Last Update : 27-September-2012, Thursday

 
સડક, સંઘર્ષ, સાદગી અને સત્તા
- સડકથી સત્તા, સંઘર્ષથી સત્તા, સાદગીથી સત્તા
- છતાં સત્તાની લાલસા નહીં પણ જનતા માટે સત્તા
- સત્તા પછી પણ જનતા પહેલાં
- વડાપ્રધાન બનવાની એમની જરાપણ ઇચ્છા કે બીજાની જેમ લાલસા નથી બાકી આજે આપણા દેશને એમના જેવા વડાપ્રધાનની જરૂર છે
- મનમોહન સરકારને ભીંસમાં રાખનાર ભડવીર મમતા બેનરજી લેખાંકર

પહેલું દ્રશ્ય
મમતા બેનરજીએ ત્યારે કોંગ્રેસ છોડી દીધેલી અને નવો રાજકીય પક્ષ બનાવેલો. રાજકીય ક્ષેત્રોમાં અને ખાસ કરીને કોંગ્રેસી વર્તુળમાં એવી ચર્ચા થતી હતી કે હવે મમતાનું રાજકીય કેરીયર ખતમ થઈ ગયું સમજો! કાલીઘાટના હરીશ ચેટરજી લેઈન પર આવેલા ટોલિવાડીમાં આવેલા એના ઘરના સભ્યો પણ મમતાએ કોંગ્રેસ છોડીએથી રાજી નહોતા. એમણે પોતાના એ ઘરની પરશાળને શલના કોથળાથી બાંધીને નવા પક્ષની ઓફિસ બનાવેલી એમાં બેઠા રહીને મમતા સમય પસાર કરતા હતા. ઓફિસના નામે એક ટેલિફોન હતો, એક ટેબલ હતું અને પ્લાસ્ટીકની બે-ચાર ખુરશીઓ હતી. એમને મળવા કોઈ રડ્યોખડ્યો પત્રકાર જ આવી જતો. ચા પીતા પીતા અનૌપચારિક વાતો થતી. ત્યારે મમતા કહેતી, ‘આમી એકા-ઈ લડે જાબો, દેખો કી હોયે’ એટલે કે, હું એકલી જ લડતી રહીશ, જુઓ શું થાય છે!
દ્રશ્ય બીજાું
મમતા બેનરજીએ કોંગ્રેસ છોડી એ પહેલાં પ્રણવ મુખરજી પણ અલગ પક્ષ કરવામાં નિષ્ફળ ગયેલા. એમનો કોંગ્રેસમાંથી બહિષ્કાર કરવામાં આવેલો. એ વખતે પ્રણવદાના ઘણા ખાસમખાસ કહેવાય એવા પણ પ્રણવદાથી દૂર ચાલવા લાગેલા. ક્યારેક તેઓ જ પ્રણવદાને મળવા લાઈન લગાવતા હતા. તો પણ સંસદભવનના સેન્ટ્રલ હોલમાં પ્રણવદા જતા ત્યારે એમને મળવા મમતા બેનરજી જરૂર જતી. ત્યારે મમતાના સહયોગીઓ એમને સલાહ આપતા હતા કે, ‘આપ એમને બહુ ન મળો. એમનું ભવિષ્ય અંઘકારમય છે.’ મમતા ત્યારે જવાબમાં કહેતા, ‘મારું ભવિષ્ય નથી કોઈએ તૈયાર કર્યું કે નથી મેં મારું ભવિષ્ય કોઈના હાથમાં સોંપ્યું.’
સેન્ટ્રલ હોલના એ બનાવ પછી વર્ષો પછીની વાત છે. ત્યારે મમતા બેનર્જી બંગાળમાં ‘દીદી’ તરીકે જાણીતા હતા. એમના તૃણમૂલ કોંગ્રેસ પક્ષને થોડાંક વર્ષો થઈ ગયા હતા. જ્યોતિ બસુ બંગાળ ઉપર વર્ષો સુધી સત્તા ચલાવીને રીટાયર થઈ ગયા હતા.
૨૦૦૦ની સાલમાં બંગાળના બન્ને વિરોધપક્ષ એટલે તૃણમૂલ કોંગ્રેસ અને કોંગ્રેસ વચ્ચે સંબંધો પણ તૂટી ગયા હતા. બંગાળ કોંગ્રેસના પ્રમુખ તરીકે એબીએ ગનીખાન ચૌધરીના બદલે સોનિયા ગાંધીએ પ્રણવ મુખર્જીને કોંગ્રેસના પ્રમુખ બનાવેલા. સોનિયા ગાંધીને અંદાજ આવી ગયેલો કે ભવિષ્યમાં કેન્દ્રમાં ડાબેરી પક્ષોનો સાથ લેવાની કોંગ્રેસને જરૂર પડશે અને પ્રણવ મુખર્જીને ડાબેરીઓ સાથે સારા સંબંધો છે એટલે એ કામ લાગશે.
સોનિયા ગાંધીની એ ચાણક્ય બુદ્ધિ ૨૦૦૪માં કામ લાગી.
ફરી ૨૦૦૯માં ડાબેરીઓ કોંગ્રેસનો સાથ છોડીને ચાલ્યા ગયા ત્યારે પ્રણવદા ફરી કામમાં આવ્યા. દાદાએ જૂના સંબંધો અને રાજકારણના ગણિતના સરવાળા બાદબાકી સમજાવ્યા. બંગાળના પેલા બન્ને વિરોધી પક્ષો ડાબેરીઓના વિરોધના નામે એક થઈ ગયા.
સન ૧૯૭૭માં જ્યારે મમતા કોલકાતા યુનિવર્સિટીમાં એમએ ભણી રહ્યા હતા ત્યારે બંગાળમાં ડાબેરી મોરચો સત્તામાં આવી ગયો હતો. ઈમરજન્સી પછી ઈંદિરા ગાંધીની જ્યારે ધરપકડ થઈ ત્યારે કોલકાતામાં મમતાને પણ પોતાની ધરપકડ કરાવેલી. એ વખતે કોલકાતામાં ત્યારના વડાપ્રધાન મોરારજી દેસાઈને જવાનું થયેલું. પ્રદેશ કોંગ્રેસે એમને કાળા વાવટા દેખાડવા માટે મમતાને આગળ કર્યા. કડક સલામતી વચ્ચે મમતાએ કારની આગળ કાળો ઝંડો લગાવી દીધો. એ વખતે એ છાત્ર પરિષદની સક્રિય કાર્યકર્તા હતા. સુવ્રત મુખર્જી એમના રાજકીય ગુરુ હતા.
કોલકાતામાં સન ૧૯૮૩માં કોંગ્રેસ કમીટીનું અધિવેશન હતું એમાં રાજીવ ગાંધી સાથે એમનો પરિચય થયો હતો. ૧૯૮૪માં રાજીવની સલાહ મુજબ મમતાને લોકસભાની ટિકિટ આપી અને એ બેઠક તેઓ જીત્યા. બસ, પછી મમતાએ પાછું વાળીને નથી જોયું. ડાબેરીઓએ એમની ઉપર કેટલીયવાર જીવ લેવાના હુમલા કર્યા તો પણ એમણે કદી કમાન્ડોની સુરક્ષા નથી લીધી કે ડાબેરીઓનો વિરોધ કરવાનું નથી છોડ્યું. ૧૯૯૦ના ૧૬ ઓગસ્ટે હાજરાથી એમણે સરઘસ કાઢેલું ત્યારે એની ઉપર ડાબેરીઓએ હુમલા કરેલા અને મમતાને લાઠીઓથી ખૂબ મારેલા. એ બનાવ એટલો બધો ગંભીર હતો કે મુખ્યપ્રધાન જ્યોતિ બસુએ હુમલો કરનારા બધાની ધરપકડ કરાવી.
બીજી વખત ૧૯૯૩ના ૧૩ જુલાઈએ બંગાળના સચિવાલયને ઘેરવા માટે મમતા પોતાના ટેકેદારો સાથે જતા હતા ત્યારે એમના ઉપર ડાબેરી સરકારની પોલીસે ગોળીબાર કરેલો જેમાં ૧૩ જણ માર્યા ગયા હતા.
એ પછી નાના મોટા ઘણા મુદ્દાઓ પાર કરીને સંિગુર અને નંદીગ્રામ કેન્દ્ર બંિદુ બન્યા. એણે બંગાળમાં રાજકીય પરિવર્તનની હવા ફેલાવી.
મમતા બેનર્જી માને છે કે, આ શક્તિ એમને એમના પિતા પ્રોમિલેશ્વર બેનર્જી પાસે મળી છે. તેઓ પૂજારી હતા. તેઓ પોતાના ગામડેથી રોજગારી મેળવવા કોલકાતા આવ્યા હતા. સન ૧૯૭૨માં ૪૧ જ વર્ષની ઉંમરે ગેસ્ટીક અલ્સરના કારણે એમનું મૃત્યુ થયું. એ વખતે કુટુંબ સડક પર આવી ગયેલું. ત્યારે ઘણાએ એમને ગામડે પાછા જવા માટે કહ્યું, પણ મમતાએ મા ઉપર દબાણ લાવીને પોતાની બાપદાદાની ૧૨ વીધા જમીન વેચાવી દીધી. એ રૂપિયા મોટાભાઈ કાર્તિકને આપીને ધંધો ચલાવવા માટે કહ્યું. એ કાર્તિકની કમાણીમાંથી જ પાંચ ભાઈઓ અને નાની બહેનના લગ્ન થયા. આખા કુટુંબની દેખભાળ એ ભાઈ જ રાખે છે કારણ કે મમતા તો હંમેશા રાજકારણમાં વ્યસ્ત હોય છે.
જીવનમાં એમને પોતાનું કુટુંબ ઊભું કરવાની ઇચ્છા થયેલી પણ રાજકારણનો વિચાર આવતા એ વિચાર માંડી વાળવો પડ્યો.
જોકે, રાજકારણમાં મમતાને હંમેશા ‘અનપ્રેડિક્ટેબલ’ ગણવામાં આવ્યા છે. પણ એમનો રાજકીય ઉદૃેશ્ય હંમેશા સ્પષ્ટ રહ્યો છે.
અનેક સંઘર્ષોના અંતે મમતાને સંિગૂર અને નંદિગ્રામનો મુદ્દો મળી ગયો.
આ નંદીગ્રામ અને સંિગૂર શું છે? એ વાતને ચાર વર્ષ થઈ ગયા. આ બન્ને સ્થળો પર ડાબેરી સરકારે જે અત્યાચારો કર્યા એણે ૩૪ વર્ષથી એકચક્રી સત્તા ભોગવતા આવેલા ડાબેરી મોરચાને ભોંયભેગો કરી દીધો. ખેડૂતો અને મજૂરોની જમીનની હક્કની લડાઈ લડતા લડતા મમતા બેનર્જી મુખ્યપ્રધાન પદ સુધી પહોંચી ગયા.
નંદીગ્રામના ભાગબેડા ગામની રાળિયા બીબી ઉપર ડાબેરી સરકારે જે અત્યાચાર કરેલોએ એક નમૂના રૂપે રાબિયા બીબીના શબ્દોમાં જ જૂઓ...
‘૧૪ માર્ચ ૨૦૦૭ના દિવસ પછી એક દિવસ ડાબેરી પક્ષોના ગુંડાઓએ પોલીસની વરદી પહેરીને મારા ઘર પર હુમલો કર્યો. મારા આદમી (શેખ અબ્દુલ ક્યુમકાજી)ની મારી નજર સામે જ કત્લ કરવામાં આવી અને મારા ઝુંપડાને સાવ તોડી નાંખ્યું. મમતા દીદી ન હોત તો કદાચ મારા કુટુંબનો એક પણ સભ્ય બચ્યો ન હોત. મારા બેટાને રેલવેમાં નોકરી મળી ગઈ છે. એનો ૧૨ હજાર રૂપિયા પગાર છે. અમને પાંચ લાખ રૂપિયા રાહત પણ મળી છે.
નંદીગ્રામના અત્યાચારો સામે મમતાએ ૨૬ દિવસના ઉપવાસ કરેલા (સદ્‌ભાવના ઉપવાસ જેવા કે રામદાસ કે અણ્ણા જેવા નહીં). નંદીગ્રામમાં બીજા ૧૩ જણા પણ શહીદ થયેલા. એ પણ કહે છે, દીદી ન હોત તો એમને કશી મદદ મળી ન હોત. આજે ત્યાંના ખેડૂતો એમની બાપદાદાની જમીન ઉપર જ ખેતી કરે છે.
૨૦૦૭-૦૮માં નંદીગ્રામમાં જે સંઘર્ષ ચાલ્યો એણે ડાબેરીઓના સુપડા સાફ કરી નાંખ્યા. સોના ચુડાના મિન હાજુ દ્દીન અંસારી કહે છે કે, ‘અહીં તમને સીપીએમનું કૂતરું પણ જોવા નહીં મળે. અમે આ જગ્યાને શુદ્ધ કરી નાંખી છે.’
એ નંદીગ્રામની વસતિ બે લાખની છે જેમાં રેશનીંગની દુકાનો ૩૧ છે અને કેરોસીનની દુકાનો ૪૫ છે. દરેક દુકાને બોર્ડ ઉપર દરેક પ્રકારની સૂચનાઓ જાહેરમાં બહાર દેખાય તેમ લખીને કેટલો માલ છે અને ક્યારે ક્યારે માલ વેચવામાં આવશે એ જણાવવું પડે છે. એની ઉપર પંચાયતના સેવકો ઘ્યાન આપે છે. પંચાયત તૃણમૂલ કોંગ્રેસની છે. પહેલાં ડાબેરીઓની હતી ત્યારે રેશન અને કેરોસીન ડાબેરીઓના ગુંડા લૂંટી જતા. છેલ્લા ૩૦ વર્ષથી એમ જ ચાલતું હતું પણ મમતાની સત્તા આવ્યા પછી લૂંટફાટ બંધ થઈ ગઈ છે. ગરીબોને બે રૂપિયે કીલો ચોખા મળે છે. (બંગાળ, બિહાર, તમિળનાડુ, કેરળ, આસામ, ઓરિસ્સા, વગેરે બધા જ રાજ્યોનો એક ખોરાક... ચોખા છે. ઘઉં ત્યાં ભાગ્યે જ ખવાય છે. એકલા ચોખા ખવાતા હોવા છતાં ત્યાં ડાયાબીટીસના દર્દી આપણા જેટલા નથી.)
નંદીગ્રામની જેમ જ કોલકાતાથી ૪૫ કી.મી. દૂર સંિગુર પણ મમતાના ‘પરિવર્તન’નું સાક્ષી છે. મમતાની સરકારને એક વર્ષ પૂરું થયું ત્યારે ત્યાંના ઘરો ઉપર દરેક ઘરવાળાએ લખેલું કે, ‘આમરા ઓનાર ઓપર ગૌરબોકારી’ એટલે કે અમને એમની ઉપર ગર્વ છે. (અપૂર્ણ)
- ગુણવંત છો. શાહ

હાઉકલો
મોનાલિસાના ચિત્રની માલિકી કોની?
ફ્રાન્સની કે ઈટલીની?
વિશ્વખ્યાત અમૂલ્ય ચિત્ર મોનાલિસા અત્યારે પેરિસના લુવ્રે સંગ્રહાલયમાં છે જેને જોવા દર વર્ષે લાખો દર્શકો દુનિયાભરમાંથી પેરિસ જાય છે. હવે ઈટાલીએ એની માંગણી કરી છે.
આ ચિત્રનો મહાન ચિત્રકાર લિયોનાદ્ર વંિચી ઈટલીનો હતો અને એનું આ ચિત્ર પણ ઈટલીના ફલોરેન્સ શહેરમાં હતું. ૧૯૧૧માં એ ચિત્ર ચોરાયું. ચોરનાર પેરીસના પેલા લુવ્રનો કર્મચારી હતો.
અત્યારે ફ્રાન્સની સરકારનો એની ઉપર કાયદેસરની માલિકી છે. હવે ઈટલીના નાગરિકો એને પાછું માંગી રહ્યા છે જે માટે ઈટલીમાં હસ્તાક્ષર લેવાની ઝુંબેશ ચાલે છે. દોઢ લાખ કરતાં વઘુ લોકોએ હસ્તાક્ષર કર્યા છે. અને ઈટલીની એ ઝુંબેશના પ્રમુખ ઈટલીના સાંસ્કૃતિક પ્રધાન છે.

સંશોધન
શનિ મંગળની યુતિ શું સત્તાપલટો લાવશે?
કેન્દ્ર અને ગુજરાત જેવા કેટલાક રાજ્યોમાં સત્તાપલટાની સ્થિતિ ઉત્પન્ન થઇ છે. ખાસ કરીને કેન્દ્રની સરકાર જે રીતે દિવસેને દિવસે ઊંડા ખાડામાં ઉતરી રહી છે. એનું જ્યોતિષિક કારણ જોવામાં આવે તો, તુલા રાશિમાં થએલી શનિ અને મંગળની યુતિ છે.
મંગળ ગ્રહ ૨૦૧૨ના ૪ ઓગસ્ટે તુલા રાશિમાં ચૂપચાપ પ્રવેશ્યો જ્યાં એનો કટ્ટો શત્રુ શનિ પહેલાંથી જ બેઠેલો હતો. મંગળ અગ્નિ છે અને શનિ બરફ છે. આ બન્ને ગ્રહનું મિલન જે તુલા રાશિમાં થયું છે એ શુક્રની રાશિ છે. શુક્રની રાશિ આનંદ, પ્રમોદ, વેપાર, ઉદ્યોગની રાશી ગણાય છે.
તુલામાં મંગળ પ્રવેશ કરવાની સાથે જ આપણા દેશના ઉત્તર-પૂર્વના ભાગમાં સ્થિતિ એકદમ શાંતિમાંથી અશાંત થઇ ગઇ હતી. બીજી બાજુ સંસદમાં પણ દેકારાપડકારા શરૂ થતાં સંસદનું કામકાજ થઇ શક્યું નહોતું. ત્રીજી બાજુ ગુજરાતમાં કોંગ્રેસ જે અત્યાર સુધી રક્ષણાત્મક સ્થિતિમાં જ રહેતી હતી એ એવી આક્રમક બની ગઇ કે ગુજરાતનો સત્તાધારી પક્ષ ભાજપ રક્ષણાત્મક સ્થિતિમાં આવી ગયો.
આનું જ્યોતિષિક કારણ મંગળશનિની યુતિ છે. (અહીં રાજકીય કારણની ચર્ચા નથી કરવાની)
આ સ્થિતિ ૨૮ સપ્ટેમ્બર સુધી ચાલુ રહેશે. ૨૮ સપ્ટેમ્બરે મંગળ વૃશ્ચિક રાશિમાં પ્રવેશશે. એટલે ત્યાં સુધી ક્યાંકને ક્યાંક સંઘર્ષ ચાલ્યા કરવાનો.
શનિ તુલા રાશિમાં ૨૦૧૧ના ૧૫ નવેમ્બરે આવી ગયેલો પણ ૧૫ મેથી વક્રી થઇને કન્યામાં પહોંચી ગયેલો એ ફરી તુલામાં ઓગસ્ટમાં આવી ગયો છે.
તુલાનો આ શનિ સત્તાપલટો અને સંઘર્ષ માટે કુખ્યાત છે.
આ અગાઉ ૧૯૮૪માં ત્યારના વડાપ્રધાન ઈંદિરા ગાંધીની હત્યા અને રાજીવ ગાંધી વડાપ્રધાન બનતા નવા નવા નેતાઓ એમના મિત્ર રૂપે બહાર આવેલા અને જૂના વરિષ્ટ નેતાઓને ઘરે બેસાડવામાં આવેલા.
આ વખતે તુલામાં શનિના પ્રવેશ પછી રાજકારણના અઠંગ ખેલાડી પ્રણવ મુખરજીને સક્રિય રાજકારણમાંથી વહેલા નિવૃત્ત કરાવીને રાષ્ટ્રપતિના હોદ્દા ઉપર બેસાડી દીધા. જ્યારે શિવકુમાર શંિદે ખૂણામાં પડેલા એમને ઊચકીને એકદમ આગલી હરોળમાં બેસાડી દીધા. હવે ઓકટોબર નવેમ્બર પછી એમને એ જ આસન ખુંચવા લાગશે. ત્યારે એમની કેતુની મહાદશા શરૂ થાય છે જેના કારણે તેઓ નકામા નિવેદનો કરવા લાગશે જેના કારણએ વિવાદો ઊભા થશે.
તુલાનો આ શનિ કેટલાક રાજકારણીઓ, કલાકારો અને નામચીન હસ્તિઓ (સેલીબ્રીટી)ને અસાઘ્ય રોગમાં પટકશે અને એમને ઉપર મોકલી દેશે. દેવાનંદ, ભૂપેન્દ્ર હજારિકા, રાજેશ ખન્ના, વિલાસરાવ દેશમુખ વગેરે શનિનો તુલા પ્રવેશ પછી જ ગયા છે. શુક્ર કે જે સ્ત્રીનું પ્રતીક છે એમાં શનિની હાજરી કોઇ શક્તિશાળી અને પ્રસિઘ્ધ મહિલા માટે ભારે પુરવાર થશે. સોનિયા ગાંધીની એકાએક રહસ્યમય બિમારી એ વાતની સાબિતી છે.
નવેમ્બર પછી સત્તાપક્ષ અને વિરોધ પક્ષ બન્ને માટે પરેશાની આવવાની છે. શક્તિ, સત્તા, સ્કેમ અને સેક્સના નવા ખેલ આ બન્ને તરફ શનિ દેખાડશે. યુવાન નેતૃત્વ માટે જોકે સ્થિતિ વઘુ સારી હશે. ડો. મનમોહનસંિહ માટે આ બે વર્ષ જોકે તલવારની ધાર જેવા પુરવાર થશે.
વચ્ચે વચ્ચે વહેલી ચૂંટણીના નગારા વગાડાતા સાંભળવા મળશે. જોકે લોકસભાની ચૂંટણીના પરિણામ અણધાર્યા જોવા મળશે કારણકે શનિ સત્તાપલટાનો નિર્દેશ કરે છે. (સત્તાપલટો એટલે પક્ષનો પણ પલટો હોય શકે છે અને વ્યક્તિની સત્તાનો પણ પલટો હોય શકે છે) હવામાં ઉડનારા જમીન પર આવી જશે.
શેરબજાર ઉપર આની અસર જોઇએ તો... શ્યુગર, એન્ટરટેઇનમેન્ટ, જ્વેલરી અને ટેક્સટાઇલ જેવા શેરો ખાડામાં પડ્યા પછી શનિ બદલાતા મોટી છલાંગ લગાવશે. પ્રોપર્ટીની તેજી કે મંદી સરખા રહેશે પણ ૨૦૧૪ના ઓગસ્ટ પછી પ્રોપર્ટીનું બજાર તૂટી જતું લાગશે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           

પયગંબર સાહેબના નામે અમેરિકા પર હુમલો સાંખી લેવાશે નહીં ઃ ઓબામા

ઓબામા પ્રમુખપદની ચૂંટણી જીતશે તો મેડોના પૂનમ પાંડેવાળી કરશે !
૨૪ વર્ષના ભુટ્ટો અને ૩૫ વર્ષના હીના રબ્બાની વચ્ચે પ્રણય પાંગર્યો

બાયોમેટ્રિક્સ ક્ષેત્રે નવું સંશોધન, ચાલ પરથી વ્યક્તિની ઓળખ

વણઉકલ્યો કાશ્મીર મુદ્દો યુએનની પ્રણાલીની નિષ્ફળતાનું પ્રતિક ઃ ઝરદારી
સેન્સેક્ષ ૬૨ પોઇન્ટ ઘટીને ૧૮૬૩૨ઃ નિફ્ટી ૧૦ પોઇન્ટ ઘટીને ૫૬૬૩
સોના-ચાંદીમાં ઉછાળા ઉભરા જેવા નિવડતાં ભાવો ફરી તૂટયા
૪૦ જેટલી કોમોડિટીઝને ડિલિસ્ટ કરાય તેવી શકયતા
ટેલિકોમ કેસમાં સુપ્રીમ આજે ચુકાદો આપશે
સત્તામાં આવીશું તો રિટેલમાં એફડીઆઈનો નિર્ણય રદ કરીશું ઃ ભાજપ

જમ્મુ-કાશ્મીરમાં ૧૦૦થી વધુ પંચો-સરપંચોના રાજીનામાં

ભારતી વોલમાર્ટ બધાં રાજ્યોની F.D.I. મંજુરી માટે રાહ નહીં જુએ
પેટ્રોલ પંપ ૧૫ ઓક્ટો.થી મર્યાદિત કલાકો જ ખુલ્લા રહેશે ઃ ડીલરો

એનએસઈ એફએન્ડઓ સેગ્મેન્ટમાંથી ૫૧ સ્ક્રીપ આજથી બહાર થઈ જશે

શેરબજારમાં રોકાણકારોની જોખમ ખેડવાની રુચી ફરી ઉઘડી રહ્યાના મળતા સંકેતો
 
 

Gujarat Samachar Plus

પાર્ટીઓની શાન ડિઝાઇનર લેબલ
ખાદીની ઘટતી લોકપ્રિયતા ચિંતાજનક
હવે ચોકલેટ પણ ચરબી ઘટાડશે
દરિયાઇ માટીના લેપ વડે શરીરને સ્લિમ બનાવો
ગુજરાતના ગામડાં ઓળખ ગુમાવી રહ્યા છે ઃપરેશ રાવલ
એન્જિનિયરિંગ સ્ટુડન્ટસને ન્યુક્લિયર સેફ્ટીના પાઠ
 

Gujarat Samachar glamour

પ્રીતિ-શિલ્પા ઉપર 'હિરોઈન'માં ભારે કટાક્ષ
અક્ષયકુમાર ૮૦ થિયેટરોમાં 'દાન-પેટી'મુકાવશે
શર્લિન મીડિયાથી દૂર જવાનો પ્રયત્ન કરે છે
રણદીપ હુડા 'લિપ-સિંક' કરવાનું ટાળતો જ રહે છે
શત્રુધ્ન સિન્હા 'અવતાર'માં ડોન તરીકે ચમકશે
સેટેલાઈટ રાઈટ્સ ફિલ્મની રીલીઝ થયા પછી જ વેચાશે
 
 
 
 
 
 
 
 

Gujarat Samachar POLL

 

દુનિયાના પ્રખ્યાત હીરાઓ

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved