Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

સેન્સેક્સ ૨૮૩૨૨ના ટેકાએ ૨૮૯૫૫ કુદાવતાં ૨૯૨૪૪

- નિફટી સ્પોટ ૮૭૩૩ના ટેકાએ ૮૯૨૨ કુદાવતાં ૯૦૧૧ જોવાશે

- સપ્ટેમ્બર વલણના અંતના નવા સપ્તાહમાં

(ગુજરાત સમાચાર પ્રતિનિધિ) મુંબઈ,શનિવાર
યુ.એસ.ફેડરલ રિઝર્વે ગત સપ્તાહમાં બહુમતી વર્ગની ધારણા મુજબ વ્યાજ દરમાં આ વખતે વધારો નહીં કરીને આર્થિક રિકવરી માટે વધુ સમય રાહ જોવાનું પસંદ કરતાં એશીયાના વિકાસશીલ બજારો પરનું એફઆઈઆઈ-વિદેશી સંસ્થાકીય રોકાણકારો, ફોરેન પોર્ટફોલિયો ઈન્વેસ્ટરોની એક્ઝિટ, મોટા કરેકશનનું જોખમ ટળ્યું છે. અમેરિકાના વ્યાજ દર નહીં વધારવાના નિર્ણય અને બેંક ઓફ જાપાને પણ વ્યાજ દર જાળવી રાખીને ફુગાવો બે ટકાના ટાર્ગેટે વધુ સ્ટીમ્યુલસનો સંકેત આપ્યા પાછળ વૈશ્વિક બજારોમાં યુરોપ, એશીયાના બજારોમાં ઝડપી સુધારો જોવાયો હતો. અમેરિકાને હજુ આર્થિક રિકવરીના સાતત્ય માટે વધુ સમય રાહ જોવામાં હાલ તુરત  ભારતીય બજારોમાં પણ મોટા કરેકશનનો હાઉ દૂર થતાં ગત સપ્તાહમાં ફંડો, હાઈ નેટવર્થ ઈન્વેસ્ટરોએ પસંદગીના શેરોમાં વ્યાપક લેવાલી કરીને તેજીને આગળ વધારી છે. દેશમાં સારા વરસાદ, ક્રુડ ઓઈલના એકંદર સ્થિર જળવાઈ રહેલા ભાવ અને ભારતમાં આર્થિક વિકાસ માટે મોદી સરકાર દ્વારા લેવાઈ રહેલાં અનેક સરાહનીય પગલાંથી વિદેશી ફંડોનું રોકાણ આકર્ષણ જળવાઈ રહેવાની અને તેજીનો વર્તમાન દોર આગળ વધીને બજાર તેજીના નવા ઝોનમાં પ્રવેશે એવી પૂરી સંભાવના છે.
ચોમાસું સારું  રહેતાં, ક્રુડના ઘટતાં ભાવ, ડોલરની મજબૂતીએ શેરોમાં ફંડોનું આકર્ષણ જળવાઈ રહેશે
વૈશ્વિક મોરચે અમેરિકાએ વ્યાજ દર નહીં વધારતાં અને ક્રુડ ઓઈલના આંતરરાષ્ટ્રીય ભાવ ઓપેક અને નોન-ઓપેક દેશોની ૨૮,સપ્ટેમ્બરના મળનારી મીટિંગમાં ક્રુડના ઉત્પાદનને ઈરાન ફ્રીજ કરવા તૈયાર હોય તો સાઉદી અરેબિયા પણ તૈયાર છે એવા અહેવાલ પાછળ ભાવ વધી આવ્યા હતા. જે સામે રશીયાએ સાઉદી અરેબિયા ઉત્પાદનને ફ્રીજ કરશે તો પણ ભાવ વધવાની શકયતા નહીં હોવાના કરેલા નિવેદન બાદ સાઉદી અરેબિયાએ ક્રુડ ઓઈલ ઉત્પાદનના ફ્રીજની શકયતા નકારી કાઢતાં સપ્તાહના અંતે ક્રુડના ભાવ ફરી ઘટી આવ્યા છે. જે પરિબળ ભારતની વેપાર ખાધમાં તાજેતરમાં નોંધાયેલા મોટા ઘટાડા બાદ વધુ ઘટાડો લાવનારા નીવડશે. આ પોઝિટીવ પરિબળ સાથે ઘર આંગણે દેશભરમાં ચાલુ વર્ષે ચોમાસું અપેક્ષિત સફળ-સારું નીવડતાં કૃષિ ક્ષેત્રે મબલક પાકની પૂરી શકયતા સાથે ગ્રામીણ અર્થતંત્ર ધમધમતું થઈ આર્થિક વિકાસને અનપેક્ષિત ઊંચી વૃદ્વિએ લઈ જવાની અપેક્ષા છે. વિવિધ ઉદ્યોગ, ક્ષેત્રોની કંપનીઓની કામગીરી પણ સુધરવાની અપેક્ષા સાથે આગામી દિવસોમાં કંપનીઓના સપ્ટેમ્બર અંતના ત્રિમાસિક પરિણામો સારા નીવડવાની અપેક્ષાએ ફંડો, ઈન્વેસ્ટરોનું સારા ફંડામેન્ટલ ધરાવતી કંપનીઓના આકર્ષક વેલ્યુએશને ઉપલબ્ધ શેરોમાં વેલ્યુબાઈંગ વધતું જોવાશે. જેથી આ તેજીના દોરમાં સારા વેલ્યુએશને ઉપલબ્ધ કંપનીઓના શેરોમાં રોકાણ કરનારાને આગામી દિવસોમાં અણધાર્યું ઊંચુ વળતર મળી શકશે. 
સપ્ટેમ્બર અંતના સપ્તાહમાં ઈન્ડેક્સ બેઝડ અફડાતફડીની શકયતા છતાં સ્મોલ, મિડ કેપ શેરોમાં આકર્ષણ જળવાશે
ફયુચર એન્ડ ઓપ્શન્સ(એફ એન્ડ ઓ)માં આગામી સપ્તાહમાં સપ્ટેમ્બર વલણ પૂરુ થનાર છે, ત્યારે ઈન્ડેક્સ બેઝડ આગામી સપ્તાહમાં અફડાતફડી જોવાય એવી શકયતા છતાં એકંદર તેજીનો મૂડ કાયમ રહીને ફંડો, રોકાણકારોનું સારા ફંડામેન્ટલ ધરાવતી સ્મોલ, મિડ કેપ કંપનીઓના શેરોમાં પસંદગીનું રોકાણ આકર્ષણ યથાવત રહેવાની શકયતા રહેશે.  અમેરિકાના વ્યાજ દરના વધારાનું જોખમ ટળતાં અને ક્રુડ ઓઈલના ભાવમાં ઘટાડા સાથે સારા ચોમાસાના પોઝિટીવ પરિબળે અને હાલ તુરત પાકિસ્તાન સાથે ભારતના યુદ્વની નહિવત શકયતા તેમ જ એક સપ્તાહ બાદ રિઝર્વ બેંક ઓફ ઈન્ડિયાની માર્ચ ૨૦૧૭ના અંતના વર્ષ માટે ચોથી દ્વી માસિક ધિરાણ નીતિ સમીક્ષા મીટિંગ પૂર્વે ફંડોનું પસંદગીના શેરોમાં રોકાણ આકર્ષણ વધતું જોવાશે.
ક્રુડ ઓઈલ, રૃપિયા સામે ડોલરના મૂલ્ય, અમેરિકાના હોમ સેલ, જીડીપીના આંકડા પર નજર
સપ્ટેમ્બર વલણના અંતના આગામી સપ્તાહમાં ઈન્ડેક્સ બેઝડ આરંભિક અફડાતફડીની શકયતા વચ્ચે ક્રુડ ઓઈલના આંતરરાષ્ટ્રીય ભાવ, રૃપિયા સામે અમેરિકી ડોલરના મૂલ્ય પર નજર સાથે સોમવારે અમેરિકાના ઓગસ્ટ ૨૦૧૬ મહિનાના હોમ વેચાણના જાહેર થનારા આંકડા અને ગુરૃવારે ૨૯,સપ્ટેમ્બરના અમેરિકાના બીજા ત્રિમાસિકના આર્થિક વિકાસ-જીડીપી વૃદ્વિના જાહેર થનારા આંકડા પર નજર રહેશે. જ્યારે શુક્રવારે ૩૦,સપ્ટેમ્બર ૨૦૧૬ના રોજ યુ.કે.ના બીજા ત્રિમાસિકના જીડીપી વૃદ્વિના જાહેર થનારા આંકડા પર નજર રહેશે. આ ઈવેન્ટસ વચ્ચે આગામી સપ્તાહમાં સેન્સેક્સ ૨૮૩૨૨ના ટેકાએ ૨૮૯૫૫ કુદાવતાં ૨૯૨૪૪ અને નિફટી સ્પોટ ૮૭૩૩ના ટેકાએ ૮૯૨૨ કુદાવતાં ૯૦૧૧ જોવાશે.
ડાર્ક હોર્સ : પ્રીસિઝન વાયર્સ ઈન્ડિયા લિમિટેડ
બીએસઈ(૫૨૩૫૩૯), એનએસઈ(PRECWIRE) લિસ્ટેડ રૃ.૫ પેઈડ-અપ, અગાઉની એટલાસ વાયર્સ લિમિટેડ, મહેન્દ્ર મહેતા, દિપક મહેતા અને મિલન મહેતા દ્વારા પ્રમોટ કરાયેલી, વર્ષ ૧૯૮૯માં એમ્બેડેડ કોપર વાઈન્ડિંગ વાયરના ઉત્પાદન માટે સ્થપાયેલી  પ્રીસિઝન વાયર્સ ઈન્ડિયા લિમિટેડ(PRECISION WIRES INDIA LIMITED)રોટીંગ મશીનો(મેન્યુફેકચરર અને રીપેરર્સ માટે), અલ્ટરનેટર્સ, હર્મેટીક મોટર્સ(રેફ્રિજરેશન અને એર કન્ડિશનિંગ ઈક્વિપમેન્ટ માટે), બ્લાસ્ટસ, સ્વીચ ગીયર, રીલે અને મેગ્નેટિક કોઈલ્સ ઈન્સ્ટ્રુમેન્ટસ, ઓડિયો કોઈલ્સ, પાવર અને ડિસ્ટ્રીબ્યુશન ટ્રાન્સફોર્મર્સ, કન્ટ્રોલ અને પાવર સપ્લાય ટ્રાન્સફોર્મર્સ, ઓટો ઈલેક્ટ્રિકલ, ઈલેક્ટ્રિલ ટુલ્સ, હાઉસ હોલ્ડ એપ્લાયન્સિસ, ફેન્સ અને અન્ય જનરલ એન્જિનિયરીંગ સેગ્મેન્ટસમાં ઉપયોગમાં લેવાતા કોપર વાઈન્ડિંગ વાયર્સ મોટા,મધ્યમ ઈલેક્ટ્રિકલ અને ઈલેક્ટ્રોનિક્સ ઈક્વિપમેન્ટ ઉત્પાદકોને ઉપરાંત દરેક ઉદ્યોગ અને ઈન્ફ્રાસ્ટ્રકચર  ક્ષેત્રે પૂરા પાડતી કંપની છે. કંપની ભારતીય કૂશળતા અને વિદેશી ટેકનોલોજીના સમન્વય થકી શ્રેષ્ઠ ગુણવતાના ઉત્પાદનોનું ઉત્પાદન કરે છે.
મેન્યુફેકચરીંગ સવલતો-ક્ષમતા :
અગાઉની એટલાસ વાયર્સ લિમિટેડ દ્વારા વર્ષ ૧૯૮૧માં પ્રથમ મેન્યુફેકચરીંગ સવલત ગુજરાતમાં સ્થપાયી હતી. બે દાયકા બાદ વર્ષ ૨૦૦૧માં એટલાસ વાયર્સ લિમિટેડને  પ્રીસિઝન વાયર્સ લિમિટેડ સાથે અમાલ્ગમેટ-મર્જ કરાઈ હતી. કંપની અત્યારે ગુજરાતમાં પાલેજ ખાતે તેમ જ સિલ્વાસા, દાદરા નગર હવેલી ખાતે ત્રણ મેન્યુફેકચરીંગ સવલતો થકી આઈઈસી, આઈએસ, બીએસ, એનઈએમએ અને જેઆઈએસ વિવિધ સ્પેસિફિકેશન તેમ જ પોતાના ગ્રાહકોની જરૃરીયાત મુજબ વાઈન્ડિંગ વાયર્સના ઉત્પાદનની વાર્ષિક ૩૩,૦૦૦ ટનથી વધુ ક્ષમતા ધરાવે છે.
ગ્રાહકોની યાદી :
કંપનીના ઈલેક્ટ્રિકલ્સ અને ઈલેક્ટ્રોનિક્સ ઈક્વિપમેન્ટ ઉત્પાદક ગ્રાહકોની યાદીમાં મધ્યમ થી મોટા પ્રતિષ્ઠિત ગ્રાહકોમાં સિમેન્સ, ભેલ, એબીબી, અલ્સ્ટોમ, અરીવા ગુ્રપ, ક્રોમ્પ્ટન, ભારત બીજલી, એમકો, બજાજ ઈલેક્ટ્રિકલ્સ, અપાર, વી-ગાર્ડ, આઈએમપી પાવર સહિતના  સમાવેશ છે. આ ઓરિજનલ ઈક્વિપમેન્ટસ મેન્યુફેકચર્સ(ઓઈએમ) પાસેથી કંપની સીધો જ બિઝનેસ મેળવે છે.
નિકાસ અને સેગ્મેન્ટ પ્રમાણે આવક :
કંપનીની કુલ આવકમાં નિકાસ હિસ્સો જે અમુક વર્ષ પહેલા પાંચ ટકા હતો, એ વધીને ગત વર્ષમાં ૧૫ ટકા પહોંચ્યો છે. જે આગામી ત્રણ વર્ષમાં ૨૫ ટકા પહોંચવાનો કંપની મેનેજમેન્ટને વિશ્વાસ છે. કંપની તેની કુલ આવકના ૩૫ ટકા ઈલેક્ટ્રિકલ ઈક્વિપમેન્ટ ઉદ્યોગ, ૨૦ ટકા જનરેશન અને ટીઅન્ડ ડી સેકટર સહિતના અન્ય પાવર ક્ષેત્ર પાસેથી અને ૨૦ ટકા ઓટો ઉદ્યોગ પાસેથી અને બાકી કન્ઝયુમર ડયુરેબલ્સ, ઈન્ફ્રાસ્ટ્રકચર ક્ષેત્ર પાસેથી મેળવે છે.
દેશમાં પાવર ઉદ્યોગ છેલ્લા બે નાણાકીય વર્ષ ૨૦૧૪ અને ૨૦૧૫ સંકટમાં રહ્યા બાદ નાણાકીય વર્ષ ૨૦૧૬માં સ્થિર થવા  લાગ્યો છે, પાવર ક્ષેત્રે વર્તમાન સરકાર દ્વારા દેશભરમાં વીજળી ઉપલબ્ધ બનાવવાના મિશન સાથે અટકેલા પાવર પ્રોજેકટોને આગળ વધારવા પ્રોત્સાહનોને પરિણામે સારી પ્રગતિ સાથે ટ્રાન્સફોર્મર્સ અને અન્ય ઈલેક્ટ્રિક ઈક્વિપમેન્ટસન માંગમાં રિકવરીની અપેક્ષા છે. જેના થકી વાઈન્ડિંગ વાયર્સ માટેની માંગમાં પણ વૃદ્વિની અપેક્ષા છે. આ ઉપરાંત ચાલુ વર્ષે ચોમાસું સારૃ રહેતાં અને સાતમાં વેતન પંચ દ્વારા કર્મચારીઓના વેતનમાં કરાયેલા વધારાથી કન્ઝયુમર ડયુરેબલ્સ અને ઓટોમોબાઈલની માંગમાં સારી વૃદ્વિની અપેક્ષા છે. છેલ્લા અમુક વર્ષોમાં નબળી માંગથી કંપની તેની સ્થાપીત ક્ષમતાના ૬૫ ટકા ક્ષમતાએ જ કાર્યરત રહી છે. જો કે કંપની કોઈ મોટી ક્ષમતા વિસ્તાર કે મૂડી ખર્ચ વિના તેની વર્તમાન ક્ષમતા થકી ૧૨૦ ટકા ક્ષમતા વપરાશે ઉત્પાદન હાંસલ કરવા સક્ષમ છે. કંપની ૭૬૫ કેવી પાવર જનરેશન ક્ષમતામાં ઉપયોગમાં લેવાતાં કન્ડકટર્સ અને ટ્રાન્સફોર્મર્સમાં ઉપયોગમાં લેવાતાં વાયરની મેન્યુફેકરચરીંગ ક્ષમતા ધરાવે છે. દર વર્ષે પાવર ગ્રીડના કુલ ઓર્ડરના રૃ.૨૨૦૦૦ કરોડ જેટલી માંગ પાવર ઈક્વિપમેન્ટ ક્ષેત્રની રહે છે. જેમાં ૭૬૫ કેવી પાવર ઈક્વિપમેન્ટ ઉદ્યોગ માટેના ઓર્ડરો સતત વધી રહ્યા છે. નાણાકીય વર્ષ ૨૦૧૬માં પાવર ઈક્વિપમેન્ટસના કુલ ઓર્ડરોના ૬૫ ટકા જેટલી માંગ ૭૬૫ કેવીથી ઓછા માટેના વાઈન્ડિંગ વાયર્સની માંગમાં કોઈપણ વધારો અને નવા ૭૬૫ કેવી વાઈન્ડિંગ વાયર ક્ષમતામાં વધારાથી કંપનીની ઓપરેટીંગ કામગીરી અને માર્જિનમાં વધારો થવાની અપેક્ષા છે. જે માર્જિન છેલ્લા ત્રણ વર્ષમાં ૫.૫ ટકા રહ્યું છે.
કંપનીના તેના કાચામાલ કોપરની કુલ જરૃરીયાતના ૭૦ ટકા હિન્દાલ્કો અને સ્ટરલાઈટ પાસેથી ખરીદે છે અને  બાકી આયાત થકી મેળવે છે. કંપની અત્યારે ચોખ્ખી આયાતકાર છે અને  સંપૂર્ણ ચોખ્ખી આયાતનું હેજીંગ ધરાવે છે. કંપની તેની નિકાસો વધારવાની યોજના સાથે નિકાસ પર ફોકસ કરી રહી છે.
બુક વેલ્યુ :
શેર રૃ.૧૦ પેઈડ-અપ હતો ત્યારે માર્ચ ૨૦૧૪ના રૃ.૧૭૫.૬૪, માર્ચ ૨૦૧૫ના રૃ.૧૬૧.૫૮, શેર વિભાજનને પરિણામે શેર રૃ.૫ પેઈડ-અપ થતાં માર્ચ ૨૦૧૬ના રૃ.૮૪.૨૩ રહી છે. અપેક્ષિત માર્ચ ૨૦૧૭ના રૃ.૯૫.૨૯
શેર હોલ્ડિંગ :
પ્રમોટર્સ પાસે ૫૯.૬૭ ટકા, કેસીપી સુગર એન્ડ ઈન્ડસ્ટ્રીઝ કોર્પ પાસે ૧.૩૨ ટકા, કોર્પોરેટ બોડીઝ હસ્તક ૨.૯૫ ટકા હોલ્ડિંગ, રૃ.૨ લાખથી વધુ રોકાણ ધરાવતા શેર ધારકો પાસે ૧૦.૪૯ ટકા અને રૃ.૨ લાખથી ઓછી શેર મૂડી ધરાવતા વ્યક્ગિત રોકાણકારો પાસે ૨૩.૭૯ ટકા હોલ્ડિંગ છે.
નાણાકીય પરિણામ :
(૧) પૂર્ણ વર્ષ એપ્રિલ ૨૦૧૫ થી માર્ચ ૨૦૧૬ : ચોખ્ખી આવક રૃ.૮૮૩ કરોડથી ઘટીને રૃ.૮૪૪.૭૨ કરોડ મેળવીને ગ્રોસ પ્રોફિટ માર્જિન-જીપીએમ ૫.૦૧ ટકા અને નેટ પ્રોફિટ માર્જિન-એનપીએમ ૨.૦૨ ટકા થકી ચોખ્ખો નફો રૃ.૧૦.૧૦ કરોડની તુલનાએ ૬૮.૬૧ ટકા વધીને રૃ.૧૭.૦૩ કરોડ નોંધાવીને શેર દીઠ આવક-ઈપીએસ રૃ.૭.૩૬ હાંસલ કરી હતી.
(૨) પ્રથમ ત્રિમાસિક એપ્રિલ ૨૦૧૬ થી જૂન ૨૦૧૬ : ચોખ્ખી આવક રૃ.૨૧૯.૫૮ કરોડ મેળવીને જીપીએમ ૫.૧૬ ટકા અને એનપીએમ ૨.૪૫ ટકા થકી ચોખ્ખો નફો ૨૭.૭૨ ટકા ઉછાળે રૃ.૫.૩૯ કરોડ નોંધાવીને શેર દીઠ આવક રૃ.૨.૩૩ હાંસલ કરી છે.
(૩) અપેક્ષિત પૂર્ણ વર્ષ એપ્રિલ ૨૦૧૬ થી માર્ચ ૨૦૧૭ : અપેક્ષિત ચોખ્ખી આવક રૃ.૯૩૭.૪૨ કરોડ અને એનપીએમ ૨.૭૩ ટકા થકી ચોખ્ખો નફો રૃ.૨૫.૫૯ કરોડ મેળવીને શેર દીઠ આવક રૃ.૧૧.૦૬  અપેક્ષિત છે. 
વેલ્યુએશન : BBB : 
ઈલેક્ટ્રિકલ ઈક્વિપમેન્ટ ઉદ્યોગના સરેરાશ ૪૪, પાવર કેબલ ઉદ્યોગના સરેરાશ ૨૨ના પી/ઈ સામે કંપનીને મર્યાદિત રહીને ૧૮નો પી/ઇ આપીએ તો રૃ.૧૯૯ને આંબી શકે. જે વર્તમાન ભાવ રૃ.૧૧૪.૦૫માં ૩૫ ટકા ઉમેરીએ તો રૃ.૧૫૪ને આંબી શકે એ માટે વેલ્યુએશન ટ્રીપલ BBB
આમ (૧) ૫૯.૬૭ ટકા પ્રમોટર્સ હોલ્ડિંગ ધરાવતી અગાઉની એટલાસ વાયર્સ લિમિટેડ દ્વારા પ્રમોટેડ (૨)કોપર વાઈન્ડિંગ વાયર્સની ભારતમાં સૌથી મોટી મેન્યુફેકચરર્સ (૩) પ્રતિષ્ઠિત મધ્યમ થી મોટી કંપનીઓનું ગ્રાહક લિસ્ટ ધરાવતી (૪) નિકાસ પર ફોકસ વધારી રહેલી કુલ આવકમાં નિકાસ હિસ્સો ૧૫ ટકા મેળવનાર અને ત્રણ વર્ષમાં ૨૫ ટકા હાંસલ થવાનો કંપની મેનેજમેન્ટનો વિશ્વાસ ધરાવતી (૫) પ્રથમ ત્રિમાસિકમાં ચોખ્ખા નફામાં ૨૭.૭૨ ટકા ઉછાળે રૃ.૫.૩૯ કરોડ થકી રૃ.૨.૩૩ શેર દીઠ હાંસલ કરનાર (૬) અપેક્ષિત પૂર્ણ વર્ષ ૨૦૧૬-૧૭માં અપેક્ષિત શેર દીઠ આવક રૃ.૧૧.૦૬ અને બુક વેલ્યુ રૃ.૯૫.૨૯ અપેક્ષિત સામે અત્યારે આ રૃ.૫ પેઈડ-અપ શેર એનએસઈ, બીએસઈ પર રૃ.૧૧૪.૦૫ ભાવે ૧૦.૩૧ના પી/ઇએ ઉપલબ્ધ છે.
મનોજ શાહ : રીસર્ચ એનાલિસ્ટ(SEBI REG. NO. INH000000107) 
લેખક સેબી રજીસ્ટર્ડ રીસર્ચ એનાલિસ્ટ છે :  ડિસ્કલોઝર કમ(વાચકોએ ખાસ નોંધ લેવી) ચેતવણી :  (૧) લેખકનું ઉપરોકત કંપનીમાં  કોઈ હોલ્ડિંગ નથી.(૨) રીચર્સ માટેના અમારા સ્રોત જેમ કે બ્રોકિંગ હાઉસ, પ્રમોટર વ્યુઝ, વ્યકિતગત રીસર્ચ એનાલિસ્ટ, પોર્ટફોલિયો મેનેજમેન્ટ અથવા તેમની ટીમનું સીધું અથવા આડકતર ું હિત હોઈ શકે છે. (૩) રીચર્સના ભાવથી ૨૦ ટકા સ્ટોપ લોસ ખાસ કરીને જાળવવો, તે સલાહ અને ચેતવણી છે. (૪) વેલ્યુએશન H, BB, BBB, ટોપ ગેઈનર્સ આ બધી શકયતાઓ છે, તેથી લલચાઈને રોકાણ કરવું નહીં. (૫) સામાન્ય રીતે દર ૧૦ સ્ક્રીપમાંથી ૬ સ્ક્રીપ સાચી અને ચાર-૪ સ્ક્રીપ ખોટી પડે તે પ્રકારનું રીસર્ચ ઉત્તમ હોય છે. હાલનો ટ્રેન્ડ સ્થિર સરકાર, એફઆઈઆઈ રોકાણ પ્રવાહ, જીડીપીમાં ગ્રોથ, વડાપ્રધાનની કાર્યક્ષમતાને લીધે છે. અમારે લીધે નથી. અમે પોતાને ક્રેડિટ દેતાં નથી. (૬) ફીડબેક ઈ-મેઈલ : [email protected] જે જવાબો આપવામાં આવે છે, તેને પણ ઉપરોકત બધા પોઈન્ટ-મુદ્દાઓ લાગુ પડે છે. (૭) વાચક વર્ગ, રોકાણકાર વર્ગે  પોતાના વ્યક્તિગત નિર્ણય વ્યક્તિગત જોખમે લેવા. ગુજરાત સમાચારના લેખક, તંત્રી અને કોઈપણ વ્યકિત તમારી નુકશાની માટે જવાબદાર રહેશે નહીં. તેથી શેરબજારના રિસ્ક-જોખમને ઓળખીને રોકાણ કરવું.
 
ડાર્ક હોર્સ તરીકે છેલ્લા એક વર્ષમાં રીસર્ચ કરેલી કંપનીઓના શેરોમાંથી  ટોપ 5 ગેઇનર્સ/લુઝર્સ
TOP 5 GAINER 

સ્ક્રીપ

રીસર્ચ

રીસર્ચ

છેલ્લો બંધ

ટકાવારીમાં

 

તારીખ

ભાવ

૨૩-૯-૧૬

ઘટાડો

૧)રાણે બ્રેક લાઈનીંગ

૨૪-૪-૧૬

રૃ.૩૭૩

રૃ.૧૨૭૦

+૨૪૦%

૨)વી-ગાર્ડ ઈન્ડસ્ટ્રીઝ

૩૧-૦૧-૧૬

રૃ.૮૮.૫

રૃ.૧૮૭

+૧૧૦%

૩)દિપક નાઈટ્રાઈટ

૧૩-૦૩-૧૬

રૃ.૬૧.૫૫

રૃ.૧૨૧

+૯૭%

૪)સ્ટર્લિંગ ટુલ્સ

૨૫-૦૧-૧૬

રૃ.૪૪૭

રૃ.૭૮૨

+૭૬%

૫) ડીસીએમ શ્રીરામ

૧૫-૧૧-૧૬

રૃ.૧૪૩.૩

રૃ.૧૩૦

+૬૮%

                            TOP 5  LOSER

સ્ક્રીપ

રીસર્ચ

રીસર્ચ

છેલ્લો બંધ

ટકાવારીમાં

 

તારીખ

ભાવ

૨૩-૯-૧૬

ઘટાડો

૧)આઈનોક્સ વિન્ડ

૦૬-૧૨-૧૬

રૃ.૩૫૭.૮

રૃ.૨૦૬

-૪૨.૪૩%

૨)કાનપુર પ્લાસ્ટિપેક

૧૦-૬-૧૬

૧૩૯

રૃ.૧૧૭

-૧૫.૪૭

૩)ઈંગરસોલ રેન્ડ

૦૩-૦૧-૧૬

રૃ.૭૮૮.૪

રૃ.૭૩૫

-૬.૧૪%

૪)એમ.એમ.ફોર્જિંગ

૦૧-૦૭-૧૬

રૃ.૪૪૯.૭

રૃ.૪૨૪

-૫.૭૩%

૫)ડબલ્યુપીઆઈએલ

૨૬-૦૮-૧૬

રૃ.૩૭૯.૫

રૃ.૩૬૨

-૪.૩૭%

 
નોંધ : ડાર્ક હોર્સ તરીકે છેલ્લા એક વર્ષમાં બે રવિવાર કોઈ ભલામણ કરાઈ નહોતી. બાકી રિસર્ચ કરેલ પોર્ટફોલીયોમાં કુલ ૫૧ સ્ક્રિપ છે.  જેમાંથી ૨ સ્ક્રીપ બે વખત ભલામણ કરાઈ હતી. ૬-સ્ક્રીપ વેચવાની ભલામણ કરી દેવાઈ છે.  બાકી ૪૩ સ્ક્રીપમાંથી ૩૭ સ્ક્રીપ  પોઝિટીવ બંધ અને ૮ નેગેટીવ બંધ છે. આ એક વર્ષમાં બીએસઈ સેન્સેક્સ સરેરાશ ૧૦.૧૧  ટકા પોઝિટીવ રહ્યો છે. જ્યારે ડાર્ક હોર્સ પોર્ટફોલિયોમાં ૩૦.૧૯ ટકાનો સરેરાશ વધારો-પોઝિટીવ રહ્યો છે. ૮ નેગેટીવ સ્ક્રીપમાંથી એક-૧ સ્ક્રીપમાં ૧૯ થી ૩૦ ટકા ઘટાડો અને ૭ સ્ક્રીપમાં ૦ થી ૧૯ ટકાનો ઘટાડો નોંધાયો છે. કુલ ૩૭ પોઝિટીવ કંપનીઓમાંથી  બે-૨ સ્ક્રીપમાં સૌથી ૧૦૦ ટકાથી વધુ વધારો, બે-૨ સ્ક્રીપમાં ૭૫ થી ૧૦૦ ટકા વધારો, ૨  સ્ક્રીપમાં ૫૧ ટકા થી ૭૫ ટકાનો વધારો,  ૧૨ સ્ક્રીપમાં ૨૬ ટકા થી ૫૦ ટકાનો વધારો, ૬ સ્ક્રીપોમાં ૧૬  થી ૨૫ ટકા સુધીનો વધારો અને ૧૩ સ્ક્રીપમાં ૦ થી ૧૫ ટકાનો વધારો નોંધાવેલ છે.
Keywords business,share,bazar,

Post Comments