Last Update : 26-December-2012, Wednesday

 

બળવાખોરીના દસ ‘ઝેરીલા’ નુસખા !

હવામાં ગોળીબાર - મન્નુ શેખચલ્લી
- સૂત્રો પોકારીને કે યાદી બાળીને શું મળશે ? બળવાખોરી તો એવી ખતરનાક રીતે કરો કે...

 

ચૂંટણીઓ માથે આવી ગઈ છે. ઉમેદવારોની યાદીઓ જાહેર થઈ ગઈ છે પણ ભાજપ હોય કે કોંગ્રેસ બન્ને માટે બળવાખોરોની સમસ્યા માથાનો દુઃખાવો બની ગઈ છે. બધા મોટા મોટા નેતાઓ વિચારી રહ્યા છે કે આ બળવાખોરોનું કરવું શું ?
પણ અમે ઊંધું વિચારી રહ્યા છીએ.
અમે એમ વિચારી રહ્યા છીએ કે બળવાખોરોએ બળવો શી રીતે કરવો જોઈએ ? કારણકે માત્ર ઉમેદવાર-યાદી બાળવી કે સૂત્રો પોકારવાથી કશું થવાનું નથી ! હકીકતમાં તો તમારે પક્ષના મોવડીઓ અને અસલી ઉમેદવારોની એવી વાટ લગાડવી જોઈએ કે બેટમજીઓને જીંદગીભર યાદ રહે !
તો પ્રસ્તુત છે થોડા બળવાખોરીના ઓરીજીનલ નુસખા...
* * *
(૧) બ્લેન્ક કોલ્સ કરાવો ઃ
જુદા જુદા ૧૦૦-૧૫૦ માણસો પાસે (તમારા એટલા તો ટેકેદારો હોય ને ?) એમના ઓળખીતા-પાળખીતાના મોબાઈલ નંબરો પરથી ધમકીના ફોનો કરાવો ‘‘બેટમજી...ટિકીટ તો લીધી છે...પણ જીતે છે કેવી રીતે ?...ખબર પડશે !’’
* * *
(૨) ધમકીભર્યા પત્રો મોકલાવો ઃ
‘‘ઘરમાંથી પ્રચાર કરવા બહાર નીકળ્યો છે તો ટાંટિયો ભાંગી નાંખીશ !’’ એવી ધમકીઓ લખેલા લેટર તો મોકલવાના....પણ બીજા બે ડમી ઉમેદવારોના નામે !
છો અંદરોઅંદર લડ્યા કરતા !
* * *
(૩) ધમકીભર્યાં નિમંત્રણો મોકલાવો
જે ઉમેદવારને ટિકીટ મળી હોય તેના સૌથી ફેવરેબલ વિસ્તારમાંથી જ ધમકીભર્યા નિમંત્રણ મોકલાવો કે ‘‘સાહેબ, જ્યાં સુધી અમારા એરિયામાં તૂટેલી-ફૂટેલી સડક રીપેર નહિ કરાવો અને ઉભરાતી ગટર સરખી ના કરાવો ત્યાં લગી અહીં વોટ માગવા આવતા જ નહિ....હા, એ પછી જરૂરથી આવજો ! તમારું હાર્દિક સ્વાગત છે.’’
* * *
(૪) પક્ષમાં રહીને જ નુકસાન કરો
બળવો કરવા માટે પક્ષ સાથે છેડો ફાડવાની જરૂર જ ક્યાં છે ? પક્ષમાં જ રહો ! ખૂબ વફાદારી બતાડો ! ઉમેદવારની વાહવાહ કરો ! અને પછી....
- જ્યાં જ્યાં ધાબળા વહેંચવાના હોય ત્યાં ચાદરો વહેંચી આવો !
- જ્યાં જ્યાં દારૂની બોતલો વહેંચવાની હોય ત્યાં દૂધની કોથળીઓ પહોંચાડો !
- અને જ્યાં રોકડા રૂપિયા વહેંચવાના હોય ત્યાં એ કામ અંધારામાં કરો અને અંધારાનો લાભ લઈને પેલી સાવ છોકરાંઓને રમવા માટે મળે છે એવી નકલી નોટો વહેંચાવડાવો !
...સરવાળે મતદારો જ બળવો કરશે !
* * *
(૫) જવાબદારીપૂર્વક વર્તો !
પક્ષમાં જ રહીને, વિશ્વાસ કેળવીને પહેલાં તો જવાબદારીઓ લો ! પછી કામો એવી રીતે પાર પાડો કે...
- ઉમેદવારનાં વાહનોની જવાબદારી લીધી હોય તો એકસામટાં છ વાહનોમાં પંચર પડવાં જોઇએ !
- જાહેરસભામાં બોલાવેલી મેદની માટે નાસ્તાની જવાબદારી લીધી હોય તો એ બધાને નાસ્તો કર્યા પછી ઝાડા છૂટી જવા જોઇએ !
- જાહેરસભામાં માઈક અને લાઉડસ્પીકરોની જવાબદારી લીધી હોય તો બરોબર નેતાજી બોલવા ઊભા થાય ત્યારે જ સાઉન્ડ કટ થઇ જવો જોઇએ ! (હવે સમજ પડીને, કે મુખ્યમંત્રીજીના થ્રી-ડી પ્રસારણમાં અવાજ કોણ કટ કરાવતું હશે !)
* * *
(૬) ખુલાસા કરતી પત્રિકાઓ છપાવો
રાતોરાત વીસ-પચ્ચીસ હજાર પત્રિકાઓ છપાવીને મતદારોમાં વહેંચી મારો, જેમાં તમારા ઉમેદવારનો એવો ખુલાસો છપાયો હોય કે ‘‘અમુક અખબારોમાં જે સમાચાર છપાયા છે કે હું ફલાણી ફલાણી બાઈ સાથે રંગરેલિયાં મનાવતો રંગે હાથ ઝડપાઈ ગયો હતો અને રોજ રાત્રે મારા ફાર્મ હાઉસમાં રૂપવંતી સ્ત્રીઓની અવરજવર હોય છે, એ સમાચાર સાવ ખોટ્ટા છે.’’
(હકીકતમાં આવા કોઈ સમાચાર ક્યાંય છપાયા જ ના હોય ! પણ તમે આવો ખુલાસો કરતી પત્રિકાઓ વહેંચો એટલે પબ્લિક એમ જ માને કે બેટમજી ખરેખર ચાલુ માણસ હશે !)
* * *
(૭) મતદારોને ગીફટ મોકલાવો
અમુક ઉમેદવારો પોતાના મહિલા મતદારોને ગીફટ તરીકે સાડી વગેરે મોકલતા હોય છે. આ ટાઈપની ગીફટમાં થોડો ખર્ચ કરીને એક જ આઈટમ ઉમેરો....મહિલા મતદારોને સાડી જોડે ‘બ્રા’ પણ મોકલાવો !
- પછી જુઓ મઝા !
* * *
(૮) લેન્ડલાઈનથી ઝનૂની પ્રચાર કરો
ફોનથી પ્રચાર કરવા માટે લેન્ડલાઇન ફોન બહુ સારો પડે છે. કારણ કે એક તો ડાયરેક્ટ ઘરમાં વાત પહોંચે છે અને બીજું, તમારો લેન્ડલાઈન નંબર ટ્રેસ કરવો મુશ્કેલ છે !
હવે કરવાનું શું, કે પ્રચાર તો તમારા પોતાના જ પક્ષના ઉમેદવારનો કરવાનો છે, પણ કેવી રીતે કરવાનો ?...ગાળાગાળી કરીને ! ‘‘સાલા હરામખોર, નાલાયક નીંભર, હલકટ ! એક વાત કાન ખોલીને સાંભળી લે, અમારા ફલાણાફલાણા ભાઈને જ વોટ આપવાનો છે. બીજા કોઇને આપવાનો વિચાર સુઘ્ધાં કર્યો છે તો ટાંગ તોડી નાંખીશું !’’
- બસ, જેટલા ફોન કરશો એટલા વોટનું ગાબડું !
* * *
(૯) ચૂંટણીના દિવસે ‘મહેનત’ કરો
યાદ રાખો, પક્ષમાં જ રહીને પક્ષની જ પથારી ફેરવવાનું કામ છેલ્લી ઘડી સુધી કરવાનું છે !
- મતદારોને આપવાની સ્લીપમાં મતદાન મથકનું નામ ખોટું જ લખો ! (જેથી મતદાનના દિવસે મતદાર ધક્કા ખાઇ ખાઇને કંટાળી જાય.)
- મતદાન બુથની બહાર ટેબલ નાંખીને બેઠા હો ત્યારે નામ શોધી આપવામાં ગોટાળા કરો, વાર લગાડો, ધક્કા ખવડાવો, ખોટા બુથમાં ધકેલો અને કારણ વિનાના સત્તર સવાલો પૂછ્‌યા કરો.
મતદારો બુથ તરફ જતા હોય ત્યારે રતનપોળના સાડી સેલ્સમેનોની જેમ એમનો જીવ ખાઈ જાવ ઃ ‘‘ભાભી ભાજપનો આપજો હો ? ભાભી ભાજપ હોં ? ભૂલાય નહિ ! કાકી, ભાજપ એટલે બેસ્ટ ! આન્ટી ભાજપ ભાજપ ભાજપ ! બેબી ભાજપમાં જ મજા છે હોં ! દાદી ભાજપ ! સાંભળ્યું ? મોટેથી કહું છું ભાઆઆ જઅઅઅ પઅઅઅ...કમળ કમળ કમળ કમળ....’’
(ટૂંકમાં એટલો ત્રાસ કરી નાંખો કે એ લોકો તમને વોટ આપવાના હોય તોય હરગિઝ ના આપે !)
* * *
(૧૦) છેલ્લે, ખરખરો કરો
છેવટે પરિણામો આવે અને તમારો ‘પ્રિય’ ઉમેદવાર હારે ત્યારે કોઇ સ્વજનનું મૃત્યુ થઇ ગયું હોય એવું સોગિયું ડાચું કરીને ખરખરો કરતાં કહો કે ‘‘સાલા, આ બળવાખોરોને કારણે જ તમે હાર્યા....બાકી તો....’’

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
નરેન્દ્ર મોદીના વિજય અંગે નિતિશકુમારનું રહસ્મય મૌન
બળાત્કારીઓને મૃત્યુદંડ અંતિમ ઉપાય નથી ઃ ન્યાયમૂર્તિ ધર્માધિકારી

પેટમાં કોકેન કેપ્સ્યુલ્સ સાથે પકડાયેલી વિદેશી મહિલાને કોર્ટે છોડી મૂકી

યુપીએ સરકાર પર માયાવતીના પ્રહાર પણ સમર્થન પાછું નહીં ખેંચે
સામૂહિક બળાત્કારની ઘટના તંત્રની 'ઘોર નિષ્ફળતા' દર્શાવે છે ઃ વી કે સિંહ

સ્થાનિક તથા વૈશ્વિક બજારમાંથી અચાનક માગ ઊભી થતા કોટન યાર્નમાં ઉછાળો

સેઈલનું ડિસઈન્વેસ્ટમેન્ટ OFS થકી ફેબુ્રઆરીમાં
આજે બીજી ટ્વેન્ટી-૨૦ ઃ ભારતને શ્રેણીમાં ક્લિન સ્વિપ કરવાની તક

આઇપીએલ-૬નો કાર્યક્રમ જાહેરઃ૫૪ દિવસમાં કુલ ૭૬ ટ્વેન્ટી-૨૦ રમાશે

તેંડુલકરને નિવૃત્તિની સલાહ આપવા જેટલું ઉચ્ચ સ્તર કોઇ ધરાવતું નથી
ભારતીય ટીમે ટ્વેન્ટી-૨૦ની મેચ જીતીને હળવાશ અનુભવી હશે
ભારતે ડિન્ડાને ત્રણેય ફોર્મેટમાં નિયમિત રીતે રમાડવો જોઇએ
ઓવરબોટ પોઝિશન ખંખેરાતા સેન્સેક્ષ ૨૧૨ પોઇન્ટ તૂટી ૧૯૨૪૨
ઝવેરી બજારમાં તીવ્ર ધરતીકંપ ઃ અમદાવાદમાં ચાંદીમાં રૃા. ૨૨૦૦નો પ્રચંડ કડાકો બોલાયો
કોર્પોરેટ લોનો માટે પૂરતી કોલેટરલ અપાઈ છે કે નહીં તેની RBI દ્વારા તપાસ
 

 

 

Gujarat Samachar Plus

ડ્રેસિંગ ટિપ્સ ફૉર કોકટેલ પાર્ટી
થિન્ક 'પિન્ક'
હવે રમકડાંમાંથી રંગભેદ દૂર કરાશે
કમરને બ્યુટીફુલ દેખાડવાની ટ્રિક
ઘરની સજાવટ રોમેન્સ ફ્રેન્ડલી બનાવો
કરિયરમાં સ્ટડી સાથે ઉપયોગી થતાં શોર્ટટર્મ કોર્સ
 

Gujarat Samachar glamour

ઇમરાન-અનુષ્કાની ફિલ્મ રિલીઝમાં વિઘ્ન
ન્યૂયરમાં શાહરૃખ દીપિકાની મસ્તી એક્સપ્રેસ
વિવેક ઓબેરોય પેટર્નીટી લીવ લેશે
પ્રેશરમાં કામ સારું થાય છેઃ અરબાઝ
દબંગ-૨ના ગીત સામે કોપીરાઇટ ભંગ
બિપ્સ ક્રિકેટ ટીમની બ્રાન્ડ એમ્બેસેડર
 
 
 
 
 
 
 
 
 

Gujarat Samachar POLL

 

રાશિ ભવિષ્ય

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved