Last Update : 22-December-2012, Saturday

 

દક્ષિણ ભારતમાં માંડ માંડ ખીલેલું ‘‘કમળ’’ હવે સુકાઈ જઈને ખરી પડશે ?

- કર્ણાટકમાં પણ ભાજપ ઉત્તર પ્રદેશ અને દિલ્હીની જેમ ભૂંસાઈ જશે ?
- જેણે ભાજપને કર્ણાટકમાં ફેલાવ્યો એ રાષ્ટ્રીય સ્વયંસેવક સંઘના ચુસ્ત સ્વયંસેવક બી.એસ. યેદિયુરપ્પા જ હવે ભાજપને કર્ણાટકમાંથી ફેંકી દેવા કમર કસીને બેઠા છે ?
- સંઘ જ સંઘનો દુશ્મન ?
- શિસ્ત અને સંગઠન ક્યાં ગયા ?

બેંગલુરની ડોલર કોલોનીમાં આવેલો ‘‘ધવલગિરી’’ નામનો બંગલો.
કર્ણાટક દ્વારા દક્ષિણ ભારતમાં ભાજપના પ્રવેશ માટેના દરવાજા ખોલનાર ભાજપ અને રાષ્ટ્રીય સ્વયંસેવક સંઘ સાથે ૪૦-૪૨ વર્ષથી જોડાયેલા સંઘના ચુસ્ત સ્વયંસેવક બી.એસ. યેદિયુરપ્પાનું એ નિવાસસ્થાન.
યેદિયુરપ્પા એટલે કર્ણાટકમાં ભાજપના પહેલા મુખ્ય પ્રધાન. કર્ણાટકમાં ભાજપનું નામોનિશાન નહોતું. એમાંથી ૪૦ વર્ષ સુધી સંઘના પીઠબળે ભાજપને કર્ણાટકમાં ઊભો કરીને સત્તા પર બેસાડનાર આ યેદિયુરપ્પા. ઘણા રાજ્યોમાં ભાજપના નેતાઓ જેમ પક્ષ કરતાં મોટા થઈ જાય છે એમ યેદિયુરપ્પા પણ કર્ણાટકમાં પક્ષ ભાજપ કરતાં ‘મોટા’ થઈ ગયા હતા.
યુદિયુરપ્પા મુખ્યપ્રધાન તો થયા પણ કર્ણાટકમાં ખાણોનું અબજો રૂપિયાના ખનીજના ભ્રષ્ટાચારનું કૌભાંડ બહાર આવતા અને એમાં એમની સંડોવણી હોવાનું જણાતા કર્ણાટકના લોકાયુક્તને એમણે મુખ્યપ્રધાન તરીકે ૨૦૧૧ના જુલાઈમાં રાજીનામું આપી દેવું પડેલું. એ પછી એ જેલમાં જવાની સ્થિતિથી દૂર રહેવામાં સફળ રહ્યા છે.
આખા દેશમાં અને દુનિયામાં શિસ્ત અને એકતા માટે પોતે જાતે જ પોતાની પીઠ ઠોકતી આવેલો આર.એસ.એસ. એટલે સંઘની સામે સંઘ આખા દેશમાં ઊભો થઈ ગયો છે. ઉત્તરપ્રદેશમાં ભાજપ સામે ભાજપ છે તો ગુજરાતમાં, પંજાબમાં, ઝારખંડમાં, મહારાષ્ટ્રમાં, કર્ણાટકમાં... ટૂંકમાં ક્યાં નથી ?
આજે ભાજપ અનુશાસનહીન, દિશાહીન અને પોતાના અસ્તિત્વ માટે લડી રહેલો પક્ષ બની ગયો છે.
કર્ણાટકનો દાખલો તાજો અને જવલંન છે. કર્ણાટકમાં ડિસેમ્બર ૨૦૧૨માં ભાજપના મુખ્યપ્રધાન રહેલા અને સંઘના સંપૂર્ણ ગણવેશધારી સ્વયંસેવક ૪૦-૪૫ વર્ષથી રહેલા એસ. યેદિયુરપ્પાએ લગભગ ૨,૦૦,૦૦૦ જેટલી મેદની વચ્ચે ‘‘કર્ણાટક જનતા પાર્ટી’’ (કેજેપી) નામનો નવો પક્ષ બીજેપી (ભારતીય જનતા પક્ષ)ની સામે રચ્યો (આખા દેશમાં ભાજપની આ જ સ્થિતિ છે... ભાજપ સામે ભાજપ સંઘ સામે સંઘ).
૪૦ વર્ષથી પોતાને ભાજપનો સાચો કાર્યકર્તા અથવા નેતા તરીકે ઓળખાવનાર યેદિયુરપ્પાએ એ જ ભાજપને એ રીતે પોતાની તાકાત બતાવી.
રેલી પહેલાં યેદિયુરપ્પાના ટેકામાં ભાજપના ધારાસભ્ય (એમ એલ સી એટલે મેમ્બર ઓફ લેજીસ્લેટીવ એસેમ્બલી) શિવરાજ સજ્જનને ત્યાં નાસ્તામાં ભાજપના ૨૩ ધારાસભ્ય, ૮ પ્રધાન, ૪ સંસદ સભ્ય અને ૯ એમ.એલ.સી. ભેગા થયા હતા. એમાંના ૧૫ ધારાસભ્યોએ સ્ટેજ ઉપર એમનો સાથ આપેલો. જ્યારે કેટલાક પ્રધાનો પ્રેક્ષક ગેલેરીમાં બેસીને યેદિયુરપ્પાની પ્રશંસા કરવામાં લાગેલા હતા.
૭૨ વર્ષના યેદિયુરપ્પાએ ભાજપના મોવડી મંડળને (એટલે ગડકરી, સુષ્મા સ્વરાજ, અરૂણ જેટલી, અનંતકુમાર, વેંકેયૈ નાયડુ અને આડવાણી) પડકારતા કહ્યું કે, જો ભગવા સૈન્યમાં હંિમત હોય તો એમના ટેકામાં આવેલા ભાજપના ધારાસભ્યો અને પ્રધાનો ઉપર પગલાં લે, અથવા ધારાસભાને બરખાસ્ત કરીને ચૂંટણી કરાવે.
દિલ્લીમાં બેસીને આખા દેશના ભાજપ ઉપર સત્તા ચલાવનાર મોવડી મંડળને એમણે બીજો પડકાર ફેંકતા કહ્યું કે, ફાઈવ સ્ટાર હોટલોમાં બેસીને રાજકારણ રમી રહેલાઓને પ્રાદેશિક રાજકારણની સમજણ નથી.
કર્ણાટકની રાજધાની ગેંગ્લોરથી ૩૫૦ કી.મી. દૂર હોવેરી જિલ્લામાં જી.એચ. કોલેજ ગ્રાઉન્ડમાં પોતાના ટેકેદારોને ભાષણ આપતા યેદિયુરપ્પાએ કર્ણાટકના વિકાસ ઉપર ખૂબ ભાર મૂક્યો. કપાસ અને મરચાના ઉત્પાદન માટે જાણીતા એ પ્રદેશની ખાસિયતને અપનાવીને યેદિયુરપ્પાએ ભાજપીઓને તીખું મરચું પીરસ્યું ત્યાં પોતાના ટેકેદારોને એમણે કપાસના રૂથી પંપાળ્યા.
ભાજપના જે કેટલાક નેતાઓ જમીન સાથે ચીપકેલા છે અને કેટલાક હવામાં હેલિકોપ્ટરમાં ઉડતા રહીને જમીન ઉપર પગ નથી મૂકતા.. યેદિયુરપ્પા એમાંના પહેલા પ્રકારના નેતા છે. એ કારણે જ તેઓ દક્ષિણ ભારતમાં ભાજપના કમળને ખીલવવામાં અગ્રયાયી રહ્યા હતા.
બસ. એ પછીનો યેદિયુરપ્પા અને સંઘ તથા ભાજપનો ઈતિહાસ કલંકિત છે. સંગઠન, એકતા, દેશપ્રેમ વગેરે સંસ્કારો સંઘ ભાજપના ચુસ્ત સ્વયંસેવક સત્તા મળતા જેમ કચરા પેટીમાં નાંખી દે છે એમ યેદિયુરપ્પાએ પણ દેશપ્રેમ, પ્રમાણિકતા, વગેરેને કચરાપેટીમાં નાંખીને કચરાથી જ નહાવાનું ચાલુ કર્યું.
એ યેદિયુરપ્પાએ ભાજપનો વિરોધી પક્ષ ઊભો કરવાનું આયોજન કર્યું એમાં ક્યાંય ભગવા રંગની છાંટ પણ જોવા નહોતી મળતી. એમણે નવા પક્ષની જાહેરાત સાથે પોતાની જાતને ‘‘સેક્યુલર’’ નેતા જાહેર કર્યો. ભાજપ અને સંઘ હિન્દુત્વને પકડી રાખીને ‘‘સેક્યુલર’’ બનવાનો દંભ કરવા લાગ્યા છે. હિન્દુત્વ તેઓ છોડી શકે તેમ નથી અને ‘‘સેક્યુલરીઝમ’’ સિવાય એમને છૂટકો નથી. સંઘ અને ભાજપને સૂડી વચ્ચે સોપારી જેવી સ્થિતિ છે.
યેદિયુરપ્પા જો કે ચાલાક છે. એમણે દૂરદર્શિતા વાપરીને નવા પક્ષની જાહેરાત સાથે નવા પક્ષનો ઘ્વજ (ઝંડો) કોંગ્રેસી ઘ્વજની જેમ ત્રણ રંગનો રાખ્યો. (૧) પીળો રંગ એટલે સુખ સમૃઘ્ધિનો રંગ, (૨) સફેદ રંગ એટલે શાંતિનું પ્રતીક અને લીલો રંગ એટલે ભગવાધારીઓને પડકારતો રંગ.
એમણે પોતાના ભાષણથી, વેશભૂષાથી અને મેળાપથી એવું દેખાડવાનો પ્રયત્ન કર્યો કે ભાજપની અને એમની વિચારસરણી સાથે હવે કોઈ સંબંધ નથી. સ્ટેજ ઉપર ભાજપના નેતાઓની જગ્યાએ મહાત્મા ગાંધી, ભીમરાવ આંબેડકર અને જયપ્રકાશ નારાયણની તસ્વીરો હતી. શહેરભરમાં એમણે જે હોડંિગ લગાવેલા એમાં પણ ક્યાંય ભગવો રંગ નહોતો. સોનિયા ગાંધીના જન્મદિનના દહાડે એમણે નવા પક્ષની જાહેરાત કરી એ પણ એક સંકેત માનવામાં આવે છે.
આટલું બઘું કરવા છતાં યેદિયુરપ્પાએ ભાજપમાં જવું હોય તો જઈ શકાય એટલા માટે ભાજપ તરફના દરવાજા ખુલ્લા રાખેલા.
કર્ણાટકમાં ૨૦૧૩ના મે મહિનામાં ધારાસભાની ચૂંટણીઓ છે એટલે યેદિયુરપ્પાએ જે કંઈ કરવાનું હોય એ ઝડપથી કરવાની જરૂર છે. એટલે એમણે એક બારી કોંગ્રેસ બાજુ પણ ખુલ્લી રાખી છે.
બીજી બાજુ કર્ણાટકમાં અને કેન્દ્રમાં ભાજપ માટે નવી મુશ્કેલીઓ ઊભી થવાના સંગોજો વધી ગયા છે. ભાજપે પોતાના એક સંસદસભ્ય જી.એસ. બાંસેબારાળુને સસ્પેન્ડ કર્યા અને કોર્પોરેશન ખાતાના પ્રધાન બીજે પુટ્ટુસ્વામીને પક્ષમાંથી છૂટા કર્યા. પરંતુ રવિવારે યેદિયુરપ્પાને ત્યાં જે જમેલો થયો એમાંથી કોઈ ઉપર પગલાં લેવાની ભાજપની સ્થિતિ નથી. કારણ કે તો તો કર્ણાટકની ભાજપ સરકાર ગમે ત્યારે ઉથલી પડે તેમ છે. બીજી બાજુ ૨૦૧૪માં કેન્દ્રમાં ભાજપની સરકાર રચવાનું સંઘ અને ભાજપનું સ્વપ્ન સાકાર કરવામાં પણ અડચણ ઊભી થાય તેમ છે. લોકસભાની છેલ્લી ચૂંટણીમાં કર્ણાટકની લોકસભાની ૨૬ બેઠકોમાંથી યેદિયુરપ્પાએ ભાજપને ૧૯ બેઠકો જીતાડી હતી. એ વખતે ગુજરાત ભાજપે ૧૦ બેઠકો ઓછી આપેલી જેથી કેન્દ્રમાં ભાજપની સરકાર થઈ શકી નહીં અને કોંગ્રેસની થઈ.
એટલે કર્ણાટકને હાથમાંથી જતું કરવાનું ભાજપને (એટલે સંઘને) પોષાય તેમ નથી. એથી યેદિયુરપ્પાનો મુકાબલો કરવા માટે કર્ણાટકમાં સત્તા પરના ભાજપે રાજ્યમાં એક નવો કાર્યક્રમ શરૂ કર્યો છે. ભાજપે જુદી જુદી પાંચ ટીમો બનાવીને રાજ્યના જુદા જુદા જિલ્લાઓના પ્રવાસ કરવાનું અને એ રીતે લોક સંપર્ક દ્વારા ભાજપની નીતિઓનો ખ્યાલ આપવાનું શરૂ કર્યું છે.
એમાંની એક ટીમની આગેવાની મુખ્યપ્રધાન જગદીશ શેટ્ટર કરે છે જ્યારે બીજી એક ટીમનું નેતૃત્વ ભાજપના પ્રદેશ પ્રમુખ કે એસ. ઈશ્વરપ્પા પણ કરે છે. આ ટીમો ૩૦ ડિસેમ્બર સુધીમાં રાજ્યનો પ્રવાસ પૂરો કરશે. આ બન્ને ઉપરાંત ભાજપના મહામંત્રી અનંતકુમાર, પૂર્વ મુખ્યપ્રધાન ડી.વી. સદાનંદ ગૌડા, નાયબ મુખ્યપ્રધાન આર. અશોક પણ એક એક ટીમનું નેતૃત્વ કરે છે.
આમ, ભાજપ અને સંઘનો એકતા અને અનુશાસનનો દાવો ભાંગીને ભુક્કો થઈ ગયો છે. કોંગ્રેસમાં તો ભ્રષ્ટાચારનો ભોરીંગ વર્ષોથી ફેલાયેલો છે પણ પોતાને ભ્રષ્ટાચારથી પર હોવાની ડંફાસ મારનાર ભાજપે ફક્ત બે જ દસકામાં કોંગ્રેસ કરતાં પણ વઘુ ભ્રષ્ટાચાર અપનાવીને પક્ષને છિન્ન ભિન્ન સ્થિતિમાં મૂકી દીધો છે.
સવાલ એ ઊભો થાય છે કે, ભાજપમાં આંતરિક લડાઈઓ કેમ થાય છે ? ભાજપ સામે ભાજપ કેમ લડે છે ? એનું કેન્દ્રિય નેતૃત્વ મજબૂત કેમ નથી ? કોંગ્રેસ ગમે તેટલી ભ્રષ્ટ છે પણ એનું કેન્દ્રિય નેતૃત્વ પેલી ઈટાલિયન મહિલાના હાથમાં મજબૂત છે. ભાજપમાં તો, સંઘને પણ ગાંઠનારું નથી. યેદિયરપ્પા ભ્રષ્ટાચારના આરોપોથી ઘેરાયેલા હોવા છતાં અને પોતાનો નવો પક્ષ બનાવ્યો છતાં એમને ભાજપમાંથી કેમ કાઢી નથી મૂકતા ? એમણે ભાજપના નેતૃત્વને પડકાર્યું હોવા છતાં ભાજપ એ પડકારનો પડઘો કેમ પાડી શકતું નથી ? કર્ણાટક જેવા રાજ્યમાં કમળ સુકાવા માંડે તો પણ સંઘ કેમ જાગતો નથી ? કે એણે પણ ભાજપની આંતરિક લડાઈઓથી હાથ ધોઈ નાંખ્યા છે ?
ભાજપના કેટલાક નેતાઓ જેમ હેલિકોપ્ટરમાં જ ઉડ્યા કરવાના શોખીન છે એમ યેદિયુરપ્પા પણ સત્તામાં મુખ્યપ્રધાન તરીકે હતા ત્યારે હેલિકોપ્ટરમાં જ ઉડ્યા કરતાં હતા. બેંગ્લોરથી ફક્ત ૭૦ કી.મી. દૂર તુમ્કુર મઠ આવેલો છે અને ત્યાં જવા માટે નેશનલ હાઈવે છે છતાં યેદિયુરપ્પા મુખ્યપ્રધાન હતા ત્યારે આપણા જનતાના ખર્ચે હેલિકોપ્ટરમાં જતાં (પેલા બીજા ભાજપી મુખ્યપ્રધાન પણ હેલિકોપ્ટરનો એવો જ ઉપયોગ કરે છે.) એ મઠના દર્શને જવા તેઓ આપણા જનતાના રૂપિયા ૩ થી ૪ લાખ ઉડાડી દેતા શરમાતા નહોતા. તેઓ મુખ્યપ્રધાન તરીકે ૧,૧૫૦ દિવસ રહ્યા જે દરમ્યાન એમણે ૪૦૦ વખત હેલિકોપ્ટર વાપરીને રૂપિયા ૪૨,૦૦,૦૦,૦૦૦ ફૂંકી માર્યા હતા. (કોના...?)
- ગુણવંત છો. શાહ
* * *
તમારું રસોડું તમારો ડોક્ટર
- આદુનો રસ, લીંબુનો રસ અને મીઠું ભેળવીને પીવાથી પાચનક્રિયા બળવાન બને છે.
- તુલસીના પાનનો રસ અને મધ ભેળવીને બાળકના પેઢા પર ઘસવાથી દાંત જલદી આવશે.
- ગરમ પાણીમાં હંિગ નાંખી પીવાથી બેસી ગયેલું ગળું મટે છે.
* * *
કોના બાપની...?
અમદાવાદના ટાઈમરવાળા ટ્રાફીક સિગ્નલ ૮૪ બંધ પડ્યા છે
અને જનતાના આપણા લાખો રૂા. નું પાણી થયું !
ચૂંટણી પૂરી થઈ એટલે જનતાની સગવડતા માટેના કામો ઔડા અને અમદાવાદ કોર્પો.ને શરૂ કરવા જોઈએ પરંતુ એમાં મોડું કરીને ખર્ચ વધી ગયાનું બહાનું ઔડા અને કોર્પો.ના સાહેબો ઊભું કરીને વિલંબ ન કરે તો સારું !
બાકી એમાં પણ અમલદારો ખાયકી કરતા હોય છે. રસ્તા ઉપર એકાદ પથ્થર મૂકવામાં કે ઉપાડવામાં પણ ઔડા અને મ્યુનિ. ના ‘‘સાહેબો’’ ખાયકી કરતા હોય છે પછી શું વાત ?
અમદાવાદ શહેરમાં ૮૪ સ્થળો એવા છે કે જ્યાં ચાર રસ્તાના ચોક પર ટાઈમીંગવાળા ટ્રાફીક સિગ્નલો હોય.
આવા ટ્રાફીક સિગ્નલો દુનિયાભરમાં છે પરંતુ આપણા દેશ અને આપણા વાઈબ્રાન્ટ ગુજરાત સિવાય કોઈપણ દેશમાં એ ટ્રાફીક સિગ્નલો ચાલતા ન હોય એવું ન બને.
અમદાવાદમાં કે ગુજરાતમાં ટાઈમીંગ લાઈટવાળા ટ્રાફીક સિગ્નલો નથી ચાલતા એનું કારણ પોલિસ, ઔડા મ્યુનિ.ના અમલદારો અને વેપારી કંપનીની મિલીભગત છે.
એ સિગ્નલો ચાલતા ન હોય તો એને લાગતી વળગતી ત્રણેય એજન્સીના માણસોને જેલમાં પુરવાની સજા તથા દંડ કરવામાં આવે તો જ ભ્રષ્ટાચારીઓ સીધા થાય !

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
નરેન્દ્ર મોદીના વિજય અંગે નિતિશકુમારનું રહસ્મય મૌન
બળાત્કારીઓને મૃત્યુદંડ અંતિમ ઉપાય નથી ઃ ન્યાયમૂર્તિ ધર્માધિકારી

પેટમાં કોકેન કેપ્સ્યુલ્સ સાથે પકડાયેલી વિદેશી મહિલાને કોર્ટે છોડી મૂકી

યુપીએ સરકાર પર માયાવતીના પ્રહાર પણ સમર્થન પાછું નહીં ખેંચે
સામૂહિક બળાત્કારની ઘટના તંત્રની 'ઘોર નિષ્ફળતા' દર્શાવે છે ઃ વી કે સિંહ

સ્થાનિક તથા વૈશ્વિક બજારમાંથી અચાનક માગ ઊભી થતા કોટન યાર્નમાં ઉછાળો

સેઈલનું ડિસઈન્વેસ્ટમેન્ટ OFS થકી ફેબુ્રઆરીમાં
આજે બીજી ટ્વેન્ટી-૨૦ ઃ ભારતને શ્રેણીમાં ક્લિન સ્વિપ કરવાની તક

આઇપીએલ-૬નો કાર્યક્રમ જાહેરઃ૫૪ દિવસમાં કુલ ૭૬ ટ્વેન્ટી-૨૦ રમાશે

તેંડુલકરને નિવૃત્તિની સલાહ આપવા જેટલું ઉચ્ચ સ્તર કોઇ ધરાવતું નથી
ભારતીય ટીમે ટ્વેન્ટી-૨૦ની મેચ જીતીને હળવાશ અનુભવી હશે
ભારતે ડિન્ડાને ત્રણેય ફોર્મેટમાં નિયમિત રીતે રમાડવો જોઇએ
ઓવરબોટ પોઝિશન ખંખેરાતા સેન્સેક્ષ ૨૧૨ પોઇન્ટ તૂટી ૧૯૨૪૨
ઝવેરી બજારમાં તીવ્ર ધરતીકંપ ઃ અમદાવાદમાં ચાંદીમાં રૃા. ૨૨૦૦નો પ્રચંડ કડાકો બોલાયો
કોર્પોરેટ લોનો માટે પૂરતી કોલેટરલ અપાઈ છે કે નહીં તેની RBI દ્વારા તપાસ
 
 

Gujarat Samachar Plus

ફેસબુક વોલ નક્કી કરશે તમારા ઇન્ટરવ્યુનો કોલ
સ્તન-પ્રદર્શનને બદલે પગ-પ્રદર્શનની ફેશન
પગરખાંની પરખમાં સાવચેતી રાખો
'જિમ'વગર ફિટ એન્ડ ફાઇન ફિગર
સૂકી ત્વચાને સુંવાળી રાખતાં પ્રસાધનો
 

Gujarat Samachar glamour

હું બગડેલો નવાબ નથીઃ સૈફ
હું પાક્કી પંજાબી છુંઃ ઈશા
મારી પસંદ શાહરૃખ જઃ અસિન
સલમાને દીપિકાને 'કિક' આપી
અર્જુન-ચિત્રાંગદાની ફિલ્મના પ્રમોશન માટે કોન્ડમ કંપનીની લોભામણી ઓફર
લગ્નનો કોઈ ઈરાદો નથીઃ જેક્લિન
 
 
 
 
 
 
 
 
 

Gujarat Samachar POLL

 

રાશિ ભવિષ્ય

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved