Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ગ્રીનસિટી ગાંધીનગર ૪૩.૪ ડિગ્રી તાપમાન સાથે ગરમીમાં શેકાયું !

-૧૦થી વધુ શહેરોમાં તાપમાન ૪૦ ડિગ્રીને પાર

-અમદાવાદમાં ૪૨.૮ ડિગ્રી તાપમાન

અમદાવાદ,તા.17 મે 2017, બુધવાર

ગુજરાત હાલમાં અગનભઠ્ઠીમાં ફેરવાઇ ગયું હોય તે હદે ગરમીનો પારો વધી જતા લોકો ત્રાહિમામ પોકારી ગયા છે. રાજ્યનું ગ્રીન સિટી ગણાતું ગાંધીનગર આજે ૪૩.૪ ડિગ્રી સેલ્સિયસ સાથે રાજ્યનું સૌથી વધુ ગરમ શહેર રહ્યું હતું. અમરેલી , સુરેન્દ્રનગર ૪૩ ડિગ્રી તાપમાન સાથે બીજા ક્રમે રહ્યા હતા. અમદાવાદમાં ૪૨.૮ ડિગ્રી તાપામાન નોંધાયું હતું. રાજ્યના ૧૦ શહેરોમાં તાપમાનનો પારો ૪૦ ડિગ્રી કરતા પણ વધુ રહેતા બપોરે તો રીતસરનો કરફ્યું જેવો માહોલ સર્જાયો હતો.

હવામાન ખાતાની આગાહી મુજબ આગામી પાંચ દિવસ દરમિયાન પણ ગરમીનું જોર યથાવત રહેશે. અમદાવાદમાં છેલ્લા ચાર વર્ષથી મે માસમાં ગરમીનો પારો ૪૪ ડિગ્રીને પાર રહ્યો છે. ગત વર્ષે તા.૨૦ મે ના રોજ અમદાવાદમાં રેકોર્ડબ્રેક ૪૮ ડિગ્રી તાપમાન નોંધાયું હતું. ચાલુ વર્ષે મે માસમાં ગરમીનો પારો અમદાવાદમાં ૪૪ ડિગ્રીને પાર કરી જવાની શક્યતા જોવાઇ રહી છે.

બીજી તરફ હાલમાં લીલુંછમ અને ઘટાટોપ વૃક્ષોની છત્રછાયામાં વસેલું અને ગ્રીન સિટીના નામે પ્રખ્યાત થયેલા ગાંધીનગર પર આજે સૂર્યદેવતા જાણે ક્રોપાયમાન થયા હોય તેમ ૪૩.૪ ડિગ્રી તાપમાન સાથે ગાંધીનગર રાજ્યમાં સૌથી હોટેસ્ટસિટી રહ્યું હતું. ત્યાં લધુત્તમ તામમાન પણ સૌથી વધુ ૨૮ ડિગ્રી નોંધાવા પામ્યું હતું.

અરવલ્લીની ગીરીમાળાઓ વચ્ચે ઘેરાયેલા ઇડરમાં આજે ૪૧.૮ ડિગ્રી તાપમાન નોંધાયું હતું. સવારના ૮ વાગ્યાથી જ ગરમીની અસર ચાલુ થઇ જાય છે. દેહ દઝાડતી ગરમીને કારણે લોકો સવારથી કામ સિવાય ઘરની બહાર નીકળવાનું ટાળી રહ્યા છે. સાંજના છ વાગ્યા સુધી ગરમીની અસર રહેતા લોકો માટે તો આખો દિવસ ગરમીની વચ્ચે શેકાવાનો વારો આવ્યો છે. રાત્રે પર પવન ફૂંકાતો ન હોવાથી અસહ્ય બફારા વચ્ચે લોકોએ રાત વિતાવવી પડી રહી છે.

શહેર    તાપમાન

ગાંધીનગર    ૪૩.૪
અમરેલી    ૪૩
સુરેન્દ્રનગર    ૪૩
અમદાવાદ    ૪૨.૮
ડિસા    ૪૨.૫
રાજકોટ    ૪૨.૪
ઇડર    ૪૧.૮
વ. વિ.    ૪૧.૮
બરોડા    ૪૧.૪
કંડલા એરપોર્ટ    ૪૦.૬
ભુજ    ૩૯.૬
શહેર    તાપમાન
ભાવનગર    ૩૮.૬
કંડલાપોર્ટ    ૩૭.૯
નલિયા    ૩૭
મહુવા    ૩૫.૮
પોરબંદર    ૩૪.૮
વલસાડ    ૩૪.૯
દિવ    ૩૪.૬
સુરત    ૩૪.૬
વેરાવળ    ૩૩.૬
દ્વારકા    ૩૨.૨
ઓખા    ૩૨.૭

Post Comments