નવા ઝડપી વિમાનો બનાવવાની હરીફાઈ પણ ચરમસીમા ઉપર હતી. રશીયા પરમાણુ પરીક્ષણ કરે છે કે કેમ તે જાણવા માટે અમેરીકાએ ખાસ પ્રકારનાં વેધર બલુન વિવિધ સેન્સર સાથે આકાશમાં ખુબજ ઊંચાઈ પર ચડાવ્યા હતાં. રોઝવેલની ઘટના ભુલાઈ ચુકી હતી.

આ દરમ્યાન અમેરિકન એરફોર્સ દ્વારા અનઆઈડેન્ટીફાઈડ ફ્લાઈંગ ઓબ્જેક્ટ યુફોના પધ્ધતિસરનાં અભ્યાસ માટે પ્રોજેક્ટ મુકવામાં આવ્યા. પહેલો પ્રોજેક્ટ, પ્રોજેક્ટ સાઈન હતો. જે ૧૯૪૭માં થયેલ ઘટનાઓનો અભ્યાસ ૧૯૪૮માં કરીને ૧૯૪૯માં પોતાનો રિપોર્ટ આપે છે. આ રીપોર્ટનાં પરિણામો ૧૯૫૬માં કેપ્ટન એડવર્જ જે. રૃપેલ્ટના પુસ્તક પરથી મળે છે. ૧૯૬૧માં તેનાં દસ્તાવેજો લોકો સમક્ષ મુકવામાં આવે છે.

બીજો પ્રોજેક્ટ ગુડજ, ૧૯૪૯માં પુરો કરવામાં આવે છે. ત્યારબાદ ત્રીજો અને આખરી 'પ્રોજેક્ટ બ્લ્યુ બુક' અમલમાં મુકવામાં આવે છે. જેને જાન્યુઆરી ૧૯૭૦માં પુરો થયેલ જાહેર કરવામાં આવે છે. આ પૃથ્થકરણોમાં ડો. જોસેફ એલન હાયનેક જેવા ખગોળશાસ્ત્રી ભાગ લે છે.

શરૃઆતમાં તેઓ 'યુફો'માં માનતા હોતા નથી. પરંતુ વૈજ્ઞાાનિક અભ્યાસ બાદ તેઓ UFO અભ્યાસને રિસર્ચ કરીને ખ્યાતનામ 'યુફોલોજીસ્ટ' તરીકે જાણીતા બને છે. ૧૯૭૮માં ન્યુક્લીઅર ભૌતિકશાસ્ત્રી સ્ટેનન ટી. ફાઈડમેન રોઝવેલ ઘટના સાથે સંકળાયેલ જેમી માર્સેલનો ઈન્ટરવ્યુ લે છે અને રોઝવેલ કેસ ફરી ચર્ચાસ્પદ બને છે.

૧૯૬૮માં કોન્ડોન રિપોર્ટ રજૂ થયા બાદ ડિસે. ૧૯૬૯માં પ્રોજેક્ટ બ્લ્યુ બુક સમાપ્તિની ઘોષણા થાય છે. રિપોર્ટમાં ૧૨૬૧૮ ઘટનાઓની તપાસ કરવામાં આવે છે.  જેમાંની ૧૦% જેટલી ઘટનાઓ પ્રો. હાયનેક જેવા વૈજ્ઞાાનિકને મુંઝવે તેવી અને યુફોનાં અસ્તિત્વને સાચી પુરવાર કરે તેવી હતી. જેનો તાગ કે રહસ્ય ઉકેલી શકાયું નથી.

યુફોની વધતી લોકપ્રિયતા વચ્ચે જે.એલન હાયનેક, પરગ્રહવાસી અને યુફોને લગતો હાયનેક સ્કેલ આપે છે. તે સ્કેલનાં એક અંક ક્લોઝ એનકાઉન્ટર ઓફ થર્ડ કાઈન્ડ પરથી સ્ટીવન સ્પીલબર્ગ ફિલ્મ બનાવે છે. ફિલ્મનાં એક દ્રષ્યમાં પ્રો. જે. એલન હાયનેક પણ દેખાય છે.
 

Post Comments