Last Update : 10-November-2012, Saturday

 
ભ્રષ્ટાચારીઓની જેમ બળાત્કારીઓથી ભરેલો દેશ
- દેશમાં દર દસ-પંદર મિનિટે બનતો બળાત્કારનો એક બનાવ
- દેશનું પાટનગર દિલ્લી બળાત્કારનું પણ પાટનગર!
- બળાત્કારના નોંધાતા બનાવો કરતાં નહીં નોંધાતા બનાવો વધુ!
- બળાત્કારી સામેનો કાયદો પણ ભેળસેળ, ચોરી, લૂંટ, ખૂન, વગેરે જેવો પાંગળો અને છટકબારીવાળો કાયદો

૧૦-૧૫-૨૦ મિનિટે આપણા દેશમાં એક બળાત્કાર થતો હશે... થાય છે... એવી આંકડાકીય નોંધ ભલે હોય પણ આપણા દેશમાં જે દર સેકન્ડે ૧૦૦૦ કરતાં વધુ ભ્રષ્ટાચારના બનાવો બનતા હોય છે એમ દર મિનિટે બળાત્કારનો એક બનાવ બનતો હોય છે એમ કહેવામાં અતિશયોક્તિ નથી કારણ કે બળાત્કારના નોંધાયેલા બનાવો કરતાં નહીં નોંધાયેલા બનાવો વધુ બને છે.
બળાત્કારનો ભોગ બનતી મહિલા અને એનું કુટુંબ બળાત્કારના બનાવને દબાવી દેવાના પ્રયત્નો કરતા હોય છે. ટીવી પર ''સાવધાન ઈન્ડિયા'' તથા ''ક્રાઇમ પેટ્રોલ'' જેવી શ્રેણીઓ આવે છે. એમાં બેત્રણ દિવસે એકવાર બળાત્કારના સાચા બનાવો વિષે તારીખ, વર્ષ, સ્થળ વિષે સત્ય હકીકત અપાતી હોય છે. એ સત્ય ઘટનાઓ એવી હોય છે કે કોઇપણ લાગણીશીલ વ્યક્તિને હચમચાવી દે.
દેશમાં દિવસે દિવસે મહિને મહિને બળાત્કારની ઘટનાઓ, ભ્રષ્ટાચારની ઘટનાઓની જેમ અથવા ચેઈન સ્નેચરોની ઘટનાઓની જેમ વધતી જ જાય છે... ઓછી થવાની તો વાત જ નથી આવતી.
સરકાર ઘણું કરતી હોય છે પણ આપણા કાયદા જ એવા છે કે જે ગુનેગારને છટકી જવામાં ઉલટાના મદદરૃપ થાય! વકીલો પણ અને પોલિસ તંત્ર પણ ગુનેગારને ઉલટાના મદદરૃપ થતા હોય છે.
બળાત્કારના બનાવને પહેલાં તો પોલિસ નોંધતી જ નથી. જેમાં લાંચ મળવાની શક્યતા હોય એમાં જ પોલિસ રસ લેતી હોય છે.
એટલે પોલિસ પહેલાં તો કહે છે...
(૧) બધી રૃપિયાની રમત છે
(૨) એ છોકરીએ એને ધંધો બનાવી દીધો છે
(૩) એ પોતે જ ઈચ્છતી હતી
વગેરે વગેરે.
છેવટે ઉપરી પોલિસ પાસે પહોંચવામાં આવે અને એ જો રસ લે તો ફરિયાદ પોલીસ લે છે અને દબાણ કરવામાં આવે તો કેસ આગળ ચલાવે.
બાકી આજકાલ કોર્ટો બળાત્કારી ઉપર ઘણી કડક થઇ ગઇ છે. બળાત્કારનો ગુનેગાર ગુનામાંથી છૂટી જવા, છટકવા આકાશપાતાળ એક કરતો હોય છે. એમાં પણ બળાત્કાર કરનાર ધારાસભ્ય કે પ્રધાન કે સંસદસભ્ય હોય કે એનો સગો હોય તો પોલિસ અને કોર્ટ પણ ઢીલી થઇ જાય છે.
બળાત્કારનો ભોગ બનનાર કુટુંબ ઉપર પણ દબાણ થાય છે. (આ વિષયને લગતી અસંખ્ય ફિલ્મો આવતી રહી છે.)
બળાત્કાર અંગેના ગુના માટે ફોજદારી કાયદામાં... ઈન્ડીયન પીનલ કોડમાં કલમ ૩૭૬ છે. એમાં દંડ ઉપરાંત ઓછામાં ઓછી ૧૦ વર્ષની જેલની સજા અને વધુમાં વધુ આજીવન કેદની સજા કાયદામાં છે. આ બધું, આ સજા વગેરે આપણા કાયદા અને કોર્ટ મુજબ પુરાવાઓ સાથે હોય તો જ થાય. કોર્ટમાં કેસ ચાલે ત્યારે પણ સામા પક્ષનો વકીલ આડાતેડા સવાલો કરે તો એના પણ જવાબ આપવાની તૈયારી રાખવી પડે. ટૂંકમાં, સાબિત કરવાનું સહેલું નથી. ઉલટાનું ગુનેગારને છટકી જવાનું સહેલું છે.
આ કારણે જ આપણા દેશમાં બળાત્કારો ઓછા થવાના બદલે વધતા જાય છે.
બળાત્કારની સાથે બળાત્કારનો ભોગ બનનાર મહિલાની હત્યા થઇ હોય તો કલમ ૩૦૨ મુજબ ગુનેગારને ઓછામાં ઓછી આજીવન કેદની સજા અને વધુમાં વધુ ફાંસીની સજાની જોગવાઇ છે.
એ ઉપરાંત બળાત્કાર કરવાનો પ્રયાસ કરવા બદલ અથવા મહિલાને ત્રાસ આપવા બદલ કલમ ૩૫૪ મુજબ કોર્ટો દંડ સાથે ઓછામાં ઓછી એક વર્ષની કેદની સજા અને વધુમાં વધુ બે વર્ષની કેદની સજાની કાયદામાં જોગવાઇ છે.
છેલ્લે આવા બળાત્કારી ખૂનીને ૨૦૦૪માં ફાંસીની સજા કરવામાં આવેલી. એની ઉપર ૧૩ વર્ષની એક બાળા ઉપર બળાત્કાર કરીને મારી નાંખવાનો આરોપ હતો. એણે રાષ્ટ્રપતિને દયાની અરજી કરેલી પણ એ કાઢી નાંખવામાં આવેલી. એટલે એને ફાંસીની સજા થઇ.
એ ધનંજયને ફાંસી આપવાના મુદ્દા ઉપર એક મુદ્દો ચર્ચામાં આવેલો કે બળાત્કાર અને હત્યાના બનાવમાં ફાંસી આપવી કે નહીં.
આ બાબત ન્યાયતંત્રમાં પણ બે મત પ્રવર્તે છે. (એક પ્રકારનો વિતંડાવાદ જ છે.) પરિણામે ત્યાર પછી એક પણ બળાત્કારી હત્યારાને ફાંસીની સજા આપવામાં નથી આવી. જો કે અદાલતો આજે પણ આવા ગુનેગારોને ફાંસીની સજા તો કરે જ છે.
બસ, આપણા કાયદા અને એના અમલની આ જ ખામી છે. અમેરિકા, ચીન, આરબ દેશો, બ્રિટન વગેરે બધા દેશોમાં ગુનો એટલે ગુનો અને સજા એટલે સજા. એમાં વળી વિતંડાવાદ શાનો? (અમેરિકામાં હમણાં જોયું નહીં? રજત ગુપ્તા નામના એક વી વી આઈ પી એ આર્થિક ગુનો કર્યો તો એની સજા અમેરિકાની કોર્ટે ત્રણ મહિનાની અંદર સંભળાવી દીધી. ત્યાં બધી બાબતમાં સમય મર્યાદા હોય છે. આપણી જેમ વર્ષો સુધી કેસ ચાલે પણ નહીં, લંબાવાય પણ નહીં અને ચલાવાય પણ નહીં.)
આપણા દેશમાં હત્યાના ગુના બદલ ફાંસીની સજા કોર્ટો આપે છે પણ સરકારો એનો અમલ નથી કરતી.
તાજેતરમાં જ ૭૦ વર્ષની એક વૃધ્ધા ઉપર બળાત્કાર કરીને એની હત્યા કરનાર રીક્ષાચાલક ૨૫ વર્ષના નિક્કા સિંહને ફાંસીની સજા કરવામાં આવી. કોર્ટે એની નાની ઉંમરને પણ ધ્યાનમાં ન લીધી.
કોર્ટે પોતાના ચુકાદામાં જણાવ્યું કે, બળાત્કાર અને હત્યાનો ગુનો કરનાર માટે ફાંસીની સજા કરતાં બીજી વધુ સખત સજા હોય તો એ કરવી જોઇએ.
હવેની કોર્ટોએ બળાત્કાર અને હત્યાના ગુનાને ભયંકરમાં ભયંકર ગુનો ગણ્યો છે. સુપ્રિમ કોર્ટના પાંચ જજોએ ''વચનસિંહ વિરૃધ્ધ પંજાબ સરકાર-૧૯૮૩''ના કેસમાં ફાંસીની સજાને જ યોગ્ય માની હતી.
એ પહેલાં પણ સુપ્રિમ કોર્ટના માર્કંડેય કાત્જુ અને જ્ઞાાનસુધા મિશ્રાએ ૨૦૧૦માં નિઠારી હત્યાકાંડના ગુનેગાર સુરેન્દ્ર કોલીની ફાંસીની સજા બહાલ કરતા કહેલું કે, એનો ગુનો એવો છે કે એને ફાંસીની સજા પણ ઓછી ગણાય.
ટૂંકમાં, બળાત્કારના મામલામાં છેલ્લા દસ વર્ષથી કોર્ટનું વલણ વધુ સખત થઇ ગયું છે.
વળી, બળાત્કારના મામલાઓમાં હવે નીચલી અદાલતો જામીન નથી આપતી. એટલે જામીન મેળવવા ઉપરી અદાલતોના ખર્ચા કરવા પડે છે. (અદાલતોના ખર્ચા તબાબો તોડી નાંખે એવા હોય છે. દા.ત. સુપ્રિમ કોર્ટમાં ફક્ત વકીલની હાજર રહેવાની ફી જ રૃપિયા ૧ લાખ જેવી હોય છે. કેસ લડવાની ફી પાછી જૂદી)
વળી સુપ્રિમ કોર્ટે સ્પષ્ટ કર્યું છે કે, બળાત્કાર નથી કર્યો એ પુરવાર કરવાની જવાબદારી ગુનેગારની રહે છે એટલે કે પીડિત મહિલાએ બળાત્કારી ગુનેગારના ગુનાને પુરવાર કરવાનો નથી હોતો.
જો કે નીચલી કોર્ટો ક્યારેક હળવાશ રાખતી હોય છે પણ ઉપલી કોર્ટોમાં હવે બળાત્કારીને સજા કરવાનું નક્કી જ હોય છે. સુપ્રિમ કોર્ટે તો સ્પષ્ટ કહી દીધું છે કે બળાત્કારનો ભોગ બનેલી મહિલા એમ કહે (ફરિયાદ કરે) કે મારી ઉપર ફલાણા વ્યક્તિએ બળાત્કાર કર્યો છે એટલે એ કથનને સાચું માનીને જ આગળ વધવામાં આવશે. એ પછી પેલા બળાત્કારીએ પુરવાર કરવાનું રહે છે કે, એણે બળાત્કાર નથી કર્યો.
ટી.વી. ચેનલો આવા પ્રકરણોમાં બહુ જ સક્રિય છે. ભોગ બનેલી મહિલા ટી વી સ્ક્રીન ઉપર બળાત્કાર પુરૃષ વિરૃધ્ધ પોતાની થની કહે છે ત્યારે ભલભલા બળાત્કારીના છક્કા છૂટી જાય છે. ટી વી ચેનલ લાઇફ ઓકે પર ''સાવધાન ઈન્ડિયા''ના બે એપીસોડમાં ઉત્તર પ્રદેશના બે સત્તાધારી પુરૃષોની સત્ય કથા રજૂ થઇ એમાં આ જ વાસ્તવિકતા દેખાડી હતી. સોની ચેનલ ઉપર ક્રાઇમ પેટ્રોલમાં પણ આવી જ સત્ય હકીકત રજૂ થઇ હતી.
જો કે કેટલાક ચુકાદા વિચિત્ર પણ હોય છે અને કેટલાક હળવા પણ હોય છે. સરકારે આવા વૈકલ્પિક ચુકાદાઓ આવા ભયાનક, માનવતા વિહોણા ગુનાઓ માટે પ્રતિબંધિત કરીને એક જ પ્રકારના એટલે કે એક ઘાને બે કટકા જેવા ચુકાદા આપવાનો કાયદો જ કરવો જોઇએ. દા.ત. (૧) મૃત્યુપર્યંતની જેલ, (૨) બળાત્કારીનું લિંગ કાપી નાંખવું.... જેવી સજાઓ કરવામાં આવે તો જ માણસ બળાત્કાર કરતા ડરશે. આ તો અત્યારે કાયદા જ એવા છે કે... (૧) બે પાંચ કે દસ વર્ષની જેલની સજા અથવા (૨) અમુક હજાર રૃપિયા દંડ. વળી વકીલ અને લાંચનું જોર પણ ગુનેગારની મદદે આવતું હોય છે. કેટલાક ગુનેગારને તો એવી સજા કરવામાં આવે છે કે ફરીફરીને એ જ ગુનો કરવા પ્રેરાઇ છે. દા.ત. બળાત્કારી, ચેઇન સ્નેચર, બાઈક ચોર, મોટર ચોર, ઘરફોડ ચોર, છેડતી કરનારા, સીસોટીઓ વગાડનારા... વગેરે.
દુબઇમાં તો સીસોટી વગાડનાર માટે કાયદો છે કે... પહેલાં એને સીધો છ મહિના માટે જેલમાં જ નાંખી દેવાનો. છ મહિના પછી એની ઉપર કેસ થાય.
એવી જ રીતે ભેળસેળ કરનાર માટે કાયદો છે કે.. એને સીધો રસ્તાના ચોક ઉપર લટકાવવો.
ભેળસેળનો ગુનો ખૂન કરવા કરતાં ય વધુ ગંભીર અને ભયંકર ગુનો છે. તો પણ આપણે ત્યાં ભેળસેળ કરનારને સો બસો પાંચસો રૃપિયાનો દંડ કરીને છોડી મૂકવામાં આવે છે. આપણે ત્યાં કાયદા જ એવા છે કે જે ગુનો કરવાને પ્રેરે.
જ્યારે અમેરિકામાં ભેળસેળ તો શું પણ અનાજ, લોટ, પીણું કે કોઇપણ ચીજમાં કસ્તર પણ નીકળે તો પહેલાં તો એ દુકાનને તાળું મારવાનું, પછી પેલી ચીજના ઉત્પાદકને તાળું મારવાનું અને પછી કેસ થાય જેમાં પેલાઓને જેલ જ થાય. આવા કાયદાના કારણે ત્યાં ભેળસેળ થતી જ નથી જ્યારે આપણે ત્યાં? દૂધમાં દૂધ જ નહીં? (પાણી ભેળવેલું દૂધ તો બાજુ પર રહ્યું) ઘીમાં ઘી જ નહીં, દહીં-છાસમાં દહીં છાસ જ નહીં! માવામાં માવો જ નહીં! અને છતાં એ બધા ગુનેગારો દંડ ભરીને છૂટી જાય!
અરે, પાણી જેવી વસ્તુ પણ ભેળસેળ વાળી! ગમે તેવું ''મીનરલ વોટર'' લો તો પણ એ શુધ્ધ તો નહીં જ! જ્યારે આપણે ત્યાં નળમાં આવતું પાણી?
બધે ભ્રષ્ટાચાર તો ખરો જ પણ આપણા કાયદા જ પાંગળા છે એનું શું?
(અપૂર્ણ)
ગુણવંત છો. શાહ

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
કેગ બીજાને શીખામણ આપવાને બદલે માહિતિ લીક થતી અટકાવેઃ દિગ્વિજય
ભારત અન બ્રિટન વચ્ચે સંરક્ષણ તેમજ આતંકવાદ મામલે વાટાઘાટો

અડવાણીના જન્મદિવસે ગડકરીએ ચરણસ્પર્શ કરી આશીર્વાદ લીધા

તમામ મંત્રાલયોને ખર્ચ પર કાપ મૂકવા નાણા મંત્રાલયના નિર્દેશ
કેનેડાના વડાપ્રધાન હાર્પરે પત્ની સાથે ફરીથી લગ્ન કર્યા !
ફાર્મા,શેરોમાં નફારૃપી વેચવાલી ઃ ટાટા મોટર્સ, રીયાલ્ટીમાં તેજી ઃ સેન્સેક્સ ૫૬ પોઇન્ટ ઘટયો
ઋણ બજારમાં FIIનું રોકાણ જળવાઈ રહેશે
દિવાળી ટાંકણે મુંબઈ ઝવેરી બજારમાં આવકવેરા વિભાગની તપાસ શરૃ થતાં ગભરાટની લાગણી
અઝહર કોર્ટની નજરે નિર્દોષ પણ ચાહકો અને આઇસીસીની ક્લીન ચીટ મળશે ?

ટેસ્ટમાં નંબર વનનો તાજ પાછો મેળવવાનો પ્રયાસ જારી ઃધોની

સાઉથ આફ્રિકા-ઓસ્ટ્રેલિયા વચ્ચે આજથી ટેસ્ટમાં નંબર વન બનવા જંગ
અમદાવાદમાં રમાતી પ્રેક્ટિસ મેચમાં હરિયાણા સામે ઇંગ્લેન્ડના ૪૦૮/૩
બીમાર પુત્રીની ખબર કાઢવા સ્વોન ઈંગ્લેન્ડ પરત

ફન્ડામેન્ટલ ગ્રોથ નહીં થાય ત્યાં સુધી બજારમાં વોલેટાલિટી જોવાશે

NSEL પર ધનતેરસ નિમિો ઈ-સીરિઝના કોન્ટ્રેક્ટ્સમાં ટ્રાન્ઝેક્શન ચાર્જ વિના ટ્રેડિંગ કરી શકાશે
 
 

Gujarat Samachar Plus

અજયે અમદાવાદીઓને કહ્યું 'હેપ્પી દિવાલી'
દીવાના 'દિવાના' ફ્રેગરન્સ સાથે દિવાળી મહેકાવશે
હોમમેડ મીઠાઇ ભૂલાઇ પણ ફરસાણ યથાવત
સ્ટોરરૃમ અનાજ-શાકભાજીનો સ્ટોકથી ઉભરાયા
હવે લોકલ ઇકોનોમીને સ્ટ્રોંગ કરવાની જરૃર છે
 

Gujarat Samachar glamour

નાઓમી કેમ્પબેલની રાજસ્થાની રંગમાં રંગાયેલી ભવ્ય પાર્ટી
'જાને ભી દો યારો' અચાનક ફરીથી રીલીઝ કરાઈ
વિરાટ કોહલી કરીનાનો દિવાનો બન્યો
સલમાનના પોટ્રેટની પાકિસ્તાનમાં હરાજી થશે
બસ ઔર કુછ નહીં...
 
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved