Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ચીને પૃથ્વીના રહસ્યો જાણવા પીઓકેમાંથી પસાર થતી કોરિડોરમાં અભિયાન શરૃ કર્યું

- તિબેટ પ્લેટુમાં ૩૦ હજાર વર્ષ જૂનું જીવન જાણવા ચીનનું વૈજ્ઞાનિક અભિયાન

- ચીનના ૧૦૦ વિજ્ઞાની ક્લાઇમેટ, એન્વાયર્મેન્, ગ્લેશિયર, બાયોડાયવર્સિટી, બોટની અને ઇકોલોજિકલ ફેરફારોનો

વર્ષ ૧૯૭૦માં પણ ચીને આવું અભિયાન હાથ ધર્યું હતું, હવે પાંચથી દસ વર્ષ ચાલુ રહેનારું બીજું એક અભિયાન શરૃ
(પીટીઆઈ) બેજિંગ, તા.18 જૂન, 2017, રવિવાર
 
ચીને પોતાની વિવાદાસ્પદ યોજના ચાઈના પાકિસ્તાન ઈકોનોમિક કોરિડોરમાં ચાર હજાર મીટર ઊંચા કિન્ઘાઇ તિબેટ સ્થળે બીજું સાયન્ટિફિક અભિયાન શરૃ કર્યું છે. આ અભિયાનનો હેતુ ક્લાઇમેટ અને એન્વાયર્મેન્ટને લગતા ફેરફારોનો ઊંડો અભ્યાસ કરવાનો છે. ચીનના વિજ્ઞાાનીઓ આ અભિયાન અંતર્ગત છેલ્લાં દસ વર્ષમાં આવેલા ફેરફારોની આંકડાકીય માહિતી ભેગી કરવા માંગે છે. 
પાકિસ્તાન ઓક્યુપાઇડ કાશ્મીરમાંથી પસાર થતી આ કોરિડોર માટે ચીને ૫૦ અબજ ડૉલરનું બજેટ ફાળવ્યું છે. આ કોરિડોર પીઓકેમાંથી પસાર થતી હોવાથી જ ભારતે ચીન સમક્ષ વાંધા ઉઠાવ્યા હતા. ભારત આ યોજનાને પોતાના સાર્વભૌમત્વ પરની તરાપ ગણાવી રહ્યું છે. ચીને અગાઉ ૧૯૭૦માં આ જ સ્થળે આવું અભિયાન કર્યું હતું. 
ચીને બીજી વાર શરૃ કરેલું આ અભિયાન પાંચ કે દસ વર્ષ પછી પૂરું થશે. આ અભિયાનનો પહેલો પડાવ ૨,૩૯૧ સ્ક્વેર કિલોમીટરમાં ફેલાયેલા સર્લિંગ ત્સો તળાવ નજીક હશે. ચીને ૨૦૧૪માં આ તળાવને તિબેટના સૌથી મોટા બૌદ્ધ તળાવનો દરજ્જો આપ્યો હતો. આગામી દિવસોમાં ચીનના ૧૦૦ વિજ્ઞાાનીઓ આ સ્થળે ધામાં નાંખશે, જે ચીનની સૌથી મોટી નદી યાંગત્સેનું પણ ઉદ્ભવસ્થાન ગણાય છે. આ તમામ વિજ્ઞાાનીઓ ચાર જૂથમાં વહેંચાઈને વિવિધ સંશોધનો કરશે. આ વિસ્તારમાં તેઓ ક્લાઇમેટ ચેન્જ, ગ્લેશિયર, બાયોડાયવર્સિટી અને ઇકોલોજિકલ ફેરફારોને લગતું સર્વેક્ષણ કરશે. 
ચાઈનીઝ એકેડેમી ઓફ સાયન્સીસના ડિરેક્ટકર યાઓ તાન્ડોંગે કહ્યું હતું કે, આ વિસ્તારમાં છેલ્લાં ઘણાં સમયમાં મોટા પાયે ફેરફારો થયા છે. આ વિસ્તારમાં ૩૦ હજાર વર્ષ જૂના જિયોલોજિક સ્ટ્રક્ચર, પ્રિહિસ્ટોરિક લાઇફ, જિયોફિઝિક્સ, ઝુલોજી અને બોટની જેવા ક્ષેત્રોનો પણ અભ્યાસ કરાશે. અહીં માણસજાત ક્યારે આવી તેનો પણ માનવઉત્પત્તિશાસ્ત્રીઓ અભ્યાસ કરશે. આ વિસ્તારમાં બરફ નીચે અનેક રહસ્યો દટાયેલા છે. 

Post Comments