Last Update : 28-September-2012, Friday

 

પંડિતજી કબૂતર ઉડાડતા કોંગ્રેસ કાગડા ઉડાડે

મેરા ભારત મહાન - અક્ષય અંતાણી
 

 

પંડિત જવાહરલાલ નહેરુ શાંતિના પ્રતિક તરીકે ‘શાંતિદૂત’ કબૂતરો ઉડાડતા હતા. કબૂતરો ઉડાડતા પંડિતજીની તસવીર અગણિત લોકોના માનસપટ પર અંકિત થઈ ગઈ હતી. પરંતુ નિઝામના હૈદરાબાદ શહેરમાં લોકોને કાગડા ઉડાડતા જોઈને આપણને તાજ્જુબ થાય. કાગડા તે કાંઈ ઉડાડવાની ચીજ છે એ તો એની મેળે ઊડ્યા કરે એવું આપણને થાય. પરંતુ ચાર મિનારના આ શહેરમાં પરાપૂર્વથી એવી માન્યતા ચાલી આવે છે કે કાગડાને આ રીતે ઉડાડવાથી અપશુકનમાંથી મુક્તિ મળે છે, દુર્ભાગ્ય ટળે છે અને ભાગ્ય ફળે છે. આ માન્યતાને લીધે હૈદરાબાદના મહેબૂબ નગરની મારકેટમાં પક્ષી વેચવાળાને કાગડાના વેચાણમાંથી ધીકતી કમાણી થાય છે. આ દુકાનદારો એક-એક કાગડો દોઢસો-બસો રૂપિયામાં વેંચે છે. બીજાને કાગડા ઉડાડવાથી ફાયદો થતો હશે કે નહીં એ તો ઉપરવાળો જાણે, પણ કાગડાના સોદાગરોને તો ચોક્કસ ફાયદો થાય છે. ખાસ તો ડોક નીચે સફેદ રંગવાળા કાગડાની બહુ જ ડિમાન્ડ છે. કેટલાય જ્વેલર્સ તો એવું માને છે કે કોઈની બૂરી નજર પડવાથી ધંધો લથડવા માંડ્યો હોય ત્યારે પેટ શોપમાં થઈ કાગડા ખરીદીને ઉડાડી દેવાથી મેલી નજરમાંથી મુક્તિ મળે છે અને ફરી ધંધો જામવા માંડે છે.
કાગડા બધે કાળા એમ કોલસા પણ બધે કાળા. છતાં કાગડા નસીબ ઝળકાવે અને કોલસા કોંગ્રેસ સહિતના પક્ષો પર બદનસીબની કાળાશ લગાડે એ કેવું? કોંગ્રેસના નેતાઓને કોઈએ સલાહ આપવી જોઈએ કે દુર્ભાગ્યની ગર્તામાંથી બહાર આવવું હોય તો હૈદરાબાદ જઈને કાગડા ઉડાડો, નહીંતર આ પ્રજા તમને ઉડાડશે. ‘ક’ કોંગ્રેસનો, ‘ક’ કોલસાનો, ‘ક’ કલંકનો, ‘ક’ કૌભાંડનો. આ કલંકપૂર્ણ કક્કાવારીમાંથી કોંગ્રેસ બહાર આવી શકશે?
બદનામ બિહારમાં ગર્ભાશય -કાંડ
આ દેશમાં ક્યાંક કિડની કૌભાંડ બહાર આવે છે તો ક્યાંક ગેરકાયદે માનવરક્તના વેંચાણના લોહિયાળ કિસ્સા બહાર આવે છે. પરંતુ તાજેતરમાં સૌથી ચોંકાવનારું કૌભાંડ બદનામ બિહાર રાજ્યમાં બહાર આવ્યું છે, આ કૌભાંડને નામ અપાયું છે ગર્ભાશય-કાંડ.
બિહારના સમસ્તી પુર જિલ્લામાં ગરીબ મહિલાઓનાં ગર્ભાશય વગર કારણે કાઢી લઈ વીમાની રકમ મેળવવાનું તરકટ ચલાવવા બદલ આઠ પ્રાઈવેટ નર્સંિગ હોમનાં લાઈસન્સ રદ કરવામાં આવ્યાં છે. આ ગર્ભાશય કૌભાંડ માત્ર સમસ્તીપુર જિલ્લા પૂરતું જ મર્યાદિત નથી. આખા રાજ્યમાં ફેલાયું છે. ગરીબી રેખા નીચે જીવતી લગભગ ૧૬ હજાર મહિલાઓનાં ગર્ભાશય બિનજરૂરી રીતે કાઢી લેવામાં આવ્યાંનું કહેવાય છે. એક મહિલાનું ગર્ભાશય કાઢવા પાછળ પ્રાઈવેટ હોસ્પિટલને ૩૦ હજાર રૂપિયાની રકમ મળે છે. સમસ્તપૂર જિલ્લાની વાત કરીએ તો ત્યાંની ખાનગી હોસ્પિટલોએ એક વર્ષમાં બાર કરોડની કમાણી કરી હતી. આઈ.એ.એન.એસ.ના અહેવાલ મુજબ બિહાર સ્ટેટ હ્યુમન રાઈટ્‌સ કમિશને આ ગર્ભાશય કાંડની ગંભીર નોંધ લઈને પ્રાઈવેટ હોસ્પિટલો અને નર્સંિગ હોમને નોટિસો આપી છે. રાજ્ય વિધાનમંડળ સમિતિએ પણ તપાસ હાથ ધરી છે. વિપક્ષોએ તો સીબીઆઈ મારફત આ આખા તરકટની તપાસની માગણી કરી છે. જનતા દળ (યુ)ના નેતા અને મુખ્ય પ્રધાન નીતીશકુમાર આ કૌભાંડને નાથવાનો પ્રયાસ નહીં કરે તો એમની પાર્ટીનું નામ લોકો ફેરવીને બોલવા માંડશે જનતા દળ યુ, યુ એટલે યુટરસ. (ગર્ભ).
યે કાર હૈ સરકાર નહીં
આ દેશમાં કાર વધે છે અને બે-કાર વધે છે. સરકાર ઇંધણના દર વધારે ત્યારે કારવાળા કકળાટ કરી મૂકે છે. જોકે વારંવાર સરકાર પેટ્રોલ ડીઝલના ભાવવધારાનો ફટકો મારતી હોય છે એટલે કકળાટ કરવાવાળા પણ થાકી ગયા છે. વારંવાર કકળાટ કરવાને બદલે કાળી ચૌદસની રાત્રે એકહારે કકળાટ કાઢે છે. કારણ? સમજી ગયા છે લોકો કે કકળાટ કાઢવાથીય કંઈ વળશે નહીં, કોંગ્રેસને કાઢવાથી કંઈક કળ વળે તો વળે, નહીંતર ન પણ વળે.
વડા પ્રધાન મનમોહન સંિહ જ્યારે રાજ્યસભાના સદસ્ય હતા ત્યારે ખુદ કાર ડ્રાઈવ કરીને સંસદભવનમાં આવતા. જોકે હવે એમને પણ અહેસાસ થઈ ગયો હશે કે કાર કરતાં સરકાર ચલાવવી અઘરી છે. આ સ્થિતિમાં હાસ્યકવિ શૈલ ચતુર્વેદીની પંક્તિઓ યાદ આવે છે. આ પંક્તિમાં મનોમન એટલો ફેરફાર કરવાનો કે ‘નયે મંત્રી’ની જગ્યાએ પ્રધાન મંત્રી વાંચજો
નયે મંત્રીને અપને ડ્રાઈવ સે કહા
‘આજ કાર હમ ચલાયેંગે’
ડ્રાઈવર બોલા -
‘હમ ઊતર જાયેંગે હુઝૂર
ચલાકર તો દેખિયે
આપકી આત્મા હિલ જાયેગી
યે કાર હૈ સરકાર નહીં, જો
ભગવાન ભરોસે ચલ જાયેગી.’
ઘરઆંગણે સગાવ્હાલાની નજર સામે પોસ્ટ-મોર્ટમ
મહારાષ્ટ્રના દુર્ગમ આદિવાસી વિસ્તારમાં રહેતા લોકો માટે તો મહારાષ્ટ્રમાં નહીં પણ મહા-મુશ્કેલ-રાષ્ટ્રમાં રહેતા હોય એવી દશા છે. જેટલું જીવવાનું દુષ્કર છે એટલું જ મરવાનું મુશ્કેલ છે. નંદુરબાર જિલ્લાના અક્કલકુવા તાલુકામાં મોલગી ગામ આવેલું છે. સાતપુડા પર્વતમાળાના આ દુર્ગમ વિસ્તારમાં કોઈ આદિવાસીનું અકસ્માતમાં કે રહસ્યમય સંજોગોમાં મૃત્યુ થાય ત્યારે તેના મૃતદેહને પોસ્ટમોર્ટમ માટે ઠેઠ માલેગી ગ્રામિણ રુગ્ણાલયમાં લઈ જવાયાં બહુ જ મુશ્કેલી પડે છે. એટલે ડૉકટર જ આદિવાસી પાડામાં જઈને મૃતક વ્યક્તિના પરિવારજનોની નજર સામે જ પોસ્ટ મોર્ટમ કરે છે.
જરા કલ્પના તો કરો કે મૃત આપ્તજનના શરીરની ચીરફાડ થતી જોવી પડે ત્યારે કુટુંબીઓની કેવી દશા થતી હશે? મોલગીના મેડિકલ ઓફિસર કહે છે કે જંગલ અને પહાડી વિસ્તારમાંથી ગ્રામિણ રુગ્ણાલય સુધી મૃતદેહ લાવવામાં અનેક સમસ્યાનો આ તકલીફથી બચાવવા અમે જ મૃતકના ઝૂંપડે કે ઘરે જઈને પોસ્ટ-મોર્ટમ પતાવીએ છીએ. આ કામમાં પોલીસ પણ અમને મદદ કરે છે. આ આદિવાસી વિસ્તારમાં સર્પદંશથી વઘુમાં વઘુ મોત થાય છે. ગ્રામિણ હોસ્પિટલ ઊભી કરવામાં આવી છે. પરંતુ પોસ્ટમોર્ટમ સેન્ટર બંધાયું નથી. પરિણામે અકસ્માત-મૃત્યુના કેસમાં ડૉકટરે ઘરે જઈને પોસ્ટમોર્ટમ કરવું પડે છે. સરકાર આદિવાસીઓના લાભાર્થે મોટી મોટી કલ્યાણકારી યોજનાઓની ગુલબાંગો હાંકે છે એ યોજનાઓનો આદિવાસીઓને લાભ કેમ નથી મળતો? આવી યોજનાઓનું જ પોસ્ટ-મોર્ટમ થવું જોઈએ એવું નથી લાગતું?
આસામમાં એ-ખલાસ નહી કોમી એખલાસ
આસામમાં કોમી હંિસાચારે અનેક નિર્દોષ લોકોનો ભોગ લીધો એટલું જ નહીં પણ આસામની હંિસાના હંિસક પડઘા અન્ય રાજ્યોમાં પણ પડ્યા. તોફાનો થયાં, મૂર્તિઓ ખંડિત કરવાની ઘટનાઓ બની. વડા પ્રધાન મનમોહનસંિહ સંસદમાં જે વિસ્તારનું પ્રતિનિધિત્વ કરે છે એ આસામની સળગતી સમસ્યા વચ્ચે સહુના હૈયાને ટાઢક પહોંચાડે એવો કોમી એખલાસનો કિસ્સો જાણવા મળ્યો છે.
આસામના શિવસાગર જિલ્લામાં મોર્નોઈકિનાર ગામે હિન્દુઓએ ૮૦૦ ચોરસ ફૂટ જમીન મસ્જિદ બાંધવા માટે મુસ્લિમોને ભેટ આપી હતી. આના બદલામાં નજીકના આમગુરી ગામના મુસલમાનોએ વૈષ્ણવોના પુરાણા પ્રાર્થનાખંડના પુનઃબાંધકામની જવાબદારી ઉપાડી લીધી છે. આ પ્રાર્થનાખંડ નામઘર કહેવાય છે. પંદરમી સદીમાં સંત-સુધારક શ્રીમંત શંકરદેવે આ જાતનાં નામર ઊભાં કરવાનો વિચાર વહેતો મૂક્યો હતો. ૧૯૩૯માં બંધાયેલું આમગુરીનું નામઘર સાવ જ પડવાને વાંકે ઊભું હતું તેને નવેસરથી બાંધવાનો મુસ્લિમોએ સંકલ્પ કર્યો છે. મુસ્લિમ નેતા આબીદુર રહેમાને જ આ નામઘરના નવેસરથી બાંધકામ માટે શિલારોપણ કર્યું હતું.
સામાન્ય રીતે કોમી રમખાણો વખતે સામેવાળાને ખલાસ કરવા માટે જ હાથે ચડે એ હથિયાર લઈને લોકો નીકળી પડતા હોય છે. એ-ખલાસ થાય એવી વૃત્તિને બદલે કોમી એખલાસ જળવાય એવી ભાવતા રખાય તો? તો ઇકબાલ સાહેબની પંક્તિઓ ઊંચા સાદે લલકારી શકાય ‘મઝહબ નહીં સિખાતા આપસ મેં બૈર રખના... હિન્દી હૈં હમ, વતન હૈ હિન્દોસ્તાં હમારા...
પંચ-વાણી
કોલસા કૌભાંડ (કોલ-ગેટ)માં હાથ કાળા થયા છતાં બેશરમ બની હસતા રહેતા રાજકારણીઓના હાસ્યને શું કહેવાય ખબર છે? કોલ-ગેટ સ્માઈલ.
*****
પાઈકીના આ રાજમાં મસ્કાભાજી કરતાં મસ્કા-બાજીનું વઘુ મહત્ત્વ છે. ખાતાં ન આવડે એને સહુ ખત્તાં ખવડાવે. એટલે જ ભલભલા લપસી પડે છે એવા રાજકારણના લપસણા રસ્તાની કેવી દશા છે? અટરલી, બટરલી, ગટરલી.
*****
પત્ની શાક સુધારે અને પત્નીનો શક પતિને ‘સુધારે’.
*****
ભારતમાં ધૂસ (ઉંદર) ઊભો પાક ખાય છે અને બીજી તરફ ધૂસણખોર પાછળ પાક (પાકિસ્તાન) ઊભું હોય છે.

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           

હીનાના પતિ ગુલઝાર ગુસ્સેઃ પાકિસ્તાન પાછા આવી ખુલાસો કરવા તેડું

ચીને ટાપુ વિવાદિત ન હોવાના જાપાનના વલણનો વિરોધ કર્યો
આતંકવાદને સાંખી ન લેવા અંગે ભારત યુ.એન.માં રજૂઆત કરશે

ત્રણ વર્ષમાં ડ્રાઇવર વગરની કારનું સપનું હકીકત બનશે

વિકસિત અર્થતંત્રોમાં જાહેર દેવું બીજા વિશ્વ યુધ્ધ પછીની ટોચની સપાટીએ
આજે સુપર એઇટમાં ભારત અને ઓસ્ટ્રેલિયા વચ્ચે મુકાબલો

સંદિપ પાટિલની ચીફ સિલેક્ટર તરીકે પસંદગીઃઅમરનાથની હકાલપટ્ટી

શ્રીલંકાએ ટાઈ બાદ સુપર ઓવરમાં ન્યુઝીલેન્ડને છ રનથી પરાજય આપ્યો
કાશ્મીરમાં સુખની નવી સવાર ઉગવા દો ઃ રાષ્ટ્રપતિ પ્રણવ મુખર્જી
એલઆઈસીને નુકસાન પહોંચાડવા બદલ એચએમટીને ૩.૩૮ કરોડનો દંડ

મેડિકલના પીજી કોર્સ માટે આગામી વર્ષથી એક જ પ્રવેશ પરીક્ષા

કુદનકુલમ પ્લાન્ટ જો સલામત નહીં જણાય તો બંધ કરી દેવાશે ઃ સુપ્રીમ
૩૪૮ આવશ્યક દવાઓ નિયંત્રણમાં લાવવા દરખાસ્ત
અનુષ્કા કોઈ ખાવાની ચીજ થોડી છે કે તેને માટે અમે ઝઘડીએ ઃ અર્જૂન કપૂર
૨૩મી સપ્ટેમ્બર જોન અબ્રાહમના જીવનનો આખરી દિવસ બન્યો હોત
 

 

 

Gujarat Samachar Plus

એજને અનુરૃપ કરો ઝ્વેલરીની પસંદગી
સ્લિમ ટ્રીમ બનતા પહેલા સો વાર વિચારજો
'ઇડિયટ'નો 'સ્માર્ટ' અવતાર
બનો સ્ટાર જેવા સ્ટાઈલીશ
સ્ટોરીને એક્ટિંગથી રજુ કરો તો ઈમ્પેક્ટ વધુ પડેઃ જોએન
 

Gujarat Samachar glamour

રાનીએ 'એપ્યા'માં અમિતાભ-રેખાની જોડીની મજાક ઉડાડી છે
સોનાક્ષીની રિયલ સિસોટી, ફિલ્મની એક 'અદા' બની ગઈ
શરતોવાળી ફિલ્મો નહીં કરું- કરીના
કરીનાને પછાડી રણબીરે મેદાન માર્યું
'લતા મંગેશકર જુઠ્ઠુ બોલે છે' શાહિદ રફી
 
 
 
 
 
 
 
 

Gujarat Samachar POLL

 

સુપર-સ્પીડ સિનેસ્ટાર સ્લાઈડ-શો

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved