Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

આજે પ્રમુખસ્વામી મહારાજની પુણ્યતિથિ નિમિત્તે 150થી વધુ દેશોમાં સ્મૃતિસભા

- અમેરિતકામાં ‘પ્રમુખસ્વામી સ્મૃતિ દિન’ની ઉજવણી

- ગુજરાતમાં 60થી વધુ જાહેરસ્થાનો, માર્ગ-બ્રિજ ‘પ્રમુખસ્વામી મહારાજ’ના નામે

અમદાવાદ, તા. 13 ઓગસ્ટ 2017, રવિવાર

બોચાસણવાસી શ્રી અક્ષરપુરુષોત્તમ સ્વામિનારાયણ સંસ્થા (BAPS)ની ધર્મધુરા સૌથી લાંબો સમય સંભાળનારા બ્રહ્મસ્વરૂપ પૂ. પ્રમુખસ્વામી મહારાજના અક્ષરધામગમનને તા.13 ઓગસ્ટ, 2017ના રોજ પ્રથમ વાર્ષિક પુણ્યતિથિ છે. રવિવારે આ નિમિત્તે BAPS સ્વામિનારાયણ મંદિર, શાહીબાગ સહિત વિશ્વભરનાં 150થી વધુ દેશોનાં BAPS સ્વામિનારાયણ સંસ્થાનાં મંદિર અને કેન્દ્રો ખાતે પ્રમુખસ્વામી મહારાજની સ્મૃતિમાં ‘સ્મૃતિ સભા’નું આયોજન કરવામાં આવશે. જ્યારે અમેરિકામાં ‘પ્રમુખસ્વામી સ્મૃતિ દિન’ની ઉજવણી થશે.

આ અંગે વિગતો આપતાં સાધુ વિવેકજીવનદાસજીએ જણાવ્યું કે પ્રમુખસ્વામી મહારાજની પુણ્યસ્મૃતિમાં અમેરિકાના ટેક્સાસ રાજ્યના હ્યુસ્ટન શહેરના મેયર સિલ્વેસ્ટર ટર્નરે 13મી ઓગસ્ટને ‘પ્રમુખસ્વામી દિન’ તરીકે જાહેર કર્યો છે. ઉલ્લેખનીય છે કે, અગાઉ ન્યૂયોર્કની રાજ્ય સરકારે તા.7મી ડિસેમ્બરને ‘પ્રમુખસ્વામી મહારાજ દિન’ તરીકે જાહેર કરીને તેમને બિરદાવ્યા હતા. જ્યારે અમેરિકાના શિકાગો મહાનગરમાં ઇલિનોય રાજ્યના સ્ટેટ હાઈવે નંબર 64થી આર્મી ટ્રેઈલ રોડ સુધીના માર્ગને ‘પ્રમુખસ્વામી રોડ’ નામ આપવામાં આવ્યું છે.

જ્યારે ગુજરાતમાં 60થી વધુ જાહેરસ્થાનો, માર્ગ-બ્રિજને ‘પ્રમુખસ્વામી મહારાજ’નું નામ આપીને એક ભાવાંજલિ અર્પણ કરાઈ છે. તેમણે વધુમાં જણાવ્યું કે અમદાવાદમાં મ્યુનિસિપલ કોર્પોરેશન દ્વારા સાબરમતી નદી પર બંધાયેલી રિવરફ્રન્ટ યોજનાના ચંદ્રભાગા નદીથી વાસણા બેરેજ સુધીના માર્ગને રાજ્યના મુખ્યમંત્રી વિજયભાઈ રૂપાણી દ્વારા ‘પ્રમુખસ્વામી મહારાજ માર્ગ’ તરીકે જાહેર કરવામાં આવ્યો છે. જ્યારે સુરતના પાલ વિસ્તારમાં બનનાર ઇન્ટરનેશનલ ક્રિકેટ સ્ટેડિયમનું ‘પ્રમુખસ્વામી ક્રિકેટ સ્ટેડિયમ’ નામકરણ કરવામાં આવ્યું છે. તો વડોદરા શહેરમાં ફતેહગંજ ખાતે નિર્માણ પામેલા સૌથી લાંબા ફ્લાય ઓવર બ્રિજનું નામ ‘પ્રમુખસ્વામી ફ્લાય ઓવરબ્રિજ’ પાડવામાં આવ્યું છે.

Post Comments