સોના-ચાંદીમાં સતત ઘટાડો: રૃપિયા સામે ડોલર ઉછળ્યા પછી ફરી તૂટયો

- ક્રૂડતેલ ગબડી ૫૪ ડોલરની અંદર ઊતર્યું

- ભારતમાં કસ્ટમ એક્સચેન્જ દરોમાં આયાત નિકાસ માટે ડોલરના ભાવ ૩૫ પૈસા ઘટાડાયા

અમેરિકામાં જોબલેસ કલેઈમ્સ ૧૦ હજાર વધ્યા

મુંબઈ, તા. 20 એપ્રિલ, 2017, ગુરૂવાર

મુંબઈ સોના-ચાંદી બજાર આજે ભાવોમાં ઘટાડો આગળ વધ્યો હતો. વિશ્વ બદાપના સમાચારો નરમાઈ બતાવતા હતા. ઘરઆંગણે કરન્સી બજારમાં ડોલરના ભાવો આરંભમાં ઉછળ્યા પછી ફરી ગબડયાના સમાચારો હતા. વિશ્વ બજારમાં સોનાના ભાવો ઔંશના ૧૨૮૩.૬૦ ડોલરવાળા આજે નીચામાં ૧૨૭૬.૩૦ ડોલર થઈ સાંજે ૧૨૮૦થી ૧૨૮૦.૫૦ ડોલર હતા.

મુંબઈ કરન્સી બજાર આજે ડોલરના ભાવો રૃ.૬૪.૫૮ વાળા ઉંચામાં રૃ.૬૪.૭૨ થયા પછી નીચામાં રૃ.૬૪.૫૫ રહી છેલ્લે રૃ.૬૪.૫૬ બોલાયા હતા. મુંબઈમાં સોનાના ભાવો ૧૦ ગ્રામના ૯૯.૫૦ના રૃ.૨૯૩૫૦ વાળા રૃ.૨૯૨૯૫ ખુલી રૃ.૨૯૨૭૫ બંધ રહ્યા હતા જયારે ૯૯.૯૦ના ભાવો રૃ.૨૯૫૦૦ વાળા રૃ.૨૯૪૪૫ કુલી રૃ.૨૯૪૨૫ બંધ હતા.

ચાંદીના ભાવો કિલોના રૃ.૪૨૫૫૫ લ લવાળા આજે રૃ.૪૨૪૩૦ ખુલી રૃ.૪૨૪૪૫ બંધ રહ્યા પછી સાંજે ભાવો રૃ.૪૨૪૦૦થી ૪૨૪૫૦ તથા કેશમાં ભાવો આ ભાવોની સમકક્ષ બોલાયા હતા. વિશ્વ બજારમાં સોના પાછળ ચાંદીના ભાવો ઔંશના ૧૮.૨૩ ડોલર વાળા આજે નીચામાં ૧૮.૧૦ થઈ સાંજે ૧૮.૧૮થી ૧૮.૧૯ ડોલર રહ્યા હતા.

વિશ્વ બજાર પાછળ તથા કરન્સી બજાર પાછળ મુંબઈ બજારમાં આજે સોના-ચાંદીમાં ઘટતા ભાવોએ વેચનારા વધુ તથા લેનારા ઓછા હતા. દરમિયાન, ભારતના કસ્ટમ વિભાગ દ્વારા ડોલરના કસ્ટમ એક્સ.ના દરો ૨૧ એપ્રિલથી અમલમાં આવે એ રીતે ૩૫ પૈસા ઘટાડવામાં આવ્યા છે અને આવા નવા દરો આયાતકારો માટે રૃ.૬૩.૫૫ કરાયા છે. વિશ્વ બજારમાં સાંજે પ્લેટીનમના ભાવો ૯૭૬.૪૦થી ૯૭૬.૪૫ ડોલર તથા પેલેડીયમના ભાવો ૭૯૧.૬૫થી ૭૯૧.૭૦ ડોલર હતા. દરમિયાન, અમેરિકામાં ગેસોલીનનો સ્ટોક વધતાં વિશ્વ બજારમાં ક્રૂડતેલના ભાવો વધુ ઘટી બેરલદીઠ સાંજે બ્રેન્ટ ક્રૂડના ૫૩.૧૮ ડોલર તથા ન્યુયોર્કના ભાવો ઘટી ૫૦.૬૫ ડોલર રહ્યા હતા.

દરમિયાન વિશ્વ બજારમાં કોપરના ભાવો ૫૬૪૫ ડોલર, ટીનના ભાવો ૧૯૯૧૫ ડોલર, નિકલના ભાવો ૯૪૬૦ ડોલર હતા. એલ્યુમિનિયમના ભાવો ૧૯૩૪ ડોલર, જસતના ભાવો ૨૬૧૩ ડોલર તથા સીસાનો ભાવો ૨૧૬૧ ડોલર હતા. ત્યાં લંડન એક્સચેન્જમાં આજે કોપરનો સ્ટોક ૯૭૫ ટન વધ્યો હતો. નિકલનો સ્ટોક ૭૮૬ ટન વધ્યો હતો જયારે એલ્યુ.નો ૧૧૧૨૫ ટન ઘટયો હતો જસતનો સ્ટોક ૧૦૭૫ ટન તથા સીસાનો સ્ટોક ૫૦૦ ટન ઘટયાના સમાચારો હતા. ટીનનો સ્ટોક જળવાઈ રહ્યો હતો. દરમિયાન હિન્દુસ્તાન ઝીંકે આજે સીસાના ભાવો ટનના રૃ.૬૪૦૦ ઘટાડયા હતા જયારે જડસતના ભાવો જાળવી રાખ્યાના સમાચારો હતા.

દરમિયાન અમેરિકાના જોબલેસ કેલઈમ્સ બેરોજગારીના દાવાઓ ૧૦ હજાર વધી ૨ લાખ ૪૪ હજાર આવ્યાના સમાચારો હતા. આની સામે અપેક્ષા ૨ લાખ ૪૦ હજારની હતી. વિશ્વ બજારમાં આજે ડોલરના ભાવો ઘટયા હતા. યુરોપના શેરબજારો વધ્યા હતા. બ્રિટીશ પાઉન્ડ વધ્યો હતો. જાપાનના યેનના ભાવો પણ ઉંચકાયા હતા. ક્રૂડતેલના ભાવો સાડા ત્રણથી ચાર ટકા બુધવારે રાત્રે ગબડયા હતા.

Keywords business,Continuous,decline,in,gold,and,silver,