Last Update : 03-November-2012, Saturday

 
મધ્યપ્રદેશ સરકારની એ અનુકરણીય યોજના શું છે? ગુજરાત સરકાર એ ભવિષ્યમાં કરશે?
- પુણ્ય મેળવવા સાથે મતો પાકા કરવાની ભાજપના મુખ્યપ્રધાન શિવરાજસિંહની યોજના

જાતે જ જાતની પીઠ થાબડવા માટે તેમજ પોતાના વાંક સામાને ગાળો આપીને છૂપાવવા માટે અને પોતાની પ્રસિધ્ધિ માટે જનતાના આપણા અબજો રૃપિયા વેડફવા માટે તથા જૂઠાણા બોલવા માટે દુનિયામાં પહેલો નંબર મેળવનાર ગુજરાતની ભાજપ સરકારે ગુજરાતની ૬ કરોડની જનતા માટે નક્કર શું કર્યું એ તો એ જ અને એમના ભજનો ગાનાર 'ભક્તો' જ જાણે! (જે કંઈ ગુજરાત માટ ેથયું છે એ કેન્દ્ર સરકારની સહાયના કારણે થયું છે. દા.ત. રસ્તાઓ થયા છે એ કેન્દ્ર સરકારની સહાયથી છે. ગરીબોને ઘર આપ્યા છે એ કેન્દ્ર સરકારની 'ઈંદિરા આવાસ યોજના' નીચે થયા છે. ગુજરાતીઓના નામે ચરી ખાતી ભાજપ સરકાર એનું ચાલે તો ''નમો આવાસ યોજના'' કરે એવી પ્રસિધ્ધિભૂખી છે. દા.ત. ૧૦૮ એમ્બ્યુલન્સ યોજના છે. એની ઉપર 'ગુજરાત સરકાર'ના બોર્ડ શરૃમાં મારેલા. પછી એ ઉતારી લેવા પડયા. એ જ રીતે નેશનલ હાઈવે નં. ૮ ઉપર વાપીથી શામળાજી અને બીજી બાજુ કચ્છ સુધી તેમજ અમદાવાદ-વડોદરાના એક્સપ્રેસ હાઈવે ઉપર ગુજરાત ભાજપ સરકારે ભાજપના બોર્ડ શરૃમાં મારેલા. કેશુભાઈની ભાજપ સરકાર પ્રસિધ્ધિ અને પ્રચારની આવી ભૂખી નહોતી... એ શું પણ દેશની કે પરદેશની કોઈપણ સરકાર આવી ભૂખી નથી.)
ગુજરાતની ભાજપ સરકાર આપણા જનતાના ખર્ચે ચીન, જાપાન, વગેરે દેશોના પ્રવાસે પોતાના મળતીયા વેપારીઓને અને બીજા અમલદારોના કાફલાને લઈને જઈ આવ્યા છે પણ ''૬ કરોડ ગુજરાતીઓ'ના નામે ચરી ખાતી આ ભાજપ સરકારે ગુજરાતના સામાન્ય ૧૦ ગુજરાતીઓના ભલા માટે કશું જ કર્યું નથી.
જ્યારે ભાજપની મધ્યપ્રદેશની અને કશાજ ડિમડિમ કર્યા વિના મૂંગામૂંગા કામ કરી રહેલી શિવરાજસિંહ ચૌહાણની સરકાર જૂઓ!
આપણા પુરાણોએ અને વેદોએ આશ્રમ વ્યવસ્થા પ્રબોધી છે. એ મુજબ બ્રહ્મચર્યાશ્રમ, ગૃહસ્થાશ્રમ પછી માનવી ૫૦ વર્ષનો થાય એટલે વાનપ્રસ્થાશ્રમ આવે જેમાં માનવી પોતાની જવાબદારીઓ સંકેલીને પોતાના સંતાનોને સોંપીને વન એટલે નિવૃત્તિ લેવા ભણી વળે છે. એ દરમ્યાન માણસે આત્મામાં લીન રહેવાનું અને ઈશ્વરય થવાના પ્રયાસ કરે એવું આપણા પ્રાચીનોનું ફરમાન હતું. આપણા પુરાણો વગેરે ગ્રંથો પણ તીર્થ યાત્રાએ જઈને પુણ્ય મેળવવા જણાવે છે. (વહેમ કહો કે અંધશ્રધ્ધા કહો... પણ દેવદર્શનનું ફળ તો મળે જ છે. દા.ત. અમુક મંદિર ભીડ સમાતી ન હોય જ્યારે અમુક મંદિરે કોઈ જતું જ ન હોય! આનું શું કારણ? 'લાલો લોભ વગર લોટે નહીં' એ કહેવત ઘણું કહી જાય છે. આ જાતની માન્યતા ફક્ત આપણામાં જ નથી પણ દુનિયાભરના દરેક દેશ, સમાજ, ધર્મમાં છે. ખરી વાત એવી છે કે, શ્રધ્ધા ઉપર જ જગત અને માનવી ટકેલા છે. એટલે અંધશ્રધ્ધા જેવું કંઈ નથી. અંધશ્રધ્ધાને અંધશ્રધ્ધા તરીકે ઓળખનાર જ ખરેખર અંધશ્રધ્ધાળુ છે.)
એ સાથે પુરાણો એવું પણ કહે છે કે કોઈને જાત્રાએ લઈ જવા અથવા જાત્રા કરાવવાથી સગડતા કરી આપવી, એમાં પણ પુણ્ય છે.
આ પુણ્ય મેળવવા ઉપરાંત મતો કમાવવાની યોજના ભાજપના જ બીજા રાજ્ય મધ્યપ્રદેશના મુખ્ય પ્રધાન શિવરાજસિંહ ચૌહાણે ઊભી કરી છે. (કારણકે એમને ગુજરાતના મુખ્યપ્રધાન જેવા તાયફા કે વરણાગીયા કરવાનો શોખ નથી.) એમની આ એક પ્રિય યોજના છે. એ યોજના પ્રમાણે લગભગ એક વર્ષ કરતાં વધારે સમય સુધી લગભગ એક લાખ કરતાં વધુ સિનીયર સીટીજનોને ખાસ સ્પેશ્યલ ટ્રેનમાં જાત્રાના તીર્થસ્થળોએ લઈ જવા લાવવાની યોજના કરી છે.
એ માટેનો રહેવાનો, ટ્રેનનો, જમવાનો, દવાનો, વગેરે બધો જ ખર્ચ મધ્યપ્રદેશ સરકાર ઉપાડશે.
આ યોજના દ્વારા શિવરાજ સિંહની ઈચ્છા સ્વર્ગમાં પોતાના માટે જગ્યા મુકરર કરવા ઉપરાંત મધ્યપ્રદેશમાં હવે ચૂંટણીઓને એક વર્ષ કરતાં પણ ઓછા સમયમાં થવાની છે એમાં જીતવા માટે મતદારોના દિલમાં પણ પોતાની જગ્યા મુકરર કરવાની છે.
દરેક કુટુંબના વડીલોને મફતમાં તીર્થસ્થળોની જાત્રાએ મોકલવાની આ યોજના કરતાં વધુ સારી બીજી કોઈ યોજના મતદારોને જીતવા માટે હોય શકે ખરી?
આ યોજનાનું નામ 'મુખ્યમંત્રી તીર્થદર્શન' છે ('નમો નારાયણ તીર્થ' જેવું નહીં) અત્યાર સુધીમાં એનો લાભ લગભગ ૨૦૦ કરતાં વધુ સંખ્યામાં વરિષ્ઠ નાગરિકોએ લીધો છે.
આ તીર્થોમાં રામેશ્વરમ્થી માંડી અજમેર સુધીના તીર્થો આવરી લેવાયા છે. એ રીતે સરકાર પણ વરિષ્ઠ નાગરિકો પ્રત્યેની પોતાની ફરજ માન આપીને પૂરી કરી રહી છે.
ગુજરાત સરકાર 'વાઈબ્રાન્ટ ગુજરાત'ના ઓઠા નીચે આપણા જનતાના અબજો રૃપિયા વેડફીને સાચોખોટા એમઓયુ કર્યાના બણગા ફુંક્યા કરીને પોતાની પીઠ પોતે જ થાબડતી હોય છે ત્યારે ભાજપના જ બીજા એક મુખ્યપ્રધાન આ ડીમડીમ વગાડયા વિના ભારત સરકારની 'ઈન્ડિયન રેલવે કેટરીંગ એન્ડ ટુરીઝમ કોર્પોરેશન' સાથે આ યોજના માટે એમઓયુ કરી રહી છે.
આ યોજનામાં જે તીર્થો સમાવાયા છે એમાં હરિદ્વાર, બદરીનાથ, કેદારનાથ, અમરનાથ, વૈષ્ણવદેવી, અમૃતસર, પુરી, વારાણસી, અજમેર, સમેતશિખર, તિરુપતિ, રામેશ્વર, દ્વારકા, શિરડી, ગયા, વેલન્નકાની અને શ્રવણ બેલગોડા છે.
આ તીર્થદર્શનની પહેલી જાત્રા માટે સરકારે ૩૯ કરોડ રૃપિયા મંજુર કર્યા હતા. (એમાં પણ ખાયકી નહીં થઈ હોય એવું માનવાને કારણ નથી. મધ્ય પ્રદેશમાં લોકાયુક્ત હોવાના કારણે અમલદારોના ઘરમાંથી કરોડો અબજો રૃપિયાનું રોકડ અને ઘરેણાનું નાણું પકડાતું હોય છે. અઠવાડિયે એવો એકાદ કિસ્સો તો પ્રકાશમાં આવે જ છે. ગુજરાતમાં સરકાર પકડાવાની બીકે લોકાયુક્ત આઠ વર્ષથી નીમતી જ નથી એટલે ભ્રષ્ટાચારીઓને તાગડધિન્ના છે.)
ભાજપ સરકાર હિન્દુવાદી હોવાનો આરોપ ધોવા માટે મધ્યપ્રદેશની ભાજપ સરકારે ગુજરાત સરકાર જેવું 'સદ્ભાવના ઉપવાસ' જેવું 'નાટક' નથી કર્યું પણ આ તીર્થ દર્શનમાં દરેક લઘુમતિ ધર્મના તીર્થનો સમાવેશ કરવામાં આવ્યો છે. દા.ત. મુસ્લીમો માટે અજમેર છે, શિખો માટે અમૃતસર છે, જૈનો માટે સમેતશિખર અને શ્રવણ બેલગોડા છે. (મધ્યપ્રદેશમાં જૈનો અને દિગંબર જૈનોની વસતિ વધુ છે.) અને ખ્રિસ્તીઓ માટે વેલનકન્ની છે. મુખ્ય પ્રધાનથી ચુક થઈ ગઈ હતી એટલે એમણે બૌધ્ધો માટે ગયાનો ઉમેરો કર્યો અને ભોપાળની નજદીક આવેલા સાંચીમાં સપ્ટેમ્બરની ૨૧ તારીખે 'બુધ્ધિસ્ટ યુનિવર્સિટી'ની સ્થાપના કરી.
એ યુનિવર્સિટીની સ્થાપના નિમિત્તે શ્રીલંકાના રાષ્ટ્રપતિ મહેન્દ્ર રાજપક્ષ ભોપાળ આવેલા અને એમને શિવરાજ સિંહે કહ્યું કે, જ્યાં સીતા માતાને અગ્નિ પરીક્ષામાંથી પસાર કરવામાં આવેલા એ જગ્યાની જાણકારી થાય તો અમે ત્યાં 'સીતા મંદિર' બાંધીને અમારા તીર્થાટનમાં એનો પણ ઉમેરો કરવા માંગીએ છીએ. (શિવરાજસિંહે આ તીર્થયાત્રામાં અયોધ્યા, કલકત્તા, દ્વારિકા અને સોમનાથનો ઉમેરો કરવો જરૃરી છે.)
આ તીર્થયાત્રાની પહેલી ટ્રેન સપ્ટેમ્બરની ૩ તારીખે ઉપડીને પહેલાં રામેશ્વરમ્ ગઈ હતી. એને વિદાયમાન આપવા ભાજપના વરિષ્ઠ નેતા આડવાણી ખાસ હાજર રહ્યા હતા અને એમણે શિવરાજ સિંહના રાજ્યને 'રામરાજ્ય'નો શિરપાવ આપ્યો હતો. શિવરાજસિંહ ટ્રેનના દરેક કોચમાં દાખલ થઈ થઈને બધા યાત્રિકોને ભેટયા હતા અને બધાની ચરણરજ લીધી હતી. એ પ્રસંગે એમણે શ્રવણકુમારને યાદ કર્યો હતો.
એ પછીની બીજી ટ્રેને અજમેરને પહેલું સ્ટેશન બનાવેલું. આ રીતે મધ્યપ્રદેશ ભાજપની સરકાર માર્ચ મહિના સુધી દર અઠવાડિયે એક ટ્રેન તીર્થાટન માટે રાજ્યના જૂદા જૂદા સ્ટેશનોથી દોડાવશે. (એમાં પણ ભ્રષ્ટાચાર કરનારા નહીં હોય એવું ન માનતા. ભ્રષ્ટાચાર તો આપણા દેશના કણેકણમાં છે. ભ્રષ્ટાચાર સામે લડનારા રામદેવ અને કેજરીવાલ પણ ભ્રષ્ટાચારી હોય... પછી તો થઈ રહ્યું ને?) આવતા વર્ષના માર્ચ સુધીમાં લગભગ ૬૦ આવી ટ્રેનો નીકળશે જેમાં લગભગ ૬૦,૦૦૦ કરતાં વધુ યાત્રિકોનો સમાવેશ થશે.
આ યાત્રિકોમાં એવા યાત્રિકો વધુ છે કે જેમને યાત્રાએ જવાની ઈચ્છા કરી હોય પણ પૂરી થઈ શકી ન હોય. અજમેર વિશે દા.ત. ઊર્દૂમાં કહેવત છે કે, ''ઈરશાદે રોજ બનતે હૈ, બિગડ જાતે હૈ, વહી અજમેર જાતે હૈ, જિન્હે ખ્વાજા બુલાતે હૈ''
દા.ત. ૬૨ વર્ષના હિમાયત બેગ રતલામના છે. એ કહે છે કે, ''અજમેરના દર્શને જવાની મારી ઈચ્છા મેં જમીનમાં ભંડારી દીધી હતી પણ શિવરાજજીનો આભાર માનું છું કે એમણે મારી આ ઈચ્છાને પૂરી કરી...'' (રતલામથી અજમેર નજદીક છે છતાં તેઓ જઈ શકેલા નહીં.)
દા.ત. ૭૪ વર્ષના ચન્દ્રકલા કહે છે કે, ''અમને બે પ્રકારના આશિર્વાદ મળ્યા છે. એક આ તીર્થ દર્શન કરવાના અને બીજો શિવરાજ જેવા દિકરાના. અમે કદી વિચારેલું પણ નહી કે અમે કદી રામેશ્વરમ્ જઈ શકીશું અને ત્યાંના કુંડમાં સ્નાન કરી શકીશું.''
આ જાતની યાત્રાઓ વ્યક્તિગત ધોરણે કે સામુહિક ધોરણે લઈ જવાનો રીવાજ જૈનેતરોમાં કદાચ ઓછો છે બાકી જૈનોમાં તો દા.ત. દર વર્ષે મુંબઈના કેટલાક જૈન સમૂહો દિવાળી ઉપર સમેતશિખરની યાત્રાએ વર્ષોથી સંઘ લઈ જાય છે.
એવી રીતે દર પૂનમે મુંબઈના અમુક સમૂહો શંખેશ્વરના દર્શને જતા હોય છે. બાકી રાજસ્થાનના ઘણા જૈન ખમતીધરો પાલિતાણાની યાત્રા દર વર્ષે કાઢતા હોય છે જેમાં પાંચ બસથી પચ્ચીસ બસ સુધીના યાત્રિકો હોય છે. એમને પોતાનો કશો સામાન પણ ઘણા સંઘ તો લેવા દેતા નથી અને બેગ, કપડાં વગેરેથી માંડી બધું જ યાત્રાએ લઈ જનાર દાનવીર ઉપાડતા હોય છે.
દરેક પ્રકારના કામની ટીકા કરનારા જેમ હોય જ છે એમ આવા કામની ટીકા કરનારા શોધવા જવું પડતું નથી.
- ગુણવંત છો. શાહ

 

છાબડી
મૃત્યુ થવાના મુખ્ય કારણો ક્યા ?
૧. હૃદયરોગ... હાર્ટએટેકથી... ૮૯,૨૩,૦૦૦ ૨. કેન્સરથી... ૭૪,૨૪,૦૦૦
૩. મગજના રોગથી... ૫૭,૧૨,૦૦૦ ૪. શ્વાસના રોગથી ૪૧,૭૭,૦૦૦

 

સાચવી રાખો, કામ લાગશે!
ગુજરાતમાં જાતિવાર ટકાવારી
કોઇ ભલે ન માને પણ ચૂંટણીમાં (૧) જાતિવાદ જ કામ કરતો હોય છે અને (૨) ચૂંટણીમાં શિક્ષકો, ધનિકો, ઉપલો મધ્યમવર્ગ વગેરે મતદાન કરવા નથી જતા.
ગુજરાતમાં જાતિવાદની નજરે જોઇએ તો... કુલ મતદારો ૩ કરોડ ૬૭ લાખ છે જેમાં આદિવાસી ૧૬ ટકા, મુસ્લિમ ૧૦ ટકા, દલિત ૭ ટકા, ઓબીસી વગેરે પછાત કોમો ૪૪ ટકા, પટેલ ૧૫ ટકા અને વાણિયા બ્રાહ્મણ ૮ ટકા છે.

 

ચેતો! સાચવી રાખો
ડેંગુ ઘાતક રોગ છેડેંગુ એટલે શું ?
ફિલ્મી હસ્તી યશ ચોપરા જેવા ''રીચી રીચ'' ધનિકોના પણ ધનિક પણ ડેંગુ જેવા રોગના ભોગ બને એ ઉપરથી આપણે બધાએ ચેતી જવું જોઈએ.
ડેંગુ તાવ લાવનાર મચ્છરનું નામ એડીસ એજિપ્ટી છે. એ કાળા રંગનો હોય છે અને એ દિવસે જ કરડે છે. (રાત્રે ન કરડે એવું નથી). આ મચ્છર બીજા મચ્છરોની જેમ અવાજ નથી કરતો કે કાનની આજુબાજુ નથી ગણગણતા.
આ મચ્છર માણસના પગમાં અને ઘૂટણની નીચે જ કરડે છે. ડેંગુનો વાયરસ શરીરમાં ઘુસ્યા પછી સીધો શરીરમાંની પ્રતીકારશક્તિ ઉપર જ હુમલો કરે છે.
ડેંગુ બેથી પાંચ દિવસમાં જ ગંભીર રૃપ લે છે. એ વખત ડેંગુથી અસર પામેલી વ્યક્તિને તાવ આવવાનો બંધ થઈ જાય છે. સારું થઈ ગયું છે એવું લાગે. હકીકતમાં એ સ્થિતિ વધુ જોખમી છે. કોઈકને લોહીની ઉલટી પણ થાય છે, કાળી ઉલટી પણ થાય અને કાળો મળ પણ નીકળે.
ઉપરાંત નાકમાંથી લોહી આવવું, બ્લડ કાઉન્ટ પણ ઘટે છે.
આ ઉપરાંતના લક્ષણોમાં ટાઢ આવવી, માથાનો સખત દુખાવો, થાક લાગવો, કમરમાં દર્દ, આંખોમાં દર્દ, આખા શરીરમાં દુખાવો, હેમોગ્લોબીનનું વધી જવું, શરીર ઉપર લાલ ચકામા, બ્લડ પ્લેટનેટમાં એકદમ ઘટાડો વગેરે છે.
ડેંગુનો ઈલાજ એટલે તાવ આવે ત્યારે એસ્પીરીન, બુફીન, જેવી દવાઓ બિલકુલ ન આપવી. ફક્ત પેરાસીટામોલ જ આપવી. તાવ કોઈ પણ સંજોગોમાં વધવો જોઈએ નહીં. ડોપામીન, નોરએડિનલિન પણ જરૃર આપવી જોઈએ.
ડેંગુ થવાનું કારણ પાણીની ગંદકી છે. ઘરમાં કે બહાર ક્યાંય પાણી ભેગું થવા ન દેવું.
ડેંગુમાં પ્લેટનેટ ઉપર જ માર પડે છે જેને ઊંચું લાવવા (એટલે રોગ પ્રતિકારશક્તિ) જે ઈન્જેકશન આપવામાં આવે છે એ ૪૫ હજાર રૃપિયાથી માંડી ૨ લાખ રૃપિયા સુધીના હોય છે. યશ ચોપરાને એ આપવામાં આવેલા.
એ ઈન્જેકશન પપૈયાના ઝાડના પાનમાંથી બનાવેલા હોય છે. આપણે ત્યાં પપૈયાના પાન મફતમાં મળે છે. એ પાનનો રસ લેવાથી પ્લેટનેટ વધે છે.
હોમિયોપથીમાં દવાઓમાં ઈસુટોરીયમ પરફોરેટમ, ચાઈના, આર્કેનિકમ આલળચ છે.
જ્યારે આયુર્વેદમાં અરડુસી, ગળો, ત્રિફળા, (હરેડ, બેરડી, આંબળા), લીંબડાની આંતરછાલ, કડુ, કરિયાતુ... આ બધું ભેગું કરી ભૂકો કરવાનો. એમાંથી ૨૫ ગ્રામ લઈને ૪ કપ પાણીમાં રાત્રે પલાળી સવારે ધીમા તાપે ઉકાળવાનું. અડધો પોણો કપ રહે એટલે ગાળીને પી જવું.
આમાં ગળો, અરડુસી અને આંબળા પ્લેટનેટને વધારે. કડી-કરિયાતું, લીંબડાની આંતરછાલ તાવ ઘટાડે. ત્રિફળા પિત્તને મળ વાટે બહાર કાઢે. પ્લેટનેટને ઘટાડનાર પિત્ત છે અને શરદ ઋતુમાં વધુ થાય. જેના શરીરમાં પિત્ત વધુ હોય એને આનો મચ્છર કરડે એટલે ડેંગુ થાય જ. આયુર્વેદનો ચક્રદત્ત નામનો ગ્રંથ છે એમાં આનો ઉલ્લેખ છે.
રાજ્યોની, ગુજરાતની, કેન્દ્રની સરકારોએ આજકાલ આ દવા મફત આપવાનું ચાલુ કરવું જોઈએ. આવા રોગચાળા વખતે તાત્કાલિક મફત દવા આપવાનું શરૃ કરવામાં આવે તો રોગચાળો કાબુમાં આવે પરંતુ ભ્રષ્ટાચારના કારણે સરકારી અમલદારો દવા કંપનીઓ અને ડૉક્ટરોને કમાણી કરાવવા મફત દવા સરકારો આપતી જ નથી. બાકી યુનો પણ મફત દવા આપતી હોય છે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
હિટ-એન્ડ-રનમાં સલમાનને મુંબઈ પોલીસ છાવરે છે
સ્વામીના આક્ષેપો પાયાવિહોણાં અને બદનક્ષીભર્યા છેઃ કોંગ્રેસ

રોહિત શર્મા અને મોડેલ સોફિયાનો ખાનગીમાં પાંગરેલો સંબંધ ટ્વિટર પર તૂટયો

કોંગ્રેસી સાંસદ અભિષેક સિંઘવીને ફરી પક્ષના પ્રવક્તા બનાવાયાં
રાંચીમાંથી નવમી સદીની બુદ્ધ મૂર્તિઓ સહિતની વસ્તુઓ મળી
અમદાવાદમાં વેજિટેરિયન ફૂડ સાથે નારિયેળનું પાણી જ પીધું હતું ઃ તેંડુલકર

ઓસ્ટ્રેલિયાના ૧૬ ખેલાડીઓની IPLમાંથી તેમની ટીમોએ હકાલપટ્ટી કરી

રણજી ટ્રોફી ઃ મધ્ય પ્રદેશ સામે ગુજરાતના પાંચ વિકેટે ૩૨૭ રન

૧૯૮૪નાં શીખ વિરોધી રમખાણોને જાતિ સંહાર તરીકે ગણવા માગણી

પુરુષોની જિંદગીમાં સૌથી ખુશાલીનો સમય ૩૭ વર્ષની વયે આવે છે
નારાયણનનો રાજીવની હત્યા સંબંધી વિડિયો દબાવ્યાનો ઈનકાર

બ્રિટનમાં એકલવાયું જીવન જીવતાં આધેડોની સંખ્યામાં ધરખમ વધારો

ઇસ્લામ વિરોધી ફિલ્મ માટે અલ્લાહે અમેરિકાને સજા આપી ઃ મુસ્લિમ મૌલવીઓ
આજથી રણજી સિઝનનો પ્રારંભઃનવા ફોર્મેટને કારણે ખેલાડીઓમાં રોમાંચ
પેરિસ માસ્ટર્સ ટેનિસ ઃ યોકોવિચ બાદ એન્ડી મરે પણ બહાર ફેંકાયો
 
 

Gujarat Samachar Plus

ક્લાસિક ઇઝ બેટર ધેન મોડર્ન
ઠંડીમાં રૃક્ષ થતી ત્વચાની તકેદારી
મહિલાઓ અને ડ્રાઇવિંગ-ક્ષમતા વચ્ચેનો સંબંધ રાહુ-કેતુ જેવો શા માટે?
લવશીપમાં આઇ લવ યુને કહો બાય બાય...
કમ્પિટીટિવ એક્ઝામ યાદ અપાવે છે, સ્કૂલના દિવસો
 

Gujarat Samachar glamour

સલમાન હજી પણ સ્ત્રીઓને મારપીટ કરવાનો આદી છે
પ્રિયંકા ચોપરાએ ૧૮ લાખનો ચેક બોકડીયાને પાછો આપ્યો
રાની હવે કાજોલની પડોસણ બનશે
હેમા માલિની ફિટનેસ ઉપર એક પુસ્તક લખશે
પૂનમ પાંડેએ પહેલી ફિલ્મનો હોટ-ફોટો શૂટ કરાવ્યું
 
 

નરેન્દ્ર મોદીનાં પત્ની જશોદાબેનનો વિડીયો

 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved