Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

અયોધ્યા કેસની સુનાવણી હવે પાંચમી ડિસેમ્બરે હાથ ધરાશે

- બને એટલા વહેલા સુનાવણી હાથ ધરવા સરકારની માગણી

- સુપ્રીમે અયોધ્યા કેસના ઐતિહાસિક દસ્તાવેજોનું અંગ્રેજીમાં અનુવાદ કરવા ત્રણ માસનો સમય આપ્યો

- પાંચમી ડિસેમ્બર સુધીમાં દરેક પુરાવા અને દસ્તાવેજો કહ્યા પ્રમાણે રજુ કરો, વધુ સમય નહીં મળે : સુપ્રીમ

લખનઉ, તા. ૧૧ શુક્રવાર, ઓગસ્ટ 2017
અયોધ્યા કેસની અંતીમ સુનાવણી સુપ્રીમ કોર્ટમાં પાંચમી ડિસેમ્બરથી શરૃ થશે. આ સાથે જ સુપ્રીમ કોર્ટે એ સ્પષ્ટ કરી દીધુ હતું કે કોઇ પણ સંજોગોમાં ૫ાંચ ડિસેમ્બરે શરૃ થનારી સુનાવણી મુલતવી રાખવામાં આવશે નહીં. એટલે કે આ સુનાવણી સળંગ ચાલશે તેથી જેટલા પણ પક્ષો છે તેઓએ જે પણ રજુઆત કરવી હોય તે કરી દે. શુક્રવારે જ સુનાવણી હાથ ધરાઇ હતી પણ કેટલાક દસ્તાવેજોનો અંગ્રેજીમાં અનુવાદ ન થયો હોવાથી સુપ્રીમે ત્રણ માસનો સમય આપ્યો હતો.  

સુપ્રીમ કોર્ટની બેંચે દોઢ કલાકની ચર્ચા બાદ આ નિર્ણય લીધો છે. અલ્લાહાબાદ હાઇકોર્ટે વિવાદીત જગ્યાને ત્રણ ભાગમાં વહેચવાના આદેશ આપ્યા હતા. જેમા એક ટુકડો રામના પક્ષકારોને, બીજો નિરમોહી અખાડા અને ત્રીજો બાબરી મસ્જિદ માટે મુસ્લિમોને ફાળવાયો હતો. આ આદેશને પક્ષો દ્વારા બાદમાં સુપ્રીમ કોર્ટમાં પડકારવામાં આવ્યો હતો.

ન્યાયાધીશ દિપક મિશ્રાની આગેવાનીમાં ગઠીત બેંચે સાથે સમગ્ર દસ્તાવેજોનો અંગ્રેજીમાં અનુવાદ કરવા પણ કહ્યું હતું. આ માટે જરૃરી પક્ષોને ત્રણ મહિનાનો સમય આપવામાં આવ્યો છે. સુપ્રીમ કોર્ટમાં સુન્ની વકફ બોર્ડના વકીલ કપિલ સિબ્બલે જણાવ્યું હતુ કે હજુ દરેક દસ્તાવેજોનું અનુવાદ નથી થઇ શક્યું. તેથી સમય માગ્યો હતો. આ કેસ સાથે સંકળાયેલા આ ઐતિહાસિક દસ્તાવેજો અરબી, ઉર્દુ, ફારસી અને સંસ્કૃત ભાષામાં છે.

શુક્રવારે જ્યારે આ કેસની સુનાવણી ચાલી રહી હતી ત્યારે અસોસિએટ સોલિસિટર જનરલ તુષાર મહેતાએ દલીલ કરી હતી. તેઓએ સુનાવણી ઝડપી પુરી કરવાની વિનંતી કરી હતી. જેને પગલે સુન્નિ વકફ બોર્ડે વિરોધ ઉઠાવ્યો હતો. અને હાલ જે રીતે સુનાવણી ચાલી રહી છે તે જ રીતે ચલાવવા અનુરોધ કર્યો હતો. અનુવાદ માટે ત્રણ મહિનાનો સમય આપ્યો હોવાથી હવે ડિસેમ્બરમાં અંતિમ સુનાવણી શરૃ કરાશે.

શું છે આ દસ્તાવેજમાં જેના અનુવાદ માટે ત્રણ માસનો સમય લાગશે ?
સુપ્રીમ કોર્ટમાં ૯૦૦૦ પાનાના દસ્તાવેજો અને ૯૦,૦૦૦ પાનાના શાક્ષીઓના નિવેદનો પાલી, ફારસી, સંસ્તૃત, અરબી સહીત વિવિધ ભાષાઓમાં છે. જેના પર સુન્ની વકફ બોર્ડે અનુવાદ માટે ત્રણ માસનો સમય માગ્યો છે. દસ્તાવેજો ઘણા જ જુના અને પૌરાણીક પણ માનવામાં આવે છે. તેથી તેની ભાષા ફારસી, સંસ્કૃત, અરબી છે. આટલી મોટી સંખ્યામાં દસ્તાવેજોના પાના હોવાથી તેના અનુવાદ માટે વધુ સમય લાગશે.

Post Comments