Last Update : 25-October-2012, Thursday

 

વિશ્વનો મંત્રમુગ્ધ કરનારું સંગીત તે પ્રેમનું છે !
મોઈરાએ સાઘ્વી બનવાને બદલે સેવિકા થવાનું પસંદ કર્યું !

ઇંટ અને ઇમારત - કુમારપાળ દેસાઇ

 

 

કહાં ગઈ વો અમન-ચૈન કી જંિદગી હમારી,
ઉજડા હુઆ સા અપના ચમન દેખ રહા હૂં,
અબ તો ભડક ઊઠી હૈ આગ મેરે વતનમેં,
જહાં નજર ડાલૂં સિર્ફ કફન દેખ રહા હૂં.

ઈરાકના બગદાદ શહેરમાં આવેલા અનાથાશ્રમની બહાર શેરીમાં બૂટ-ચંપલના જૂને-પુરાણા ખોખામાં એક નવજાત શિશુ મળી આવ્યું અને અનાથાશ્રમના સ્વયંસેવકો એનો આશરો આપવા લઈ આવ્યા. એમણે એ શિશુ પર નજર કરી, તો એનો ચહેરો વિચિત્ર લાગતો હતો. એનાં અંગો વિકસિત નહોતાં. એને હાથ કે પગ કશું નહોતું. આવો બાળક માંડ ગણતરીના શ્વાસ કાઢશે, એવો અંદાજ હતો.
કંિતુ કુદરત જેને જીવાડવા ઈચ્છે છે, એને કોઈ મારી શકતું નથી અને કુદરત જેને જીવાડવા ઈચ્છતી નથી, એને કોઈ બચાવી શકતું નથી.
માતા-પિતાએ આવા હાથ-પગ વગરના બાળકોને રસ્તે રઝળતા મૂકી દીધાં હતાં, કારણ કે એમની પાસે આવા વિકલાંગોને ઉછેરવાની હંિમત કે ધૈર્ય નહોતા. એથીય વઘુ એમના જીવન પર આવાં બાળકો બોજરૂપ લાગતા હતા. વળી આવા અવિકસિત અંગોવાળા બાળકોને ઊછેરીને મળવાનું પણ શું ? આવી ગણતરી મૂકતા એના માતા-પિતાના હૈયાને સહેજે કંપારી થઈ નહીં. એક ખોખામાં મૂકીને એમણે જંિદગીના બાકીના શ્વાસ પૂરા કરવા માટે ત્યજી દીધા.
બગદાદના જીર્ણશીર્ણ અનાથાશ્રમમાં ઈમેન્યુલને શ્વાસ લેવાની તો સગવડ મળી, પરંતુ જંિદગીના પડકારો ઝીલવા માટેની અનુકૂળ પરિસ્થિતિ નહોતી. આ સમયે દયાની દેવી મોઈરા કેલી ઓસ્ટ્રેલિયાથી યુદ્ધગ્રસ્ત એવા ઈરાકના અનાથાશ્રમમાંથી ઈમેન્યુલ અને એના ભાઈ અહેમદને સારવાર માટે ઓસ્ટ્રેલિયા લઈ આવી.
ઓસ્ટ્રેલિયામાં આવ્યા પછી ઈમેન્યુલે સારવાર અને સાધનોના સહારે નવજીવનનો પ્રારંભ કર્યો. એણે અભ્યાસ શરૂ કર્યો. એના મનમાં પહેલેથી જ એક તમન્ના હતી કે મારે કામયાબ ગાયક બનવું છે અને આને માટે એ અથાગ પ્રયત્ન કરવા લાગ્યો. મોઈરા કેલી એના આ સંતાનસમા બાળકને એની ઈચ્છાના ક્ષેત્રમાં આગળ વધવા માટે અવિરત ઉત્સાહ આપવા લાગી.
વ્યવસાયી ગાયક બનવાની પોતાની ઈચ્છાને લક્ષ્ય બનાવીને આંતરિક બળ અને સંકલ્પશક્તિથી ઈમેન્યુલ પોતાનો માર્ગ કરતો ગયો. ગયે વર્ષે ૨૦૧૧ની ૨૯મી સપ્ટેમ્બરે રીયાલિટી શો ‘ધ એક્સ ફેક્ટર’ની ખુલતી રાત્રીએ મેલ્બોર્નમાં ઈમેન્યુલે પોતાની રચના પ્રસ્તુત કરી. એની આ રચના સાંભળીને સહુ કોઈની આંખમાંથી અશ્રુધારા વહેવા લાગી.
એ સમયે ઉત્કૃષ્ટ ગાયકની નિર્ણાયક સમિતિના એક સભ્ય રોનાલ્ડ કેટંિગ તો ઈમેન્યુલે પ્રસ્તુત કરેલી ઈંગ્લેડના વિખ્યાત ગાયક અને ગીત લેખક જ્હોન લેનોનની કલાસિકલ રચના ‘ઈમેજિન’ની હૃદયસ્પર્શી રજૂઆતથી એવા તો દ્રવી ગયા કે એમણે નિર્ણય આપતાં પૂર્વે નિખાલસપણે સ્વીકાર કર્યો કે જંિદગીમાં આજ સુધી ક્યારેય કોઈ પ્રસ્તુતિ સાંભળીને હું આટલો બધો દ્રવિત થયો નથી.
એ રાત્રે તાળીઓના ગડગડાટ અને જોશીલા હર્ષઘ્વનિ સાથે ઈમેન્યુલને સહુએ વધાવી લીધો અને એની ‘ધ એક્સ ફેક્ટર’ના ઓડિશન દરમ્યાનની વિડિયોની વીસ લાખ લોકોએ સમીક્ષા કરી અને માત્ર છ મહિનાના ગાળામાં તો એક કરોડ અને દસ લાખનો વિરાટ જનસમુદાય ઈમેન્યુલના ગાન પર વારી ગયો. પછી તો ઈમેન્યુલ કેલીએ એક જ વર્ષમાં ત્રણ કરોડ લોકોના હૃદયમાં સ્થાન મેળવ્યું અને ફેસબૂક પર એના ચાહકોનો ધસારો થવા લાગ્યો.
મહાન કલાસિકલ રચના ‘ઈમેજિન’ના રચયિતા સ્વ. જ્હોન લેનોનની પત્ની અને ૧૯૭૧માં આ ગીતના આલ્બમના સહનિર્માત્રી યોકો ઓનો તો આ ગીત સાંભળીને એટલા બધા પ્રભાવિત થયા કે એમણે કહ્યું કે આજે જ્હોન લોનોન નથી, પરંતુ તારી આ રચના સાંભળીને એ જ્યાં હશે, ત્યાં ગૌરવ અનુભવતા હશે.
એક ગાયક તરીકે ઈમેન્યુલની ચાહના જગતવ્યાપી બનતી ગઈ. આ ઈમેન્યુલે પોતાનાં બે ગીત રજૂ કર્યા અને એનું પહેલું ગીત એણે એની પાલક માતા મોઈરા કેલીને અર્પણ કર્યું. એને પૂરો અહેસાસ છે કે જો મોઈરા કેલીનું વાત્સલ્ય એને મળ્યું ન હોત, તો એ આજે શ્વાસ લેતો ન હોત અને ક્વચિત્‌ શ્વાસ લેતો હોત, તો લાચાર જંિદગી માટે માત્ર સતત નિઃશ્વાસ નાખીને જીવન બસર કરતો હોત.
મોઈરા કેલી પાસેથી એને જીવન મળ્યું પણ એથીય વિશેષ મોઈરાને ત્યાં બીજાં વિકલાંગ બાળકોને જોઈને ઈમેન્યુલને લાગ્યું કે એની વિકલાંગતા તો આ અન્ય બાળકોની વિકલાગતાની સરખામણીમાં કશી વિસાતમાં નથી. એની પડકાર ઝીલવાની હંિમત વધી ગઈ. એણે જોયું કે મોઈરા આ સહુ બાળકોને અગાધ પ્રેમ કરતી હતી. આ સમયે ઈમેન્યુલે અનુભવ્યું કે એક ગાયક તરીકે સુંદર અવાજ પ્રાપ્ત કરવા માટે પ્રયત્ન કરે છે, પણ આ જગતમાં સહુને મંત્રમુગ્ધ કરે તેવું કોઈ સંગીત હોય તો તે પ્રેમનું સંગીત છે. પ્રેમ સહુ કોઈને જીતી લે છે.
ઈમેન્યુલને માટે જંિદગી એટલે સંઘર્ષ. સતત અવરોધો આવતા જાય અને અવરોધોનો પડકાર ઝીલવા પ્રયત્ન કરતો જાય. એ માને છે કે ઊંચાં સ્વપ્નો સિદ્ધ કરવા માટે મહાકાય વિષમતાઓનો સામનો કરવો જોઈએ. એના જીવનની મથામણો, મૂંઝવણો, પ્રયાસો એ બઘું એની આ વાતનો જીવંત ચિતાર આપે છે.
જ્યારે સંગીતથી ઈમેન્યુલ એ સંદેશો આપવા માગે છે કે આ એક એવી કલા છે કે જે સરહદ, દેશ, ધર્મ અને સંસ્કૃતિના સીમાડાઓને ઓળંગીને વિશાળ જનસમૂહ પર અસર કરે છે. જગત આખું ચંિતાના બોજથી દબાયેલું છે. માણસના મન માનસિક તનાવથી અત્યંત ક્ષુબ્ધ રહે છે, ત્યારે ઈમેન્યુલ આત્મવિશ્વાસથી કહે છે કે તરવરતો યુવાન હોય કે આધેડ વયનો આદમી હોય, એ બધાને જગાડી જાય એવો સ્પર્શ એના સંગીતમાં છે.
ઈમેન્યુલની આપવીતી એ માટે અનોખી છે કે આ માનવીએ વિશ્વભરના સંગીત-ચાહકો પર અજબનું કામણ કર્યું છે, પરંતુ એ કહે છે કે કદાચ મારો અવાજ કે દેખાવ ઉત્કૃષ્ટ ન હોય, પણ મારામાં એક પ્રકારનું દુનિયા કાજે ગાવાનું જોશ અને જોમ છે. એ કહે છે કે મારા સંગીત દ્વારા હજારો વ્યથિત લોકોના હોઠ પર મારે સ્મિત લાવવું છે અને સ્વપ્નશીલ બાળકો અને યુવાનોને એમ બતાવવું છે કે તમે સ્વપ્ન સેવો છો, તેમાં ક્યારેય પાછા પડશો નહીં. જંિદગીનું મુખ્ય ઘ્યેય તો ઊંચાં સ્વપ્નો જોવાનું, એને સાકાર કરવા માટે પરિશ્રમ કરવાનું અને અંતે મહાન સિદ્ધિ પામવાનો અધિકાર પ્રાપ્ત કરવાનું છે.
પોતાની જીવન સંઘર્ષની વાત કરતા ઈમેન્યુલ પોતાની કરુણામયી માતા મોઈરા કેલીનું એ સ્મરણ કરે છે.
આ ઓસ્ટ્રેલિયન યુવતી મોઈરા કેલી પણ અલગ મિજાજ, અલગ અંદાજ અને આગવું ખમીર ધરાવતી નારી છે. ૧૯૬૪ની ૩૧મી જાન્યુઆરીએ ઓસ્ટ્રેલિયાના મેલબોર્ન શહેરમાં જન્મેલી મોઈરા કેલીને માત્ર આઠ વર્ષની વયે જ પોતાના આદર્શની પ્રાપ્તિ થઈ. એ સમયે એણે મધર ટેરેસા પરનું દસ્તાવેજ ચિત્ર જોયું અને એ ડોક્યુમેન્ટ્રીએ મોઈરાના મનમાં અનેક સંચલનો સર્જ્યા. એ નિશાળમાં અભ્યાસ કરવા માટે જતી ત્યારે એની પ્રાથમિક શાળાની બાજુમાં જ વિકલાંગો અને અશક્ત બાળકો માટેની શાળા આવેલી હતી. આઠ વર્ષની મોઈરા પોતાની પ્રાથમિક શાળાનો કોટ કુદીને બાજુમાં આવેલી શાળામાં જતી અને રિસેસના ગાળામાં સમાજથી બહિષ્કૃત બાળકોની પાસે જઈને એમને પોતાને હાથે નાસ્તો કરાવતી હતી.
આવા બાળકોને વઘુ ને વઘુ મદદરૂપ થવા માટે એના મનમાં એમને વિશે જાણવાની વધુ ઉત્કંઠા જાગી. એણે ખાસ મદદનીશ શિક્ષિકા બનવાનો અભ્યાસક્રમ પસંદ કર્યો અને એ પછી મોઈરાએ સાઘ્વી બનવાને બદલે સેવિકા બનવાનું પસંદ કર્યું અને પહેલું કામ પોતાના જ વતન ઓસ્ટ્રેલિયાના ગરીબ આદિવાસી બાળકોની સહાય માટે કર્યું. વિકાસની તેજ રફતાર ધરાવતા ઓસ્ટ્રેલિયામાં આદિવાસી પ્રજાની ઘોર ઉપેક્ષા થઈ. એમને એમની ભૂમિથી વેગળા કરવામાં આવ્યા. આને પરિણામે એનાં બાળકોની સ્થિતિ તો એવી બદતર બની કે જેની કલ્પના કરવી મુશ્કેલ બને !
૧૮ વર્ષની મોઈરા પશ્ચિમ ઓસ્ટ્રેલિયાના આદિવાસીઓ વચ્ચે રહીને કામ કરવા લાગી. ૨૧મા વર્ષે એના મનમાં થયું કે એકવાર મારા જીવનના આદર્શ સમાન મધર ટેરેસાને પ્રત્યક્ષ મળીને જીવનપંથ નક્કી કરૂં. એમની નિકટ રહીને સેવા-ભાવનાના મર્મને પામું. પરંતુ ઓસ્ટ્રેલિયાથી ભારત આવવા માટે મોઈરા પાસે પૈસા નહોતા. એણે એની મોટર વેચીને ભારતની ટિકીટ ખરીદી, મધર ટેરેસાના આશ્રમમાં છ મહિના સુધી રહીને સેવા અને માનવતાના પાઠ શીખી. એના વિઝાનો સમય પૂરો થતાં, છ મહિના બાદ એ ઓસ્ટ્રેલિયા પાછી ફરી, પરંતુ હવે એની આંખમાં નવી ચમક હતી અને મનમાં અનોખી મુરાદ હતી.
સમાજના તરછોડાયેલા, રખડતા, તિરસ્કૃત, અવિકસિત અંગોવાળાં અને વિકલાંગ બાળકો માટે કામ કરવાનું શરૂ કર્યું. આવાં બાળકોને ‘નોબડી’ઝ ચિલ્ડ્રન’ કહેવામાં આવે. એણે આવાં અનાથ બાળકોને મદદ કરવા માટે બોસનિઆ અને હેરઝેગોવિનામાં આવેલી નિર્વાસિતોની છાવણીમાં કામ કરવાનું શરૂ કર્યું. યુદ્ધ સમયે આ બંને દેશો વચ્ચે સામસામે થયેલા તોપમારાને કારણે અનેક લોકો માર્યા ગયા હતા. એમનાં મકાનો કાટમાળ બની ગયાં હતાં અને એમનાં બાળકો રઝળતા હતાં. આવાં બાળકોને આરોગ્ય, શિક્ષણ અને આનંદ આપવાની જવાબદારી મોઈરાએ સંભાળી અને પાંચેક વર્ષ સુધી અનાથ બાળકો અંગેના પ્રાદેશિક કાર્યક્રમની ડાયરેક્ટર તરીકે કાર્ય કરીને અનુભવ મેળવ્યો.
આ સમય દરમ્યાન યુદ્ધને પરિણામે ગંભીર રીતે ઘવાયેલા અથવા તો સારવારના અભાવે માંદગીને કારણે પીડાતા લોકોને દરિયાપારની હોસ્પિટલમાં મોકલવાની વ્યવસ્થા કરવાનો પ્રારંભ કર્યો. મોઈરા કેલીની અનોખી વાત એ છે કે એ જે કોઈ સ્થળે સેવાકાર્ય માટે જાય, ત્યાં જો પૂરતા સાધન-સગવડ ન હોય તો એમને ઓસ્ટ્રેલિયામાં લાવીને પોતાને ત્યાં વસાવે છે. આવાં બાળકોને લાવવા માટેની સગવડ અને એમના આરોગ્યની સંભાળ લેવા માટેનો ખર્ચ મેળવવાનો પ્રયાસ કર્યો.
આ બાળકોને જીવન અર્પવાનું હતું અને એ પણ કશાય ફળની આશા વિના. મોઈરાએ જોયું કે જુદા જુદા દેશમાંથી બાળકોને લાવીને ઓસ્ટ્રેલિયામાં એકત્ર કરવા એ થોડું મુશ્કેલ હતું. આથી એણે અમેરિકા, કેનેડા અને આર્યલેન્ડની હોસ્પિટલો અને ડોક્ટરો સાથે નેટવર્કંિગ શરૂ કર્યું, યુદ્ધગ્રસ્ત અને બેહાલીમાં જીવતાં દેશમાંથી આરોગ્યની ગંભીર સમસ્યા ધરાવતાં બાળકોને લાવીને એમને સારવાર આપવાનું આયોજન કર્યું.
ડોક્ટરો અને હોસ્પિટલોએ મોઈરા કેલીની સેવાભાવનાનો હૃદયપૂર્વક સ્વીકાર કર્યો અને આવાં બાળકોને એમના દેશમાંથી લાવવા લઈ જવા માટે થતો વાહન ખર્ચ ઉપાડવા માટે ઘણા દાતાઓ સામે ચાલીને આવ્યા.
મોઈરા કેલીના આવા અસાધારણ આયોજન બદલ એને ઓસ્ટ્રેલિયા અને વિશ્વસમાજની સેવાના સંદર્ભ ‘ઓનર ઓફ ઓસ્ટ્રેલિયા’ના ખિતાબથી સન્માન આપવામાં આવ્યું, એટલું જ નહીં પણ એના જનરલ ડિવિઝનના ઓફિસર તરીકે મોઈરાની નિમણૂંક થઈ.
આજે તો મોઈરાના કાર્ય અંગે તૈયાર થયેલી ત્રણ ડોક્યુમેન્ટ્રી ફિલ્મ એના સેવાકાર્યનો જીવંત ચિતાર આપે છે. એમાંની એક ફિલ્મમાં એના આલ્બેનિયાના સેવાકાર્યની વાત છે અને બીજી ફિલ્મોમાં હાથપગ વગરના બે નાનકડા ઈરાકી છોકરાઓ અહેમદ અને ઈમેન્યુલની કથા છે. તેનું નામ છે ‘બ્રધર્મ ઈન આર્મ્સ’. મોઈરાનું ફાઉન્ડેશન જગતના દેશોમાંથી ગંભીર બીમારીમાં કે શારીરિક મર્યાદાઓમાં સપડાયેલાં બાળકોને એકત્રિત કરે છે. હવે એ બીજા દેશોમાં બીમારીથી પીડાતા બાળકોને માટે મેડિકલ ટીમ પણ મોકલે છે. આજે મધર ટેરેસા નથી, પરંતુ મોઈરામાં લોકો એમને નિહાળી રહ્યા છે !

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
અશ્લીલ ભાષા વાપરતી એફએમ ચેનલો સામે સરકારની લાલ આંખ
સુપ્રીમના ચુકાદા પછી હાઈકોર્ટ રીવ્યુ પીટીશન સ્વિકારી શકે?

કિંગફિશરના સ્ટાફે ચાર મહિનાના પગાર માટે કાલ સુધીની મુદ્દત આપી

મારો ગુરૃ કાગઝી સાઉદીના જેદ્દારના મદરેસામાં શિક્ષક છે ઃ જુંદાલ
દેવનાર કતલખાનામાં ૭૭ લાખનાં હંગામી શેડ અંગે શિવસેના-ભાજપ સામસામા

ફેસબુકના વેચાણમાં ૩૨ ટકાનો વધારો થવા છતાં ૫.૯ કરોડ ડોલરની ખોટ

કોસ્ટા રિકામાં ૬.૬ની તીવ્રતાનો શક્તિશાળી ભૂકંપ
પોપ છ બીન યુરોપિય કાર્ડિનલની નિમણુંક કરશે
ચેમ્પિયન્સ લીગ ઃ આજે દિલ્હી અને લાયન્સ વચ્ચે સેમિ ફાઇનલ

ગંભીરની બડાઇઃઓપનર તરીકે તો હું અને સેહવાગ શ્રેષ્ઠ છીએ

ભારતમાં ફોર્મ્યુલા કાર રેસિંગમાં ગયા વર્ષ જેટલો રોમાંચ નથી
યુવરાજ ઈંગ્લેન્ડ સામેની ત્રણ દિવસની પ્રેક્ટિસ મેચમાં રમશે
ઓસ્ટ્રેલિયાના ક્રિકેટરના ડ્રગ કૌભાંડમાં બોર્ડે ભીનુ સંકેલી લીધું હોવાની શંકા

૮૮ ટકા હોમ મેડ પોર્નોગ્રાફી વિડિયો ઇન્ટરનેટ પર મૂકાય છે !

એન્ડ્રોઈડ આધારિત એપ્લિકેશનોમાં અંગત માહિતી લીક થવાનો ભય
 

 

 

Gujarat Samachar Plus

ડ્રેસ ચેન્જની સાથે જ્વેલરી પણ ચેન્જ
લ્હાણીની પરંપરા આજે પણ શેરીઓમાં જળવાઇ રહી છે
'રાઉડી ગબ્બર' સાથે 'કેવી રીતે જઇશ અંબાજી'
આઠમ-નોમના નૈવેધમાં અટવાતા મુસાફરો
૧૫૦ ગોલ્ડ પ્લેટથી તૈયાર થયું ૧૯ ફૂટનું મંદિર
 

Gujarat Samachar glamour

જેકલિન - સાજીદ ખાનની લવસ્ટોરી મજબૂત બને છે
શ્વેતા તિવારી છુટાછેડાથી ખૂશખૂશાલ-અભિનવ કોહલી સાથે લગ્ન કરશે
આલિયા ભટ્ટ માટે કરણનો પત્ર, અમૂલ્ય-ભેટ છે
રાષ્ટ્રગીત માટે 'બિગબોસ-૬' ફસાયું!
સેફીના 'પીપલ્સ ચોઈસ એવોર્ડ્સ'માં લગ્ન બાદ પ્રથમવાર દેખાશે
 
 
 
 
 
 
 

Gujarat Samachar POLL

 

આઇ ફેસ્ટ-૨૦૧૨નો પ્રારંભ

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved