Last Update : 29-October-2012, Monday

 

૨૦૧૪ની ચૂંટણી પૂર્વેની આ સંભવિત્ અંતિમ ફેરબદલ ઃ મનમોહન

 

(પીટીઆઈ) નવી દિલ્હી, તા. ૨૮
વડાપ્રધાન મનમોહનસિંહે આજે કેન્દ્રિય મંત્રીમંડળમાં કરાયેલા ફેરફાર બાદ જણાવ્યું હતું કે ૨૦૧૪ની સામાન્ય ચૂંટણીઓ પહેલાનું આ સંભવિત અંતિમ ફેરબદલ રહેશે. તેમણે વહેલી ચૂંટણીઓ યોજાવાની શક્યતાઓ પણ નકારી કાઢી હતી.
રાષ્ટ્રપતિ ભવન ખાતે ટૂંકા શપથગ્રહણ સમારોહ બાદ તેમણે જણાવ્યું હતું કે નવા મંત્રીમંડળમાં યુવા અને અનુભવી તેમજ વિભાગો સાથે સુસંગત ચહેરાઓનું મિશ્રણ છે. રાહુલ ગાંધી વિશે મનમોહનસિંહે કહ્યું હતું કે તેઓ અગાઉ પણ કહી ચૂક્યા છે કે રાહુલના મંત્રીમંડળમાં જોડાવાથી ખુશી થશે પણ તેઓ અન્ય કામગીરીમાં વ્યસ્ત છે અને રાહુલ પાર્ટીને મજબૂત કરવા માંગે છે.
સરકારના ભાવિ માર્ગ વિશે મનમોહનસિંહે જણાવ્યું હતું કે ભાવિપથ પડકારોથી ભરેલો છે પણ મને આશા છે કે નવી ટીમ એ પડકારોને પહોંચી વળશે. મનમોહન સિંહે
મંત્રીમંડળમાંથી પડતા મુકાયેલા મંત્રીઓ વિશે તેમણે કહ્યું હતું કે તેઓની સેવાની પક્ષને જરૃર છે. તેમણે જણાવ્યું હતું કે પક્ષને પણ મજબૂત કરવાનો છે અને અનુભવી વ્યક્તિઓ પક્ષને મજબૂત કરવામાં ઉપયોગી નીવડે છે.
ઉલ્લેખનીય છે કે મંત્રીમંડળની ફેરબદલ અગાઉ અંબિકા સોની, મુકુલ વાસનિક, એસ.એમ. ક્રિષ્ના, સુબોધકાંત સહાય, મહાદેવસિંહ ખંડેલા અને વિન્સેન્ટ પાલા જેવા મંત્રીઓએ રાજીનામા આપ્યા હતાં.

ખુર્શીદને બઢતી આપી વિદેશ પ્રધાન બનાવતા સમાજવાદી પક્ષ નારાજ
(પીટીઆઇ) નવી દિલ્હી, તા. ૨૮
કોંગ્રેસ નેતા સલમાન ખુર્શીદ પર ભ્રષ્ટાચારના આરોપો થયા પછી પણ તેમને બઢતી આપી વિદેશ પ્રધાન બનાવવાથી સમાજવાદી પાર્ટીએ નારાજગી વ્યક્ત કરી છે. ભાજપે જણાવ્યું હતું ચહેરો બદલવાથી કંઇ નહીં થાય, ચરિત્ર બદલવાની જરૃર છે.
ચહેરો નહીં ચરિત્ર બદલો ઃ ભાજપ ઃ ભ્રષ્ટ નેતાઓને બઢતી ઃ કેજરીવાલ
કેન્દ્રીય મંત્રીમંડળમાં થયેલા ફેરફાર અંગે મુખ્ય વિપક્ષ ભાજપે આજે જણાવ્યું હતું કે આ ફેરફારથી દેશને કોઇ લાભ થશે નહીં અને સાથે જે કોંગ્રસની છબીમાં પણ કોઇ સુધારો જોવા મળશે નહીં. યુપીએના પૂર્વ ઘટક તૃણમુલ કોંગ્રેસે જણાવ્યું હતું કે તૃણમુલનો વિરોધ કરવા માટે જ કોંગ્રેસ દ્વારા પશ્ચિમ બંગાળ કોંગ્રસનાં ત્રણ નેતાઓને પ્રધાન બનાવવામાં આવ્યા છે.
ઇન્ડિયા અગેન્સ્ટ કરપ્શનનાં કાર્યકર અરવિંદ કેજરીવાલે જણાવ્યું હતું કે આ ફેરફારે સરકારને ખુલ્લી પાડી દીધી છે કારણકે ભ્રષ્ટાચારમાં લિપ્ત નેતાઓને સંરક્ષણ આપવાની સાથે તેમને બઢતી આપવામાં આવી છે. તેમણે પણ જણાવ્યું હતું કે આ ફેરફારથી દેશને કોઇ લાભ થશે નહીં.
પંજાબના મુખ્યપ્રધાન અને અકાલી દળના નેતા પ્રકાશ સિંહ બાદલે જણાવ્યું હતું કે આ ફેરફારથી કોંગ્રેસને કોઇ ફાયદો થશે નહીં અને યુપીએ સરકારની છબીમાં સુધારો થશે નહીં.
ભાજપ પ્રવક્તા શાહનવાઝ હુસેને જણાવ્યું હતું કે મંત્રીમંડળમાં યુવાનોને સ્થાન આપવાની ધારણા હતી પરંતુ કેબિનેટમાં યુવાનોને સ્થાન આપવામાં આવ્યું નથી.

નવા પ્રધાનમંડળમાં
આંધ્રપ્રદેશને છ પ્રધાનો સાથે સૌથી વધુ પ્રતિનિધિત્વ મળ્યું
નવી દિલ્હી, તા. ૨૮
ચૂંટણીની દ્રષ્ટિએ કોંગ્રેસ માટે અતિ મહત્વના ગણાતા રાજ્ય આંધ્ર પ્રદેશને આજે થયેલી પ્રધાનમંડળની પુનર્રચનામાં મહત્તમ પ્રતિનિધિત્વ અપાયું છે. આ રાજ્યના પાંચ નવા ચહેરાઓને કેબિનેટમાં સ્થાન મળ્યું છે. જ્યારે એક પ્રધાનને કેબિનેટનો દરજ્જો મળ્યો છે.
આંધ્રના પાંચ નવા ચહેરાઓ ઃ એમ પલ્લમરાજુને માનવ સંસાધન
સૂત્રોના જણાવ્યા મુજબ કોંગ્રેસના સાંસદ એમએમ પલ્લમ રાજુને રાજ્યકક્ષાના સરંક્ષણ પ્રધાનમાંથી કેબિનેટનો દરજ્જો અપાયો છે. તેમણે હવે કપિલ સિબ્બલના સ્થાને નવા માનવ સંસાધન વિકાસ પ્રધાન બન્યા છે. આ ઉપરાંત તેલુગુ અભિનેતામાંથી રાજકારણી બનેલા કે. ચિરંજીવીને સ્વતંત્ર હવાલા સાથે રાજ્યકક્ષાના પ્રધાન બનાવાયા છે.
વર્ષ અગાઉ આંધ્રપ્રદેશમાં વાયએસઆર કોંગ્રેસના જગનમોહન રેડ્ડીએ કોંગ્રેસ સાથે છેડો ફાડયો હતો. તેમની ઈચ્છા પિતા વાય.એસ. રાજશેખર રેડ્ડીના અવસાન બાદ તેમના સ્થાને આંધ્રના મુખ્યપ્રધાન બનવાની હતી.
કેબિનેટમાં રાજ્યકક્ષાના પ્રધાન તરીકે સ્થાન પામેલાઓમાં કુર્નૂલના કોટલા જયસુર્યપ્રકાશ રેડ્ડી, મલકાજગિરિના સર્વે સત્યનારાયણ, મહેબુબાબાદના પોરિકા બલરામ નાયક અને શ્રી કાકુલમના કિલ્લિ કુપરાનિનો સમાવેશ થાય છે. આંધ્રના તેલંગણા, કાંઠા વિસ્તાર અને રાયલસીમા વિસ્તારોને કેબિનેટમાં પ્રતિનિધિત્વ મળ્યું છે.

વિવાદાસ્પદ વિધાનોથી ચર્ચામાં રહેલાં
જયરામ પાસેથી સફાઇનો હવાલો લઇ ભરતસિંહને સોંપાયો
(પી.ટી.આઇ) નવી દિલ્હી, તા. ૨૮
ખુલ્લામાં કુદરતી હાજતે જવાની પ્રથાને બંધ કરવા માટે રાષ્ટ્રવ્યાપી ઝુંબેશ હાથ ધરીને સફાઇના પ્રશ્નને લાઇમલાઇટમાં લાવનાર ગ્રામ્ય વિકાસ પ્રધાન જયરામ રમેશ પાસેથી તે હવાલો આજે લઇ લેવામાં આવ્યો છે. મંદિર અને ટોઇલેટ જેવા વિધાનો મારફતે વિવાદ પેદા કરનાર રમેશે આશા વ્યક્ત કરી છે કે તેમના અનુગામી તેમણે શરૃ કરેલી પહેલને સારી રીતે આગળ ધપાવશે.
મારા અનુગામી મારી પહેલને સારી રીતે આગળ ધપાવશેઃ રમેશ
વડાપ્રધાન મનમોહન સિંહે પીવાના પાણી અને સફાઇનો પોર્ટફોલિયો સ્વતંત્ર હવાલા સાથે ગુજરાતના સાંસદ ભરત સિંહ સોલંકીને આપ્યો છે. જુલાઇ ૨૦૧૧માં રમેશને આ વિભાગનો હવાલો આપવામાં આવ્યો હતો. આ પોર્ટફોલિયો ગુમાવ્યા બાદ તેઓ કેવો અનુભવ કરે છે તેવા સવાલના જવાબમાં રમેશે કહ્યું હતું કે 'મને ખાતરી છે કે મારા સારા મિત્ર ભરત સિંહ સોલંકી મારી પહેલને આગળ લઇ જશે અને પીવાના પાણી અને સફાઇના ક્ષેત્રે છેલ્લાં ૧૨ મહિનાથી શરૃ કરવામાં આવેલી કેટલીક પહેલને વિસ્તારશે.'
એક વર્ષ અગાઉ કેબિનેટની પુનર્રચના થઇ ત્યારે મુંબઇના કોંગ્રેસના નેતા ગુરૃદાસ કામતે નીચા પ્રોફાઇલનો પોર્ટફોલિયો સ્વીકારવાનો ઇન્કાર કરી દેતાં રમેશને આ પોર્ટફોલિયો સોંપવામાં આવ્યો હતો.
પોતાના કાર્યકાળ દરમિયાન રમેશે કેટલાક વિવાદાસ્પદ વિધાનો કરીને ચર્ચામાં રહ્યા હતા. મહિલાઓને ટોઇલેટનું મહત્વ સમજાવતાં તેમણે કહ્યું હતું કે જે ઘરમાં ટોઇલેટ ન હોય તે ઘરમાં લગ્ન ન કરશો.

 

કેબિનેટમાં યુવા અને અનુભવી ચહેરાના સમાવેશથી ઊદ્યોગ-જગત ખુશ
(પી.ટી.આઇ.) નવી દિલ્હી, તા. ૨૮
નવી કેબિનેટમાં નવા અને યુવા અને અનુભવી ચહેરાઓનો સમાવેશ કરવામાં આવ્યો હોવાથી ઉદ્યોગ જગત ખુશ છે. તેમનું માનવું છે કે આના કારણે હવે વીજળી જેવા માળખાગત ક્ષેત્રોને પ્રાથમિકતા મળશે અને તેનો ઉકેલ આવવાથી ઉદ્યોગ-જગતને વેગ મળશે.
વીજળી જેવા મહત્વના પ્રશ્નો ઉકેલાશેઃ એસોચેમ
જોકે તેઓ કમલનાથ જેવા સીનિયર નેતાને મહત્વની સંસદીય બાબતોના મંત્રાલયનો હવાલો આપી દેતાં સંસદની કામગીરી સરળતાપૂર્વક ચાલશે. જેના કારણે મહત્વના આર્થિક સુધારાના અમલીકરણ માટેનો માર્ગ મોકળો થશે. એસોચેમના સેક્રેટરી જનરલ ડી.એસ. રાવતે જણાવ્યું હતું કે 'આ એક આવકારદાયક પગલું છે.'
સરકાર અને વિરોધ પક્ષ વચ્ચે કેટલાક મુદાઓ પર સંસદનું ચોમાસુ સત્ર લગભગ ધોવાઇ ગયું હતું. ઉદ્યોગ સંગઠન સીઆઇઆઇના ડિરેક્ટર જનરલ ચંદ્રજીત બેનર્જીએ જણાવ્યું હતું કે મંત્રીમંડળમાં નવા ચહેરા જોઇને આનંદ થાય છે. યુવા અને અનુભવી ચહેરાઓનું સમતોલન જાળવી રાખવામાં આવ્યું છે.
ફિક્કીના પ્રમુખ આર.વી. કનોરિયાએ ઉમેર્યું હતું કે તેઓ વીજળી અને કંપની બાબતો જેવા મહત્વનો પોર્ટફોલિયો યુવાઓના હાથમાં સોંપવામાં આવ્યા હોવાથી ખુશ છે. એસોચેમના મહામંત્રીએ જણાવ્યું હતું કે વીજળી ક્ષેત્ર હાલમાં મુશ્કેલીમાં છે અને તેને સુધારવાની જવાબદારી યોગ્ય સમયે યુવા પ્રધાનને આપવામાં આવી છે. આ ક્ષેત્રના કેટલાક પ્રોજક્ટો તો નિયમનકારી અને પર્યાવરણીય મંજૂરીને કારણે અટકેલા છે.

પ.બંગાળ કોંગ્રેસમાંથી ત્રણ સાંસદોને કેન્દ્રીય મંત્રીમંડળમાં સ્થાન
(પીટીઆઇ) નવી દિલ્હી, તા. ૨૮
પશ્ચિમ બંગાળ કોંગ્રસના ત્રણ નેતાઓને કેન્દ્રીય મંત્રીમંડળમાં સ્થાન આપી કોંગ્રસે રાજ્યના સત્તારૃઢ પક્ષ તૃણમુલ કોંગ્રસ સામે ચારે તરફથી હુમલો કરવાના સંકેત આપ્યા છે. અધીર રંજન ચૌધરી અને દીપા દાસમુન્શીને મુખ્યપ્રધાન મમતા બેનર્જીના વિરોધી ગણવામાં આવે છે.
અધીર રંજન ચૌધરી અને દીપા દીસ મુન્શી મમતા બેનર્જીના કટ્ટર વિરોધી ગણાય છે
ઉલ્લેખનીય છે કે તૃણમુલ કોંગ્રસ બે મહિના અગાઉ જ યુપીએ સરકારથી અલગ થયો છે. ચૌધરી અને દીપા ઉપરાંત અબુ હાસેમ ખાન ચૌધરીને કેન્દ્રીય મંત્રીમંડળમાં સ્થાન આપવામાં આવ્યું છે. આ પગલાને મહત્ત્વપૂર્ણ ગણવામાં આવી રહ્યુ છે કારણકે રાજ્યમાં પંચાયતની ચૂંટણી થવાની છે અને મમતા કોંગ્રેસને હાંસિયામાં ધકેલી દેવા માંગે છે.
મમતાના પક્ષ તૃણમુલ કોંગ્રેસ અને કોંગ્રસના ગઠબંધને દોઢ વર્ષ અગાઉ પશ્ચિમ બંગાળમાં ડાબેરી સરકારને ઉખાડી ફેંકી દીધી હતી. ૭૪ વર્ષીય ખાન ચૌધરી માલદા દક્ષિણ ક્ષેત્રના સાંસદ છે. ૫૬ વર્ષીય અધીર રંજન બહરામપુર અને ૫૨ વર્ષીય દાસમુન્શી રાયગંજ વિસ્તારનાં સાંસદ છે.
પશ્ચિમ બંગાળમાં કોંગ્રસનાં ઇન ચાર્જ અને એઆઇસીસી નેતા શકીલ એહમદે જણાવ્યું હતું કે ત્રણેય નેતાઓને મંત્રી મંડળમાં સ્થાન મળવાથી હું ખુશ છું. આ નેતાઓ આ પદ માટે લાયક હતાં.

 

નવા ખાણમંત્રી બનેલા
દિનશા પટેલે શિયાળુ સત્રમાં ખાણબિલ પસાર થવાની આશા વ્યક્ત કરી
(પીટીઆઇ) નવી દિલ્હી, તા. ૨૮
નવા ખાણ મંત્રી તરીકે વરણી પામેલા દિનશા પટેલે આજે આશા વ્યક્ત કરી હતી કે સંસદના શિયાળુ સત્રમાં નવું માઇન્સ બિલ પસાર થઇ જશે કે જેથી આદિવાસી વિસ્તારોના વિકાસનો માર્ગ મોકળો થાય અને ગેરકાયદે ખાણપ્રવૃત્તિને નિયંત્રણમાં લઇ શકાય.
બિલથી આદિવાસી વિસ્તારોના વિકાસમાં અને ગેરકાયદે ખાણકામને ડામવામાં મદદ મળશે
દિનશા પટેલે કહ્યું હતું કે ''એમએમડીઆર બિલનો મુસદ્દો સ્ટેન્ડિંગ કમિટી પાસે છે. મને આશા છે કે તે શિયાળુ સત્રમાં પસાર થઇ જશે. એક વખત આ કાયદો બન્યા બાદ આદિવાસી વિસ્તારોના વિકાસમાં મદદરૃપ બનશે.'' દિનશા પટેલને ખાણ મંત્રાલય સોંપાયું એ અગાઉ તેનો હવાલો વડાપ્રધાન મનમોહનસિંહ પાસે હતો.
માઇન્સ એન્ડ મિનરલ ડેવલપમેન્ટ એન્ડ રેગ્યુલેશન (એમએમડીઆર) બિલ, ૨૦૧૧ મુજબ ૨૬ ટકા કોલસાનું ખોદકામ કરનારા અને યોજના સ્થળે સંકળાયેલા લોકોને વહેંચવાની જોગવાઇ છે. બિલ મુજબ નોન-કોલ માઇનર્સ દ્વારા રાજ્ય સરકારોને ૧૦૦ ટકા રોયલ્ટી ચૂકવવાની જોગવાઇ પણ છે. પટેલે કહ્યું હતું કે બિલ પસાર થયા બાદ અંતરિયાળ આદિવાસી વિસ્તારોના વિકાસનો માર્ગ પણ મોકળો થશે કારણ કે તેમાં નફાની વહેંચણી દ્વારા જિલ્લા વિકાસની જોગવાઇ પણ છે. તેમણે કહ્યું હતું કે રાજ્ય સરકારોને પણ લગભગ બમણી રોયલ્ટી મળશે. દિનશા પટેલે ઉમેર્યું હતું કે નવા બિલમાં ગેરકાયદે ખાણ પ્રવૃત્તિઓને રોકવાની જોગવાઇઓ પણ છે અને તેના દ્વારા આવા દૂષણોને ડામી શકાશે.
ઉલ્લેખનીય છે કે ગુજરાતના ખેડા મતક્ષેત્રનું પ્રતિનિધિત્વ કરતા દિનશા પટેલ અગાઉ પણ માઇક્રો, સ્મોલ એન્ડ મિડિયમ એન્ટરપ્રાઇઝિસ (એમએસએમઇ) જેવા ઘણા ખાતાં સંભાળી ચૂક્યા છે.

 

 

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
'ઝંજીર'ની રિમેક માટે રિમિક્સ નહીં પણ નવું ગીત બનાવાશેઃ નિર્માતા
અણ્ણા તેમની ચળવળમાં આમિરખાનને જોડવા માગે છે
રાજકુમાર હિરાનીની ફિલ્મમાં રણબીર અથવા શાહિદને લેવાશે
ફિલ્મો કરવાનો એકમાત્ર ઉદ્દેશ નાણાં નથીઃ ઈમરાન હાશ્મી
અભિનેતા ડિનો મોરિયાનાં ઘરમાં થયેલી ચોરીનો કેસ ફોન- ટ્રૅકરથી ઉકેલાયો
એફ-વન રેસિંગ ઃ વેટલ સતત બીજા વર્ષે ઈન્ડિયન ગ્રાં પ્રિમાં ચેમ્પિયન

ફોર્મ્યુલા વન રેસમાં સ્પોર્ટસ સ્ટાર્સ, બોલીવુડ સેલિબ્રિટીઝનું આકર્ષણ

ભારતના રૃપેશ શાહે બીજી વખત વર્લ્ડ બિલિયર્ડઝ ટાઇટલ જીત્યું
કોંગ્રેસ પક્ષમાં પુનર્ગઠન થશે રાહુલને બઢતી મળવાની પુરી શક્યતા
રોબર્ટ વાઢેરા પરના આક્ષેપો અંગે સોનિયા ગાંધીનું મૌન

ખુર્શીદને બઢતી આપી વિદેશ પ્રધાન બનાવતા સમાજવાદી પક્ષ નારાજ

ફિઝાની બહેનોએ તેની સંપત્તિ પર કોર્ટ સમક્ષ દાવો કર્યો
જયરામ પાસેથી સફાઇનો હવાલો લઇ ભરતસિંહને સોંપાયો
એફ-૧ ઃ રેસર્સ રેસમાં અલોન્સો પર વેટલની ૧૩ પોઇન્ટની સરસાઇ
ફેડરરને હરાવી પોટ્રો બાસેલમાં ચેમ્પિયન બન્યો
 
 

Gujarat Samachar Plus

ચીટિંગ કરનારા પર છૂપી જાસૂસી કરવા માટે 'ચીટ્સ એપ' થશે ઉપયોગી
ટ્રેન્ડી આઉટફીટ વીથ ટ્રેડિશનલ ટચ
ગુલાબી શિયાળાને રંગીન બનાવતા જેકેટ્સ
અજમાવો પાતળા રહેવાના સરળ ઉપાય
એક નૂર આદમી, હજાર નૂર કપડાંમાં તથ્ય છે
 

Gujarat Samachar glamour

પ્રિયંકાએ એકતા કપૂરની ફિલ્મ સાઇન કરી
દીપિકા 'રામલીલા'માં દેશી ગુજરાતી યુવતી બની છે
પાકિસ્તાનમાં 'જબ તક હૈ જાન' ઉપર પ્રતિબંધ...?
મેરા નંબર કબ આયેગા- રાની
રણબીરે એડ માટે ૨૦ કરોડ માંગતા કરાર કેન્સલ
 
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 

 

 
 
Gujarat Samachar © 2012 All Rights Reserved