Last Update : 01-November-2012, Thursday

 

મહિલા ‘સ્પીકર’ થઈ મૂંગા રહેવાની મૂંઝવણ

મેરા ભારત મહાન - અક્ષય અંતાણી
 

 

નવરાત્રિમાં લાઉડ સ્પીકર પર અંકુશ મૂકાય છે. લાઉડ સ્પીકર વાપરવા માટે સમય-મર્યાદાનું પાલન કરવું પડે છે. પણ જે બીજાના ઘોંઘાટને શાંત કરે એવાં સ્પીકર ક્યાં જોવા મળે? એમ કોઈ પૂછે તો કહી દેવું કે લોકસભામાં અથવા રાજ્યોની વિધાનસભામાં કહેવાય સ્પીકર છતાં ઓછામાં ઓછું બોલવાનું. એમાં પણ સ્પીકરની ખુરશીમાં મહિલા બેઠા હોય અને એમની જીભ બંધાયેલી રહે અને બોલ બોલ કરી ન શકે ત્યારે મુંઝારો થતો હશે કે નહીં? રામ જાણે કે જગજીવન-રામ જાણે. કારણ કે જગજીવન રામના જ પુત્રી લોકસભાના સ્પીકર છેને?
મહિલાઓનું બ્લડ ગુ્રપ મોટા ભાગે એ - ટોકેટિવ હોય છે એવું કહેવાય છે. વાચાળ માનુનીઓને ચૂપચાપ બેસીને કે પછી આપ બૈઠ જાઈયે... આપ બૈઠ જાઈયે.... જેવાં જરૂર પૂરતાં શબ્દો બોલીને પછી બીજાની વાતો કે ભાષણો સાંભળવા પડે ત્યારે કેવું આકરું લાગે?
ઑકટોબરની શરૂઆતમાં જુદા જુદા દેશોની સંસદના મહિલા સ્પીકરોની સાતમી મીટંિગ દિલ્હીમાં યોજાઈ હતી. યજમાન દેશ ભારતના મહિલા સ્પીકર મીરા કુમારે તેર દેશોની મહિલા સ્પીકરોને ખૂબ સુંવાળી અને સરસ બનારસી સિલ્કની સાડીઓ ભેટ આપી. ભેટ તો આપી પણ સહુની આંખો આશ્ચર્યથી ક્યારે પહોળી થઈ ગઈ ખબર છે? જ્યારે રાત્રે ડિનર પાર્ટીમાં તેર દેશોની મહિલા સ્પીકરો સાડીમાં સજ્જ થઈને આવી ત્યારે, સહુ વીઆઈપીઓની આંખોમાં સવાલ ડોકાતો હતો કે પરદેશી સ્પીકરોએ સાડી પહેરી કેવી રીતે હશે? પણ મીરા કુમારે સાડી પહેરાવવા માટે મહિલાઓની ટીમ તૈયાર રાખી હતી એટલું જ નહીં, સાડીને મેચંિગ બ્લાઉઝની પણ આગોતરી ગોઠવણ કરી જ રાખી હતી. ભારતીય પહેરવેશ સાડીમાં શોભતી પરદેશી સુંદરીઓનો ઠસ્સો જોઈને ઘણાં મનોમન ‘ગાઈડ’ ફિલ્મનું ગીત ગણગણ્યા હશે, ‘બદલે દુનિયા સારી (સાડી) તુમ ના બદલના...’
વાહ! પત્નીનું મંદિર
દિલ એક મંદિર હૈ... પ્યાર કી જિસમેં હોતી હૈ પૂજા યે પ્રીતમ કા ઘર હૈ... દિલ એક જ એવું મંદિર હશે જ્યાં કોઈ દાનપેટી નથી હોતી, કોઈ પૂજારી નથી હોતા કે ધરમને નામે કોઈ જાતના ધતીંગ નથી થતા. કહે છે ને કે માણસ દેરી બનાવવામાં મશગૂલ રહે એમાં જ ભગવાન સુધી પહોંચવામાં દેરી થઈ જાય છે. એટલે જ દિલના મંદિરને ધબકતું રાખનારા પણ આ દુનિયામાં પડ્યાં છે. હૈદરાબાદના એક પતિદેવે તો જેને દિલથી ચાહે છે એ પત્નીનું મંદિર બાંઘ્યું છે. પત્નીવ્રતા પ્રેમપુજારીનું નામ છે વેંકટેશ્વ્વર. પત્નીને કેટલા દિલથી ચાહતો હશે? જોકે મનમાં જરાક શંકા ઊઠે કે તેણે પ્રેમને લીધે મંદિર બાંઘ્યું હશે કે ભયને લીધે? કારણ કે આદિમાનવો વરસાદ, વીજના ગડગડાટ, સૂંસવાટા બોલાવતા પવન સાથેના તોફાનથી ભય પામતા એટલે પછી પ્રકૃતિની પૂજા કરવા માંડ્યા હતા. હૈદરાબાદ ના વહુભક્ત વરે પણ ભયને લીધે પત્ની-મંદિર બાંઘ્યું નહીં હોયને? કારણ સરકારમાં એવું જ ચાલે છે. પ્રેમ થાય છે વાતવાતમાં અને પછી એ પલટાઈ જાય છે ઝંઝાવાતમાં. પત્ની પૂજાય એમાં નવાઈ ન લાગવી જોઈએ. કારણ આ લોહશાહી દેશમાં વ્યક્તિ પૂજાની જ બોલબાલા છે.
જોકે હૈદરાબાદથી થોડા અંતરે આવેલા મેહુલા ગામે રાજેન્દ્રકુમાર નામાના દારૂડિયાએ પીવાના પૈસા મેળવવા માટે માત્ર પાંચ હજારમાં પત્નીને વેંચી નાખવાનો સોદો કર્યો હતો. ક્યાં ‘દિલ એક મંદિર’માં પ્રેમિકાના પતિને બચાવવા પ્રેમનું અને પોતાના જીવનું બલિદાન આપતા રાજેન્દ્રકુમાર અને ક્યાં પાંચ હજારમાં પત્નીનો સોદો કરતો રાજેન્દ્રકુમાર? નામમાં અને કામમાં કેવો ફેર?
કૌભાંડીની પાર્ટીના વડાને ભારતરત્ન અપાય?
પદ્મ-ભૂષણ મેળવવા ખાતર ઠેઠ અંદર સુધી ધૂસી ઇલકાબ મેળવી લેનારા પદ્મ-ધૂષણ આ દેશમાં ઓછા નથી. પરંતુ ‘ભારત-રત્ન’ જેવાં સર્વોચ્ચ નાગરિક સન્માન માટે દક્ષિણના અનેક રીતે ખરડાયેલા, હારેલા અને જેની પાર્ટીના કેન્દ્રીય પ્રધાને અને સાંસદ દીકરીએ જેલની હવા ખાવી પડી એ એમ. કરૂણાનિધિનું નામ આગળ કરવામાં આવે ત્યારે ખરેખર કરૂણા ઊપજે. જે નેતાની મંડળીએ જનતા તરફ કરૂણા દાખવ્યા વિના જાહેર નિધિ ઘરભેગી કરવામાં મણા ન રાખી હોય એને ભારત-રત્ન અપાય તો તો આ સર્વોચ્ચ સન્માનની પ્રતિષ્ઠા ઘૂળમાં રગદોળાશે. સાઉથના જ એક મેગેઝિનના અહેવાલ પ્રમાણે ડીએમકે પાર્ટીએ જો કરૂણાનિધિને ભારત-રત્ન એનાયત કરવામાં આવે તો બદલામાં કેન્દ્રીય કેબિનેટની પોસ્ટનું બલિદાન આપવાની તૈયારી દેખાડી છે. ટુ-જી સ્પેકટ્રમ ગોટાળામાં કરૂણાનિધિની આ પાર્ટીના જ ભૂતપૂર્વ કેન્દ્રીય પ્રધાન એ. રાજા અને પુત્રી કનોમોઝી જેલના સળિયા ગણી આવ્યા. હવે એ જ કનીમોઝી પિતાને ભારત-રત્ન મળે એ માટે દિલ્હીમાં લોબીંગ કરતી હોવાનું કહેવાય છે. જો કરૂણાનિધિને ‘ભારત-રત્ન’ એનાયત થાય તો અગાઉ આ સન્માન મેળવી ચૂકેલા મહાનુભાવોએ પોતપોતાના ખિતાબ પાછા આપી દેવા જોઈએ એવું નથી લાગતું? મારે છ લાઈનામાં એટલે જ કહેવું પડે છે કે ઃ
રતાંધળાથી જોખમી સત્તાંધળાને ખતાંધળા
કરશે દેશની અંતિમ-વિધિ
હોય ભલે ગમે તે પક્ષના
ખુલ્લેઆમ લૂંટે છે જનતાની નિધિ
કરૂણા ઊપજે એવી છે કલંકીઓની ટોળી
એમા એકલા શું કરે કરૂણા-નિધિ?
શંિગડાનો ભાવ ૩૫ લાખ રૂપિયે કિલો
આસામના કાઝીરંગા નેશનલ પાર્કમાં ટેન્ક જેવી મજબૂત કાયાવાળો એક શંિગી ગેંડો ધસમસતો સામેથી આવતો જોઈને ભલભલાની ફેં ફાટે. કમભાગ્યે આસામની ઓળખ બની ગયેલા આ ગેંડાનો ગેરકાયદે શિકાર થાય છે. ગઈ ૨૨થી ૨૫મી સપ્ટેમ્બર દરમ્યાન સાત-સાત ગેંડાને બેરહેમીથી મોતને ઘાટ ઉતારવામાં આવ્યા હતા એટલું જ નહીં ગેંડાના શંિગડાને મૂળમાંથી ઉખેડી શિકારીઓ લઈ ગયા હતા. ગેંડાનું શંિગડુ જ ખૂબ જ ઊંચી કંિમતે વેંચાતું હોવાથી એ શંિગડુ જ મોતનું કારણ બને છે. આંતરરાષ્ટ્રીય બજારમાં એક કિલો ગેંડાના શંિગડાના ૩૫ લાખ ભાવ બોલાય છે. તાજેતરમાં એક ગેંડાનું શંિગડું શિકારીઓએ મૂળમાંથી વાઢી નાખ્યું હતું અને જમણો કાન કાપી ગેંડાને લોહીલુહાણ હાલતમાં કણસતો મૂકી ગયા હતા. કેવી કારમી પીડા થતી હશે? શહેરોમાં પાંદડાં વીંટાળીને અને અર્ધનગ્ન થઈ જાતજાતના તમાશા કરતા પ્રાણીપ્રેમી સંગઠનોના નાટકિયાઓને આ ગેંડાની પીડાની ખબર નહીં હોય?
ખેર, ગેંડાના સંહાર સામે પહેલી જ વાર કોંગ્રેસી મુખ્ય પ્રધાન તરૂણ ગોગોઈની સરકાર સામે જબરજસ્ત જનઆક્રોશ ફેલાયો છે. જોકે વિપક્ષીઓ દાઢમાંથી કહે છે કે જે કોંગ્રેસી મુખ્ય પ્રધાન બોડો અને માઈનોરીટી વચ્ચેના હંિસાચાર વખતે લોકોને બચાવી ન શક્યા એ ગેંડાને શું બચાવવાના? વાત પણ સાચી છે, રાજકારણીઓની ચામડી તો ગેંડાના ચામડા જેવી જ હોય છેને?
ટેટૂથી અંતર રાખો છેટું
નવરાત્રિના તહેવારમાં દાંડિયારાસ રમવા જતી જુવાનડીઓ અને જુવાનિયાઓ જાતજાતના ટેટૂના ચિતરામણ કરીને રાસે રમતા જોવા મળ્યા હતા. મુંબઈ જેવાં શહેરોમાં તો તહેવાર હોય કે ન હોય, ટેટૂનું ચિતરામણ જાણે બારમાસી ફેશન થઈ ગઈ છે. પહેલાના વખતમાં ગામડામાં મહિલાઓ શરીરે છૂંદણાં છુંદાવતી કે ત્રાજવા ત્રોફાવતી. આજે દેશ અને દુનિયામાં ટેટૂનો ક્રેઝ છવાયો છે. ફોરેનની અમુક ચેનલો પર તો ખાસ ટેટૂ આર્ટીસ્ટોની કમાલ દેખાડતા ખાસ પ્રોગ્રામ જોવા મળે છે. રૂપકડી કન્યાઓ ગોરા બદન પર ખીચોખીચ ટેટૂ ચિતરાવીને અરીસા સામે ઊભી રહે ત્યારે ટેટૂ નહીં પણ રંગેલું ઘેંટુ જ લાગે. પણ આ ટેટૂપ્રેમી ફેશનપરસ્તો કદાચ નહીં જાણતા હોય કે ટેટૂ કરવા માટે વપરાતી સોઈ અને શાહીથી ચેપી રોગ થવાનું જોખમ હોય છે. અમેરિકાના ફૂડ એન્ડ ડ્રગ એડમિનિસ્ટ્રેશને જ ચેતવણી ઉચ્ચારી છે કે ટેટૂને લીધે ફેફસાંનાં, હાડકાના સાંધાના અને ચામડીના રોગ થઈ શકે છે.
સોઈ, શાહી અને રંગ પ્રદૂષિત હોય તો એનટીએમ એટલે કે નોનટ્યુબરકોલોસિસ માઈક્રોબેક્ટેરિયા વર્ગના જીવાણુઓ શરીરમાં પ્રવેશે છે. આ જ જીવાણુની એક પ્રજાતિ એમ. ચેલોનને કારણે ફેફસાનો ચેપ કે આંખોમાં ચેપ લાગી શકે છે તેમજ સાંધાનો દુઃખાવો થવા માંડે છે. શરીર ઉપર ઝીણી ઝીણી ફોલ્લીઓ પણ થવા માંડે છે. આ ચેપી બિમારીની સારવાર પાછળ ઓછામાં ઓછા છ મહિનાનો સમય અને કેટલાય પૈસા ખર્ચવા પડે છે, ટેટૂ પ્રેમીઓએ પોતે જ નક્કી કરવાનું છે કે હાથે કરીને ચેપ નોતરી ચેપ-લીન થવું છે કે પછી ટેટૂથી અંતર છેટું રાખવું છે?
પંચ-વાણી
છાશવારે ગોટાળાની ગાંઠ નીકળે છે
દરેક સોદાની પાછળ સાંઠ-ગાંઠ નીકળે છે

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
ઇન્ડિયા-એના ૩૬૯ના સ્કોર સામે ઈંગ્લેન્ડના ચાર વિકેટે ૨૮૬ રન

ભારતીય બોર્ડ ગાવસ્કર, કોહલી અને તેંડુલકરનું સન્માન કરાશે

ભારતની ટેસ્ટની ટીમને મજબુત બનતા હજુ વાર લાગશે ઃ ધોની
વરસાદના કારણે ન્યુઝીલેન્ડ અને શ્રીલંકા વચ્ચેની ટી-૨૦ પડતી મુકાઇ
પેરિસ માસ્ટર્સમાં ફેરરે ગ્રાનોલેર્સને હરાવ્યો ઃ સોંગાની પણ આગેકૂચ
દેશભરમાં ડેન્ગ્યુના હાહાકાર સામે શું પગલાં લીધા? ઃ દિલ્હી હાઈકોર્ટ
સી.બી.આઇ. તપાસમાં દોષીત ઠરેલા દસ ડૉકટરની માન્યતા રદ કરાશે

જૈન વિશ્વકોશના ભગીરથ કાર્યનો પ્રારંભઃ મુંબઈ બાદ આજે અમદાવાદમાં બેઠકો

સેન્ડીને કારણે ૫૦ હજાર બ્રિટીશ નાગરિકો યુએસમાં ફસાયા

સમુદ્રી તોફાન સેન્ડી અવકાશમાંથી પ્રચંડ દેખાય છેઃ સુનિતા વિલિયમ
ઓબામાએ દાખવેલુ નેતૃત્વ તેમને ફરી ચૂંટાવામાં મદદરૃપ થશે?

સેન્ડી વાવાઝોડામાં સોશિયલ મિડિયાની અસામાજિક બાજુ છતી થઇ

નેધરલેન્ડના રસ્તાઓ હવે રાત્રે આપોઆપ જગારા મારશે
સલમાન ખાન તેની આગામી ફિલ્મના આઈટમ ગીતમાં કરીનાને સ્પર્શ સુધ્ધાં નહીં કરે
યશ ચોપરા સાથેની જૂની દુશ્મની અજય દેવગણ હજુ સુધી ભૂલ્યો નથી
 

 

 

Gujarat Samachar Plus

દિવાળીની મઝા માણી લો...
મોબાઇલ ફોનનું વળગણ જીવલેણ નીવડી શકે
લગ્નમાં બોલિવૂડ થીમ ગુજરાતીઓમાં ફેવરિટ
'જાદુ કી ઝપ્પી'ના પાશ્ચાત્ય અવતાર સમી પાર્ટી
અમૃતા રાવનું મનપસંદ ફૂડ ફંડા....
 

Gujarat Samachar glamour

'ખિલાડી ૭૮૬'માં આઈટમ ડાન્સ કરે છે
ઐશ્વર્યા 'બેમિસાલ'ની રીમેકથી મોટા પરદે ચમકશે
સુભાષ ઘાઈ 'ઈશ્ક દે મારે' અને 'અપના સપના...' લઈને આવે છે
સોનમ શુટીંગમાં હરીયાણા જશે
રાની 'ચોથા'માં 'ઘરની વહુ'ની માફક કામ કરતી દેખાઈ
 
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved