Last Update : 08-December-2012, Saturday

 

ઉદ્યોગો કે સાથ સૌદા,ગરીબો કે સાથ ધોખા:સોનિયા

- સૌરાષ્ટ્રમાં કિસાનોને અન્યાય

 

 

- કેન્દ્ર સરકારે આપેલાં નાણાં ગુજરાત સરકાર ક્યાં વાપરે છે ? ઃ વિકાસ દેખાતો નથી

રાજકોટ, તા.૭
સૌરાષ્ટ્રમાં પ્રથમ તબક્કાનાં ચૂંટણી પ્રચારનાં અંતિમ ચરણમાં જૂનાગઢ જિલ્લાનાં કેશોદ ખાતે વિશાળ મેદનીને સંબોધતા કોંગ્રેસ અધ્યક્ષા શ્રીમતી સોનિયા ગાંધીએ મુખ્યમંત્રી નરેન્દ્ર મોદીનો નામોલ્લેખ કર્યાં વિના ગુજરાત સરકારની મુદ્દાસર આકરી ઝાટકણી કાઢી હતી. વિકાસની રેકર્ડ વગાડતી રાજ્ય સરકાર પાણી, વીજળી અને બિયારણ પણ આપી શકતી નથી. માત્રને માત્ર ખોટો પ્રચાર અને બયાનબાજી કરતી સરકારના પાપે પરંપરાગત કૌશલ્યથી ભરપૂર હોવા છતાં સૌરાષ્ટ્રની ખુબ જ દુર્દશા થઈ છે, જેના કારણે સૌરાષ્ટ્રનાં સમજદાર લોકો આ દુર્દશાનો પૂરી તાકાતથી ચૂંટણીમાં જવાબ આપશે. આમ આદમી, કિસાનો અને મહિલાઓની પીડાને તેમણે બયાન કરતા લોકોએ તેમને વધાવી લઈ પ્રચંડ સમર્થન આપ્યું હતું.
કેશોદમાં વીણા પાર્ક ખાતે તેમણે સરકારની ઝાટકણી કાઢતા કહ્યું કે, છેલ્લા એક દસકામાં ખુબ જ વિકાસ કર્યો હોવાનાં નારા લગાવનારાઓ સૌરાષ્ટ્ર માટે સિંચાઈની યોજના બનાવવાનું જ ભૂલી ગયા છે.
ચૂંટણી આવતા જ હવે ૧૧૦ ડેમોને નર્મદા ડેમનાં પાણીથી ભરવાનું સપનું બતાવનારા લોકો જાણીલે કે સૌરાષ્ટ્રની જનતા સમજદાર છે, જાગૃત છે તેને ખબર પડે છે કે કેવી ધોખાબાજી થઈ રહી છે. સૌરાષ્ટ્રની જનતા જૂઠા સપના બતાવનારાને તેની લાયકાત મુજબ જવાબ આપી દેશે. ભાજપની સરકાર ૧૭ વર્ષમાં સૌરાષ્ટ્રમાં નર્મદાનું પાણી લાવી શકી નથી એ શર્મનાક છે. પાણીનાં વાંકા ખેતીની દશા બગડી ગઈ છે. ખેડુતો અને તેનાં સંતાનોએ આપઘાત કરવા પડે છે. જે રાજયમાં નહેરૃજીની દ્રષ્ટિથી નર્મદા યોજના બની અંતે તેની સાથે સરદાર પટેલનું નામ જોડાયું કોંગ્રેસ સરકાર હંમેશા પાણી પ્રશ્ને અગ્રતાક્રમ આપતી આવી છે. જયારે આજની સરકાર જવાબ આપે કે સૌરાષ્ટ્રનાં અનેક ગામોને શા માટે પાણી માટે વલખા મારવા પડે છે. ૨.૨૫ લાખ ચેકડેમ અને તળાવો ક્યા ગયા? આ સરકાર જવાબ આપે કે તેણે ૧૧૦૦ કરોડનાં પેકેજની જાહેરાત કરી તેનું શું થયું?
હવે આ સરકાર ગુજરાતમાં ૫૦ લાખ મકાનો બાંધવાના વાયદા કરે છે તો પ્રશ્ન એ થાય છે કે, અગાઉ આવું કેમ ન કર્યું? માત્ર ને માત્ર ચૂંટણી વખતે જ તમને લોકો યાદ આવે છે.
ધોમધખતો તડકો હોવા છતાં સોનિયા ગાંધીનાં સરકાર પરનાં ચાબખા વખતે લોકો જૂસ્સાથી તાળીઓ પાડી તેનાં સૂરમાં સૂર મિલાવતા હતાં. સૌરાષ્ટ્રનાં લોકોને ઈમાનદાર અને મહેનતૂ ગણાવતા તેમણે કહ્યું કે લોકોનાં ખુદનાં ગુણોથી જ તેની દેશ વિદેશમાં નામના થઈ છે. અહીના પરંપરાગત ઉદ્યોગોનું વિશ્વસ્તરે ઊંચુ નામ હોવા છતાં આવા કૂશળ લોકોની ગુજરાતમાં હાલત જોઈ મને દુઃખદ થાય છે. સરકારે આ વર્ગ વિષે કાંઈ કર્યું નથી.
ભાજપનાં અન્યાયનો સૌથી વધુ ભોગ કિસાનો બન્યા છે. એક તરફ રાજય સરકાર ગુજરાતમાં વીજળી સરપ્લસ હોવાનાં ગીતો ગાઈ અન્ય રાજયોને વીજળી વેચે છે. પરંતુ વાસ્તવિકતા એ છે કે, રાજયમાં ૪.૫૦ લાખ કિસાનો આજે પણ વિજજોડાણની પ્રતિક્ષામાં છે. ૫૭ એવા વિસ્તારો છે જે આજે પણ ડાર્કઝોન છે. કેન્દ્રની યુપીએ સરકાર ગુજરાતનાં કિસાનો માટે ખાતર મોકલે છે. પરંતુ તેનાંથી ઉદ્યોગોને ફાયદો કરાવી દેવાય છે. આ બિલ્કૂલ ગલત છે. તેમણે આક્રમક મિજાજમાં કહ્યું કે અહીંની સરકાર જનવિરોધી છે જેની નીતિઓના પાપે કિસાનો દેવાદાર બની ગયા છે. અહીયા ૪૭ ટકા બાળકો કૂપોષણનો શિકાર બન્યા છે. ૧૦ લાખ યુવા બેરોજગારો છે. ફિક્સ પગારના નામે કર્મચારીઓનું શોષણ થાય છે. રાજ્યના વિકાસમાં મહિલાઓનું મોટુ યોગદાન હોવા છતા તેમના ઉપર અત્યાચાર થાય છે. રાજ્યમાં કાયદો-વ્યવસ્થાની સ્થિતિ કથળી ગઈ છે. સાગરખેડૂઓ માટે ૧૧૦૦૦ કરોડની યોજના બની છે. પરંતુ માછીમારોની સ્થિતિ દયનીય છે. કેન્દ્ર સરકાર દ્વારા અપાતા નાણા ક્યા જતા રહે છે એ સવાલનો જવાબ સરકાર આપતી નથી એટલે મતદાન વખતે મતદારો તેમને જવાબ આપી દેશે.
જનમેદની દ્વારા જોરદાર અભિવાદન વચ્ચે નરેન્દ્ર મોદીના ઉલ્લેખ વિના તેમણે ધારદાર મુદ્દો ઉઠાવ્યો કે ગુજરાતમાં જવાહરલાલ નહેરૃ શહેરી વિકાસ યોજના અંતર્ગતના ભંડોળમાંથી માત્ર એક જ વિધાનસભા મતવિસ્તારમાં ૧૬ ટકા રકમ ખર્ચી નાખવામાં આવી છે. હું આ વિધાનસભા ક્ષેત્રનું નામ નહીં આપુ પરંતુ આપ સૌ સમજી શકો છો. તેમની આ વાત સાથે જ લોકો મણીનગર... મણીનગર એવા નારા લગાવ્યા હતા. વક્તવ્યની જાદુઈ અસર વચ્ચે સોનિયાએ તેની લાક્ષણિક શૈલીમાં કહ્યું કે શું આ બીજા શહેરો સાથે અન્યાય નથી? શું આ વ્યાજબી છે?
માત્રને માત્ર સ્વાર્થ માટેની રાજનીતિમાં ખોટી બયાનબાજી જ થઈ રહી છે. સૌરાષ્ટ્રમાં કેન્દ્રએ સૌથી લાંબી રેલલાઈન નાખી છે. સોમનાથ સુધી રેલ નેટવર્ક જોડાઈ ગયું છે છતાં 'તેમને' ઓછું પડે છે.
અહીંની સરકારે ખોટા પ્રચારને બદલે આત્મચિંતન કરવું જોઈએ. તેણે ગુજરાતમાં કેન્દ્રના યોગદાનનો સ્વીકાર કરવો જોઈએ. યુપીએ સરકારે સમાજના તમામ વર્ગના લોકો માટે કામ કર્યું છે, એટલે રાજ્યમાં કોંગ્રેસ જ ક્રાંતિકારી બદલાવ લાવી શકશે. માત્રને માત્ર ખોટા બયાનો, બરબાદી, પક્ષપાતી વલણ અને તાનાશાહી સામે લોકો હિંમતભેર લડશે અને સૌરાષ્ટ્રને આ દુર્દશા ઉપર પહોંચાડનારાને સંકલ્પ અને નિષ્ઠાથી લોકો જવાબ આપશે.
આ પૂર્વે તેમણે સૌરાષ્ટ્રની ધરતી પર મહાત્મા ગાંધીનું સ્મરણ કરતા કહ્યું કે આ ભૂમિ અને પૂ. બાપૂનો મારા ઉપર ઊંડો પ્રભાવ છે. તેમણે સભામાં આવવામાં થયેલા વિલંબ બદલ માફી માંગતા લોકો સમક્ષ જયહિન્દના નારા લગાવતા અનેરૃ વાતાવરણ સર્જાયુ હતું.
આ પહેલા પ્રદેશ કોંગ્રેસ પ્રમુખ અર્જૂનભાઈ મોઢવાડિયાએ કહ્યું કે મોદી સરકાર માત્રને માત્ર જૂઠ્ઠાણા ચલાવી રહી છે. લોકોની પીડા ઉકેલવાને બદલે ઉત્સવોના તાયફા કરે છે.
વિપક્ષી નેતા શક્તિસિંહ ગોહિલે કહ્યું કે વિકાસની વાત કરનારા લોકોને ભ્રમમાં નાખી રહ્યા છે. મોદીને પ્રજાના પ્રશ્નોની પરવા જ નથી.
ગુજરાતના પ્રભારી મોહન પ્રકાશે આક્રમક શૈલીમાં ચૂંટણીમાં ભાજપને તેનું સ્થાન બતાવી દેવા લોકોને હાકલ કરી હતી.
કેશોદમાં આજે ચૂંટણી પ્રચારના અંતિમ તબક્કે યોજાયેલી કોંગ્રેસ અધ્યક્ષાની સભા અને તેમાં મોદીનો નામોલ્લેખ પણ ન હોવાથી ભાજપ છાવણીમાં સોંપો પડી ગયો છે. કારણ કે હંમેશા ચૂંટણી વખતે મુદ્દાને શોધનારાઓ અને પછી તેને ઉછાળનારાની કારી આ વખતે નહીં ફાવે તેવું કોંગીજનો કહેતા હતા.
સોનિયા ગાંધીના વક્તવ્યમાં આક્રમકતા અને શાલીનતા
રાજકોટ, તા.૭
વધુ એક વકત કેશોદમાં શ્રીમતી સોનિયા ગાંધીએ વકૃત્વની સુંદર કળાનો નમૂનો રજૂ કરી લોકોને દંગ કરી દીધા.તેમનાં વક્તવ્યમાં એક પણ વખત મુખ્યમંત્રીને તેના આક્ષેપોનો જવાબ આપવામાં ન આવ્યો કે ન કોઈ કાદવ ઉછાળ થઈ. મોડા આવવા બદલ લોકોની ક્ષમા માંગી તો સાથોસાથ તેમણે શાલીનતા સાથે ક્યા'યે ફિલ્મી ડાયલોગ કરવાને બદલે આમ જનતાને સ્પર્શે તેવા પાણી, વીજળી, બિયારણ અને કાયદો - વ્યવસ્તાના મુદ્દા ઉઠાવ્યાં હતાં.
લોકોને એ પણ ગમ્યું કે તેમણે હૃદયસ્પર્શી ભાષામાં કહ્યું કે, રાજનીતિ એ માત્ર સ્વાર્થ માટેની નથી હોતી. તેનાથી લોકોની તકદીર બદલવી જોઈએ તેમણે પરંપરાગત કૌશલ્ય બદલ સૌરાષ્ટ્રનાં લોકોને બિરદાવવા અને તડકામાં દુર દુરથી આવવા બદલ ગ્રામજનોનો આભાર માની પૂરા મેદાનમાં લોકોની નજીક ગયા હતાં.

બાલ ઠાકરે વિશે કોમેન્ટ કરનાર આશ્રય લે તો મોદી ગર્વ અનુભવે છે?
કોંગ્રેસ અધ્યક્ષા સોનિયા ગાંધીએ આજે તેમના દક્ષિણ ગુજરાતના પ્રવાસ દરમિયાન ગુજરાતમાં કાયદો-વ્યવસ્થાની સ્થિતિ કથળી હોવાની કરેલી ટિપ્પણીનો જવાબ આપતાં મુખ્યમંત્રી મોદીએ જણાવ્યું હતું કે મુંબઈમાં એક મુસ્લિમ પરિવારની મહિલા શાહીનબેનની કનડગત કરીને મહારાષ્ટ્રની કોંગ્રેસ સરકારની પોલીસે ધરપકડ કરી ત્યારે આ મહિલાએ ત્રાસીને ગુજરાતમાં આવીને વસવાનું પસંદ કર્યું છે. મુંબઈમાં માતા-બહેનોને બહાર નીકળવામાં અસુરક્ષા લાગે છે. ઉલ્લેખનીય છે કે મુખ્યમંત્રી નરેન્દ્ર મોદી એક તરફ સમયાંતરે શિવસેના સાથે સંબંધો સારા બનાવવા મથામણ કરે છે અને બીજી તરફ તેમના સુપ્રિમોના નિધન બાદ રહેલા બંધ અંગે ફેસબુક પર કોમેન્ટ કરનાર મહિલા ગુજરાતમાં આશ્રય લે તેનો ગર્વ અનુભવે છે.
રાહુલ ગાંધી ગુજરાતમાં આવવાથી ડરતા નથી ઃ કાનૂનમંત્રી અશ્વિની કુમાર
(પીટીઆઈ) નવી દિલ્હી, તા. ૭
કેન્દ્રીય કાનૂન મંત્રી અશ્વિનીકુમારે આજે કહ્યું હતું કે રાહુલ ગાંધી સહિત કોંગ્રેસના કોઈ પણ ગુજરાતના મુખ્યમંત્રી નરેન્દ્ર મોદીથી ડરતા નથી અને રાહુલ ગાંધી યોગ્ય સમયે ગુજરાતમાં ચૂંટણી પ્રચાર માટે જશે.
યોગ્ય સમયે આવીને ચૂંટણી પ્રચાર કરશે ઃ ભાજપે રાજકીય દેવાળું ફૂક્યું છે
લોકસભા ગૃહની બહાર પત્રકારો સાથે વાત કરતા અશ્વિનીકુમારે કહ્યું હતું કે કોંગ્રેસ પક્ષની કોઈપણ વ્યક્તિ નરેન્દ્ર મોદીથી ડરતી નથી અને ખાસ તો રાહુલ ગાંધી મોદીથી ડરતા નથી. તેમણે કહ્યું હતું કે રાહુલે પોતાની આદર્શ છબી ઘડી છે અને પક્ષને આદર્શ દીર્ઘદ્રષ્ટિ આપી છે. અશ્વિની કુમારે જણાવ્યું હતું કે રાહુલ ગાંધી યોગ્ય સમય આવ્યે ગુજરાતમાં જશે અને ચૂંટણી પ્રચારમાં પણ ભાગ લેશે.
ગુજરાતની વિધાનસભા ચૂંટણીના પ્રચારમાં આવવાની રાહુલ ગાંધીની ઈચ્છા નથી તેવા નરેન્દ્ર મોદીના આક્ષેપોના જવાબમાં અશ્વિની કુમારે કહ્યું હતું કે ભાજપે રાજકીય દેવાળુ ફૂંક્યું છે તેથી તેઓ અમારા નેતા ગુજરાતમાં જશે કે નહીં એ બાબતને મુદ્દાનો વિષય બનાવે છે. તેમણે કહ્યું હતું કે અમે કોઈના ઉપર વ્યક્તિગત પ્રહાર કરતા નથી. તેમણે ઉમેર્યું હતું કે ગુજરાત વિકસતું રાજ્ય હોવાનું કહેવાય છે પરંતુ ઘણી બધી બાબતોમાં ગુજરાત પછાત છે અને એ અંગેની હકીકતો પ્રજા સમક્ષ લાવવાની જરૃર છે.

 

 

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
શ્વેતપત્રિકામાં 'શ્વેત' પુરવાર થયેલાં અજિત પવાર ફરી નાયબ મુખ્યપ્રધાન
સાત પોલીસને નશીલા પદાર્થયુક્ત ભોજન કરાવી દિલ્હીનં બે ઠગ ફરાર ઃ સાતેય પોલીસ સસ્પેન્ડ

જુંદાલે પોતાનું કબૂલાતનામુ ફેરવી તોળ્યું ઃ બળજબરીથી સહી લેવાયાનો આક્ષેપ

મહારાષ્ટ્ર ઉપર ૨.૭૦ લાખ કરોડનું દેવું થતાં ક્રેડિટ રેટિંગમાં ધસારો
અજમલ આમિર કસબની અંતયેષ્ટી પાછળ થયો રૃા.૯,૫૭૩નો ખર્ચ
ભારતીય બોલરોનો સંઘર્ષ જારી ઈંગ્લેન્ડના છ વિકેટે ૫૦૯ રન

ભારતીય બોક્સિંગ અને તીરંદાજીના ફેડરેશનની માન્યતા પણ રદ થઇ

શ્રેણીને જીવંત રાખવા માટે ભારતીય બેટ્સમેનોએ લડત આપવી પડશે

મોદીને વીઝા અંગેની અમેરિકાની નીતિમાં કોઇ ફેરફાર કરાયો નથી

ખાનગી કંપનીઓ લોકોને ૧.૫ અબજ ડોલરમાં ચંદ્રની સફર કરાવતી થશે !
મુરસીએ વલણ ન બદલતાં પ્રજાના પ્રચંડ વિરોધ પ્રદર્શન

ઝરદારી રાજકીય રક્ષણના નામે કોર્ટના આદેશને અવગણી ન શકે

અમેરિકાએ 'સબક્રિટીકલ' ન્યુક્લિયર પરીક્ષણ કર્યું
રીટેલ FDI મંજૂર છતાં સપ્તાહના અંતે શેરોમાં પ્રોફીટ
સોનું ફરી રૃા. ૩૧૦૦૦ને આંબી ગયું ચાંદી ઉછળી રૃા. ૬૨૦૦૦ને પાર
 
 

Gujarat Samachar Plus

મોસમ સુહાની શિયાળાની, રંગોનું વૈવિધ્ય માણવાની
સદાબહાર સૌંદર્ય
અલાર્મ ક્લોક સૌથી વધુ સમય ટકેલા ગેજેટમાં પહેલા ક્રમે
વાસેક્ટોમીની લોકપ્રિયતામાં ઘટાડો
તમારી કાર બેક્ટેરિયાથી ભરેલા ખટારો તો નથીને!
 

Gujarat Samachar glamour

અંગ પ્રદર્શનને નહીં ટેલેન્ટને મહત્ત્વ આપોઃ હુમા કુરેશી
સોનાક્ષી અને કંગના વચ્ચેના શીત યુદ્ધનો અંત
સિલ્વર સ્ક્રીનની આ નવી જોડી પાસે પ્રેમ કરવાનો સમય પણ નથી
મુંબઈની મુલગીઓ માટે દક્ષિણની ફિલ્મો એક માત્ર સીડી
કલાકારો અચાનક જ જર્નાલિસ્ટો પર પ્રેમ વરસાવી રહ્યા છે
 
 
 
 
 
 
 
 

Gujarat Samachar POLL

 

રાશિ ભવિષ્ય

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive
સંવત 2069નું રાશિ ભવિષ્ય PDF Format
 

પૂર્તિઓ

 

 

 
 
Gujarat Samachar © 2012 All Rights Reserved