Last Update : 27-October-2012, Saturday

 

IRS પત્ની અને બે બાળકોનું નાનું કુટુંબ
દેશના રાજકારણીઓની આંખમાં કણાની જેમ ખૂંચતા કેજરીવાલ

 

- પક્ષ રચવા વ્યૂહાત્મક રીતો અજમાવે છે ઃ મધર ટેરેસાના સેવાકાર્યોથી પ્રભાવિત

 

રાજકીય પક્ષોની આંખમાં કણાની જેમ ખૂંચતા અરવંિદ કેજરીવાલ લડાયક મૂડમાં છે. જે રાજકારણીઓના સામ્રાજ્યને કોઈ સ્પર્શી ના શકે તેમને અરવંિદ કેજરીવાલે કોલરથી પકડયા છે. ઇન્ટરનેટ પર બ્લોગ અને ટવીટર દ્વારા મુવમેન્ટ કરવાના બદલે આ માણસે સીધો જ જંતર-મંતરનો માર્ગ પકડયો હતો. અરવંિદ કેજરીવાલે કોંગ્રેસ અને ભાજપના નેતાઓને નારાજ કર્યા છે. રાજકારણીઓના મતે આ માણસ પ્રેકટીકલ નથી અર્થાત્‌ કશું બાંધછોડ કરવા તૈયાર નથી.
ભ્રષ્ટાચાર વિરોધી ઝુંબેશના અસલી હિરો અણ્ણા હજારે સુષુપ્ત અવસ્થામાં છે. તેમનાથી છુટા પડેલા અરવંિદ કેજરીવાલે રાજકીય સિસ્ટમ પર એટલા બધા આક્ષેપો કર્યા છે કે ભ્રષ્ટાચાર વિરોધી તખ્તા પર તેમણે અણ્ણા હજારેને ભૂલાવી દીધા છે. એક તબક્કે અણ્ણા હજારે ગુરૂ હતા અને અરવંિદ કેજરીવાલ તેમના ચેલા તરીકે ઓળખાતા હતા. આજે આ ચેલો ગુરુ કરતાં સવાયો બની ગયો છે. ટૂંકમાં ભ્રષ્ટાચાર વિરોધી ઝુંબેશનો તખ્તો અરવંિદ કેજરીવાલે આંચકી લીધો છે.
કેજરીવાલે વ્યૂહાત્મક રીતે પ્રગતિ કરી છે. અણ્ણા હજારેથી છુટા પડયા પછી તેમનું નામ ભૂંસાઈ જાય એવી સ્થિતિમાં હતું. તેમના રાજકીય પક્ષની રચનાનો આઇડયા પણ પડી ભાંગે તેમ હતો. અણ્ણા હજારેએ શરૂ કરેલી મુવમેન્ટનો આઇડયા અરવંિદે લઇ લીધો હતો અને તેના સ્ટીયરીંગ પર બેસી ગયા હતા.
અરવંિદ કેજરીવાલ વારંવાર એવું કહેવા મથે છે કે દેશના મુખ્ય બે રાજકીય પક્ષો કોંગ્રેસ અને ભાજપ અંદરખાને મળેલા છે અને બંને ભ્રષ્ટાચારમાં ડૂબેલા છે. પ્રજાનું ઘ્યાન અન્યત્ર દોરવા માટે કેજરીવાલે ભ્રષ્ટાચાર વિરોધી તખ્તાને રાજકીય ટચ આપવો શરૂ કર્યો હતો. તેમણે કોંગ્રેસ અને ભાજપના મોટા માથાઓને ટાર્ગેટ બનાવીને પોતે બધાથી પર છે તેમ દર્શાવવાનો પ્રયાસ શરૂ કર્યો હતો.
અરવંિદ કેજરીવાલ નથી માથેથી પકડાતાં કે નથી પગથી પકડાતાં. તે કોઇની સામે કોર્ટમાં કેસ કરવા નથી માગતા કે નથી તો પોતાની પાસેના ડોકયુમેન્ટના આધારે કોઇ રાજકારણી સામે એફઆઈઆર કરવા માગતા.
વઢેરાના કેસમાં અને ગડકરીના કેસમાં ચોળીને ચીકણું કરાતું હોય એમ દેખાઈ આવતું હતું. ઘણી ચેનલો પાસે તો કદાચ પ્રશ્નો ખૂટી ગયા હોય તેમ લાગતું હતું. જે મુદ્દે કેજરીવાલ એમ કહે છે કે ભ્રષ્ટાચાર થયો છે તે મુદ્દે ભાજપ રદીયો આપે છે. બંને એકબીજા પર કેસ કરવા તૈયાર નથી.
સુષ્મા સ્વરાજે સાચું જ કહ્યું છે કે અરવંિદ કેજરીવાલ આક્ષેપોમાં વાઘ આવ્યો રે વાઘ જેવી સ્થિતિ થવાની છે. અરવંિદ એન્ડ કંપની દ્વારા થતા આક્ષેપો ઘૂળ ઉડાડવા સમાન છે. ભાજપના પ્રમુખ ગડકરીએ તેને ‘ચિલ્લર’ પ્રકારના દર્શાવ્યા છે. લોકો પણ ધીરે ધીરે આ બાબતે સંમત થઇ રહ્યા છે.
ગાંધી પરિવારના જમાઇ રોબર્ટ વઢેરા અંગે ઉહાપોહ સર્જનાર કેજરીવાલ ગડકરીના કિસ્સામાં બહુ લાભ ઉઠાવી શકયા નહોતા. ભાજપના નેતાઓએ ખુલાસા વાર ચર્ચા કરીને આક્ષેપોનો છેદ ઉડાડી દીધો હતો. જો કે એક એક પ્રોગ્રામ માટે પ્રયાસો કરતી ટીવી ચેનલોને તો આ મફતનો મસાલો મળી ગયો હોય એમ દેખાતું હતું.
૪૪ વર્ષના સામાન્ય બાંધાના અરવંિદ કેજરીવાલની પત્નીનું નામ સુનિતા છે. તે પણ આઇઆરએસ છે અને કેજરીવાલની બેચમાં હતા. કેજરીવાલને એક પુત્રી અને એક પુત્ર છે. પુત્રી બારમાં અને પુત્ર છઠ્ઠા ધોરણમાં ભણે છે. ૨૦૦૦માં કેજરીવાલે પરિવર્તન નામનું એનજીઓ શરૂ કરીને સ્લમ વિસ્તારમાં કામગીરી શરૂ કરી હતી. તેમની કામગીરીના સંદર્ભમાં તેમને ૨૦૦૬માં મેગ્સેસે એવોર્ડ મળ્યો હતો.
ત્યારબાદ કેજરીવાલે આઇઆરએસની નોકરીમાંથી રાજીનામું આપીને એવોર્ડમાં મળેલા નાણાથી પ્રજાના કામ માટે રીસર્ચ ફાઉન્ડેશન ઉભું કર્યું હતું. ત્યારે તે ચળવળકાર અરૂણા રોયની કામગીરીથી પ્રભાવિત થયા હતા.
ઉત્તર ભારતના એક નાના શહેરમાં ઉછરેલા અને હિસ્સારમાં સ્કૂલનું શિક્ષણ લેનાર અરવંિદ કેજરીવાલે ખટગપુર ખાતે ઇન્ડિયન ઇન્સ્ટીટયુટ ઓફ ટેકનોલોજીનું શિક્ષણ લઇને ૧૯૮૯માં ટાટા સ્ટીલમાં જોડાયા હતા. ત્યાર બાદ સિવિલ સર્વિસની પરીક્ષા આપી હતી. આ પરીક્ષાનું પરિણામ આવે તે દરમ્યાન કેજરીવાલ કલકત્તામાં મધર ટેરેસાને મળ્યા હતા અને તેમની સાથે સેવા માટે જોડાવા ઇચ્છા વ્યકત કરી હતી.
૧૯૯૨માં તે ઇન્ડિયન રેવન્યુ સર્વિસમાં (IRS) જોડાયા હતાં. ત્યાં ઇન્કમટેક્ષ ડિપાર્ટમેન્ટમાં તેમને પોસ્ટીંગ મળ્યું હતું. ઇન્કમટેક્ષ ખાતાની છાપ એવી છે કે ત્યાં ટોપથી બોટમ ભ્રષ્ટાચાર થાય છે. પરંતુ કેજરીવાલે એક મુલાકાતમાં જણાવ્યું હતું કે કર્મચારી ઇચ્છે તો પ્રમાણિત રહી શકે છે.
અણ્ણા હજારે એ તૈયાર કરેલી ટીમ વેર વિખેર થઇ ગઈ છે. અરવંિદની ટીમમાં પ્રજા ભરોસો મુકવા તૈયાર નથી. બધાએ અણ્ણા હજારેમાં ઉપવાસની તાકાત જોઇ હતી પરંતુ અરવંિદના આક્ષેપોની તાકાત વન ડે ગેમ જેવી છે. જેનો ચાર્મ દિવસ ઉતરતાં ઉતરી જાય છે. તાત્કાલીક રીતે છવાઇ જવાની ઉતાવળમાં અરવંિદ માર ખાઇ રહ્યા છે.
આક્ષેપોના નવા શિકાર શોધવાના બદલે અરવંિદે પ્રજાનો વિશ્વાસ જીતવાના પ્રયાસો કરવાની જરૂર છે.

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
BCCI ના સેન્ટ્રલ કોન્ટ્રાક્ટમાં અશ્વિન એ-ગ્રેડમાંઃહરભજન સિંઘની પડતી

શ્રીનિવાસનની કૃપાથી સન ટીવીને IPL ની ટીમ મળી છે ?

IPLની ચારમાંથી એક પણ ટીમ ચેમ્પિયન્સ લીગની ફાઇનલમાં ન પહોંચી
દિલ્હી ડેરડેવિલ્સને હરાવીને લાયન્સ ચેમ્પિયન્સ લીગની ફાઇનલ પ્રવેશ્યું
એફ-વનઃયુવરાજ-સાનિયા સહિત બોલીવુડ સ્ટાર્સ આકર્ષણ જમાવશે

છેલ્લા ઓપિનિયન પોલમાં રોમ્ની ઓબામા કરતાં આગળ નીકળી ગયા

સિટી ગૂ્રપના ચેરમેન ચાર માસથી વિક્રમ પંડિતને હટાવવા માગતા હતા
યુક્રેનમાં ટોપલેસ પ્રદર્શનોથી ચૂંટણીમાં કોઇ ચમત્કાર સર્જાશે?
પૂર્વ સાંસદ હંસપાલને કોર્ટે રૃા. પાંચ લાખનો દંડ ફટકાર્યો
ટીવી એક્ટ્રેસે શૂટિંગમાં આડેધડ કાર હંકારતાં બાળકનું મોત થયું

રેસ કાર ઉપર ઇટાલીના ધ્વજ ફરકાવવાના નિર્ણયથી ભારત નારાજ

કિંગફિશર કર્મચારીઓના પગારની ચૂકવણી આંતરિક સ્ત્રોતો દ્વારા થશે
ગડકરી વિરુદ્ધના આરોપોમાં તથ્ય લાગે છે ઃ શિંદે
યુએસમાં આકાશમાંથી શિકારી પક્ષીના ચાંચમાંથી શાર્કનું બચ્ચું છટક્યું
મ્યાનમારમાં બૌદ્ધો-મુસ્લિમ વચ્ચેનાં રમખાણોમાં ૧૦૦થી વધુનાં મોત થયાં
 

 

 

Gujarat Samachar Plus

ચીટિંગ કરનારા પર છૂપી જાસૂસી કરવા માટે 'ચીટ્સ એપ' થશે ઉપયોગી
ટ્રેન્ડી આઉટફીટ વીથ ટ્રેડિશનલ ટચ
ગુલાબી શિયાળાને રંગીન બનાવતા જેકેટ્સ
અજમાવો પાતળા રહેવાના સરળ ઉપાય
એક નૂર આદમી, હજાર નૂર કપડાંમાં તથ્ય છે
 

Gujarat Samachar glamour

પ્રિયંકાએ એકતા કપૂરની ફિલ્મ સાઇન કરી
દીપિકા 'રામલીલા'માં દેશી ગુજરાતી યુવતી બની છે
પાકિસ્તાનમાં 'જબ તક હૈ જાન' ઉપર પ્રતિબંધ...?
મેરા નંબર કબ આયેગા- રાની
રણબીરે એડ માટે ૨૦ કરોડ માંગતા કરાર કેન્સલ
 
 
 
 
 
 
 

Gujarat Samachar POLL

 

જસપાલ ભટ્ટી

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

Calendar 2012-13

પૂર્તિઓ

 
 
Gujarat Samachar © 2012 All Rights Reserved