Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

રામ રહિમ સિંઘઃ બાબાની 'બેટી' ઉપર લાગ્યા દેશદ્રોહના આરોપ

- હનીપ્રીત ઈન્સાન વિરૂધ્ધ લૂક આઉટ નોટીસ જાહેર કરી

- હરિયાણામાં હિંસા ભડકાવવા માટે જવાબદાર

નવી દિલ્હી, તા. 1 સપ્ટેમ્બર 2017, શુક્રવાર

ગુરમીત રામ રહીમ બાદ હવે તેની દત્તક પુત્રી હનીપ્રીત ઈન્સાન પર પણ ધરપકડની તલવાર લટકી રહી છે. હનીપ્રિત વિરુદ્ધ પંચકુલા પોલીસે લૂક આઉટ નોટિસ જારી કરી છે. હનીપ્રીત અને ડેરાના પ્રવક્તા આદિત્ય ઈંસા સહિત ત્રણ લોકો વિરુદ્ધ પોલીસે લૂકઆઉટ નોટિસ કાઢી છે. આ નોટિસ નીકળતા જ હવે આ લોકો દેશ છોડીને જઈ નહીં શકે. દેશના તમામ એરપોર્ટ, રેલવે સ્ટેશન સહિત પ્રમુખ સ્થાનો પર એલર્ટ જારી કરી દેવાયું છે. પોલીસને આશંકા છે કે હનીપ્રીત અને આદિત્ય ઈંસા વિદેશ ભાગી શકે છે.

મળતી માહિતી મુજબ પંચકુલા પોલીસે હનીપ્રીત પર દેશદ્રોહનો કેસ દાખલ કર્યો છે. આ સાથે જ હનીપ્રીત પર રામરહીમને કોર્ટમાંથી ભગાડવાના કાવતરામાં સામેલ થવાનો પણ આરોપ છે. હનીપ્રીત પર આરોપ છે કે પંચકુલમાં હિંસા ભડકાવવામાં તેનો પણ હાથ છે. પંચકુલાના ડીસીબી મનબીર સિંહે લૂકઆઉટ નોટિસના અહેવાલને સમર્થન આપ્યું છે. પોલીસ આ તમામની પૂછપરછ કરવા માગે છે, પરંતુ રામ રહીમના જેલમાં ગયા બાદ તેમનો કોઈ અતોપતો નથી. પ્રાપ્ત માહિતી અનુસાર, પોલીસ જલ્દીથી હનીપ્રિતની ધરપકડ કરી શકે છે.

રામરહીમને જ્યારે 25 ઓગસ્ટ શુક્રવારના રોજ પંચકુલામાં સીબીઆઈની વિશેષ કોર્ટમાં લાવવામાં આવી રહ્યો હતો ત્યારે હનીપ્રીત તેની સાથે હતી. સીબીઆઈ કોર્ટ દ્વારા તેને દોષિત ઠેરવવામાં આવ્યા બાદ હરિયાણામાં હિંસા ભડકી અને 34થી વધુ લોકો મોતને ભેટ્યાં.

હનીપ્રીત પોતાની જાતને પાપાની પરી તરીકે ઓળખાવે છે. સોશિયલ મીડિયા પર તે પોતાની જાતને પાપાની પરી, પરોપકારી, નિર્દેશક, એડિટર અને અભિનેત્રી તરીકે ઓળખાવે છે. ટ્વિટર પર હનીપ્રીતના 10 લાખથી વધુ ફોલોઅર્સ છે અને ફેસબુક પર પાંચ લાખથી વધુ ફોલોઅર્સ છે.

હનીપ્રીતે રામરહીમની ફિલ્મોમાં અભિનય અને નિર્દેશન પણ કર્યુ છે. હનીપ્રીતે MSG-2-ધ મેસેન્જરમાં અભિનય કર્યો છે અને ત્યારબાદ MSG-ધ વોરિયર લાયન હાર્ટમાં પણ તેનો સ્પેશિયલ અપેરન્સ છે. રામરહીમના લગ્ન હરજીત કૌર સાથે થયેલા છે અને બે પુત્રીઓ ચરણપ્રીત અને અમનપ્રીત છે. પુત્રીઓના લગ્ન થઈ ગયા છે અને એક પુત્ર જસમીત છે.

મીડિયા રિપોર્ટ્સ મુજબ હનીપ્રીતના લગ્ન રામરહીમે પોતે કરાવ્યા હતાં પરંતુ હનીપ્રીતના પતિ વિશ્વાસ ગુપ્તાએ રામરહીમ પર તેની પત્નીને દૂર રાખવાનો આરોપ લગાવ્યો હતો. એટલે સુધી કે તેણે રામરહીમ અને હનીપ્રીતના સંબંધ ઉપર પણ સવાલ ઉઠાવ્યાં હતાં. આ ઘટના બાદ હનીપ્રીત સિંહે વિશ્વાસ ગુપ્તા સામે દહેજ ઉત્પીડનનો કેસ દાખલ કર્યો હતો અને પોતે સિરસાના ડેરા હેડક્વાર્ટર ખાતે રહેવા લાગી હતી.

Post Comments