Last Update : 05-November-2012, Monday

 

વિવાદોથી ઘેરાયેલા શરદ પવારનો રાજકીય પાવર શું ઓછો થઇ રહ્યો છે

ભ્રષ્ટાચારના કળણમાં ખૂંપી ગયેલા ભારતના અઠંગ રાજકારણીની છબી ફરી પાછી અગાઉ જેવી ઉજળી થશે ખરી ?

 

એક સમયે પોતાના બુધ્ધિચાતુર્ય અને દૂરંદેશીથી ભારતના રાજકારણમાં નામના મેળવનાર કેન્દ્રિય કૃષિ પ્રધાન શરદ પવાર હવે એક કૂટનીતિજ્ઞા તરકે પંકાઈ ગયા છે. ચાર દાયકાથી પણ લાંબી રાજકીય કારકિર્દી દરમિયાન પોતાને અઠંગ રાજકારણી પુરવાર કરી ચૂકેલા શરદ પવાર છેલ્લાં એક-દોઢ દાયકાથી સતત કોઈને કોઈ વિવાદમાં ઘેરાયેલાં રહ્યાં છે. ઘણાં લોકોેના મત મુજબ પવાર સત્તા અને નાણાં વચ્ચે રહેલાં હુંફાળાં સંબંધોના રૃપક છે. છેલ્લાં ઘણા સમયથી સમગ્ર દેશમાંથી એક પછી એક છતા થઈ રહેલા કૌભાંડોએ પ્રજાને હચમચાવી મુકી છે. પણ શરદ પવાર તેમાં શિરમોર પુરવાર થયાં હોય તેમ લગભગ દર અઠવાડિયે તેમનું નામ કોઈને કોઈ વિવાદમાં સંડોવાય છે, ખાસ કરીને તેમણે અથવા તેમના કુટુંબીજનોેએ વિવિધ પ્રોજેક્ટમાં કરેલા મબલખ રોકાણને પગલે આમરાઠા નેતા સતત ચર્ચામાં રહે છે.
મહારાષ્ટ્રના નાયબ મુખ્ય પ્રધાનપદેથી રાજીનામું આપનારા અજીત પવાર (શરદ પવારના ભત્રીજા) વર્ષ ૨૦૦૭માં રાજ્યના સિંચાઈ પ્રધાન હતા ત્યારે તેમની કંપની એ.જી. મર્કન્ટાઈલને રાયગઢના ભિલવલી બંધનું સમારકામ કરવાનો કોન્ટ્રાક્ટ આપવામાં આવ્યો હતો. અત્રે ઉલ્લેખનીય છે કે આ કંપનીમાં અજીત પવાર ૨૫,૦૦૦ શેરમાંથી ૮,૮૦૦ શેરની માલિકી ધરાવે છે. મહત્ત્વની વાત એ છે કે બંધનું સમારકામ કરવા માટે એ.જી. મર્કન્ટાઈલને પૈસા આપવાને બદલે મુંબઈ નજીક આવેલા રમણીય સ્થળ કર્જત-ખપોલી પાસે (જૂનો મુંબઈ-પુણે હાઈવે) ૯૩,૬૪૬ ચો.ફૂ. જમીન ૯૯ વર્ષના ભાડા પટ્ટે આપી દેવામાં આવી. ત્યાર પછી વર્ષ ૨૦૦૮માં કંપનીને સડક અને પુલ બનાવવા માટે વધારાની ૯૭,૦૦૦ ચો.ફૂટ જમીન આપી દેવામાં આવી. અજીત પવારને જ્યારે આ કંપનીમાં તેમના ૮,૮૦૦ શેર હોવા વિશે પૂછવામાં આવ્યું ત્યારે પહેલાં તો તેઓ સતત તેનો ઈનકાર કરતાં રહ્યાં. પણ દસ્તાવેજો તો જુઠં ન બોલે ને? અજીત પવાર એમ કહેતાં રહ્યાં કે તેમણે નવેમ્બર ૨૦૦૫માં જ આ શેર વેચી નાખ્યા હતા. તેથી જ તેમણે ચૂંટણીના સોગંદનામામાં તેનો ઉલ્લેખનહોતો કર્યો. જ્યારે રેકોર્ડ મુજબ વર્ષ ૨૦૦૫ પછી પણ તેઓ કંપનીમાં ભાગીદાર હતાં. મહત્ત્વની વાત એ છે કે એ.જી. મર્કન્ટાઈલમાં ડી.બી. રિયાલ્ટીના અને સ્વાન ટેલિકોેમ કંપનીના ડાયરેક્ટર વિનોદ ગોએન્કા પણ ભાગીદાર છે. તે શરદ પવારના પારિવારિક મિત્ર છે.
૧૪ મી જુલાઈ ૨૦૦૭ના દિવસે શરદ પવાર, અજીત પવાર, તત્કાલીન મુખ્ય પ્રધાન વિલાસરાવ દેશમુખ અને કેટલાંક સરકારી અમલદારોએ લવાસાના અતિથિ ગૃહમાં યોજાયેલી બેઠકમાં હાજરી આપી હતી. બેઠકમાં ઉપસ્થિત રહેવાનો તેમનોે હેતુ પવારપુત્રી સુપ્રિયા સુળે અને જમાઈ સદાનંદ સુળેનો હિસ્સો ધરાવતી કંપની લવાસા કોર્પોરેશનના હિતમાં નિયમોને તોડવામરોડવાનો હતો. (સંભવિત રીતે આ શેર વેંચી નાખવા આવ્યાં હતાં.) ડેવલપરને જે તરફેણો આપવામાં આવી તેમાંની એક મહત્ત્વની બક્ષીસ હતી તેને આપવામાં આવેલા ટાઉન પ્લાનરનો હોદ્દો, જે સામાન્ય રીતે નગર પાલિકા માટે અનામત હોય છે.
૮૦ના દશકના મુખ્ય પ્રધાન તરીકેના કાર્યકાળ દરમિયાન શરદ પવારે તેના મિત્રની એક કંપનીમાં ૩.૨૭ એકરના પ્લોેટને ૩૨૬ એકરમાં વિસ્તારી દીધો હતો.
પુણેના એ વખતના પાલિકા કમિશ્નર મહેશ ઝાગડેએ એવો આરોપ મૂક્યો છે કે તેમણે વિનોદ ગોએન્કાની કંપની ડી.બી. રિયાલ્ટીએ નિયમોનો ભંગ કરીને યેરવાડા ખાતે બનાવેલી પંચતારક હોટેલને તોડી પાડવાનો આદેશ આપ્યો ત્યારે શરદ પવારે તેમને પરાણે તાલીમ માટે શહેરની બહાર ધકેલી દીધાં હતા. આ પ્રોજેક્ટ મુકુંદ ભવન ટ્રસ્ટની જમીન પર હાથ ધરવામાં આવ્યો હતો. સંબંધિત પ્રોજેક્ટમાં સુળેનો પણ ભાગ હતો. નહીં તોે તાલીમ માટે તો તેઓ ઓક્ટોબરમાં પણ જઈ શકતાં હતાં. સામાન્ય રીતે પાલિકા કમિશ્નરની ગેરહાજરીમાં તેેમનો કાર્યભાર વધારાના પાલિકા કમિશ્નરને સોંપવામાં આવતો હોય છે. જ્યારે આ કેસમાં સંબંધિત કામગીરી વિભાગીય કમિશ્નર દિલીપ બંદને શિરે નાખવામાં આવી. મહારાષ્ટ્રના વિરોધ પક્ષના નેતા એકનાથ ખડસે વારંવાર કહેતા કે યુપીએ સરકારના મજબૂત સ્તંભ ગણાતા શરદ પવારના કૌભાંડો અને વિવાદોની વાતો દર અઠવાડિયે રાજ્યની વિધાનસભામાં ચર્ચાય તે કેટલું યોેગ્ય કહેવાય? હકીકતમાં તેમણે અને તેમના પરિવારજનોએ તેની સ્પષ્ટતા કરવી જોઈએ, નહીં તોે તેમના ઉપર મુકવામાં આવેલા આરોપો યથાવત્ રહેશે. ખડસેને પવાર સામે નિશાન તાકવા માટે આરટીઆઈ એક્ટિવિસ્ટ રવિન્દ્ર બર્હટેએ માહિતી અધિકાર હેઠળ મેળવેલા સંખ્યાબંધ દસ્તાવેજો કામ આવ્યાં હતાં. બર્હટેએ કહ્યું હતું કે એક તરફ શરદ પવાર એમ કહેતાં રહ્યાં હતાં કે લવાસા પ્રકલ્પ સાથે તેમને કશી લેવાદેવા નથી. અને બીજી તરફ તેમણે બેઠકમાં ભાગ લઈને (કૃષિ પ્રધાન તરીકે) બિલ્ડરની તરફેણ કરી હતી.
પવારની સંસદ સભ્ય પુત્રી સુપ્રિયા સુળે હમણાં ડી.બી. રિયાલ્ટી સાથેના તેના સંબંધો બાબતે પૂછાતાં સવાલોનો સામનો કરી રહી છે. પુણેના યેરવાડા ખાતેના મુકુંદ ભવન ટ્રસ્ટ (એમબીટી)ઃના 'પંચશીલ ટેક પાર્ક વન' (પીટીપીઓ) માં સુપ્રિયા અને તેનો પતિ નવ ટકા ભાગ ધરાવે છે. આ પ્રકલ્પ ડી.બી. રિયાલ્ટી સાથે મળીને હાથ ધરવામાં આવ્યો છે.
ડી.બી. રિયાલ્ટી સાથેનો સુળેનો સંબંધ માત્ર પીટીપીઓ પૂરતો નથી. આ કંપની મુંબઈના ચાંદીવલીમાં સુળેના વડપણ હેઠળના ટ્રસ્ટના પવાર પબ્લિક સ્કૂલ માટે ૧૦ મજલાની શાળાનું નિર્માણ પણ કરી રહી છે. મઝાની વાત એ છે કે ડી.બી. રિયાલ્ટી સંબંધિત શાળાથી થોડા મીટરના અંતરે જ ઝુંપડાવાસીઓ માટે એક રહેણાંક વસાહત પણ બનાવી રહી છે. મુંબઈના એક પ્રધાનની વાત સાચી માનવામાં આવે તોે ડી.બી. રિયાલ્ટી શાળા બાંધવા માટે એકેય પૈસો નહીં લે. તેના બદલે પવારનો એનસીપી પક્ષ ડી.બી. રિયાલ્ટીને મુંબઈના વરલી વિસ્તારમાં સોેનાની લગડી જેવી ૪૨,૦૦૦ ચો.મી. વિસ્તારમાં ફેલાયેલી વસાહતના રિડેવલપમેન્ટના કામ માટે મદદ કરશે. અત્રે ઉલ્લેખનીય છે કે મહારાષ્ટ્ર સરકારના સંબંધિત જમીનના રિડેવલપમેન્ટના હક્કો લોખંડવાલા બિલ્ડરને આપવાના નિર્ણયને ડી.બી. રિયાલ્ટીએ ૨૪ મી ઓગસ્ટ ૨૦૧૦ના દિવસે બોમ્બે હાઈકોર્ટમાં પડકાર્યો છે.
શરદ પવાર ભલે એમ કહેતા ફરે કે તેઓ બલવા અને ગોએન્કાને માત્ર ઓળખે છે. પણ હકીકત એ છે કે વર્ષ ૨૦૦૪માં પવાર, તેમની પત્ની અને પુત્રીની માલિકીની કંપનીએ ડાયનેમિક્સ હોટેલ ગુ્રપને ૨૫ લાખ રૃપિયા આપ્યા હતા. આ નાણાં ભલે પવાર પરિવારની માલિકીની કંપની લેપ ફાઈનાન્સ એન્ડ ઈન્વેસ્ટમેન્ટમાંથી જમીનની ખરીદી માટે એડવાન્સ પેટે આપવામાં આવ્યાં હતાં. તોય ડાયનેમિક્સે તેમને કોઈ જમીન ખરીદી આપી હોય એવો કોઈ પુરાવા અધિકૃત ફાઈલોમાં નથી. ડાયનામિક્સ હોટેલ ગુ્રપની ફાઈલોમાં પણ આ નાણાંનું શું થયું તેનો ઉલ્લેખ નથી. પછીથી ડાયનેમિક્સ હોટેલ્સને વાય.જે. રિયાલ્ટી પ્રા.લિ. નામ આપવામાં આવ્યુ ંહતું જે બલવા-ગોએન્કાની કંપનીઓમાંની એક અગ્રણી કંપની છે.
જમીન એ પવારની નબળાઈ છે અને તેમનો જમીનપ્રેમ આજે તેમના માટે શિરદર્દ બની ગયો છે. પવારનું નામ સતત વિવાદોમાં ઘેરાયેલું રહેતું હોવાને પગલે તેમણે ચોેક્કસ પત્રકારોના એક જૂથને બોલાવીને અશક્ય કહી શકાય એવી વિનંતી કરતાં કહ્યું હતું કે તેમની ઉપર ભલે હુમલાઓ કરવામાં આવે, પણ તેમની પુત્રીને વિવાદોમાંથી બાકાત રાખવામાં આવે. મઝાની વાત એ છે કે આ બેઠક પછી બીજા જ અઠવાડિયે ટેલિવિઝન ચેનલોએ અજીત પવાર એ.જી. મર્કન્ટાઈલ સાથે સંકળાયેલા છે એ સમાચાર વહેતા કર્યાં. આને કારણે તેઓ ભારે ટેન્શનમાં આવી ગયા હતા. છેલ્લાં ઘણાં સમયથી સતત વિવાદોનો સામનો કરી રહેલા પવારને તેમના કોર્પોરેટ જગતના મિત્રોએ પબ્લિક રિલેશન (પી.આર.) કંપનીની સેવા લેવાનું સૂચન કર્યું હતું. એક પ્રધાને તો ચોક્કસ પી.આર. કંપનીનું નામ પણ સૂચવી દીધું હતું. જોે કે શરદ પવારના એક માનીતા અમલદારે કહ્યું હતું કે કોઈપણ પરિસ્થિતિનો સામનો શી રીતે કરવો તે પવાર સારી રીતે જાણે છે.
પવાર સતત વિવાદોમાં ઘસડાતા રહે છે તોય તેમની રાજકીય મહત્તા અકબંધ રહે છે. પોતે હુમલાઓ સામે પ્રતિબંધક શક્તિ કેળવી લીધી હોય એમ તેઓ કહે છે કે હું હવે વિવાદોથી ટેવાઈ ગયો છું. વિધાનસભા અને સંસદના રાજકારણમાં મેં ૪૫ વર્ષ વિતાવ્યાં છે. આટલાં વર્ષોે સુધી જે રાજકારણમાં ટકી રહ્યું હોય તે એક યા બીજા સ્થળેથી થતાં હુમલાઓનો આદિ બની જાય. આ બધી વાતોથી હવે મને કોઈ ફરક નથી પડતો, કારણ કે હું જાણું છું કે સત્ય શું છે. આમ છતાં વાસ્તવિકતા એ છે કે પવારને આજે પોતાની પ્રતિષ્ઠા બચાવવાની ફરજ પડી રહી છે.

Share |
 

Gujarat Samachar Plus

વિદેશી નકલ દેશી સ્ત્રીઓ માટે નકામી
દિવાળીમાં જુગાર રમવા માટે ઠેરઠેર ધસારો
પરફ્યુમને યોગ્ય રીતે વાપરો
રેફ્રિજરેટર વાપરો ધ્યાન પૂર્વક
હજી રાજવી ઠાઠમાઠમાં રાચતાં આપણા ધનાઢ્યો
 

Gujarat Samachar glamour

પૂનમે આખરે નવું રહસ્ય ખોલી જ નાખ્યું
રીમાએ આમિરની દખલગિરીનો સ્વીકાર કર્યો
યે કોઈ નઈ બાત નહીં હૈ...
તબ્બુ હૈદરાબાદમાં શિફટ નહીં થાય
સન્ની લિઓનની સર્ચ કદાચ વાઈરસ લાવી શકે છે
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved