Last Update : 28-November-2012, Wednesday

 
ફાંસી પામી ચુકેલો અજમલ કસાબ જે ગામનો વતની હતો એ ફરીદકોટ ગામના કેવા હાલહવાલ છે ?
- રાષ્ટ્રપતિ બન્યા પછીનું પ્રણવ મુખરજીનું એક મહત્ત્વનું પગલું
- હવે અફઝલનો પણ વારો ?
- આપણી સાત ગુપ્તચર સંસ્થા છે જેની પાછળ રૃપિયા ૧૫૦૦૦૦૦૦૦૦૦૦ દર વર્ષે જનતાના સરકાર વાપરે છે

પ્રણવ મુખરજી રાષ્ટ્રપતિ બન્યા ત્યારે ''નેટવર્ક''એ લખેલા લેખમાં જ લખેલું કે, ''પ્રણવ મુખરજી પહેલું કામ કસાબને ફાંસી આપવાના નિર્ણય ઉપર સહી કરવાનું કરીને એક મહત્ત્વનું કામ પાર પાડે...'' અને પ્રણવ મુખરજીએ એ કામ કરી બતાવ્યું.
એ જ રીતે, હવે તેઓ પેલા અફઝલ ગુરૃને પણ ફાંસી આપવાની નિર્ણયને મંજૂરીની મહોર આપી દે એવી દેશની ૧ અબજની વસતિની ઈચ્છા છે. (જોકે ડરપોક અમલદારો અને કેટલાક પત્રકાર વિશ્લેષકો એવો ડર વ્યક્ત કરે છે કે... ''અફઝલને ફાંસી આપવામાં આવશે તો કાશ્મીરમાં ભડકો થશે...'' આ ડરપોકો કેવી વાત કરે છે? અત્યારે શું કાશ્મીરમાં ભડકો નથી થતો? અને આપણી સરકારે શું બંગડીઓ પહેરી છે? આવી ધમકીઓથી ડરનાર અમલદારોને જ ખરેખર ઘરમાં પૂરી રાખવા જોઈએ. ડરપોક અમલદારોએ જ આપણા દેશનું જે નખ્ખોદ વાળ્યું છે એવું આતંકવાદીઓએ પણ નથી વાળ્યું ! કેટલાક મુખ્યપ્રધાનો પણ ડરપોક થઈને સોળસોળ મોટરોના કાફલા વચ્ચે નીકળે છે અને હેલિકોપ્ટરમાં જ રહે છે! ડરતા હો તો કોણ કહે છે કે રાજકારણમાં પડો! ઘરમાં જ સંતાઈ રહોને! અને મૃત્યુથી કોઈ બચ્યું છે? વિવેકાનંદ કે રામ કે કૃષ્ણ કે મહાવીર કે ઈંદિરા કે રાજીવ કોઈ નથી બચ્યું !)
અફઝલની દયાયાચિકા રાષ્ટ્રપતિ પાસે પડી છે એ એમણે આજકાલમાં જ ક્લીયર કરીને અફઝલને પણ ફાંસીએ લટકાવવાનો ફેંસલો કરી નાંખવો જોઈએ.
કસાબની પાછળ મહારાષ્ટ્ર સરકારે આપણા જનતાના રૃપિયા ૪૧,૮૧,૦૦,૦૦૦ એને સલામત રીતે રાખવાના જ કુલ વપરાયેલા.
કસાબને સાચવવાનો જે ખર્ચ ૪૧ કરોડ ૮૧ લાખ રૃપિયા થએલો એમાં રૃપિયા ૩૩ કરોડ ૮૮ લાખ ઈન્ડો તિબેટન બોર્ડર પોલિસ માટે હતો. મહારાષ્ટ્ર સરકારે એ રકમ હજી આપી નથી અને એ રકમ જતી કરે એવી એ વિનંતી કરે છે.
એ ઉપરાંત આર્થર રોડ જેલમાં કસાબ માટે જે ખાસ નવો ખંડ બાંધેલો એનો ખર્ચ ૫,૨૫,૦૦,૦૦૦ રૃપિયા આવેલો. બાકી જેલના સિક્યોરીટી સ્ટાફના ૧ કરોડ ૪૬ લાખ રૃપિયા, બીજા સ્ટાફના ૧,૨૨,૦૦,૦૦૦ રૃપિયા, ખાધાખોરાકીના ૪૩,૩૧૨ રૃપિયા, દવા અને હોસ્પીટલના ૩૯,૮૨૯ રૃપિયા અને કપડાંના ૧,૮૭૮ રૃપિયા ખર્ચ થએલો.
કસાબનો જે ખર્ચ થયો એ ૪ જ વર્ષનો છે. જ્યારે અફઝલ પાછળ જે ખર્ચ થાય છે એ ૧૧ વર્ષથી થાય છે કારણ કે એ ૨૦૦૧થી જેલમાં છે. આ બધો ખર્ચ આપણે જનતાએ શા માટે ભોગવવાનો ? આપણી ન્યાય પ્રક્રિયાના કારણે જ ને? અફઝલને ૨૦૦૬ના ઓક્ટોબરની ૨૦મીએ ફાંસી આપવાનું નક્કી થએલું હતું. પણ એણે રાષ્ટ્રપતિને દયાની અરજી પછી કરી. એ અરજીનો નિકાલ અગાઉના રાષ્ટ્રપતિઓ નહીં લાવેલા. હવે પ્રણવ મુખરજી એનો નિવેડો લાવશે એટલે અફઝલને ફાંસીનો રસ્તો મોકળો થઈ જશે.
આપણું તંત્ર કેટલું નિર્માલ્ય અને ભ્રષ્ટ છે, અને કાયદા પણ એવા છે કે, એમાં આપણે જનતાનો જ કચ્ચરઘાણ બોલાતો હોય છે.
દા.ત. આપણા દેશમાં સાત સાત ગુપ્તચર સંસ્થાઓ કામ કરે છે અને એની પાછળ આપણા જનતાના રૃપિયા ૧/૫૦/૦૦/૦૦/૦૦/૦૦૦ (૧ ખર્વ ૫૦ અબજ) દર વર્ષે ખર્ચવામાં આવે છે છતાં આતંકવાદીઓ આપણા જવાનો અને જનતાને મારી નાંખે છે!
દા.ત. અફઝલ જેવો આતંકવાદી આપણા દેશના નાક જેવા સંસદભવન ઉપર હુમલો કરવા અંદર ઘુસી જાય એટલે શું ? આ જે ગુપ્તચર સંસ્થાઓ છે એ... (૧) ઈન્ટેલીજન્સ બ્યુરો (આઈ.બી.), (૨) રિસર્ચ એન્ડ એનાલીસીસ વિંગ (રો), (૩) નેશનલ ટેકનીકલ રિસર્ચ ઓર્ગેનાઈઝેશન (એનટીઆરઓ), (૪) ડિફેન્સ ઈન્ટેલીજન્સ એજન્સી (ડીઆઈએ), (૫) મિલીટરી ઈન્ટેલિજન્સ (એચઆઈ), (૬) ડાયરેક્ટર ઓફ રેવન્યુ ઈન્ટેલિજન્સ (ડીઆરઆઈ) અને (૭) સેન્ટ્રલ ઈકોનોમિક ઈન્ટેલિજન્સ બ્યુરો (સીઆઈઆઈબી).
આ ઉપરાંત દરેક રાજ્યમાં અલગ સી આઈ ડી સંસ્થા છે એ અલગ. સી બી આી વળી અલગ. એન્ટી ટેરરીસ્ટ સ્કોડ વળી વધારાની!
આ બધી જ સંસ્થાઓ અંદર અંદર હુંસાતુંસી કરતી હોય છે અને એક બીજાને સહકાર નથી આપતી. પરિણામે કોઈ કામ જ પાર પડતું નથી અને આતંકવાદ દુર થવાના બદલે વધતો જાય છે.
ટૂંકમાં, ''કોના બાપની... ?''
આ બધી સંસ્થાઓ કઈ રીતે ખર્ચ કરે છે, ક્યાં ખર્ચ કરે છે વગેરે વિષે લશ્કરને જેમ પૂછી શકાતું નથી એમ પૂછી શકાતું નથી. ''ગુપ્તતા''ના નામે એને છૂપાવવામાં આવે છે. (એટલે ભ્રષ્ટાચાર વધે છે) અમેરિકામાં આવી સંસ્થાઓ ઉપર નજર રાખવા સંસદની એક સમિતિ બનાવવામાં આવે છે. જ્યારે આપણે ત્યાં તો સંસદ પણ કશું પૂછી શકતી નથી!
હવે કસાબ તો ગયો પણ કેટલાક નેતાઓ અને પત્રકારો એની પીંજણ નથી છોડતી. એમાંની એક પીંજણ એના વતન ફરીદકોટની છે. પત્રકારોને તો કંઈક મસાલો જોઈએ એટલે તેઓ આવું કંઈક પકડીને પછી ચગાવતા હોય છે.
કસાબનું વતન ભારત અને પાકિસ્તાનની સરહદ ઉપર પાકિસ્તાનના ભાગમાં પડતું ફરિદકોટ નામનું નાનકડુ એટલે ૩૦૦૦ જેટલા ગરીબ ખેડૂતોનું ગામ છે. ફરિદ નામના એક સુફી સંત થઈ ગયા જેમના નામ ઉપરથી પંજાબમાં એટલા બધા ફરિદકોટ છે કે ક્યું ફરિદકોટ ક્યાં આવ્યું એમાં ગડથોલું ખાય જવાય.
કસાબનું ફરિદકોટ ઓકારા જિલ્લાનું ફરિદકોટ છે. કસાબ જ્યારે પકડાયેલો ત્યારે પત્રકારોએ આ ફરિદકોટ શોધીને એની મુલાકાત પણ લીધેલી.
કસાબનો બાપ ગામમાં એક લારી ઉપર સમોસા અને પકોડા વેચતો હતો. કસાબનો બનાવ બન્યા પછી ચાર વર્ષ પહેલાં સુરૈયા નામની એની નાની બહેન અને મુનીર નામનો નાનો ભાઈ બધાને લઈને કસાબનો બાપ ગામ છોડીને ચાલી ગયો હતો.
કસાબ ત્યાંની સ્કુલમાં પાંચમા ધોરણમાં ભણતો હતો. કસાબ ૧૪ વર્ષની ઉંમરે જ ઘર છોડીને ભાગી ગયો હતો. ફક્ત ૨૬-૧૧ પહેલાં થોડાંક દિવસ માટે બધાને મળવા એ ગામમાં આવ્યો હતો. લોકો જાણી ચુક્યા હતા કે એ લાહોરમાં ગુનાખોરીની દુનિયામાં પહોંચી ગયો છે. એણે લશ્કરે તોયબામાં ફિદાયીનની ટ્રેનીંગ પણ લીધી છે એ તેઓ જાણતા હતા.
ગામના લોકો કહેતા હતા કે, ''આ છોકરો આવો ખૂનખાર થઈ શકે એ અમારા મગજમાં જ નથી આવતું કારણ કે એ રમકડાની પિસ્તોલથી પણ ભાગતો હતો.''
- ગુણવંત છો. શાહ

હોય નહીં !

વેઈટ લીફટીંગમાં ૨૭ વખત ચેમ્પીયન થનાર ગીતાબાઈ પ્લાસ્ટીકની કોથળીઓ વેચીને ગુજારો કરે છે

૨૭ વખત ચેમ્પીયનશીપ મેળવવી એ નાનીસુની વાત ન કહેવાય! અને એ પણ એક મહિલા! અને એ પણ વેઈટ લીફટીંગમાં!
હા, ગીતાબાઈ એનું નામ.
વજન ઉચકવામાં તેઓ ૧૯૯૫થી હરિફાઈમાં છે. એમની અત્યારે ૩૮ વર્ષની ઉંમર છે. એ પોતાના શરીરને સવારના ૫ વાગ્યાથી ૯ વાગ્યા સુધી જીમમાં તાલિમ આપે છે. તેઓ ૯૦ કીલો અને વધુ કીલોનું વજન ઉંચકવાના વર્ગના છે.
તાલિમ લેવાની એમણે કબ્બડી અને 'ટગ ઓફ વોર'ની રમતથી શરૃઆત કરેલી. એ પછી ત્યાંના કોચે એમનું શરીર જોઈને એમને વેઈટ લીફટીંગની તાલિમ લેવાની સલાહ આપી.
તેઓ કર્ણાટક મેંગ્લોરના છે જ્યાં કેટલીક મહિલાઓ વેઈટલીફટીંગ કરતી હોય છે. ગીતા માટે એ મહિલાઓ પ્રેરણારૃપ બની. વેઈટ લીફટીંગમાં તેઓ ૨૭ વખત રાષ્ટ્રીય ચેમ્પીઅન થયા છે. આ રેકર્ડ હજી સુધી અતૂટ રહ્યો છે. હમણાં ફીનલેન્ડમાં આંતરરાષ્ટ્રીય સ્પર્ધા થએલી એમાં બ્રોન્ઝ જીતવા સુધી તેઓ પહોંચી ગયા હતા.
એ દસમું પણ પાસ નથી એટલે બેન્કમાં કે સરકારી નોકરીમાં એમને સ્થાન નથી મળતું એટલે એ પ્લાસ્ટીકની કોથળીઓ વેચીને ગુજરાન ચલાવે છે. પ્લાસ્ટીક વાપરવા ઉપર પ્રતિબંધ આવતા એમને રળવાની મુશ્કેલી થઈ ગઈ છે.
એનો ભાઈ હમણાં જ એના ત્રણ બાળકોની જવાબદારી એની ઉપર આવી ગઈ છે. જ્યારે એની ભાભીને ઓપરેશન કરાવવું પડે તેમ છે.
આંતરરાષ્ટ્રીય સ્પર્ધામાં એની ૧૬ વાર પસંદગી થએલી પણ કોઈ સ્પોન્સરર નહીં મળતા એ જઈ શકેલી નહીં. સરકારી ''સાહેબો'' એને એના પોતાના જ રૃપિયા વાપરવાની સલાહ આપે છે. જ્યારે સરકારની સહાય મેળવવામાં ભ્રષ્ટાચાર રહેલો છે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
કસબને જાહેરમાં ફાંસી આપવી જોઇતી હતી ઃ શહીદ ઓંબળેના ભાઇ
દસને સુમારે ત્રાટકેલા દસ દાનવોએ અંધાધૂંધ ગોળીબાર કરી દાટ વાળ્યો

કસબની ધરપકડ કરી તેના કરતા તેને ફાંસીથી વધુ ખુશી થઈ ઃ બાવધનકર

એક પાકિસ્તાની ગુંડો માત્ર રૃા. લાખ-દોઢ લાખ માટે આતંકવાદી બન્યો
૨૬/૧૧થી ૨૧/૧૧ઃ મુંબઈ પર આતંકવાદી હુમલાના ચાર વર્ષનો ઘટનાક્રમ
પર્થમાં આપણને સ્પિનરો માટેની પીચ ઓસ્ટ્રેલિયા આપે ખરૃં ?

પાનેસરને ઈંગ્લેન્ડ પ્લેઇંગ ઇલેવનમાં ના પણ સમાવે

સેહવાગની ૧૦૦મી ટેસ્ટ મેચ યાદગાર બને તેવી આશા રાખું છું
વડોદરામાં રાજયની પ્રથમ મહિલા જેલ શરૃ થઇ
સીંગતેલમાં ભડકો ઃ એક જ દિવસમાં ડબ્બે રૃા. ૬૦નો ઉછાળો

કસાબની મોતનો જશ્ન મનાવતા પોરબંદરની 'કુબેર' બોટના માલિક

કસાબના મોતનો બદલો વાળતું પાકઃ ૪૮ માછીમારોના અપહરણ
વાહનોમાં હાઇસિક્યોરીટી રજીસ્ટ્રેશન પ્લેટ ફરજિયાત
સંસદનું શીયાળુ સત્ર શરૃ થતાં પૂર્વે નિફ્ટીએ ૫૬૦૦ સપાટી કુદાવી ઃ રીયાલ્ટી, બેંક શેરોમાં આકર્ષણ
સોના-ચાંદીમાં તેજીને બ્રેક લાગી ભાવો તૂટયા ઃ યુરો સામે ડોલર ઉંચકાયો
 
 

Gujarat Samachar Plus

લોન્ગ લાઇફ માટે દરરોજ ૧૧ મિનિટ ઝડપથી ચાલો
યોગ્ય ડ્રેસીંગ સાથે પહેરો હાઇ હિલ્સ
ભારતીય સાડીને મળ્યો નવો લૂક
હાઉ ટુ મેઇન્ટેઇન યોર ગેઝેટ્સ બેટરી
પૌષ્ટિક તત્ત્વોનો ખજાનો ફણગાવેલા કઠોળ
રાજાશાહી મેરેજ તરફ યંગસ્ટર્સનો વળાંક
રેલવેનું રીઝર્વેશન સર્વર ડાઉન, પ્રવાસીઓનું મીટર અપ
 

Gujarat Samachar glamour

નરગીસનો દિવાનો બન્યો ઉદય
મારા ડાન્સ સ્ટેપ કરોડોના છેઃ કેટ
મારા બાળકો તેમના ગમતા જ ફિલ્ડમાં જશેઃ શાહરૃખ
'બોન્ડ' પાસે કારનું લાયસન્સ જ નથી
ઈલિયાના ગૂડ લૂકિંગ ગર્લ છેઃ શાહિદ કપૂર
'દબંગ-૨'નો ૨૦૦ કરોડનો ટાર્ગેટઃ અરબાઝ
મારે તો વિવિદોથી દૂર રહેવું છેઃ સોનમ કપૂર
 
 
 
 
 
 
 
 

Gujarat Samachar POLL

 

રાશિ ભવિષ્ય

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive
સંવત 2069નું રાશિ ભવિષ્ય PDF Format
 

પૂર્તિઓ

 
 
Gujarat Samachar © 2012 All Rights Reserved