Last Update : 11-December-2012, Monday

 
૧૯૯૧માં સંસદ ઉપર હુમલો કરનાર અફઝલ ગુરૂને ફાંસી આપવામાં હવે વારો ?
- ફાંસી આપવામાં પણ ખેલાતું રાજકારણ ?
- અફઝલ ગુરૂને જેલમાં પણ બાદશાહી અપાય છે તો પણ એ જલદી ફાંસી ઈચ્છે છે

૨૦૦૯ના લોકસભાની ચૂંટણીઓ પહેલાંની વાત છે. ૨૦૦૧માં સંસદ ભવન ઉપર હુમલો કરનાર અફઝલ ગુરૂને ફાંસીની સજા થઈ ગઈ હતી. ભાજપની બાજપેયીની સરકાર હતી અને આડવાણી ગૃહપ્રધાન હતા. એ વખતે અફઝલે સંસદ ઉપર હુમલો કરેલો. ભાજપે એને કંઈ જ ન કર્યું. એની ધરપકડ કરી કેસ ચલાવ્યો પછી અફઝલને ફાંસી થઈ. ભાજપે ફાંસી ન આપી અને કોંગ્રેસની સરકાર થઈ એટલે ભાજપ એની ટેવ મુજબ પોતાનો વાંક કોંગ્રેસ ઉપર ઢોળીને કોંગ્રેસને બદનામ કરતો પ્રચાર કરવા લાગી કે, ‘‘અફઝલ મુસ્લિમ છે એટલે મુસ્લિમોને રાજી રાખવા અફઝલને ફાંસી નથી આપતી. (સામાન્ય જનતાને કાયદાની ઝીણી જાણકારી ન હોય એટલે એ ભાજપના આવા પ્રચારમાં આવી જાય.)’’
એ વખતે ૨૦૦૯માં આડવાણીનું ‘‘શાઈનીંગ ઈન્ડિયા’’ સૂત્ર પુરબહારમાં ચાલતું હતું. આડવાણીએ તો ચૂંટણી પછી પ્રધાન મંડળના પ્રધાનોના નામો પણ નક્કી કરી નાંખ્યા હતા. એ વખતે અફઝલે પત્ર લખેલો કે, ‘‘હું ખરેખર ઈચ્છું છું કે એલ.કે. આડવાણી ભારતના વડાપ્રધાન બને કારણ કે મને ફાંસીએ લટકાવવાનો નિર્ણય ફક્ત તેઓ જ લઈ શકે તેમ છે. મારી રોજેરોજની પીડા અને માનસિક ત્રાસનો અંત તો આવે !’’
ત્યારે આડવાણીએ અફઝલને ફાંસી આપવાનો મુદ્દો બહુ ચગાવ્યો હતો.
સાચી વાત એ હતી કે, દયાની બધી અરજીઓ બધી પૂરી કરનાર છેલ્લા રાષ્ટ્રપતિ શંકર દયાલ શર્મા હતા. એમના અનુગામી કે.આર. નારાયણે એક પણ અરજી જોઈ પણ નહીં. એ પછીના અબ્દુલ કલામ આઝાદે દયાની એક અરજી પાછી કાઢી હતી અને ૨૮ દયાની અરજી પોતાના અનુગામી માટે બાકી રાખી મૂકી હતી. એમના અનુગામી પ્રતિભાબેન પાટીલ ફાંસીએ લટકાવવો કે એને બચાવવો એવા પ્રશ્ન વચ્ચે ઝોલા ખાતા.
દયાની અરજી કરનારાઓની એક નજર રાષ્ટ્રપતિ પર રહેતી હતી અને એક નજર સુપ્રિમ કોર્ટ ઉપર રહેતી કે ક્યાંક ચમત્કાર થાય !
દરમ્યાનમાં એક નવું પ્રકરણ ખુલ્યું ઃ ૨૦૧૧ના મેની ૨૫ તારીખે દેવેન્દ્ર પાલ ભુલ્લરની દયાની અરજી પ્રતિભાબેન અમાન્ય કરી. ભુલ્લરે ૧૯૯૩માં એક કાર બોમ્બ વડે ૯ જણને મારી નાખેલા. યુથ કોંગ્રેસના પ્રમુખ મનીન્દરસંિહ બિટ્ટાને મારી નાખવા એણે બોમ્બનો ઉપયોગ કરેલો પણ બિટ્ટા બચી ગયેલો અને ૯ જણ મરી ગયેલા.
એ બુલ્લરના પત્નીએ, ‘‘બુલ્લરની માનસિક હાલત બરોબર નથી’’ એટલી બુલ્લરની સજા આજીવન કેદમાં તબદીલ કરવી, એવી સુપ્રિમ કોર્ટમાં અરજી કરી.
એ અરજી સુપ્રિમ કોર્ટમાં ૧૯૮૯ના એક ચુકાદાના આધારે કરેલી. સુપ્રિમ કોર્ટે ત્રિવેણીબેન વિરૂઘ્ધ ગુજરાત રાજ્યના કેસમાં જણાવેલું કે, બંધારણની જે કલમ ૨૧ વ્યક્તિને જીવનનો અધિકાર આપે છે એના આધારે દયાની અરજીનો જલદી નિકાલ લાવવો જરૂરી છે. ફાંસીની સજાના અમલમાં નાહકનું મોડું થતું હોય તો વ્યક્તિ કોર્ટ સમક્ષ જઈને ચોખવટ માંગી શકે છે. સજાનો અમલ કરવામાં મોડું કરવામાં આવ્યું હોય તો વધારે મોડું ન થવું જોઈએ.
બુલ્લરે ૧૬ વર્ષ જેલમાં કાઢ્‌યા. જ્યારે ઈંદિરા ગાંધીના ખૂનીઓ સતવંતસંિહ અને કેહરસંિહ પાંચ વર્ષ કરતાં પણ ઓછા સમયમાં ૧૯૮૯ના ૫ જાન્યુઆરીએ ફાંસી અપાયેલી. એમની દયાની અરજી ચાર મહિનામાં જ રદ કરવામાં આવેલી.
જ્યારે રાજીવ ગાંધીના કેસમાં ચારને ફાંસી અપાયેલી અને નલિની ક્ષીહરનને સોનિયા ગાંધી (રાજીવ ગાંધીના વિધવા)ની દરમ્યાન ગીરીથી ફાંસીના બદલે આજીવન કેદ થયેલી. (ગાંધી કુટુંબની ટીકા કરનારાઓએ એમણે આપેલા આ બલિદાનને ભૂલવા ન જોઈએ.
આપણા એક પણ નેતાએ બલિદાન તો શું પણ લોહીનું ટીપું પણ નથી પાડ્યું અને બોલી બોલીને બાદશાહી ભોગવવી છે... પછી એ જેટલી હોય કે સુષ્મા હોય કે રવિશંકર પ્રસાદ હોય કે માયાવતી હોય કે મુલાયમ હોય ! ઈંદિરા ગાંધીએ સુવર્ણમંદિર ઉપર તોય ટાંકેલી એ ત્યાં સંતાયેલા આતંકવાદીઓથી દેશને બચાવવા ટાંકેલી. ભાજપના નેતાઓએ કોઈએ આવું એક પણ કામ કર્યું છે ? બીજાની ટીકા કરીને સત્તા ભોગવવી છે.)
એ રીતે ભાજપ લુચ્ચો અને પોતાનો દોષ બીજાના માથે ઢોળી દેવામાં પાવરધો છે. કસાબને ફાંસી આપવામાં નિર્ણય કરાવીને રાષ્ટ્રપતિ પ્રણવ મુખરજીએ ભાજપની અડધી હવા કાઢી નાંખી. એટલે હવે એ પોતે જેને ફાંસી આપી શક્યો નહીં એ મહમદ અફઝલ ગુરૂને હવે ફાંસી આપવાની કોંગ્રેસ ઉપર ભીંસ કરી રહ્યો છે.
અફઝલને ફાંસી આપવી એ કસાબ જેવું સીઘું નહીં પણ આંટી ધુંટીવાળું કામ છે. ભાજપ સત્તામાં હોય તો પણ એ એને તરત જ ફાંસીએ લટકાવી શકે તેમ નથી.
પી. ચિદંબરમ્‌ ગૃહપ્રધાન હતા ત્યારે અફઝલની દયા યાચિકા પાછી મોકલવાની સલાહ રાષ્ટ્રપતિને આપેલી. હવે નવા રાષ્ટ્રપતિ પ્રણવ મુખરજીએ અત્યારના ગૃહપ્રધાન સુશીલકુમાર શંિદેને અફઝલ સહિત બીજા ૧૩ની ત્યાં વિનંતી ફરીથી પુનવિચારણા કરવા મંગાવી છે.
આ બાબતમાં ગૃહપ્રધાન જો સલાહ આપે છે એ એની પોતાની અંગત સલાહ નથી હોતી પણ આખા પ્રધાનમંડળની સલાહ હોય છે. એટલે રાષ્ટ્રપતિએ ફરી વખત દયા યાચિકાઓ કોઈક ખાસ કારણસર મંગાવી હશે. એટલે શંકા થવા લાગી છે કે અફઝલને શું ‘‘ક્યુ’’ તોડીને આગળ લાવીને ફાંસી વહેલી આપવામાં આવશે ? કસાબનો ક્રમ ૧૪મો હતો તો પણ એને પહેલો કરીને જલદી ફાંસી આપી દીધા એવું એટલે અફઝલની બાબતમાં પણ થઈ શકે છે.
અફઝલને દિલ્લીની તિહાડ જેલમાં એક સુરક્ષિત કોટડીમાં રાખવામાં આવ્યો છે. એમાં સંરક્ષણ માટે તમિળનાડુ પોલીસની સશસ્ત્ર ટુકડી ચોવિસે કલાક ખડે પગે રાખેલી છે. જેલમાં નિયમીત કાર્યક્રમ મુજબ એ ચાલતો હોય છે, નમાજ પઢે છે અને નાસ્તો કર્યા પછી ચોપડીઓ વાંચે છે એની બેરેકમાં એક એફએમ રેડિયો પણ છે. એનાથી એ સંગીતનો આનંદ માણે છે. એનું નિયમીત મેડીકલ ચેકઅપ થાય છે. એ જાણે છે કે, એના નામે રાજકારણ ખેલાઈ રહ્યું છે.
આવી બાદશાહી શાંત જંિદગી હોવા છતાં એણે માનસિક ત્રાસ અને પીડાથી છૂટકારો મેળવવા ૨૦૦૯માં પત્ર લખીને આડવાણી વડાપ્રધાન બને એવી ઈચ્છા વ્યક્ત કરેલી.
રાષ્ટ્રપતિ પ્રણવ મુખરજીએ આખી જંિદગી રાજકારણમાં કાઢી છે. શું કરવાથી શું થાય અને શું ન થાય એનો અંદાજ એમને બીજા કરતાં સારી રીતે છે. એમની ગણતરી એક કાંકરે બે પક્ષી મારવાની હોય છે.
અફઝલને ફાંસી આપવાના મુદ્દા ઉપર કાશ્મીરના મુખ્યપ્રધાન ઉમર અબ્દુલા કાશ્મીરમાં હંિસા ફેલાવાનો ભય વ્યક્ત કરે છે. કોઈપણ કારણસર રાજ્યમાં હંિસા ફેલાય નહીં એ ત્યાંના મુખ્યપ્રધાનની ફરજ છે. એવો ભય રાખવામાં આવે તો કોઈપણ સરકાર કોઈ કડક નિર્ણય જ ન લઈ શકે.
જ્યારે કાશ્મીરના જે કે.એલ.એફ.ના નેતા યાસિન માલિક એવો ભય વ્યક્ત કરે છે કે, અફઝલને ફાંસી આપવાથી કાશ્મીરમાં જ સકારાત્મક સ્થિતિ ઊભી થઈ છે એ બગડવાની શક્યતા છે.
ફાંસીની સજા નાબુદ કરવી કે રાખવી એની ચર્ચાનો કદી અંત નથી. આપણા સંસ્કૃતમાં ‘‘મૃચ્છકરિકમ્‌’’ નાટક સેંકડો વર્ષ પહેલાં શુદ્રક નામના લેખકે લખેલું એમાં પણ ષડયંત્ર વડે ચારુ દત્તને ફાંસીએ લટકાવવાની કોશિષ થાય છે.
એવી જ રીતે ૧૭૬૪માં ઈટલીના લેખક સીઝર બેકારીયાએ ‘‘ઓન ક્રાઈમ્સ એન્ડ પનીશમેન્ટસ’’ નામના પોતાના પુસ્તકમાં લખ્યું કે, જેમ કોઈ વ્યક્તિને આત્મહત્યા કરવાનો હકક નથી એમ તો પછી કોઈ વ્યક્તિની હત્યા કરવાનો હકક શા માટે આપી શકાય ? માનવ અધિકારની વકીલાત કરનાર એ પહેલું જ પુસ્તક હતું.
મહાન લેખક અલ્બેટ કામુ કહે છે કે, ફાંસીની સજા કરવા માટે કોઈ મજબૂત સિઘ્ધાંત પર આધારિત નથી.
ફાંસીની સજાના અમલની રાહ જોઈને કેદી જેલમાં પળેપળે મરતો જ હોય છે. દિલ્લીની તિહાર જેલમાં રહેલા ૧૬ કેદીઓની દયા યાચિકા રાજ્યપાલ પાસે યા રાષ્ટ્રપતિ પાસે પડી છે.
ઉત્તરપ્રદેશમાં ૧૩૧, કર્ણાટકમાં ૬૦, મહારાષ્ટ્રમાં ૪૯, બિહારમાં ૩૧, બંગાળમાં ૨૦, તમિળનાડુમાં ૧૬, કેરળમાં ૧૪ અને ઝારખંડમાં ૧૨.
ગુજરાતમાં છેલ્લા ૩૦ વર્ષથી કોઈને ફાંસી અપાય નથી. છેલ્લી ફાંસી પોપટ નાથા અને શશિકાંત માળીને અપાય હતી. એ પછી ઘણાને ફાંસીની સજા ગુજરાતમાં થઈ છે પણ અપાય નથી.
- ગુણવંત છો. શાહ

 

સાચવી રાખો
પથરીનું ઓપરેશન કરાવવાની જરૂર નથી
પથરી પણ આજકાલ સામાન્ય રોગ થઈ ગયો છે. ડોક્ટર સીધી ઓપરેશનની જ વાત કરતા હોય છે પણ ઘરગથ્યુ ઉપચારથી ગમે તેવડી મોટી પથરી ભાંગીને ભૂકને થઈને નીકળી જાય છે.
કળથી નામનું કઠોળ આવે છે. સૌરાષ્ટ્રના અમુક ભાગમાં જાણીતું છે. મહારાષ્ટ્રના પણ અમુક ભાગમાં ખવાય છે. જ્યારે ડુંગરાના ખડકોને ભાંગવા માટે દારૂગોળાનો દારૂ નહોતો ત્યારે લોકો આ કળથીને બાળીને એના ઘુમાડાથી ખડકો તોડતા હતા. એ કળથીનો સુપ એક કે બે દિવસ લેવાથી પથરી નીકળી જશે.
બીજો ઉપાય પથરીનો બીજોરૂ છે. અમુક શાકવાળા બીજોરૂ રાખતા હોય છે. ન હોય તો એ મંગાવી આપશે એ બીજોરૂનો સવારના જ્યુસ કરીને પી જવાનો ગમે તેવી ભારે પથરી હશે તો એ ભુક્કો થઈને નીકળી જશે.

નોંધી રાખો!
આપણા દેશમાં રોકડા રૂપિયા કેટલા છે?
આપણા દેશમાં પહેલાં સોના મહોરનું ચલણ હતું. પછી કાંસા ત્રાંબાના અને ચાંદીના સિક્કાનું ચલણ રહ્યું. ખોદકામમાં આ બઘું મળી આવે છે. જ્યારે રૂપિયાનું ચલણ અંગ્રેજોએ નહીં પણ શેરશાહ સુરીએ શરૂ કરેલું.
ભારતમાં મોગલ વંશ એટલે બાબર હુમાયુંની સત્તા પહેલાંનો છેલ્લો રાજા. પણ આ શેરશાહ સુરી એટલે સાચો વિકાસ પુરૂષ, સાચો પ્રગતિ પુરૂષ. અફઘાન સરહદેથી બંગાળ આસામ સુધીનો ગ્રાન્ટ ટ્રન્ક રોડ બાંધનાર એ.
પહેલાં રસ્તાઓ તો હતા જ પણ ખાબડ ખુબડ રસ્તા હતા. શેરશાહે રસ્તાઓ સીધા વ્યવસ્થિત બંધાવ્યા.
બીજો મહત્ત્વનો સુધારો એટલે રૂપિયાનું ચલણ. પેલા સિક્કાઓ હતા પણ રફ સિક્કા હતા. એને પણ શેરશાહે વ્યવસ્થિત રૂપ આપ્યું. કાગળના રૂપિયાનું ચલણ બેન્ક ઓફ હિન્દુસ્તાને શરૂ કરેલું. એ બેન્ક ૧૭૭૦ની ૧૮૩૭ સુધી હતી. રિઝર્વ બેન્કનું એ પહેલાનું રૂપ હતું. રિઝર્વ બેન્કે ૧૯૬૧-૬૨ દરમ્યાન ફક્ત રૂપિયા ૨૨,૫૬,૦૦,૦૦,૦૦૦ બહાર પાડયાનો હિસાબ છે.
આજે એ ચલણના હિસાબે ૧૦.૨૬ લાખ કરોડ રૂપિયા આપણા દેશના નાગરિકો પાસે રોકડામાં છે. એમાંથી કોરપોરેટ પાસે રૂપિયા ૫.૭૦ લાખ કરોડ છે.
રિઝર્વ બેન્કને રૂપિયા છાપવાનો ખર્ચ ૫ રૂપિયાની એક નોટ માટે ૪૭ પૈસાનો, ૧૦ રૂપિયાની ૧ નોટ માટે ૧૬ પૈસાનો, ૨૦ રૂપિયાની ૧ નોટ માટે ૧.૮૧ રૂા.નો, ૧૦૦ રૂા.ની ૧ નોટ માટે ૧.૭૯ રૂા.નો, ૫૦૦ની ૧ નોટ માટે ૩.૫૮ રૂા.નો અને ૧૦૦૦ રૂા.ની ૧ નોટ માટે ૪.૦૬ રૂપિયાનો ખર્ચ થાય છે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
વોલમાર્ટે કયા નેતાને નાણાં આપ્યાં તે જાહેર કરો ઃ ભાજપ
પીઢ પ્રતિષ્ઠિત નવલકથાકાર અશ્વિની ભટ્ટનું હૃદયરોગથી અમેરિકામાં અવસાન

૨૦૧૪ની ચૂંટણીમાં રાહુલ ગાંધીને પક્ષનું સુકાન સોંપાશે ઃ પી.સી. ચાકો

સંજય દત્તની મોંઘી કાંડા ઘડિયાળો અને સોનું સુદના વૈભવી ફલેટને લીધે દરોડા પડયાની ચર્ચા
બનાવટી મતદારોને મુંબઈથી સિદ્ધપુર લઇ જવાનું કોંગ્રેસના ઉમેદવારનું ષડયંત્ર

ઓસ્ટ્રેલિયન રેડિયોના ડી.જે.એ વ્યથિત હૃદયે નર્સના પરિવારની માફી માંગી

પાકિસ્તાનમાં પોલીસ મથક પર તાલીબાનોનો હુમલો ઃ આઠનાં મૃત્યુ
ફિલિપાઈન્સના વાવાઝોડાગ્રસ્ત ટાપુમાં ભૂકંપ
યુવા ખેલાડીઓમાં કૌશલ્ય અને ક્ષમતાના અભાવથી ચિંતિત છું ઃ દ્રવિડ

અન્યોની નિષ્ફળતા છતાં યુવરાજ અને હરભજનને 'બલીના બકરા' બનાવાયા

ભારત પ્રવાસ માટેની પાકિસ્તાનની ટી-૨૦ અને વન ડે ટીમની જાહેરાત
ભારતીય બેટ્સમેનો ટોસ જીતીને જંગી સ્કોર ખડકવાની તક ચૂક્યા
૨૦૦૧ પછી પહેલી વખત વિદેશી ટીમ ભારતમાં પ્રભુત્વ સાથે રમતી જોવા મળી
FII ની વધુ રૃા. ૬૯૮ કરોડના શેરોની ખરીદી ઃ ફાર્મા, રીયાલ્ટી, અનિલ અંબાણી ગુ્રપ શેરોમાં તેજી
સોનામાં વધુ રૃ.૨૦૦ની તેજીઃ ચાંદી નવા ઉછાળા વચ્ચે રૃ.૬૩ હજારને આંબી ગઈ
 
 

Gujarat Samachar Plus

સરખા વ્યવસાયમાં વ્યસ્ત દંપતીઓનું જીવન અલ્પજીવી
કેમ્પસ ઇન્ટરવ્યુમાં ફરી 'સાડી' હૉટ ફેવરિટ
પુરુષોની બેવફાઈ માફ કરવામાં મહિલાઓ વધુ ઉદાર
સિગારેટની ટેવ કેમ જલ્દી છૂટતી નથી?
મિક્સ-મેચ વડે વોર્ડરોબમાં વૈવિધ્ય લાવો
ફિઝીકલ ફિટનેસ સાથે સેલ્ફ ડિફેન્સ પણ જરૃરી છે
શહેરી વિસ્તારોમાં કિચન ગાર્ડનનો વધતો કન્સેપ્ટ
 

Gujarat Samachar glamour

સમીરા રેડ્ડીને નવા વર્ષે ૫૦ લાખની ઑફર
જિયા ખાન ઃ પ્રૌઢ પુરુષો પ્રત્યે વિશેષ અનુરાગ
સ્ટાર્સની લાઈફ સ્ટાઈલ ઘણી અઘરી હોય છેઃ પ્રાચી દેસાઈ
શાહરુખ પ્રિયંકા ચોપરાના દિલની નજીક છે...
પ્રેમના ઘુંટ કડવા હોય છેઃ શાહિદ
હવે કરિયર પર ધ્યાન આપું છુંઃ પ્રતિક
ડેનિયલ જેવી બોડી બનાવવાનો ક્રેઝ
 
 
 
 
 
 
 
 
 

Gujarat Samachar POLL

 

રાશિ ભવિષ્ય

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive
સંવત 2069નું રાશિ ભવિષ્ય PDF Format
 

પૂર્તિઓ

 
 
Gujarat Samachar © 2012 All Rights Reserved