Last Update : 07-November-2012, Wednesday

 

અઠવાડિક ભવિષ્ય તા.૪-૧૧-૨૦૧૨ રવિવારથી તા.૧૦-૧૧-૨૦૧૨ શનિવાર સુધી

 

મેષ (અ.લ.ઈ.)

 

તા. ૯ નવેમ્બરથી આપની રાશિનો અધિપતિ ધન રાશિમાં પરિભ્રમણ શરૃ કરતાં, દિપાવલીના શુભ પર્વ દરમ્યાન આપને હળવાશ, રાહત આનંદ અનુભવાય. નોકરી-ધંધાના કામકાજમાં પ્રગતિ થાય. આવકમાં વધારો થાય, ધર્મકાર્ય થાય, ખરીદી થઇ શકે. પરંતુ આ સપ્તાહ દરમ્યાન આપે તન-ધન-મનથી- વાહનથી સંભાળવું. પૈસા-પાકીટ, મોબાઇલ-વાહનનું ધ્યાન રાખવું. ઉતાવળ, ઉશ્કેરાટ, ગુસ્સો-વિવાદ કરવો નહીં. તા. ૪ નવેમ્બર રવિ બહાર જવા આવવામાં જાગૃતિ રાખવી. ૫ સોમ યાત્રા પ્રવાસમાં, નોકરી-ધંધામાં સંભાળવું. ૬ મંગળ ખરીદી દરમ્યાન, નાણાંની લેવડદેવડમાં ગાફેલ રહેવું નહીં. ૭ બુધ નોકરી-ધંધામાં સાવધાની રાખવી. ૮ ગુરૃ પુત્ર-પૌત્રાદિકના, પરિવારના પ્રશ્નમાં ચિંતા રહે. ૯ શુક્ર બપોર પછી રાહત, કામમાં સાનુકૂળતા. ૧૦ શનિ ખર્ચખરીદી થાય.

 

વૃષભ (બ.વ.ઉ.)

 

આપે નોકરી-ધંધાના, ઘર, પરિવારના, પત્ની, સંતાનના પ્રશ્નમાં દિવાળી સમયે નાનીમોટી તકલીફ ચિંતા અનુભવવી પડે. એક ચિંતા ઉપાધિમાંથી મુક્ત થાવ ન થાવ એટલામાં અન્ય ચિંતા-ઉપાધિ આવવાના કારણે શાંતિ-રાહત જણાય નહીં. આરોગ્યની કાળજી રાખવી. પડવા વાગવાથી, ફ્રેકચરથી, વાહનથી સંભાળવું. ધંધામાં નુકસાન-વિવાદ થાય તેવો કોઇ નિર્ણય કરવો નહીં. નોકરીમાં ઉતાવળ કરી ફેરફારી કરવી નહીં. લોભ-લાલચમાં પ્રભાવિત થવું નહીં. તા. ૪ નવેમ્બર રવિ નોકરી, ધંધાનું, ઘર પરિવારનું કામ થાય, ખરીદી થાય. ૫ સોમ નોકરી-ધંધાના કામની વ્યસ્તતા રહે. ૬ મંગળ યાત્રા- પ્રવાસ- મુલાકાત, જુના સંબંધો તાજા થાય. ૭ બુધ વધારાના કામ અંગે ચિંતા રહે. ૮ ગુરૃ આકસ્મિક ચિંતા-ઉપાધિ. ૯ શુક્ર શારિરીક-માનસિક અસ્વસ્થતા, ઉચાટ ઉદ્વેગ. ૧૦ શનિ પરિવારનું કામ થઇ શકે.

 

મિથુન (ક.છ.ઘ.)

 

આપના રૃકાવટવાળા કામ ઉકેલની દિશામાં આગળ વધે. આકસ્મિક કોઇ લાભ-ફાયદો થાય, આવક થાય. સીઝનલ નોકરી-ધંધાનું કામ મળી રહે. પરચુરણ-છુટક વેપાર ધંધો થઇ શકે. પરંતુ પુત્ર-પૌત્રાદિકના કામકાજ અંગે, શેરોની લે-વેચ અંગે, ચાંદીના, સોનાના વેપાર અંગે આપે ધ્યાન રાખવું પડે. અન્યની દેખાદેખીમાં નાણાંકીય રોકાણમાં, જોખમમાં વધારો કરવો નહીં. લોખંડ, લાકડાના, પ્લાસ્ટીક, ફર્નીચરના ધંધામાં માલનો ભરાવો કરવો નહીં. ઈલેકટ્રીકના, તાંબાના રંગના ધંધામાં ક્ષણિક આવક થાય. તા. ૪ નવેમ્બ રવિ કામની વ્યસ્તતા. ૫ સોમ વધારાનું કામ ઉકેલાય. ૬ મંગળ નોકરી-ધંધાના કામમાં સાનુકૂળતા, આવક થાય. ૭ બુધ ઉઘરાણીના નાણાં આવવાથી, આવક આવવાથી રાહત રહે. ૮ ગુરૃ નોકરચાકર, કારીગરવર્ગ, માણસની ચિંતા, તકલીફ. ૯ શુક્ર બપોર પછી કામકાજમાં પ્રગતિ, ફાયદો લાભ. ૧૦ શનિ સગાસંબંધી-મિત્રવર્ગના કારણે ચિંતા-ખર્ચ.

 

કર્ક (ડ.હ.)

 

નોકરી-ધંધામાં વાણીની મીઠાસ, વ્યવહારની નમ્રતા રાખવી જરૃરી રહેશે. નોકરી-ધંધાના કે વ્યવહારિક, સામાજીક, કૌટુંબીક સંબંધોમાં ઓટ આવેલી જણાય. સોના-ચાંદીના, કાગળ, કાપડના, લોખંડના, તાંબાના, ઈલેકટ્રીકના, રંગના વેપાર-ધંધામાં શેરોની લે-વેચમાં, અનાજ કઠોળના ધંધામાં, પ્લાસ્ટીકનાં કામકાજમાં, ફેકટરી કે કારખાનું હોય તો તેમાં માણસોની તકલીફ, કામમાં રૃકાવટ, નાણાંભીડ, સરકારી ખાતાકીય તપાસથી મુંઝવણ- મુશ્કેલી જણાય. નોકરીમાં શ્રમ- થાક- કંટાળો જણાય. તા. ૪ નવેમ્બર રવિ ખર્ચ-ચિંતા, બહાર જવામાં સંભાળવું. ૫ સોમ નોકરી-ધંધાના કામમાં રૃકાવટ, વિલંબ. ૬ મંગળ શારિરીક- માનસિક શ્રમ- થાક અનુભવાય. ૭ બુધ બેચેની- અસ્વસ્થતા- ચિંતા રહે. ૮ ગુરૃ હળવાશ રાહત રહે. ૯ શુક્ર જેમ જેમ દિવસ પસાર થાય તેમ તેમ સાનુકૂળતા. ૧૦ શનિ સગાસંબંધી- મિત્રવર્ગનું કામ ઈચ્છા-અનિચ્છાએ કરવું પડે. કોઇને મળવાનું થાય.

 

સિંહ (મ.ટ.)

 

આ સપ્તાહ જેમ જેમ પસાર થાય તેમ તેમ તમે હળવાશ - રાહત અનુભવતા જાવ. પરંતુ આપે નોકરી-ધંધાના, સગાસંબંધી- મિત્રવર્ગના, ઘર- પરિવાર- કુટુંબના પ્રશ્ને આ સપ્તાહ દરમ્યાન સ્વસ્થતા- શાંતિ- ધીરજ- મૌન રાખવું હિતાવહ રહેશે. નુકસાન- વિવાદ થાય નહીં તેનું ધ્યાન રાખવું. આક્ષેપ- અપયશ- અપમાનથી સંભાળવું. ઉતાવળીયો કોઇ નિર્ણય આક્રમક બનીને કે લાગણીવશ થઇને લેવો નહીં. આરોગ્યની કાળજી રાખવી. ઈજાથી, દાઝવાથી, પડવા વાગવાથી સંભાળવું. તા. ૪ નવેમ્બર રવિ વિલંબમાં પડેલા કામમાં ધ્યાન આપી શકો. ૫ સોમ નોકરી-ધંધાના કામની વ્યસ્તતા - ચિંતા રહે. ૬ મંગળ નોકરી-ધંધાના કામમાં જાગૃતિ - સાવધાની રાખવી. ૭ બુધ બેંકના, નાણાંના, ખરીદીના કામમાં ગાફેલ રહેવું નહીં. ૮ ગુરૃ માનસિક શાંતિ રાખવી. ૯ શુક્ર શાંતિથી દિવસ પસાર કરી લેવો. ૧૦ શનિ કામકાજમાં સફળતા, આનંદ.

 

કન્યા (પ.ઠ.ણ.)

 

આ સપ્તાહથી ઈ.સ. ૨૦૧૨ના અંત સુધીનો સમય આપને નોકરી-ધંધાના કામકાજમાં, વ્યવહારિક, સામાજીક, કૌટુંબીક કામમાં, આરોગ્યની બાબતમાં ચિંતા-વ્યગ્રતા- ઉચાટ- વિવાદમાં પસાર થાય. તે સિવાય યાત્રા પ્રવાસ થાય, ધર્મકાર્ય થાય. ખર્ચમાં વધારો થાય. નવીન ખરીદી થાય. સરકારી- કાનૂની- કૌટુંબીક વિવાદમાં, ખાતાકીય તપાસમાં ચિંતા- ખર્ચ- દોડધામ અનુભવાય. જેમની સાથે સારા સબંધ હોય કે માનતા હોવ તેમનાથી કડવો અનુભવ થાય, તકલીફ અનુભવાય. તા. ૪ નવેમ્બર રવિ નોકરી-ધંધાના પ્રશ્ને ચિંતા ઉચાટ. ૫ સોમ નોકરી-ધંધાના કામમાં બપોર રાહત થતી જાય. ૬ મંગળ કામકાજમાં પ્રગતિ, લાભ. ૭ બુધ વિલંબમાં પડેલ કામમાં ધ્યાન આપી શકો. ૮ ગુરૃ ચિંતા, ઉદ્વેગ-અશાંતિ. ૯ શુક્ર સગા સબંધી- મિત્રવર્ગથી, પરિવારથી ચિંતામાં રહો. ૧૦ શનિ માનસિક પરિતાપ છતાં આનંદ.

 

તુલા (ર.ત.)

 

આપના માનસિક પરિતાપ- ચિંતામાં ઘટાડો થાય. કુટુંબ-પરિવારના, સગા સંબંધી- મિત્રવર્ગના, નોકરી, ધંધાના કામકાજમાં ચિંતા-રૃકાવટ હળવી થાય. જુના સંબંધો તાજા થાય. આકસ્મિક કોઇને મળવાનું થાય. પુત્ર-પૌત્રાદિકના કામમાં સાનુકૂળતા રહે. અવિવાહીત સંતાનને વિવાહ-લગ્ન અંગેની વાતચીત અંગે ચર્ચા વિચારણા થાય. સંતાનને નોકરી-ધંધાના કામમાં પ્રગતિ જણાય, આવક થાય. ધર્મકાર્ય, આધ્યાત્મિક કાર્યથી ખર્ચ-ખરીદી થાય. આત્મસ્ફૂરણા થાય. તા. ૪ નવેમ્બર રવિ સંતાનના કામમાં વ્યસ્તતા, સાનુકૂળતા. ૫ સોમ નોકરી-ધંધામાં પ્રગતિ, જુના સંબંધો તાજા થાય. ૬ મંગળ નોકરી, ધંધામાં આવક થાય, આનંદ રહે. ૭ બુધ વધારાનું કામકાજ થઇ શકે. ૮ ગુરૃ આકસ્મિક ધંધો થાય, આનંદ રહે. ૯ શુક્ર બપોર પછી હળવાશ, રાહત રહે. ૧૦ શનિ ખર્ચ-ખરીદી થાય, કામ ઉકેલાય.

 

વૃશ્ચિક (ન.ય.)

 

આપની રાશિનો અધિપતિ ધન રાશિમાં પરિભ્રમણ શરૃ કરવાના કારણે આ સપ્તાહ જેમ જેમ પસાર થાય તેમ તેમ આપના માનસિક પરિતાપ- ચિંતા- તણાવમાં ઘટાડો થતો જાય. નોકરી-ધંધાના કામકાજમાં વ્યસ્તતા વધે, આવકમાં વધારો થાય. વિલંબમાં પડેલ કામ ઉકેલાતું જાય. સીઝનલ નોકરી-ધંધામાં કામ મળે, આવક થાય પરંતુ નુકસાન- વિવાદ- આક્ષેપ- અપયશથી સંભાળવું. પુત્ર-પૌત્રાદિકના કામમાં સાનુકૂળતા રહે. પરિવારના કામ અંગે ખર્ચખરીદી થાય. તા. ૪ નવેમ્બર રવિ શારિરીક-માનસિક અસ્વસ્થતા, શ્રમ- થાક- કંટાળો અનુભવો. ૫ સોમ નોકરી-ધંધાના કામમાં બપોર પછી સાનુકૂળતા. ૬ મંગળ નોકરી-ધંધાના કામની વ્યસ્તતા રહે, જુના સંબંધો તાજા થાય. ૭ બુધ વિલંબમાં પડેલ કામ ઉકેલાય. ૮ ગુરૃ નોકરી-ધંધાના કામ માટે માનસિક પરિતાપ- ચિંતા રહે. ૯ શુક્ર જેમ જેમ દિવસ પસાર થાય તેમ કામ ઉકેલાતું જાય. ૧૦ શનિ ખર્ચ-ખરીદી થાય, આનંદ રહે.

 

ધન (ભ.ધ.ફ.ઢ.)

 

જેમ જેમ સપ્તાહ પસાર થશે તેમ તેમ આપ ચિંતામાંથી મુક્ત થતા જાવ. તમારું નોકરી-ધંધાનું કામ ઉકેલાતું જાય, ફસાયેલા નાણાં, ઉઘરાણી આવવાથી રાહત રહે પરંતુ આ સપ્તાહ દરમ્યાન આપે નુકસાન- વિવાદથી સંભાળવું પડે. જીદ- મુમત- અહમ- ઉતાવળ- ઉશ્કેરાટમાં તમારે પસ્તાવે કરવો પડે. બજારમાં જતા આવતા, રસ્તામાં કે બસ- ટ્રેઇન- કારમાં પૈસા- પાકીટ- મોબાઇલ- લેપટોપનું ધ્યાન રાખવું. કોઇની વાતોમાં બેધ્યાન થઇ જવું નહીં. સરકારી- ખાતાકીય ચૂકવણામાં તપાસમાં તકલીફ પડે. તા. ૪ નવેમ્બર રવિ વિલંબમાં પડેલા કામ અંગે ચિંતા રહે. ૫ સોમ સાવધાની- જાગૃતિ રાખવી. ૬ મંગળ તન- મન- ધનથી- વાહનથી સંભાળવું. ૭ બુધ નોકરી-ધંધામાં નુકસાન, વિવાદ, સરકારી, ખાતાકીય કામમાં, કાનૂની પ્રશ્નમાં ચિંતા, તકલીફ. ૮ ગુરૃ યાત્રાપ્રવાસ, મુલાકાતમાં, રસ્તામાં, મુસાફરીમાં સંભાળવું. ૯ શુક્ર શાંતિથી દિવસ પસાર કરી લેવો. ૧૦ શનિ નોકરી-ધંધાનું કામ થાય.

 

મકર (ખ.જ.)

 

આપના ઘર-પરિવારના, સગા સંબંધી- મિત્રવર્ગના કારણે, આડોશ પાડોશના કારણે તેમજ મકાન-વાહનના લીધે ચિંતા-ખર્ચ- વિવાદ જણાય. નિકટના સ્વજન- સ્નેહીને, વડીલવર્ગને બિમારી- ચિંતાનું આવરણ આવી જાય. બી.પી.ની વધઘટ, શરદી- કફ, શ્વાસની તકલીફથી સંભાળવું. અગ્નિથી, દાઝવાથી, પડવાવાગવાથી, માલ સામાનની ચોરીથી, વસ્તુ પડી જવાથી, રહી જવાથી, ભૂલી જવાથી આપને ચિંતા- ખર્ચ- દોડધામ અનુભવાય. નોકરી-ધંધામાં કામ કરો પરંતુ આનંદ, ઉત્સાહ જણાય નહીં. પુત્ર-પૌત્રાદિકથી ખર્ચ થાય. તા. ૪ નવેમ્બર રવિ વધારાના કામની વ્યસ્તતા રહે. ૫ સોમ વિલંબમાં પડેલા કામમાં ધ્યાન આપી શકો. ૬ મંગળ નોકરી-ધંધાના કામમાં, જવાબદારીમાં વ્યસ્તતા રહે. ૭ બુધ આકસ્મિક કોઇ કામ થાય. ૮ ગુરૃ નોકરી-ધંધામાં જાગૃતિ રાખવી, જોખમ કરવું નહીં. ૯ શુક્ર નુકસાન- વિવાદ- ચિંતા- ઉચાટ. ૧૦ શનિ શાંતિથી કામકાજ કરવામાં સાનુકૂળતા રહે, કામ ઉકેલાય.

 

કુંભ (ગ.શ.સ.ષ.)

 

નોકરી-ધંધામાં નોકરચાકર, કારીગરવર્ગ, ઉપરીવર્ગ, ભાગીદાર, ભાઇભાંડુ, વડીલવર્ગના કારણે આપને આ સપ્તાહ ચિંતા-ખર્ચ- વિવાદ- ઉદ્વેગનું રહે. અન્યની બિમારીના કારણે, ગેરહાજરીના કારણે કે સ્થળાંતરના લીધે આપના રોજીંદા કામમાં તેમજ વધારાના કામમાં રૃકાવટ થાય, વિલંબમાં થાય, આવક મેળવવામાં, ઉઘરાણી આવવામાં વિલંબ થાય. તે સિવાય દિવાળીના પર્વ દરમ્યાન આપને હળવાશ- રાહત રહે. છેલ્લી ઘડીએ આપનું કામ ઉકેલાય. તા. ૪ નવેમ્બર રવિ ઘર-પરિવારના કામની ચિંતા રહે, ખર્ચ થાય. ૫ સોમ નોકરી-ધંધાના કામમાં એકબીજાની કામગીરી, વિશ્વાસમાં તમને ચિંતા રહે. ૭ બુધ વિલંબમાં પડેલ કામ ઉકેલાય. ૮ ગુરૃ નોકરી-ધંધાના- પરિવારના કામ અંગેની ચર્ચા-વિચારણા થાય. ૯ શુક્ર બપોર પછી સાનુકૂળતા, કામ ઉકેલાય. ૧૦ શનિ ખાવાપીવામાં, વાહન ચલાવવામાં સંભાળવું પડે.

 

મીન (દ.ચ.ઝ.થ.)

 

આપના રૃકાવટવાળા, વિલંબમાં પડેલા કામમાં ધ્યાન આપવું પણ ઉતાવળ- ઉશ્કેરાટ- ગુસ્સો કરવો નહીં તેમજ વાહન ચલાવવામાં, રસ્તો ક્રોસ કરવામાં સાવધાની રાખવી. ઘર-પરિવારના- પુત્ર-પૌત્રાદિકના કામ અંગે ચિંતા રહે, વધારાનો ખર્ચ થાય. નોકરી, ધંધાના કામ અંગે કોઇને મળવાનું થાય. જુના સંબંધો - સંસ્મરણો તાજા થાય. વધારાનો સીઝનલ ધંધો મેળવી શકો. દિપાવલીના પર્વ દરમ્યાન આરોગ્યની વિશેષ કાળજી રાખવી. ખાવાપીવામાં, કામકાજ કરવામાં, વાહન ચલાવવામાં સાવધાની રાખવી. તા. ૪ નવેમ્બર રવિ અન્યના કારણે ચિંતા- બેચેની- વિવાદ. ૫ સોમ નોકરી-ધંધાના, ઘર-પરિવારના કામમાં જાગૃતિ રાખવી. ૬ મંગળ નોકરી-ધંધાના સંબંધો- સંસ્મરણો તાજા થાય. ૭ બુધ પુત્ર-પૌત્રાદિકના, પરિવારના કામમાં વ્યસ્તતા રહે. ૮ ગુરૃ રસ્તામાં આવતા જતા, વાહન ચલાવતા સજાગ રહેવું. ૯ શુક્ર બપોર પછી હળવાશ થતી જાય. ૧૦ શનિ સગા સંબંધી-મિત્રવર્ગથી આનંદ, ઉત્સાહ રહે.

[Top]
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ


 
 
Gujarat Samachar © 2012 All Rights Reserved