મુંબઈમાં અશાંતિ દરમિયાન ફ્લાઇટ ચૂકી ગયેલાઓને રાહત

- કેન્સેલેશન ચાર્જ ન વસુલાયો

મુંબઇ તા. 3 જાન્યુઆરી 2018, બુધવાર

મંગળવારે ટ્રાફિકજામને કારણે ફ્લાઇટ ચૂકી ગયા હોય એવા પ્રવાસીઓના ફ્લાઇટ કેન્સલ કરવાનાં શુલ્ક એરલાઇન કંપનીઓએ પાછું આપવાનો નિર્ણય કર્યો હતો. મંગળવારે સાંજ સુધીમાં પરિસ્થિતિઓમાં સુધારો થયો હતો, કારણ કે એરપોર્ટ પહોંચેલા એક પ્રવાસીએ ટ્વીટ કરીને માહિતી આપી હતી.

જેટ અને ઇન્ડિગોએ કેન્સેલેશન ચાર્જ ન લેવાનો નિર્ણય મંગળવાર પૂરતો મર્યાદિત રાખ્યો હતો. જ્યારે એર ઇન્ડિયાથી બુધવાર સુધી કેન્સલ કરાયેલી ટિકિટ પરનો ચાર્જ વસૂલ્યો નહોતો.

જેટ એરવેઝે પોતાના ટ્વીટર હેન્ડલ પર કહ્યું કે મુંબઈમાં અરાજકતા પ્રવર્તતી હોવાને કારણે ફ્લાઇટ ચેન્જ અને કેન્સલ કરાવવા પર કોઈ શુલ્ક નહીં. વસૂલવામાં આવે. ઔરંગાબાદ અને પુણેના પ્રવાસીઓને પર એરલાઇન કંપનીઓએ આ સગવડ કરી આપી હતી.