Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

GST વધી જતાં વીમાના પ્રીમિયમ ૩ ટકા ઊંચા જશે

- ફાઈનાન્શિયલ અને બૅન્કિંગ સર્વિસ પરના દર વધારીને ૧૮ ટકા કરી દેવાનો નિર્ણય લેવાયો

(પ્રતિનિધિ તરફથી) અમદાવાદ, તા. 19 મે, 2017,  શુક્રવાર
 
સામાન્ય વીમાના પ્રીમિયમ પર લેવામાં આવતા સર્વિસ ટેક્સનો દર ૧૫ ટકા છે તે વધારીને ૧૮ ટકા કરવાનો નિર્ણય લેવામાં આવ્યો છે. પરિણામે મેડિક્લેઈમ, કાર ઇન્સ્યોરન્સ, એક્સિડન્ટ પોલીસી સહિતની તમામ પોલીસીના પ્રીમિયમના દરમાં ત્રણ ટકાનો વધારો થઈ જશે. જીવન વીમા પર અત્યારે ૩.૭૫ ટકાના દરે સર્વિસ ટેક્સ લેવામાં આવે છે. જીવન વીમા પર હવે પછી કયો દર લાગુ પડશે તે અંગે સ્પષ્ટતા કરવામાં આવી નથી. બહુધા તેમાં વધારો ન થવાની સંભાવના હોવાનો તર્ક કરવામાં આવી રહ્યો છે.
 
બૅન્કિંગમાં અત્યારે લોકર, ડ્રાફ્ટ ને પે ઓર્ડર તૈયાર કરવા, એલ.સી. ઇશ્યૂ કરવી, સ્ટોક ઇન્સ્પેક્શન કરવી અને મની ટ્રાન્સફર સહિતની જુદી જુદી સેવાઓ પૂરી પાડે છે. આ તમામ સેવાઓ પર ૧૮ ટકાના દરે ગુડ્સ એન્ડ સર્વિસ ટેક્સ લેવામાં આવશે કે કેમ તે અંગે અત્યારે સ્પષ્ટ ચિત્ર ઉપસતું નથી. અત્યારે આ સેવાઓ પર જુદા જુદા દરે સર્વિસ ટેક્સ લેવામાં આવે છે.
 
બૅન્કિંગની માફક ફાઈનાન્શિયલ સર્વિસ પરના દર પણ ૧૮ ટકા કરવાનો નિર્ણય લેવામાં આવ્યો છે. જીએસટીની નવી અમલમાં આવનારી વ્યવસ્થા હેઠળ ટેલિફોનના કુલ બિલની રકમ પર ૧૮ ટકાના દરે ગુડ્સ એન્ડ સર્વિસ ટેક્સ લગાડવામાં આવશે. જીએસટીના આ દરની કંપનીઓ પર અને ગ્રાહકો પર અલગ અલગ અસર પડશે.
 
GSTના અમલ પહેલા દર બદલનાર વેપારી દંડાશે
ગુડ્સ એન્ડ સર્વિસ ટેક્સના નવા દર આવ્યા હોવાથી ઊંચા દરનો લાભ વહેલો લઈ લેવાના ઇરાદાથી જો કોઈ વેપારી જીએસટીના અમલીકરણ પહેલાથી જ આ વેરો વસૂલવાનું ચાલુ કરી દેશે તો તેમની સામે કડકમાં કડક પગલાં લેવાની ચેતવણી મહેસૂલ સચિવ હસમુખ અઢિયાએ આપી છે. તેમને જીએસટી તંત્રના અધિકારીઓ બોલાવીને પૂછપરછ પણ કરશે અને તેમની સામે કાયદેસર પગલાં પણ લેવાશે.
 

Post Comments