Last Update : 07-November-2012, Wednesday

 
જમાઈ બે વાત એક લેખાંક ૨
- રોબર્ટ અને પ્રિયંકા વચ્ચે પ્રેમ કઈ રીતે પાંગર્યો અને છેલ્લે લગ્ન કઈ રીતે થયા ?
- રોબર્ટ વાઢ્રા ઃ પિત્તળના વાસણોના સામાન્ય વેપારીમાંથી રૃપિયા ૧૩૪.૦૭ કરોડ + રૃપિયા ૧૯.૯૧ કરોડ + ૨.૦૫ કરોડ + ૧૫.૧૩ કરોડ + + + + સંપત્તિના માલિક કઈ રીતે થયા ?
- પ્રિયંકા અને રોબર્ટના લગ્ન હિન્દુ રીતરિવાજ પ્રમાણે બે કલાક ચાલેલા અને એક ડઝન કાશ્મીરી પંડિતોએ વૈદિક મંત્રો બોલેલા
- રોબર્ટ વાઢ્રા પાસે કુલ સંપત્તિ ૨,૦૦,૦૦,૦૦,૦૦૦ ડોલર એટલે લગભગ ૧,૦૦,૦૦,૦૦,૦૦,૦૦૦ રૃપિયા કરતાં વધુ

પ્રિયંકા ગાંધી ત્યારે જુવાનીમાં પગ મૂકી રહી હતી અને ઉપરાઉપરી ત્રણ ત્રણ મૃત્યુના (દાદી, પિતા અને કાકા) આઘાતમાંથી પૂરી બહાર આવવાની મથામણ કરી રહી હતી. એ વખતે એક ઇટાલિયન મિત્રને ત્યાંની પાર્ટીમાં એણે રોબર્ટ વાઢ્રાને જોયો અને પહેલી નજરના પ્રેમમાં ખોવાઇ ગઈ. ધર્મ, જાતિ, સ્ટેટસ નહિ જોનારો શુદ્ધ પ્રેમ હતો એ.
દાદી, પિતા વગેરે ઉપર આતંકવાદી હુમલાના કારણે સમગ્ર ગાંધી કુટુંબ ઉપર હુમલાની શક્યતા હોવાના કારણે એ આખા કુટુંબને ''ઝેડ પ્લસ'' કક્ષાની રક્ષણ વ્યવસ્થા આપવામાં આવે છે. (પેલા એક મુખ્યપ્રધાન ખોટા એન્કાઉન્ટર કરાવી કરાવીને ઝેડ પ્લસની રક્ષણ વ્યવસ્થા લે છે...કોના બાપની...? જેવું નહીં ઃ ભાજપનો એક પણ નેતા આતંકવાદનો ભોગ નથી બન્યો જ્યારે કોંગ્રેસના બબ્બે વડાપ્રધાન આતંકવાદને નાબૂદ કરવા જતા પોતાનો ભોગ આપી ચુક્યા છે.)
એવી જડબેસલાક અને કેદી જેવી સ્થિતિ જેમાં ભોગવવી પડે એવી સંરક્ષણ વ્યવસ્થામાં ગુંગળામણ અનુભવતી પ્રિયંકાએ આ પ્રેમના વાદળો વચ્ચે તાજગી લાગવા લાગી.
એ પાર્ટી પછી ત્રણ વર્ષ બાદ ફેશન ડીઝાઈનર આશીષ સોનીએ એક ફેશન શોની કેટલીક તસ્વીરો એક અખબારમાં છાપી એમાંની એક તસ્વીરે આખા દેશનું ધ્યાન ખેંચેલું. એ તસ્વીરમાં રોબર્ટ અને પ્રિયંકા એક ટેબલ પાસે સામસામે બેઠેલા છે અને પરસ્પરની આંખોમાં આંખો પરોવતા દેખાડવામાં આવેલા. એવી તસ્વીરના ઘણા અર્થ કરવામાં આવ્યા પણ લાંબી ચર્ચા ન થઈ.
જો કે, ગાંધી કુટુંબની એ દિકરીએ કશું જ નવું નહોતું કર્યું. નહેરૃ કુટુંબના ત્રણ અથવા ચાર સભ્યોએ પોતાની ઈચ્છા પ્રમાણેના પોતાના જીવનસાથીને પસંદ કરેલા. પહેલાં તો, નહેરૃના બહેન વિજયાલક્ષ્મી પંડિતે રણજીત પંડિત નામના યુવાનને જાતે જ પસંદ કર્યો હતો. એમની પુત્રી ઇંદિરાએ ફીરોઝ ગાંધી નામના પારસી યુવાનને જાતે પસંદ કર્યો હતો. ઇંદિરાના પુત્ર રાજીવે ઇટાલિયન પુત્રી સોનિયાને જાતે પસંદ કરી હતી અને બીજા પુત્ર સંજય ગાંધીએ મેનકાને જાતે પસંદ કરી હતી.
એમ તો, નેહરૃ પણ જાતે જ પસંદ કરેલી પત્ની ઇચ્છતા હતા પણ એમના પિતા મોતીલાલ નહેરૃ ભલે આધુનિક હતા છતાં રૃઢિવાદી પણ હતા. એટલે પોતાની જ્ઞાાતિમાં જ લગ્ન કરવા જોઈએ એવા આગ્રહના કારણે જવાહરને કાશ્મીરી પંડિતની પુત્રી કમલા સાથે લગ્ન કરવા પડયા હતા. એનો સંતાપ જવાહરને જિંદગીભર રહેલો પણ ખરો. એનો પુરાવો એમની ૬૦૦ પાનાની આત્મકથામાં જ છે. એમાં એમણે પોતાના લગ્નની વાત ફક્ત બે પાનામાં અને એ ય બે જ લીંટીમાં લખી છે ! એમાં પણ કમલા નહેરૃનું નામ પણ નથી.
પ્રિયંકાએ પોતાનો જીવનસાથી પોતે જ પસંદ કરવાનો સીલસીલો આગળ વધાર્યો. બાકી સૌંદર્ય, શિક્ષણ અને સ્ટેટસની સરખામણીમાં રોબર્ટ પ્રિયંકાથી ઘણો ઉતરતો ગણાય. પરંતુ પ્રિયંકાના હૃદયમાં જે પ્રેમનો પ્રવાહ વહેલો એના કારણે એણે રોબર્ટની ખામીઓ સામે આંખ આડા કાન કર્યા. પ્રિયંકાએ એક અસામાન્ય છોકરી તરીકે નહીં પણ સામાન્ય છોકરી તરીકે રોબર્ટને પોતાનો જીવનસાથી માની લીધો.
રોબર્ટનું કુટુંબ ત્યારે દિલ્લીની ન્યુ ફ્રેન્ડસ કોલોનીમાં રહેતું હતું. જોકે પ્રિયંકાને મળ્યા પછી રોબર્ટનું જીવન બદલાઇ ગયું હતું. સામાન્ય વેપારી તરીકે રહેનાર એ રોબર્ટે પ્રિયંકાના સ્ટેટસ મુજબ પોતાને બદલવાનું શરૃ કરી દીધેલું. પ્રિયંકા સાથે કદમ મીલાવવા માટે એણે પોતાના જીવનમાં ગંભીરતા લાવવાનું, પોતાની જાણકારી વધારવાનું, જીવનશૈલી બદલવાનું શરૃ કરી દીધેલું.
એ દરમ્યાન બન્નેને મળવાનું પણ અવારનવાર થતું. બન્નેને ''ઓએસીસ ડીસ્કોથ'' પસંદ હતું. ત્યાં જતાં જ રોબર્ટ નાચવા માટે તત્પર થઈ જતો. રોબર્ટ નૃત્યનો (પશ્ચિમી) ઘણો શોખીન છે. એની ડાન્સ મ્યુઝીકની સારી લાઇબ્રેરી પણ છે. એમાં દરેક પ્રકારના રેપ, રેગે, જાજ, બિજોવન વગેરેના સંગીતના આલ્બમ છે.
પ્રિયંકા અને રોબર્ટના પ્રેમ વિષે થોડાંક જ મિત્રો જાણતા હતા. બન્નેએ એને જાહેર કરવાની ભૂલ નહીં કરેલી.
પ્રિયંકા ચોવીસે કલાસ કમાન્ડોથી રક્ષિત રહેતી હતી. જાહેર જીવનમાં એણે રસ રાખેલો જ નહીં. પોતાનો રસ એણે પોતાના ઘર, ક્યારેક ડીસ્કોથ અને ક્યારેક લોન્ગ ડ્રાઇવ પુરતો મર્યાદિત રાખેલો. પોતાના કુટુંબમાં બનેલા આઘાતજનક બનાવોના કારણે પ્રિયંકામાં ગંભીરતા આવેલી હતી. (એની માતા અને ભાઈની ટીકા કરનારાઓએ એ આઘાતોને પણ ધ્યાનમાં રાખીને ટીકા કરવી જોઈએ. ફક્ત એક જ બારીમાંથી જોજો કરવાનું ન હોય. ટીકા કરનારના જીવનમાં એવા આઘાતજનક બનાવો બન્યા હોય તો ? પિતા પણ આતંકવાદનો ભોગ બને, દાદી પણ આતંકવાદનો ભોગ બને, માતા ઇટલીની, કાકા અકસ્માતોનો ભોગ બને.. અને એ બધું બાળ કિશોર વયે... કેટલાંક નેતા કે મુખ્યપ્રધાન ડરપોક હોય એમ એક પણ આતંકવાદી હુમલો કે કોમી હુમલો નથી થયો છતાં ઝેડપ્લસ કેટેગરીની સુરક્ષા માંગે ત્યારે આ છોકરા-છોકરીએ એવી સુરક્ષા માંગી નથી પણ માંગ્યા વિના મળી છે.) પરંતુ પ્રિયંકા અને રોબર્ટ જ્યારે મળતા ત્યારે પ્રિયંકા બીજી કોલેજીયન છોકરીની જેમ ઉલ્લાસ અને ઉત્સાહથી છલકાઇ જતી. એના જીવનમાં ઉગેલા પ્રેમના અંકુર એના જીવનને ધીરેધીરે બદલી રહ્યા હતા. એ એક ખાસ કુટુંબની હોવા છતાં એનામાં એનું અભિમાન કે મોટપણું નહોતા.
છેવટે ૧૯૯૬ના છેલ્લા મહિનામાં વિધવા માતા અને પિતા વિહોણાં ભાઈએે પ્રિયંકાની ખુલાસીને વાતો જાણી પછી એ નાનકડા ગાંધી કુટુંબે નક્કી કર્યું કે એ સંબંધને બંધનમાં બાંધવો જરૃરી છે.
યાદ રહે કે....(૧) ત્યારે સોનિયા ગાંધી કંઈ જ નહોતા. (૨) જેની હત્યા થઈ છે એવા વડાપ્રધાન પતિની પરદેશની વતની અને જુવાનજોધ વિધવા થએલી પત્ની જ હતા.. (૨) માથે આતંકવાદના વાદળો વચ્ચે એ સંતાનને મોટા કરવાની એક વિદેશી ભૂમિ પર જવાબદારી હતી. (૩) એ કોંગ્રેસના પ્રમુખ પણ નહોતા કે સભ્ય પણ નહોતા. (૪) કોંગ્રેસ જ મરણ પથારીએ હતો. (૫) ભાજપનો જ ડંકો વાગતો હતો.
એ સંબંધને બંધનમાં બાંધવાનો નિર્ણય ગુપ્ત રાખવામાં આવ્યો. એ બે કુટુંબો સિવાય રાજકારણીઓમાં કોઈને એની ગંધ પણ આવવા દીધેલી નહીં. (એ વખતે દેવગૌડા વડાપ્રધાન હતા. પછી ગુજરાલ વડાપ્રધાન થયા અને પછી બાજપેયી વડાપ્રધાન થયા. પછી મનમોહન સિંહને લઈ આવ્યા.)
અંતે એ સંબંધને જાહેર કરવાનો દિવસ ૧૯૯૭ના ૧૮ ફેબુ્રઆરી નક્કી કર્યો. (યાદ રહે કે...પતિના અવસાન પછી ઇટાલિયન સોનિયાએ દસ દિવસનો નહીં પણ દસ વર્ષનો ''ખૂણો'' પાળ્યો હતો. ૧૦ વર્ષ સુધી એ ઘરમાં જ રહેલા. જાહેરમાં પણ ક્યાંય જતા નહીં. ફંકશનની તો વાત જ ક્યાંથી થાય ? રાજકારણે પતિ અને સાસુનો ભોગ લીધેલો એટલે રાજકારણ માટે પણ નફરત હતી. ભાજપ કે ભાજપના મુખ્ય પ્રધાન કે ભાજપના આંધળા ભક્તો આ ભૂલી જાય છે.)
ફક્ત ૧૫૦ જણને જ આમંત્રણ આપવામાં આવેલું. લગ્નની જાનમાં એક જ છોકરી હતી અને એ પણ વાઢ્રાની ૧૫ મહિનાની નાની ભત્રીજી સીમરન.
એ ૧૯૯૭ના ૧૦ ફેબુ્રઆરીએ ૧૦, જનપથના બંગલા (કોઠી કહે છે દિલ્લી)માં ૪૦ x ૪૦ ફીટના લગ્ન મંડપમાં બે કલાક સુધી હિન્દુ રિવાજ પ્રમાણે લગ્ન વિધિ ચાલ્યો. એ વખતે પ્રિયંકાના આગ્રહના કારણે આસપાસની બધી જ દિવાલો ઉપર પિતા રાજીવ ગાંધીની તસ્વીરો અને પેન્ટીંગ લગાવવામાં આવેલા. એવું લાગતું હતું કે રાજીવ ગાંધી પોતાની દિકરીના લગ્નમાં જાણે અદ્રશ્ય રીતે હાજર રહ્યા ન હોય ! (જેને દિકરી કે પત્ની જ ન હોય એ આ ભાવના આ લાગણી શું સમજે ? આખી દુનિયામાં ફક્ત ભાજપને જ સોનિયા અને એનું કુટુંબ ખૂંચે છે પણ એ એનું પોતાનું નથી જો તો !) એ વખતે જોકે રાજીવ ગાંધીના ફોટા ઉપર નજર પડતી હતી ત્યારે થોડીક ગમગીની થઈ જતી હતી.
લગ્ન વખતે લગભગ ૧ ડઝન જેટલા કાશ્મીરી પંડિતોએ વૈદિક મંત્રો પઢેલા. પ્રિયંકાએ, એના મમ્મી સોનિયાએ અને દાદી ઇંદિરાએ લગ્ન વખતે ખાદીની જે સાડી પહેરેલી એ જ સાડી પહેરી હતી. ડીઝાઇનર આશીષ સોનીએ ડિઝાઇન કરેલો હીરાથી જડેલો એક ખૂબસુરત લેંધો પહેર્યો હતો. હથેળી અને હાથ પર કલાત્મક મહેંદી હતી. ગળામાં ભારે નેકલેસ હતો. પેન્ડેડન્ટ પણ ભારે હતું અને કાનોમાં મોટામોટા એરીંગ હતા. એ ઉપરાંત લગ્ન સ્થળ ઉપર દેશીવિદેશી ફૂલોની સુગંધ પ્રસરેલી હતી. વાતાવરણમાં શહનાઈનું ગુંજન સંભળાતું હતું. જો કે સોનિયાને રાજીવ નહીં હોવાની ગમગીની ઘેરી રહી હતી.
સમારંભ સ્થળને કેળ અને નાળિયેરના ઝાડોથી સજાવેલું હતું. લગ્નનો વિધિ પૂરો થયા પછી પ્રિયંકાએ પોતાના સાસુ સસરાના પાયલાંગણ કરેલા. સમારંભ પૂરો થયા પછી પ્રિયંકા ન્યૂફ્રેન્ડસ કોલોનીમાં સાસરે જવા રોબર્ટની મોટરમાં બેઠી ત્યારે સોનિયાએ કારને ધક્કો મારીને ચલાવવા માટે કેટલાંકને કહ્યું. (એવો રીવાજ હશે) એ રીતે વિદાયનો રીવાજ પળાયો. કારની સાથે રાહુલ પણ ન્યુફ્રેન્ડસ કોલોની બહેન સાથે ગયેલો. એ પછી ૧૦, જનપથ ઉપર અને હિલ્ટન હોટલ પર સત્કાર સમારંભ રાખવામાં આવેલો.
પ્રિયંકાના લગ્ન સમારંભમાં ત્યારના વડાપ્રધાન એચ.ડી. દેવગૌડા, કોંગ્રેસ પ્રમુખ સીતારામ કેસરી, ફિલ્મી હીરો અમિતાભ બચ્ચન, બચ્ચનનું આખું કુટુંબ, કેપ્ટન સતીશ શર્મા, વગેરે ઉપરાંત ફીરોઝ ગાંધીના કેટલાંક કુટુંબીઓ મુંબઈથી આવેલા. સોનિયા ગાંધીના મમ્મી, બહેન અને કાકા પણ ઇટલીથી આવેલા. (અપૂર્ણ)

 

છાનું છે પણ છતરાયું થયું !
મુખ્ય મંત્રીના રાહત ફંડમાંથી આરએસએસને ખેરાત
આ ભ્રષ્ટાચાર નહીં તો બીજું શું કહેવાય? પોતાને શુદ્ધ, પ્રમાણિક, દેશપ્રેમી તરીકે ૮૦ વર્ષથી ઓળખાવતી આરએસએસ એટલે રાષ્ટ્રીય સ્વયંસેવક સંઘ પણ ''ડોનેશન'' લે છે પણ એ બીજા નામે એટલે કે પોતાની બીજી સંસ્થાના નામે લે છે.
બીજી બાજુ પોતાને શુદ્ધ અને પ્રમાણિક ગણાવનાર ગુજરાતના ભાજપના મુખ્યપ્રધાન નરેન્દ્ર મોદીએ ગુજરાતની જનતા માટેના ભેગા થએલા મુખ્યપ્રધાનના રાહત ફંડમાંથી સંઘની એ સંસ્થાને ''ડોનેશન'' આપ્યું છે. (કરોડો અબજો રૃપિયા ડોનેશનના નામે ગુજરાતમાં પણ એમણે ગુજરાતની જનતાના વેર્યા છે.)
આ માહિતી કચ્છ લડાયક મંચ નામની સંસ્થાના રમેશ જોષીએ છેલ્લા ૧૨ વર્ષમાં મુખ્યપ્રધાનના રાહત ફંડમાંથી વપરાયેલા રૃપિયાની વિગતો આરટીઆઈ પાસે માંગેલી એનાથી જાણવા મળી છે. એમાં ''સેવા ભારતી'' નામની આરએસએસની સંસ્થાને નરેન્દ્ર મોદીએ રૃપિયા ૫,૨૭,૦૦,૦૦૦ આપ્યા હોવાનું જાણવા મળ્યું.
એ ઉપરાંત ૨૦૦૯માં નાગપુરમાં આરએસએસના કાર્યાલય ઉપર આતંકવાદી હૂમલો અટકાવનાર નાગપુરના પોલિસ કમિશ્નરને પણ નરેન્દ્ર મોદીએ રૃપિયા ૧૦,૦૦,૦૦૦ ગુજરાતની જનતા માટેના ફંડમાંથી આપેલા.
''સેવા ભારતી''ની વેબસાઈટ ઉપરથી બીજી પણ ઘણી માહિતી એના અને સંઘ વિષે મળે છે. આર ટી આઈમાં માહિતી આપવામાં આવેલી છે કે મુખ્યપ્રધાને ૨૦૦૪માં તમિળનાડુને રૃપિયા ૫,૦૦,૦૦,૦૦૦ ... આંદામાન નિકોબારને રૃપિયા ૨,૦૦,૦૦,૦૦૦... આન્ધ્રને ૨.૧ કરોડ, પોંડીચરીને ૨.૧ કરોડ ગુજરાત માટેના રાહતફંડમાંથી આપેલા.
જ્યારે ગુજરાત અને ગુજરાતીઓ માટેની ચિંતાની માળા જપ્યા કરનાર આ મુખ્યપ્રધાન પાસે ભરૃચના મણિબેન પ્રભુભાઈ મચ્છી નામના એક બહેન એમના ઘરને આગ લાગવાથી બધું જ બળી ગયેલું એટલે મદદ માંગેલી તો ફક્ત ગુજરાતીઓ માટેના આ ફંડમાંથી નરેન્દ્ર મોદીએ રૃપિયા ૨,૦૦૦ જ મોકલેલા!

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
રૃપિયો તૂટી બે મહિનાના તળિયે ઉતર્યો ઃ વર્ષનો બીજો મોટો ઉછાળો ડોલરમાં નોંધાયો
વિદેશી મહિલા પર બળાત્કાર અને લૂંટના બનાવથી ચકચાર

૬૫ હજારની બનાવટી ચલણી નોટો સાથે ૧૯ વર્ષીય યુવકની ધરપકડ

ઇન્ડિયન મુજાહિદ્દીનના વધુ ચાર ટેરરિસ્ટને સોંપવા ભારતની ગુઝારીશ
ચાર મહિનાનાં બાળકને મગજની અત્યંત વિરલ ખામી
ઈંગ્લેન્ડ સામેની બે ટેસ્ટ માટેની ભારતની ટીમમાં યુવરાજ અને હરભજનની એન્ટ્રી

ઈંગ્લેન્ડ અને મુંબઈ વચ્ચેની પ્રેકટિસ મેચ નિરસ ડ્રોમાં

સેહવાગની આક્રમક સદી કામ ન લાગી ઃ ઉત્તર પ્રદેશે દિલ્હીને હરાવ્યું

અમેરિકાના પ્રમુખની ચૂંટણી શા માટે મંગળવારે જ થાય છે?

સીધી ગણાતી 'જગકાજી'ની ચૂંટણી ખરેખર તો આડકતરી અને ટ્રીકી
પાક.માં કટાસરાજ મંદિરનું અમરકુંડ વિધિવત્ પુનઃ સ્થાપિત

રાષ્ટ્રનું અંતિમ હિત કોઇ વ્યક્તિ કે એક સંસ્થાનો ઈજારો નથી ઃ કાયાણી

બેટરીના બદલે હૃદયના ધબકારાથી ચાલતું પેસમેકર શોઘાયું
આંતરરાષ્ટ્રીય ટુર્નામેન્ટ માટે ભારતની હોકી ટીમમાં ધરખમ ફેરફારો
ગુજરાતે મધ્ય પ્રદેશ સામે વિજય મેળવવાની તક ગુમાવી ઃ મેચ ડ્રો
 
 

Gujarat Samachar Plus

ઘરને સ્વચ્છ રાખવા માગતા હો તો જંતુઓને કહી દો, 'નો એન્ટ્રી'
દિવાલોનો 'પેઇન્ટ' બદલે નસીબનો રંગ
દિવાળીના દિવસોમાં ઓફિસમાં શું પહેરશો
પોળ કલ્ચરમાં સચવાયેલો છે પાંચ પેઢીનો પિતાંબરી વારસો
દિવાળી ટાણે જ શોરૃમ પર લાગ્યા 'જોઇએ છે'ના પાટિયા
 

Gujarat Samachar glamour

મેડોના બ્રિટનની સૌથી લોકપ્રિય ગાયિકા બની છે
સલમાને પોતે જ્યાં કેદ હતો તે જેલમાં શુટીંગ કર્યું
૧૭૫ કલાકાર એકઠા કરવા એ પણ એક એચીવમેન્ટ છે
'જબ તક'માં મેં મારી જાન લગાવી છે
યશ રાજની છેલ્લી ફિલ્મના પ્રિમિયર માટે સ્ટુડિયોમાં આધુનિક થિયેટર બંધાશે
 
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved