Last Update : 30-October-2012, Tuesday

 
ચોરનો ભાઇ ઘંટી ચોર
તે ચૂલો ચોર્યો... તો મેં ઘંટી ચોરી
- લૂંટો ભાઇ લૂંટો! લૂંટો લૂંટો! લૂંટો!
- કોંગ્રેસના સલમાન ખુરશીદ હોય કે જમાઈ વાઢેરા હોય કે ભાજપના ગડકરી હોય કે યેદુરપ્પા હોય કે બાંગારૃ હોય કે રૃપાલા, સંઘાણી અને રૃપાણી હોય... બધા જ સરખા! (આવ ભાઇ હરખા આપણે બેઉ સરખા)
- સંઘ શું જોઇને આવી ભ્રષ્ટ વ્યક્તિને ભાજપનું સુકાન સોંપતો હશે?
- સંઘના કરોડો સ્વયંસેવકોમાંથી શું એકપણ સારો સ્વયંસેવક સંઘને મળતો નથી?
- સંઘને સારા સ્વયંસેવકની નહીં પણ ભ્રષ્ટ સ્વયંસેવકની જ જરૃર છે શું?

કોંગ્રેસ તો સડેલી છે જ અને હતી.
કોંગ્રેસ ભ્રષ્ટ પણ છે જ.
કોંગ્રેસ ભ્રષ્ટાચારીઓથી ભરેલી પણ છે.
કોંગ્રેસના પ્રમુખ ભ્રષ્ટાચારી નથી તો એમના જમાઇ ભ્રષ્ટાચારી છે.
કોંગ્રેસના વડાપ્રધાન ભ્રષ્ટાચારી નથી તો એના પ્રધાનો ભ્રષ્ટાચારી છે.
બોલો, કાયદાપ્રધાન સલમાન ખુરશીદ જેવા ભ્રષ્ટાચારી નીકળ્યા! એમનો મક્કા હજ માટે જવું છે તો વડાપ્રધાને એમને મક્કા જવાની મના કરી દીધી.
જોકે, કોંગ્રેસે કદી પોતે ભ્રષ્ટાચારી નહીં હોવાનો કે બધા જ પ્રમાણિક અને નિષ્ઠાવાન, દેશપ્રેમી હોવાનો પણ દાવો નથી કર્યો. કદી નથી કર્યો.
એટલો એ પ્રમાણિક.
જ્યારે ભાજપ? અને સંઘ?
બન્નેનો જન્મ રાજકારણ અને સમાજકારણને શુધ્ધ કરવા માટે થએલો અને બન્નેનો દાવો એવો છે કે અમારા જેવું દેશપ્રેમી અને પ્રમાણિક કોઇ નથી.
હવે ખબર પડી કે દેશપ્રેમ અને ભ્રષ્ટાચાર વિરોધના નામે સૌથી વધુ ભ્રષ્ટાચારી અને દેશદ્રોહી ભાજપના નેતાઓ અને સંઘના સ્વયંસેવકો જ છે.
દા.ત. ભાજપના છેલ્લા ત્રણ પ્રમુખ બાંગારૃ લક્ષ્મણ, આડવાણી અને ગડકરી... ત્રણેય સંઘના ચુસ્ત સ્વયંસેવક અને આડવાણી દેશદ્રોહી (એટલા માટે કે ભારત દેશ ભારત માતાના ટુકડા કરાવનાર જિન્હા જેવાની કબર ઉપર જઇને ફુલહાર કરવા અને એના દેશપ્રેમને બિરદાવવો એ દેશદ્રોહ નથી તો બીજું શું છે? કોંગ્રેસના આટલા બધા નેતા થયા, મુસ્લિમ નેતા પણ થયા પરંતુ એમનો એકે ય નેતા ઝીન્નાની કબરે નથી ગયો.) બાકીના બન્ને બાંગારૃ લક્ષ્મણ અને નીતીન ગડકરી બન્ને ભ્રષ્ટાચારી.
પાછા ભાજપ અને સંઘ બેશરમ એવા કે ભાજપનો રાષ્ટ્રીય પ્રમુખ બાંગારૃ લક્ષ્મણ ભ્રષ્ટાચાર કરતા રંગે હાથ પકડાયો તો પણ એને ફરી ભાજપનો પ્રમુખ બનાવવાનો અને લોકસભાની ચૂંટણી લડાવવાનો પ્રયત્ન થયો. (કેમ ભાઇ, ભાજપ સંઘમાં સારા માણસો ખૂટી ગયા છે? સંઘનું તો લાખો સ્વયંસેવકોનું સંગઠન છે પાછા બધા સર્વગુણસંપન્ન હોવાનો સંઘનો દાવો હોય છે તો પણ એને એક પણ હરિનો લાલા મળતો નથી? સંઘ આટલો બધો રંક છે શું?)
ગડકરી ઉપર તો ભ્રષ્ટાચારના અને ભ્રષ્ટાચારીઓને છાવરવાના આરોપો એમને બે વર્ષ પહેલાં પ્રમુખ બનાવ્યા ત્યારથી થતા રહ્યા છે તો પણ એ આક્ષેપોની ભાજપ દરકાર ન કરે પણ સંઘ પણ દરકાર ન કરે?... એ કેવું? સમાજ અને રાજકારણને શુધ્ધ કરવાનો જ જેનો ઉદ્દેશ્ય છે એ સંઘ જ કલંકિત વ્યક્તિને છાવરે? સંઘે કદી એના વડાને કે ઉપવડાને કે પ્રાંતના વડાને કલંકિત હોય તો પણ બેસાડયો છે ખરો? સંઘ શું, કોંગ્રેસ કે બીજા કોઇ રાજકીય પક્ષે પણ કલંકિત હોય એને માથે બેસાડયો છે? તો પછી સંઘ શા માટે? સંઘને શું ભ્રષ્ટાચારી ગડકરી કે બીજું કોઇ ભ્રષ્ટાચારી આર્થિક લાભ કરી આપે છે?
ગડકરીના ભ્રષ્ટાચારોનો મોટો પડદો તો હમણાં ખુલ્યો પણ એ પહેલાં નાના નાના પડદા તો બે વર્ષથી ખુલતા જ રહેલા. દા.ત. બાબુ સિંહ કુશવાહા અને અંશુમન સિંહને ભાજપમાં ગડકરીએ સન્માનિત કર્યા ત્યારે જ ભાજપમાંથી જ ગડકરીનો વિરોધ થએલો.
ગડકરી નાગપુરના એટલે વિદર્ભના. વિદર્ભ એટલે આપણા દેશમાં જ્યાં વધુમાં વધુ ખેડૂતો આત્મહત્યા કરે છે એ પ્રદેશ. ત્યાં છેલ્લા દસ વર્ષથી લગભગ અઠવાડિયાના એક-બે-ત્રણના હિસાબે આત્મહત્યા કરનારા ખેડૂતો છે. એમની આત્મહત્યા કરવાનું કારણ ગડકરી જેવા નેતા છે.
ભાજપના ઘણા નેતાઓની જેમ ગડકરીએ કદી મ્યુનિસિપાલિટીની કે વિધાનસભાની કે લોકસભાની ચૂંટણી લડી નથી. સંસદમાં એ પાછલા બારણેથી પણ નથી ગયા. (છતાં સંઘ એમને ભાજપની દેશભરની દોરી સંભાળીને ભાજપને જીતાડવાની જવાબદારી સોંપે! સંઘની કેવી લાચારી છે!)
મહારાષ્ટ્રમાં વિધાનસભાની જેમ વિધાન પરિષદ છે. એમાં ચૂંટણી લડવાની નથી હોતી પણ પક્ષ નામ નક્કી કરે એટલે એ ચૂંટાઇ જાય. વિધાન પરિષદની જેમ સંસદમાં રાજ્યસભા આપણા દેશના નાગરિકો ઉપર અબજો રૃપિયાનો ખોટો ખર્ચ છે એવો આ વિધાન પરિષદનો ખર્ચ છે. એવી વિધાન પરિષદ ગુજરાતમાં નથી પણ કેટલાક રાજ્યોમાં છે. એ શોભાના ગાંઠીયા જેવી જ છે પણ એનો અબજો રૃપિયાનો ખર્ચ આપણી કેડ ઉપર છે. એ બન્નેનો નાશ કરવાની ઝુંબેશ કોઇ ચલાવતું નથી.
એવી વિધાન પરિષદમાં સભ્ય થવાનું ઉમેદવારીપત્ર ગડકરીએ ૨૦૦૮માં કરેલી. એ વખતે ઉમેદવારીપત્રમાં ચૂંટણીના કાયદા પ્રમાણે ઉમેદવારે પોતાની સંપત્તિ જાહેર કરવાની હોય છે એમાં ગડકરીએ પોતાની સંપત્તિ ૫,૦૦,૦૦,૦૦૦ રૃપિયા જાહેર કરેલી. એ ઉપરાંત મોટરો અને કુલ સંપત્તિ ૩ કરોડ રૃપિયા જણાવી હતી. (એક પણ ઉમેદવાર... પછી ભાજપનો હોય કે કોંગ્રેસનો હોય પણ પોતાની સાચી મૂડી જાહેર કરતો જ નથી. છતાં આ કાયદાથી દરેક થોડાંક તો થોડાંક પણ ખુલ્લા તો પડે જ છે.)
ગડકરીની આ મિલકત પણ કોઇના ગળે ઉતરે એવી નથી. ખુદ ભાજપના કાર્યકરો, નેતાઓ, કહે છે કે... અમારા સાહેબ માટે ૫-૭ કરોડ રૃપિયા નહિં પણ ૫૦૦૦ કરોડ રૃપિયા પણ ચટણી ગણાય ચટણી! (થાળીમાં આખું ભાણું હોય એમાં ચટણી કેટલી હોય?)
વિદર્ભમાં તો ગમે ત્યાં જાવ અને કોઇ મિલકત જૂઓ તો... જનતા કહેતી હોય છે કે... ''એ તો ગડકરીની છે'' (જેમ રાજકોટમાં ગમે ત્યાં જાવ એટલે ભાજપના વજુભાઇ વાળાના નામે જ જમીનની માલિકી બોલતી હોય. અમરેલી તરફ ભાજપના રૃપાલા અને સંઘાણીનું નામ બોલાય.)
જ્યારે ગડકરી એને ''પબ્લીક પ્રોપર્ટી'' કહેતા હોય છે.
ગડકરીનું જે સામ્રાજ્ય છે એનો હિસાબ જૂઓ....
એના કારોબારમાં એક ''પૂર્તિ જૂથ'' નામનું છે. મરચા મસાલાથી માંડી ખાંડ, વિજળી સુધીનું ઉત્પાદન કારખાના કોંગ્રેસીઓના હતા. (ગુજરાતમાં જેમ સિંગતેલની મીલો હતી) હવે એ કારખાના પણ ગડકરીની આ પૂર્તિ કંપની જ ખરીદી લે છે. એવા સાકરના કારખાના નાગપુર ઉપરાંત ભંડારા અને વર્ધા જિલ્લામાં પણ સાકરના વધુ કારખાના ખરીદ્યા છે. વર્ધા જિલ્લાનું સાકરનું કારખાનું પહેલાં કોંગ્રેસના સંસદ સભ્ય દત્તા મેધેની માલીકીનું હતું. વર્ધા જિલ્લામાં દત્તા મેધે, પ્રફુલ્લ પટેલ, સુનીલ કેદાર, રણજીત દેશમુખ વગેરે બધા જ જૂના નવા કોંગ્રેસી સહકારી સંસ્થાઓ સાથે જોડાયેલા હતા. એ બધા સહકારી નેતાઓ સાથે ગડકરીના ''મધુર'' સંબંધ છે.
ગડકરી ખુદ કહે છે કે, ''શરદ પવાર સાથે મારી ઉઠબેસ છે. અમે સાથે મળીને ધંધો કરીએ છીએ. એ અમારા ચાર કામ કરે છે અને અમે એમના ચાર કામ કરીએ છીએ.'' (શરદ પવારનું ખાંડના કારખાનાઓ ઉપર સામ્રાજ્ય છે જેમાં ગડકરી આ રીતે ભાગીદાર છે. દેશમાં ખાંડના ભાવો વધારવાનું કે ઘટાડવાનું શરદ પવારના હાથમાં છે.)
આ કારણે જ કોંગ્રેસના કેટલાક નેતાઓના પુત્રો ભાજપના ધારાસભ્ય બને છે અને એ રીતે બન્ને બાજુનો લાભ લે છે.
ગડકરીનો બીજો મોટો કારોબાર પેપર મીલનો છે.
જમશેદજી તાતાએ ૧૮૭૭માં નાગપુરમાં એમ્પ્રોસ પેપર મીલ નામની કાગળ ઉત્પન્ન કરતી મીલ સ્થાપેલી. એક જમાનામાં એનું મોટું નામ હતું. ગડકરીએ એ મીલના પેપર ડીવીઝનને ''કામગાર યુનિયન''ના નામે એની માલિકી લઇ લીધી. બંધ પડેલી પેપર મીલને ફરીથી ચાલુ કરવાનું કર્યું પણ ખોટ બતાવીને એને ૨૦૦૦ની સાલમાં બંધ કરી દીધી. હવે અત્યારે એ એમ્પ્રોસ પેપર મીલની જગ્યાએ મોટો મોલ ઊભો કરવામાં આવ્યો છે. નાગપુરની સૌથી મોટી અને સૌથી ઊંચી ઈમારતોમાં એ ઈમારતનું નામ છે.
એ મોલની બાજુમાં ગડકરી મોલના નામે બીજો મોટો મોલ અત્યારે બની રહ્યો છે. ગડકરીના નાના પુત્ર નિખિલના લગ્ન હમણાં થએલા એનું જે રીસેપ્શન રાખવામાં આવેલું એ આ જગ્યાએ રાખવામાં આવેલું.
ગડકરીએ કો ઓપરેટીવનો ઉપયોગ કરીને (સહકારી ક્ષેત્ર આપણા દેશમાં ભ્રષ્ટાચારની ઊંડી અને મોટી ખાણ છે. દા.ત. ગુજરાત મહારાષ્ટ્રમાં સહકારી બેન્કોના ઓઠા નીચે ભાજપે અને કોંગ્રેસે ગરીબોની બચતના અબજો ખર્વો રૃપિયા ચાંઉ કરી નાંખ્યા છે અને સરકારો કશાં જ પગલાં નથી લેતી.) ૧૯૯૦માં પોલી ઈન્ડસ્ટ્રીઝની શરૃઆત કરેલી. ૧૦ વર્ષ પછી ખોટ બતાવીને એને પણ બંધ કરીને કરોડો રૃપિયા ચાંઉં કરી ગયા. અત્યારે એ કો-ઓપ. સોસાયટીની બધી મિલકતો ગડકરીની કંપનીઓના એક જૂથ હસ્તગત છે. એ કંપનીનું એક કારખાનું હિંગણા ઔદ્યોગિક ક્ષેત્રમાં ચાલે છે.
એમની એક કંપની અંત્યોદય ટ્રસ્ટ નામની ચાલે છે. ૧૯૮૦માં એની શરૃઆત કરેલી.
નિખિલ ફર્નિચર નામની એક બીજી કંપની પણ ગડકરીની ચાલે છે. (જે માણસ ધંધા વેપારમાં જ આ રીતે ગળાડૂબ હોય અને જેનો પહેરવેશ જ વેપારી ઢબનો હોય તથા જ્યાં ત્યાં જે વેપાર ધંધો નફો જ જોતો હોય એ માણસને સંઘ ભાજપનો પ્રમુખ કઇ રીતે બનાવી શકે... એની જ નવાઇ સંઘના હિતેચ્છુઓને થાય છે. ફરી એનો એ જ સવાલ કે સંઘના લાખો સ્વયંસેવકોમાં સંઘને આવા ગડકરી કે બાંગારૃ જેવા જ જડે છે?)
વિજય કેલા રામાની નામના જાણીતા વેપારી સાથે મળીને ગડકરીએ ૯૦ના દસકામાં આ નિખિલ ફર્નિચરની શરૃઆત કરેલી. ગડકરીના પુત્ર નિખિલના નામે જ એ કંપની છે. (અપૂર્ણ)
ગુણવંત છો. શાહ

 

શું વાત કરો છો ?
દેશમાં શિક્ષકોનો અભાવ
આપણી સરકારે શિક્ષણના અધિકારનો ખરડો પસાર તો કર્યો પણ દેશમાં શિક્ષકોનો અભાવ છે એનું શું ? ક્યાંક શિક્ષક છે તો વિદ્યાર્થી નથી અને ક્યાંક વિદ્યાર્થી છે તો શિક્ષક નથી. આ બીજી સ્થિતિ વધુ છે. દા.ત. અરૃણાચલમાં ૨૯ ટકા, રાજસ્થાનમાં ૧૬ ટકા, મધ્યપ્રદેશમાં ૧૩ ટકા, સ્કુલોમાં એક જ શિક્ષક છે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
ઇંગ્લેન્ડની ટીમનું આગમન ઃ આજથી ભારત 'એ' સામે ત્રણ દિવસની મેચ

પ્રવાસીઇંગ્લેન્ડનો કાર્યક્રમ

પંકજ અડવાણીએ રસેલને હરાવીને વર્લ્ડ બિલિયર્ડસ ટાઇટલ જીત્યું
ICC એ ડે-નાઇટ ટેસ્ટ મેચને મંજૂરી આપી ઃ રંગીન બોલનો ઉપયોગ થશે
સિડની ચેમ્પિયન બનશે તેવી મારી આગાહી ખરી નિવડતા ખુશી અનુભવું છું
સેન્સેક્ષનો આરંભિક ૧૧૮ પોઈન્ટનો સુધારો અંતે ધોવાયો
તહેવારોની માંગ પાછળ સોના-ચાંદીમાં ધીમો પણ મક્કમ સુધારો
ટેકસ હેવન રાષ્ટ્રો ખાતેથી એફડીઆઈમાં વધારો
રિઝર્વ બેંક વ્યાજ દરમાં કાપ મૂકે તેવા સંકેતો
પોલીસો રિક્ષામાં ૨૦૦ જીવંત કારતૂસ ભૂલી ગયા

સંસદનું શિયાળુ સત્ર શાંતિપૂર્ણ રહેશે તેવી સરકારને અપેક્ષા

રેવન્યૂ ડિપાર્ટમેન્ટે ટેક્સ વસૂલવા સર્વોચ્ચ અદાલતમાં જવાનું નક્કી કર્યું
'અહીં શસ્ત્રધારી પુરુષો ગમે ત્યારે આવીને સ્ત્રીઓ પર રેપ કરતા હતા'

કિંગફિશરની એરલાઇન્સની કટોકટીની અસર ખાનગી એરપોર્ટ ઓપરેટરને અસર કરશે

અમેરિકામાં જેનેરિક દવા લોન્ચ કરવા માટેની અરજી સાથે જ ૫૧૦૦૦ ડોલર સુધીની ફી ચૂકવવાની રહેશે
 
 

Gujarat Samachar Plus

દિવાળીની મઝા માણી લો...
મોબાઇલ ફોનનું વળગણ જીવલેણ નીવડી શકે
લગ્નમાં બોલિવૂડ થીમ ગુજરાતીઓમાં ફેવરિટ
'જાદુ કી ઝપ્પી'ના પાશ્ચાત્ય અવતાર સમી પાર્ટી
અમૃતા રાવનું મનપસંદ ફૂડ ફંડા....
 

Gujarat Samachar glamour

'ખિલાડી ૭૮૬'માં આઈટમ ડાન્સ કરે છે
ઐશ્વર્યા 'બેમિસાલ'ની રીમેકથી મોટા પરદે ચમકશે
સુભાષ ઘાઈ 'ઈશ્ક દે મારે' અને 'અપના સપના...' લઈને આવે છે
સોનમ શુટીંગમાં હરીયાણા જશે
રાની 'ચોથા'માં 'ઘરની વહુ'ની માફક કામ કરતી દેખાઈ
 
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved