Last Update : 08-December-2012, Saturday

 

દિવાળીના મૂરતમાં સુંદરીઓના સોદા

મેરા ભારત મહાન - અક્ષય અંતાણી
 

 

દિવાળીના પર્વમાં લોકો શુકનનું સોનું ખરીદે કે ધનતેરસના મૂરતમાં સોનાનાં આભૂષણો પણ ખરીદે. પરંતુ રોશની અને ઝગમગાટના આ તહેવારમાં કોઈ કન્યાઓનું ખરીદ-વેચાણ કરે છે એવી જાણ થાય તો પર્વ પર કેવી કાલિમા છવાઈ જાય? આ કન્યાના ખરીદ-વેચાણની સોદાબાજી થાય છે રંગીલા રાજસ્થાનમાં, રંગીલા રાજસ્થાન માટે કલંકરૂપ આ માનવ તસ્કરીની ઘટનાઓ મેવાત વિસ્તારમાં બને છે. બીજો લોકો સોનું ખરીદે એમ મેવાતમાં છોકરીઓનું ખરીદ-વેચાણ થાય છે.
બહારના રાજ્યોમાંથી દલાલો ગરીબ ઘરની કન્યાઓ ખરીદીને રાજસ્થાનમાં લઈ આવે છે. પછી દિવાળી કે ધનતેરસના મૂરતમાં પોતાનો નફો ચડાવીને ઊંચી કંિમતે આધેડ વયના કે પછી ઘરડા-બુઢા માલેતુજારને વેંચી દે છે. મેવાત વિસ્તારમાં અલ્વર, ભરતપુર અને ધૌલપુરનો સમાવેશ થાય છે. વેંચી દેવામાં આવેલી કન્યાઓ સાથે લગ્ન લેવાય છે દેવઊઠી એકાદશીએ. આ બહુ જ પવિત્ર દિવસ ગણાય છે (શુકન જોઈને શરમજનક કામો થાય છે) અલ્વર પોલીસે દિવાળીના દિવસોમાં જ બે દલાલોની ધરપકડ કરી ત્રણ યુવતીઓને ઉગારી લીધી હતી. પોલીસના રેકોર્ડ મુજબ દિવાળીનો તહેવાર આવે એનાં બે-ત્રણ મહિના પહેલાં જ બહારના રાજ્યોમાંથી છોકરીની ‘આવક’ શરૂ થઈ જાય છે. ભરતપુરના સેવર ગામની પોલીસે એક ઘર ઉપર છાપો મારી બે એજન્ટની ધરપકડ કરી હતી અને બંધક બનાવીને રાખવામાં આવેલી ત્રણ છોકરીઓને છોડાવી હતી. એક એજન્ટે તો પોલીસ સમક્ષ એકરાર કર્યો હતો કે અત્યાર સુધીમાં તે બહારથી લાવેલી ૫૦ તરૂણીઓ અને યુવતીઓને ઊંચી કંિમતે વેંચી ચૂક્યો છે. રાજસ્થાનની કોંગ્રેસ સરકાર આ ‘દિવાળીલક્ષી દૂષણ’ને ડામવા શું કરતી હશે? એ એક સવાલ છે. દીકરી તો વ્હાલનો દરિયો કહેવાય. જ્યારે રાજસ્થાનમાં સારા શુકનમાં કન્યાની સોદાબાજી કેમ ચલાવી લેવાય? આ રાજ્યનું નામ રાજસ્થાન કહેવું કે પછી નારાજ-સ્થાન?
ખરી દીકરીની
ખરીદી - કરી
સુખી પરિવારોમાં બાળકીનો જન્મદિન હોય ત્યારે હસતારમતા હજારો રૂપિયાની ભેટસોગાતોનો વરસાદ થાય છે. પણ જરા વિચાર તો કરો? ગરીબ માતા પેટની જણી દીકરીને ફક્ત ૧૦૦ રૂપરડીમાં વેંચી નાખે ત્યારે તેની કેવી મજબૂરી હશે?
આ કરૂણ ઘટના છે તામિલનાડુની રાજધાની ચેન્નાઈની. રસ્તા પર એક ભીખારણ વીસ વાસાની બાળકીને ખોળામાં લઈ ભીખ માગતી હતી. બાળકી અચાનક રડવા માંડી. કેમેય કરીને શાંત ન થાય. એ વખતે રાઉન્ડમાં નીકળેલી મહિલા સબ-ઇન્સ્પેક્ટરની ચકોર આંખો ભીખારણ અને બાળકી ઉપર મંડાઈ. સબ-ઇન્સ્પેકટરે પારખી લીઘું કે દાળમાં કંઈક કાળુ છે. તેણે ભીખારણને ડારો દેખાડ્યો થોડી ધમકાવી એટલે કડકડાટ સાચું બોલવા માંડી. તેણે કહ્યું કે ‘નાની ઉંમરે વિધવા થયેલી એક બાઈને કોઈ પુરુષ સાથે અનૈતિક સંબંધ બંધાયો, એમાંથી વળી ગર્ભ રહ્યો અને આ દીકરી આવી. એટલે સાસરિયાની બીકને લીધે તેણે ૧૦૦ રૂપિયામાં સગી દીકરીને વેંચી નાખી. પહેલા તો તેણે હજાર રૂપિયાની માગણી કરી હતી. પણ પછી ૧૦૦ રૂપિયામાં માની ગઈ, ભાવતાલ તો કરવા જ પડેને?’ આ ભારતની વરવી વાસ્તવિકતા છે. એક તરફ પેટ ભરવા એક ટંકે સો રૂપિયા ઓછા પડે છે જ્યારે બીજી તરફ ૧૦૦ રૂપિયા જેવી નજીવી રકમ ખાતર નવ નવ મહિના જેનો પેટમાં ભાર ઉપાડ્યો એ પેટની જણી વેંચાય છે. ખરી દીકરીની કોઈ ખરીદી-કરી જાય એ કેવી કઠણાઈ કહેવાય?
ડર્ટી પિકચર ન જોઈએ ઃ વિદ્યા બાલન
ઉલાલા... ઉલાલા...તૂ હૈ મેરી ફેન્ટસી... ઉલાળા લઈ લઈને ફિલ્મી પડદે નાચતી હિરોઈન ‘ડર્ટી પિકચર’ના આ ગીતથી ઘેર ઘેર ગવાઈ ગઈ છે, ફેમસ થઈ ગઈ છે. એ જ હિરોઈન એમ કહે કે ભારતના ગામડાઓમાં ‘ડર્ટી પિકચર’ જોવા ન મળે તો સારું. નવાઈ લાગેને? કે ડર્ટી પિકચરની હિરોઈન જ કેમ આમ કહે છે? આ ડર્ટી પિકચર કયું ખબર છે? ગ્રામીણ વિસ્તારમાંથી પસાર થતા હોઈએ ત્યારે રસ્તાની બન્ને બાજુ અથવા રેલવે ટ્રેકની બાજુમાં લોટા અને ડબલાં લઈને કુદરતી હાજતે જવા માટે બેસતા ગામડિયાઓનું દ્રશ્ય. આ ડર્ટી પિકચર ભવિષ્યમાં ભારતમાં જોવા ન મળે એ માટે રૂરલ ડેવલપમેન્ટ મિનિસ્ટર જયરામ રમેશ ેતાજેતરમાં જ વિદ્યા બાલનને રૂરલ સેનિટેશન પ્રોગ્રામની બ્રાન્ડ એમ્બેસેડર બનાવી છે. જયરામ રમેશે તો ગામડાઓમાં કોઈ ખુલ્લામાં હાજતે ન જાય માટે ફરજિયાત જાજરૂ બંધાવવા માટે કમર કસી છે. એટલું જ નહીં ગ્રામકન્યાઓને સલાહ આપી છે કે જે ઘરમાં જાજરૂ ન હોય ત્યાં પરણવાનો બેધડક ઇન્કાર કરી દેજો. નો ટોઈલેટ નો બ્રાઈડ. મને તો થાય છે કે રાજસ્થાનના એક ગામે જેમ ખુલ્લામાં કોઈ માણસ એકીકરણ કે બેકીકરણ શરૂ કરે ત્યાં જ ઢોલ નગારા લઈને ગામવાળા પહોંચી જાય છે અને વાજતે-ગાજતે પેલા જાણને શરમાવે છે. એવી જ રીતે વિદ્યા બાલનને બ્રાન્ડ એમ્બેસેડર બનાવી છે ત્યારે જેવી કોઈ વ્યક્તિ ખુલામાં ખુલાસો કરતી જણાય ત્યારે ઉલાલા... ઉલાલા તૂ હૈ મેરી ફેન્ટસી... ગીત રેકોર્ડમાં જોરશોરથી વગાડી પેલી વ્યક્તિને ભગાડી દેવી જોઈએ. તો જ લોકો ખુલ્લામાં જઈ ખુલ્લા-શો બંધ કરશે. બાકી અત્યારે તો લોટા-ડબલા ભરી ભરીને ઓપન-એેરમાં બેસી જ જાય છે. પાછો કેવો મક્કમ નિર્ધાર કરીને ડબલા લઈને બેસે છે ખબર છે? ડબલું ભર્યું કે ન હઠવું ના હઠવું...
કા કરું રામ મુઝે
બુઢ્ઢા મિલ ગયા
અભી તો મૈં જવાન હૂં... ગાતા ઇશ્કી બુઢ્ઢાએ ઇન્ટરનેટના ફેસબૂક માઘ્યમથી દિલ્હીની ખરેખર નૌજવાન નાઝનીનને કેવી ફસાવી તેનો કિસ્સો તાજેતરમાં જ ઝળક્યો હતો. દિલ્હીની બેન્કમાં ઓફિસર આ યુવતી ફેસબૂક પર યુપીના મૈનપુરીના એક દિલફેંક દોસ્ત સાથે ચેટંિગ કરવા લાગી. ધીરે ધીરે દોસ્તી પ્રેમમાં પલટાઈ ગઈ. ફોન નંબરની પણ આપલે થઈ. પછી તો શરૂ થઈ ગયો ઓનલાઈન પ્રેમાલાપ. પ્યારમાં સૂધબૂધ ખોઈ બેઠેલી યુવતી તો પોતાના મનના માણીગરને મળ્યા વિના પળભર પણ રહી શકે એમ નહોતી. એ તો દિલ્હીથી સીધી મૈનપુરી પહોંચી ગઈ. પ્રેમીના મોબાઈલ પરથી કોલ કરી મળવા બોલાવ્યો. જ્યારે એ શખસ આવ્યો ત્યારે તેને જોઈને યુવતીના મોતિયા મરી ગયા. એ કોઈ જુવાનીયો નહોતો, પોતાના બાપાની ઉંમરનો બુઢ્ઢો હતો. એ તો ફેસબૂક પર બનાવટી ફોટો અને ઓળખ આપીને ચેટીંગ કરતો હતો. દિલ્હીથી ધક્કો ખાઈને આવેલી યુવતી ભારે હૈયે કપાળ કૂટી પાછી વળી. મનોમન ગણગણતી પણ હશે હાય, મેં ક્યા કરું રામ મુઝે બુઢ્ઢા મિલ ગયા...’ આ ઇશ્ક મિજાજી બુઢ્ઢાને કોઈએ પૂછ્‌યું કે તેં આ શું કર્યું? નાહક યુવતીને નારાજ કરી? ત્યારે એ નકટાએ જવાબ આપ્યો કે ‘હું તો ટાઈમપાસ કરવા માટે ચેટંિગ કરતો હતો. મને ક્યાં ખબર હતી કે આ બલા સાથે રૂબરૂમમાં મુકા-બલાનો અવસર આવશે પ્રેમથી કોઈ સાથે દૂર બેઠા બેઠા વાતચીત કરવી એ ગુનો થોડો જ છે?’ કહે છેને કેઃ
કૌન કહતા હૈ કિ
બુઢ્ઢે ઇશ્ક નહીં કરતે
ઇશ્ક તો કરતે હૈ
પર લોગ ઉન પર શક નહીં કરતે
નારીશક્તિના સન્માનનાં બણગાં વચ્ચે શક્તિશાળી નારીની અવગણના
નારીશક્તિના સન્માનના મોટાં મોટાં બણગા ફૂંકવામાં આવે છે પણ ખરેખર જે નારીમાં શક્તિ છે એને સન્માનવાની સરકારને કેમ સૂધ નથી આવતી? આ અત્યંત આઘાતજનક કિસ્સો છે મેંગ્લોરની પાવર-લિફિટંગ ચેમ્પિયન ગીતા બાઈનો. વજન ઊંચકવાની હરિફાઈમાં રાષ્ટ્રીય સ્તરે ત્રણ ગોલ્ડ, ૧૧ સિલ્વર અને ૧૬ બ્રોન્ઝ મેડલ ગીતાબાઈએ જીત્યા છે. કર્ણાટક સ્ટેટની ચેમ્પિયનશીપમાં લગાતાર ૨૭ વાર જીતનો રેકોર્ડ ગીતાબાઈએ કર્યો છે.
૩૮ વર્ષની આ ચેમ્પિયન મહિલાએ અનેક રેકોર્ડ તોડ્યા છે, પણ સંસારના બે છેડા જોડવા અને પેટનો ખાડો પૂરવા તેણે મેંગ્લોરની મચ્છી મારકેટમાં પ્લાસ્ટિકની થેલીઓ વેંચી ગુજરાન ચલાવવું પડે છે. રમતગમતની આંતરરાષ્ટ્રીય સ્પર્ધાઓમાં જવા માટે અત્યાર સુધીમાં ૧૬ વખત તેનંુ સિલેકશન થયું હતું.
કમભાગ્યે પૈસા અને સ્પોન્સરના અભાવે જઈ નથી શકી. તેનાથી ઘણાં જુનિયર ખેલાડીઓ સ્પોર્ટસ ક્વોટામાંથી બેન્ક અને પબ્લિક સેકટરમાં સારા સારા જોબ મેળવીને સેટલ થઈ ગયા છે. પરંતુ ‘ઓપન’ સામયિકના અહેવાલ પ્રમાણે ગીતા દસમુ ધોરણ પાસ થઈ ન હોવાથી કોઈ તેને નોકરી નથી આપતું. એટલે ૩૮ વર્ષની ઉંમરે તે દસમું ધોરણ પાસ કરવા કડી મહેનત કરવા માંડી છે. કેવી કરૂણતા કહેવાય? નારીશક્તિના સન્માનના એક તરફ આ સરકાર બણગાં ફૂંકે છે અને બીજી તરફ શક્તિશાળી નારીની અવગણના થાય છે.
પંચ-વાણી
ખરી કઠણાઈ છે, રિલિજિયનમાંથી રિયલી-જનની બાદબાકી થઈ ગઈ છે.
૦૦૦
ધતંિગબાજ અને કામી સાઘુનું જીવન એટલે ટેક્સ-ફ્રી ઇન્કમ અને સેક્સ-ફ્રી આઉટકમ.

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
શ્વેતપત્રિકામાં 'શ્વેત' પુરવાર થયેલાં અજિત પવાર ફરી નાયબ મુખ્યપ્રધાન
સાત પોલીસને નશીલા પદાર્થયુક્ત ભોજન કરાવી દિલ્હીનં બે ઠગ ફરાર ઃ સાતેય પોલીસ સસ્પેન્ડ

જુંદાલે પોતાનું કબૂલાતનામુ ફેરવી તોળ્યું ઃ બળજબરીથી સહી લેવાયાનો આક્ષેપ

મહારાષ્ટ્ર ઉપર ૨.૭૦ લાખ કરોડનું દેવું થતાં ક્રેડિટ રેટિંગમાં ધસારો
અજમલ આમિર કસબની અંતયેષ્ટી પાછળ થયો રૃા.૯,૫૭૩નો ખર્ચ
ભારતીય બોલરોનો સંઘર્ષ જારી ઈંગ્લેન્ડના છ વિકેટે ૫૦૯ રન

ભારતીય બોક્સિંગ અને તીરંદાજીના ફેડરેશનની માન્યતા પણ રદ થઇ

શ્રેણીને જીવંત રાખવા માટે ભારતીય બેટ્સમેનોએ લડત આપવી પડશે

મોદીને વીઝા અંગેની અમેરિકાની નીતિમાં કોઇ ફેરફાર કરાયો નથી

ખાનગી કંપનીઓ લોકોને ૧.૫ અબજ ડોલરમાં ચંદ્રની સફર કરાવતી થશે !
મુરસીએ વલણ ન બદલતાં પ્રજાના પ્રચંડ વિરોધ પ્રદર્શન

ઝરદારી રાજકીય રક્ષણના નામે કોર્ટના આદેશને અવગણી ન શકે

અમેરિકાએ 'સબક્રિટીકલ' ન્યુક્લિયર પરીક્ષણ કર્યું
રીટેલ FDI મંજૂર છતાં સપ્તાહના અંતે શેરોમાં પ્રોફીટ
સોનું ફરી રૃા. ૩૧૦૦૦ને આંબી ગયું ચાંદી ઉછળી રૃા. ૬૨૦૦૦ને પાર
 

 

 

Gujarat Samachar Plus

મોસમ સુહાની શિયાળાની, રંગોનું વૈવિધ્ય માણવાની
સદાબહાર સૌંદર્ય
અલાર્મ ક્લોક સૌથી વધુ સમય ટકેલા ગેજેટમાં પહેલા ક્રમે
વાસેક્ટોમીની લોકપ્રિયતામાં ઘટાડો
તમારી કાર બેક્ટેરિયાથી ભરેલા ખટારો તો નથીને!
 

Gujarat Samachar glamour

અંગ પ્રદર્શનને નહીં ટેલેન્ટને મહત્ત્વ આપોઃ હુમા કુરેશી
સોનાક્ષી અને કંગના વચ્ચેના શીત યુદ્ધનો અંત
સિલ્વર સ્ક્રીનની આ નવી જોડી પાસે પ્રેમ કરવાનો સમય પણ નથી
મુંબઈની મુલગીઓ માટે દક્ષિણની ફિલ્મો એક માત્ર સીડી
કલાકારો અચાનક જ જર્નાલિસ્ટો પર પ્રેમ વરસાવી રહ્યા છે
 
 
 
 
 
 
 
 

Gujarat Samachar POLL

 

રાશિ ભવિષ્ય

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive
સંવત 2069નું રાશિ ભવિષ્ય PDF Format
 

પૂર્તિઓ

 
 
Gujarat Samachar © 2012 All Rights Reserved