Last Update : 06-October-2012, Saturday

 
વિદેશી કંપનીઓને આમંત્રણ આપવાની નીતિ સામે ખોટી કાગારોળ ઃ છેલ્લા ૧૦ વર્ષમાં આપણે ભારતીયોએ દુનિયાની ૪૦૦ કંપનીઓ ખરીદી છે અને લાગમળે વોલ માર્ટને પણ ખરીદી લે એવા આપણા સાહસિકો છે
- આપણા છૂટક વેપારીઓ પેઢીઓથી આપણને માલમાં અને દામમાં લૂંટતા હતા એની ખબર મોલો આવ્યા પછી પડી!
- ગુજરાતના મોલો જોકે 'કેરીબેગ'ના રૃપિયા પડાવીને ગ્રાહકોને લૂંટે છે

કદાચ બહુ લોકો નહીં જાણતા હોય પણ નવાઈ લાગે એવું છે કે, છેલ્લા દસ વર્ષમાં આપણા ભારતીયોએ દુનિયાની લગભગ ૪૦૦ કંપનીઓ ખરીદી લીધી છે. (એફડીઆઈ એટલે કે વિદેશી રોકાણકારો અંગેની મનમોહનસિંહની નીતિનો વિરોધ કરનારા આનો વિરોધ કેમ નથી કરતા? હવેની દુનિયા 'ગ્લોબ લાઈઝેશ'ની દુનિયા છે. દુનિયા એ રીતે સાંકડી થઈ ગઈ છે. થોડાંક વર્ષોમાં આપણે મંગળ કે ચન્દ્ર કે ગુરુ ગ્રહ ઉપર ઘર બાંધીશું એનું શું? એક મોબાઈલ ફોને માનવી માનવીને કેટલો નજદીક લાવી દીધો છે એ તો જુઓ! મોબાઈલની નોકીયા કંપની કે સામસુંગ કંપની ભારતની આપણા દેશની છે? તો એનો વિરોધ કેમ નથી કરતા?)
દા.ત. આદિત્ય બિરલા ગુ્રપની હિન્દાલકો ઈન્ડસ્ટ્રીઝ લિમિટેડે ૨૦૦૭માં દુનિયાભરમાં સૌથી વધુ એલ્યુમિનિયમ ઉત્પાદન કરનાર કંપની નોવાલિસને ખરીદી લીધેલી. એને ખરીદવા માટે આદિત્ય બિરલાએ ૪,૦૦,૦૦,૦૦,૦૦૦ ડોલર એટલે કે ૨,૯૦,૦૦,૦૦,૦૦,૦૦૦ રૃપિયા આપેલા. (પેલા અત્યારે વિરોધ કરનારા ત્યારે ક્યાં ગયા હતા? આ વિદેશી કંપની ખરીદવાનો પણ વિરોધ કરવો જોઈએ ને?)
એ પછી એ જ બિરલા જુથે ૨૦૧૧માં અમેરિકાની કોલંબિયા કેમિકલ કંપની પણ ખરીદી લીધી છે. કોલંબિયા કેમીકલ કંપની ૧૦૦ વર્ષ જૂની છે અને એને ખરીદ્યા પછી બિરલા જૂથ દુનિયામાં કાર્બન બનાવનાર સૌથી મોટી કંપની બની ગઈ છે.
એ પહેલાં ૨૦૦૦ની સાલમાં ચા બનાવનાર દુનિયાની સૌથી મોટી કંપની ટેટલે ટીની માલિકી લઈને દુનિયાને ચોંકાવી દીધેલી.
એ વખતે ટાટા ટી કંપની ૫૭૦ કરોડ રૃપિયાની કંપની હતી અને ટેટલે તાતા કરતાં ત્રણગણી મોટી કંપની હતી અને એની મૂડી કિંમત ડોલર ૪૫ કરોડ એટલે ૨૨,૫૦,૦૦,૦૦,૦૦૦ રૃપિયા હતી.
એ પછી તાતા જૂથે કૂદકા જ મારવા લાગ્યા અને એ પછીના દસકામાં તાતા જૂથે નાની મોટી ૪૦ જેટલી કંપનીઓ ખરીદી! એમાં સૌથી મોટી માલિકી ૨૦૦૬માં કોરસ નામની યુરોપની સૌથી મોટી સ્ટીલ કંપની ખરીદી એ હતી. તાતાએ કોરસ કંપની ખરીદવા ડોલર ૭ અબજ ૬૦ કરોડ એટલે લગભગ ૩૬૬૫૦૦૦૦૦૦૦૦ રૃપિયા ખર્ચેલા! (આટલી રકમ વિદેશોમાં ગઈ... એમ કહીને કોઈએ એટલે ભાજપે કે મમતાએ વિરોધ કેમ ન કર્યો? આટલા બધા રૃપિયા આપણા દેશમાં વાપર્યા હોય તો કેટલા બધા ઉદ્યોગો થાય? એટલા કેટલા બધા બેકારો ઓછા થાય?)
આની માલિકી લેવા સાથે તાતા દુનિયાના પાંચમા નંબરના સ્ટીલના ઉત્પાદક થઈ ગયા.
એ પછી ૨૦૦૮માં જ્યારે દુનિયામાં મંદી ચાલી રહી હતી ત્યારે તાતા જૂથે દુનિયામાં મોંઘા ભાવની મોટરો બનાવનાર કંપની જ્ગુઆર અને લેન્ડગ્રેવર ખરીદી!
એ જગુઆર અને લેન્ડગ્રેવર ખરીદવા માટે તાતાને ડોલર ૨,૨૦,૦૦,૦૦,૦૦૦ એટલે કે રૃપિયા ૧,૧૦,૯૨,૦૦,૦૦,૦૦૦ આપેલા.
આ ત્રણ મોટી કંપનીઓની માલિકી તાતાએ લીધી એ પહેલાં તાતાનો કુલ વહીવટ ડોલર ૯,૦૦,૦૦,૦૦,૦૦૦ એટલે ૪૩૪૦૦૦૦૦૦૦૦૦ રૃપિયા હતો. જે પછી ડોલર ૭૨,૦૦,૦૦,૦૦,૦૦૦ એટલે ૩૭,૨૦,૦૦,૦૦,૦૦,૦૦૦ રૃપિયા થયો છે.
આ પછી તાતાએ ૨૦૧૧માં મીઠાનું ઉત્પાદન કરનાર બ્રિટનની બ્રિટિશ સોલ્ટ કંપની ખરીદી.
આપણા આ સાહસિકો બીજા ક્ષેત્રોમાં પણ વિદેશી કંપનીઓ ખરીદવામાં પડેલા છે. દા.ત. હમણા ૨૦૧૨માં ન્યુયોર્કની પ્રતિષ્ઠિત હોટલ 'ધી પ્લાઝા'ને સહારા જૂથે ખરીદી. ૧૦૫ વર્ષ જુની આ હોટલમાં મહાન સાહિત્યકાર અર્નેસ્ટહેમિંગ્વે, મહાન ફિલ્મ નિર્માતા આલ્ફ્રેક હિચકોક, મહાન રૃપસુંદર અભિનેત્રી માર્લિન મનરો જેવાઓની ગમતી હોટલ છે. એ હોટલ ૧૯ માળની છે. જેમાં ૧૦૦ વિશાળ અને ભવ્ય સ્યુટ છે, ૧૩૦ મોટા મોટા કમરા છે, મલ્ટી બ્રાન્ડેડ શોપીંગ મોલ છે જેમાં મશહુર બ્રાન્ડોના સ્ટોર ખુલ્યા છે.
સહારા જૂથે આ સોદાને મોરેશ્યસમાં આવેલી પોતાની એમ્બીવેલી લિમિટેડના નામે પાર પાડયો છે. સહારા જૂથ સુપર લકઝરી હોસ્પિટાલીટી સિગમેન્ટ તરફ આ રીતે આગળ વધી રહ્યું છે.
આ પહેલાં ૨૦૧૦માં લંડન ધી ચેરીયટ હોટેલ જૂથની ગ્રીસવેનર હાઉસ હોટલ હસ્તહત કરેલી. એ ડોલર ૭૨.૬ કરોડ એટલે ૩૬૩૦ કરોડ રૃપિયામાં ખરીદેલી. સહારાના એક ભાગીદાર સંતસિંહ ચટવાલે ન્યુયોર્કમાં જ એક બીજી હોટલ ડોલર ૬૭ મિલિયન (૪૮૩ કરોડ રૃપિયા)માં ખરીદી છે.
આ ઉપરાંત તાતાની તાજ હોટલ જૂથે વિદેશોમાં પણ પોતાનો વિસ્તાર ફેલાયો છે. ૨૦૦૭માં એણે બોસ્ટનમાં હોટલ રિટ્ઝ કાર્લટનને ૧૭ કરોડ ડોલર એટલે કે ૮૫૦ કરોડ રૃપિયામાં ખરીદેલી.
આપણા દેશની જે કંપનીઓ પરદેશમાં કંપનીઓ ખરીદે છે એમાં સુભાષ ચન્દ્રાની એસ્સેલ કંપની પણ એક છે એસ્સેલે સ્વીટ્ઝરલેન્ડની પ્રોપેક નામની પેકેજીંગ કંપની ૨૦૦૦માં ખરીદેલી. એ પછી જ એસ્સેલ કંપનીની લેમિનેટેડ ટયુબઝ પેકેજીંગ કંપની પેકેજીંગની ક્ષેત્રમાં દુનિયાની નંબર વન કંપની બની ગઈ છે.
દવાઓ બનાવનાર આપણા દેશની રેનબક્સી નામની કંપનીએ ૨૦૦૬માં એક જ અઠવાડિયામાં દુનિયામાં દવા નિર્માતા ત્રણ મોટી કંપનીને ખરીદીને ચોંકાવી દીધેલા. રેનબક્સીએ ઈટલીની કંપની ગ્લેક્સોસ્મીથ લાઈનની પેટા કંપની એલન રોમાનિયા દેશની સૌથી મોટી દવા કંપની ટેરાપિયા અને બેલ્જીયમની ઈથિમ્ડ એનબીને હસ્તગત કરેલી.
વેદાંતા જૂથની સ્ટરલાઈટ ઈન્ડસ્ટ્રીઝે ૨૦૦૮માં તાંબું કાઢનાર કંપની એસેક્રોને ૨.૬ અબજ ડોલરમાં હસ્તગત કરી હતી.
આપણા દેશની કોઈ કંપની પરદેશની કંપનીને આવડી મોટી રકમ આપીને ખરીદનાર આ બીજી કંપની છે. આ કંપની હસ્તગત કર્યા પછી સ્ટરલાઈટ કંપની તાંબુ ઉત્પાદન કરનાર દુનિયાની ત્રીજા નંબરની કંપની બની ગઈ છે.
૨૦૧૧માં જ્યારે દુનિયાભરમાં મંદી હતી ત્યારે આપણા દેશની રીલાયન્સ ઈન્ડસ્ટ્રીઝે જુલાઈ ૨૦૧૧માં બ્રિટનની બીપી એટલે બ્રિટીશ પેટ્રોલિયમ કંપનીમાં લગભગ ૩૦ ટકા ભાગીદારી ડોલર ૭.૨ અબજમાં હસ્તગત કરી હતી. એ પછી એક મહિના બાદ એસ્સાર જૂથની એસ્સાર એનર્જીએ બ્રિટનની સ્ટેનલો રીફાઈનરી ડોલર ૩૫ કરોડમાં હસ્તગત કરી હતી.
એ પછી મહિન્દ્રા એન્ડ મહિન્દ્રાએ દક્ષિણ કોરિયાની સેસાંગયાંગ નામની મોટર કંપની ૭૦ ટકા ભાગીદારી ડોલર ૪૬.૩ કરોડમાં ખરીદી હતી.
એ પહેલાં મહિન્દ્રાએ જર્મનીની મોટર કંપની સ્કોનવેસિસની ૯૦ ટકા ભાગીદારી હાંસલ કરેલી.
સરકારી કંપનીઓ પણ આ બાબતમાં પાછળ નથી. દા.ત. ઓએનજીસીએ ૨૦૦૯માં લંડન ઈમ્પિરીયલ એનર્જીને ડોલર ૨ અબજમાં હસ્તગત કરી હતી.
આમ, જ્યારે દુનિયાભરમાં બજારોમાં એક પ્રકારની સુસ્તી છવાયેલી છે ત્યારે આપણા દેશના સાહસિકો દેશની બહાર નીકળીને સોદા કરી રહ્યા છે. ગયા બે વર્ષમાં જ આપણી કંપનીઓએ દુનિયાની ૪૭ કંપનીઓને હસ્તગત કરી હતી.
આજે સ્પર્ધા એટલી બધી વધી ગઈ છે કે ગ્લોબલ બન્યા વિના આપણે આપણા દેશમાં પણ સલામત નથી. વિદેશી કંપનીઓને હસ્તગત કરનાર આપણા દેશની કંપનીઓના કારણે દુનિયામાં આપણી સાખ ઊંચી આવી છે. સ્પર્ધાના કારણે આપણા માલની ગુણવત્તા પણ વધી છે.
- ગુણવંત છો. શાહ

 

આ જાણો છો તમે ?
- દુનિયામાં લગભગ ૩,૪૦,૦૦,૦૦૦ માણસો એવા છે કે જેઓ જોઈ શકતા નથી, અંધ છે જેમાંના ૧,૫૦,૦૦,૦૦૦ (એટલે અડધા) આપણા દેશમાં છે.
- દુનિયામાં દર ત્રણ વ્યક્તિએ એક વ્યક્તિ બ્લડપ્રેશરનો ભોગ બનેલી છે. જ્યારે આપણા દેશમાં દર ચાર વ્યક્તિએ એક વ્યક્તિ બી.પી.નો ભોગ બનેલી છે.
- ૭૮૬ નંબર ઘણા માટે પવિત્ર નંબર છે. મુંબઈના મોહમ્મદ ફારૃક પાસે આ નંબરની કુલ નોટ ૩૨,૬૬૦ છે પણ ઉદેપુરના વિજય ભાગવતે ફારૃકનો રેકોર્ડ તોડીને અત્યારે ૩૬,૦૦૦ નોટ ભેગી કરી છે જેમાં ૧ રૃપિયાથી ૧૦૦૦ રૃપિયા સુધીની નોટ છે.

બોનાન્ઝા
એક, બે, પાંચ, દસ રૃપિયાના માલના તૈયાર પેકીંગ
મોંઘવારી તો છે જ અને ઘટવાના બદલે એ વધતી જાય છે. આ મોંઘવારીનો આભાસ ન થાય એ માટે કેન્દ્ર સરકારે એક નીતિ બનાવી છે. ખાવાનું તેલ, સાબુ, ચા, મંજન, દૂધ વગેરે વસ્તુઓની કિંમત પ્રમાણે પેકીંગ કરવાનું ંકપનીઓને જણાવ્યું છે.
આ યોજના પ્રમાણે દરેક કંપનીઓએ પોતાની છૂટક વેચાણ માટે ૧ રૃપિયાથી માંડી ૧૦ રૃપિયા સુધી પેકીંગ બનાવવામાં આવશે.
કેન્દ્રના પ્રધાન કે.વી. થોમસ કહે છે કે જેમની રોજની આવક ૪૦થી ૫૦ રૃપિયા છે અને જેઓ રોજેરોજ એક-બે રૃપિયાનો માલ ખરીદીને ગુજરાન ચલાવે છે એવા કરોડો ગરીબોને લાભ થશે.
''મધર ડેરી''એ દૂધની આવી જ એક યોજના ચાલુ કરી છે જેમાં પાંચ રૃપિયાનું જ દૂધ મળી શકશે જેથી બે ત્રણ કપ ચા બને. આ યોજનાનું ''કામધેનુ'' યોજના છે. આ યોજના નીચે મધર ડેરીની કામધેનુ નામની નાની નાની મોટરો સોસાયટીઓ, કોલોનીઓ, પોળો, વગેરેમાં ફરશે અને ગાડીમાં રાખેલા મશીનમાં ટોકન નાંખવાથી દૂધ ગ્રાહકે રાખેલા વાસણમાં મળશે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
ગેલના ઝંઝાવાત હેઠળ ઓસ્ટ્રેલિયા વર્લ્ડ કપમાંથી બહાર ફંગોળાયું

આવતા મહિને વિચારણા કર્યા બાદ નિવૃત્તિ અંગે નિર્ણય લઇશ ઃ તેંડુલકર

પાકિસ્તાનના કેપ્ટન હામીદ અને કોચ વોટમોરની હકાલપટ્ટીની માગ
સાનિયા અને નુરીયાની જોડી ચાઇના ઓપનની ફાઇનલમાં

ફેડરરની હત્યાની ધમકીને આયોજકોએ ગંભીરતાથી લીધી

NSE નિફ્ટીના ૯૦૦ પોઇન્ટના ધબડકાએ સઘળું ધૂળધાણી કર્યું ઃ સેન્ટીમેન્ટ ડહોળાયું ઃ ૪૮૮૮ તળીયું દેખાયું
સોના-ચાંદીમાં આંચકા પચાવી ભાવોમાં પ્રત્યાઘાતી સુધારો
નિફટીમાં કડાકો ઃ ૫ ટકાના ઘટાડાની સરકીટ ફેલ, સીધી ૧૫ ટકાએ લાગી
નિકાસ પ્રતિબંધ હટાવી લેતા સીંગતેલમાં ડબ્બે રૃા.૮૦નો કુદાકો
નિઝામપુરાની સરકારી સ્કૂલમાં ૪ વર્ષનાં બાળક પર અમાનુષી અત્યાચાર

દમણમાં ઉત્પાદિત થતા દારૃ પર એક્સાઈઝ વિભાગની વોચ

નકલી જંતુનાશક દવા બનાવતું કારખાનું સીલઃ મોટો જથ્થો જપ્ત
અમૂલ ડેરીમાંથી બટર ચોરીનું કૌભાંડ

વિદેશી ફંડો ઈક્વિટીમાં મેદાન મારી ગયા અને આપણા મ્યુચ્યુઅલ ફંડોની હાલત કફોડી

વીમા ક્ષેત્રે FDIમાં વધારો થતા વિદેશી પ્રમોટર્સો ૩૦૦૦૦ કરોડ ઠાલવશે
 
 

Gujarat Samachar Plus

લાઇફ સ્ટાઇલમાં ચેન્જ જરૃરી છે...
ફેશનમાં છે ગુલાબી, પીળા રંગના કિંમતી હીરા
'યુવાન' બનાવતી ટ્રીટમેન્ટઃ શિલહટ ફેસલિફટ
ગાંધીજીના સ્વાવલંબી જીવનનો માર્ગ અપનાવતાં સ્ટુડન્ટસ
ગાંધીજીના જીવન મૂલ્યો અમારા બાંધકામનો પાયો છે
ગાંધીજીના ૧૪૪ પેઇિંન્ટગ્સ નખથી બનાવાયા
 

Gujarat Samachar glamour

વિદ્યા 'નિર્મલ ભારતયાત્રા' સમાપન માટે બિહાર જશે
સની લિયોને વેબસાઇટ લોન્ચ કરી સરપ્રાઇઝ આપી
સોફિયા 'એમી એવોર્ડ્સ' સમારંભમાં ફાટેલા ડ્રેસે ફરી
જાવેદના શરીરમાં રોમાન્સનું હાડકુ જ નથીઃ શબાના
નિક્કી મિનાજ 'રિઆલીટી-શો'ની જજ
હોલિવૂડ હલચલ
 
 
 
 
 
 
 

Gujarat Samachar POLL

 

ગુજરાતની વન્યસૃષ્ટિમાં લટાર

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved