Last Update : 24-September-2012, Monday

 

હોસ્પિટલમાં ‘બાઉન્સર થેરાપી’

મેરા ભારત મહાન - અક્ષય અંતાણી
 

 

નાઈટ ક્લબ, પબ, બિયર બાર કે ડિસ્કોથેકમાં કોઈ નશામાં ચકચૂર થઈને બેફામ વર્તન કરે, એલફેલ બોલે કે પછી ધમાલ મચાવે ત્યારે તેને કાંઠલેથી ઝાલી સીધો બહાર તગેડી મૂકવા માટે અથવા તો ઠમઠોરવા માટે બાઉન્સર તૈયાર જ હોય છે. હટ્ટાકટ્ટા, છ હાથ પૂરા, ચહેરા પર કાપાકૂપી કે દાઢીનું જંગલ ઉગાડ્યું હોય એવા ડરામણા બાઉન્સરોને જોઈને જ ભલભલાની ફેં ફાંટી જાય. શરાબના અડ્ડા, નાઈટ ક્લબ કે બિયર કે ડાન્સબારમાં અત્યાર સુધી બાઉન્સરો જોવા મળતા.
પણ જ્યારથી દરદીઓનાં સગાંવહાલાં તરફથી ડોક્ટરો ઉપર અવારનવાર હુમલા થવા માંડ્યા પછી બાઉન્સરો દિલ્હીની પ્રાઇવેટ હોસ્પિટલોમાં પણ ગોઠવાતા જાય છે. હોસ્પિટલોમાં ડોક્ટરોને રક્ષણ પૂરું પાડવા રોકવામાં આવતા આ બાઉન્સરો આમ તો ખૂબ સલૂકાઈથી વર્તે છે પણ એમનો દેખવા જ એવો હોય છે કે બને ત્યાં સુધી કોઈ એની સામે ઊંચા અવાજે વાત કરવાની હંિમત નથી કરી શકતું. દિલ્હીની દિનદયાળ ઉપાઘ્યાય સરકારી હોસ્પિટલે બાઉન્સર તહેનાત કરવાની પહેલ કર્યા પછી અન્ય હોસ્પિટલો પણ આ દિશામાં આગળ વધી રહી છે. ગયા એપ્રિલમાં એક પેશન્ટના ઉશ્કેરાયેલા પરિવારજનોએ ડોક્ટર પર હુમલો કર્યો હતો અને એક જણે તો મુક્કો મારીને નાક તોડી નાખ્યું હતું. આ ઘટનાના એક અઠવાડિયા પછી બાઉન્સર રાખવામાં આવ્યો હતો. આ હોસ્પિટલમાં ડોક્ટરો ઉપર દર મહિને એક હુમલાનો બનાવ બનતો હતો. આથી ડોક્ટરોએ છેલ્લા છ વર્ષમાં ૨૦ વખત હડતાળ પાડી હતી. છતાં ડોક્ટરોની સલામતીના પગલાં નહોતાં લેવાયા. પણ હવે બાઉન્સર ગોઠવાયા પછી જરા ફેર પડ્યો હોય એવો તબીબોનો અનુભવ છે. બાઉન્સર થેરાપીની અસર થઈ ખરી.
હોમિયોપેથી, એલોપેથી, શિવામ્બુ ચિકિત્સાની રેલોપેથીની જેમ કારગર સાબિત થઈ છે. ગડબડ કરવાવાળાને હોસ્પિટલની બહાર હડસેલવાની આ નવતર ‘ઠેલોપેથી.’
યહ અંદર કી
બાત હૈ
છૂપા લો યૂં દિલ મેં પ્યાર મેરા કે જૈસે મંદિર મેં લૌ દિયે કી... દિલમાં કોઈનો પ્રેમ છૂપાવી શકાય. પરંતુ કાચબા કે ટચૂકડાં વાંદરા છુપાવાનું મુશ્કેલ છે એ દાણચોરો સમજી ગયા છે. જીવતા કાચબા અને ટચૂકડા વાંદરા ક્યાંથી પકડાયા ખબર છે છે? સ્મગલરોના અંડરવેરમાંથી, વિદેશથી સળવળાટ અને ગલીપચી સહન કરીને કાચબા અને વાંદરા કેમ લાવ્યા હશે?
મુંબઈ એરપોર્ટ ઉપર કસ્ટમ્સ અધિકારીઓએ બેંગકોકથી આવેલા એક માણસને શકને આધારે સપાટામાં લીધો. એનો બધો જ સામાન ફેંદી નાખ્યો છતાં કંઈ ન મળ્યું. પરંતુ ઓફિસરોની ચબરાક આંખોએ પારખી લીઘું કે તેને ચાલવામાં થોડી તકલીફ પડે છે એટલે અંદર લઈ જઈને કપડાં ઉતારવામાં આવતા અંડરવેરમાંથી ૧૦ નાના (સ્ટાર ટોર ટોઇઝ) મળી આવ્યાં હતા. આવી જ રીતે દિલ્હી એરપોર્ટ પર ત્રણ પ્રવાસીની તલાશી લેવામાં આવતા બેના અંડરવેરમાંથી સાત સાત ઈંચના ટચુકડા વાંદરા પકડાવા હતા. આ અત્યંત અલભ્ય જાતિના મિની મંકીને દાણચોરો જાંઘિયામાં સંતાડી બેંગકોકથી દુબઈ લઈ જતા હતા. કસ્ટમવાળા ગાતા હશે ઃ લાખ છૂપાવો છૂપ ના સકેગા રાઝ ઇતના ગહરા... અંદરકી બાત બતા દેતા હૈ અસલી-નકલી ચહેરા...
છપ્પન છૂરી સુહાગરાત પૂરી
સુહાગ રાત હૈ ધુંઘટ ઊઠા રહા હૂંં મૈં.. મનોમન ગણગણતા બાગપતના દુલ્હારાજાએ ફૂલોની સેજ પર ધુંઘટ ઓઢીને બેઠેલી નવોઢાનો ધુંઘટ ઊઠાવતાંની સાથે જ તેના મોઢામાંથી રીતસર ચીસ નીકળી ગી. આ શું? દુલ્હને ધારદાર છરી કાઢી દુલ્હાની છાતી ઉપર અડાડી ધમકી આપી ‘મુઝે હાથ ભી લગાયા તો જાન લે લૂંગી... યે શાદી મેરી મરઝી કે ખીલાફ હુઈ હૈ સમજા?’
વરરાજાની કેવી દશા થઈ હશે? હોબાળો મચી ગયો. બધા પોલીસ સ્ટેશને પહોંચ્યા. વરરાજા અને નવોઢાનું બયાન લેવાની મહિલા પોલીસ અધિકારીએ શરૂઆત કરી. વરરાજાએ સુહાગરાતે શું થયું એનું ઘુ્રજારીપૂર્ણ વર્ણન કરતાની સાથે નવવઘૂ વિફરી અને રણચંડીની જેમ ઠેકડો મારીને ઊભી થઈ, એક હાથે લાકડાની ખુરશી ઉપાડીને પતિ ઉપર પ્રહાર કરવાની અણી ઉપર હતી ત્યાં જ સહુએ પકડી લીધી. આ મારકણી મહિલાને માંડ શાંત પાડવામાં આવી.
ચંદ્રમુખી અચાનક જ્વાલામુખીની જેમ ફાટે ત્યારે પતિ કેવો દુખી દુખી થઈ જાય? કેવી કફોડી દશા? છપ્પન છૂરી સુહાગરાત પૂરી. આવી લડાયક લલનાઓ સંસારમાં નહીં સંસદમાં શોભે.
બસની નોકરી માટે બસ કરો
આજની મરણતોલ મોંઘવારીમાં પણ વગર વિચાર્યે સંતાનોનું નોનસ્ટોપ પ્રોડક્શન જારી રાખવાવાળા ક્યાંક ક્યાંક જોવા મળે છે. તાનસેન રાગ માલકૌંસ છેડતા અને આ સં-તાનસેન રાગ બાલ-કૌંસ છેડીને બાલબચ્ચાની લંગાર વધારતા જાય છે.
કુટુંબ નિયોજનની ઝુંબેશ પૂરજોશમાં ચાલતી ત્યારે બસની પાછળ જાહેરખબર વાંચવા મળતી ‘એક કે બે બસ.’ કોઈ અબૂધ ગામડિયા આ વાંચી નિસાસો નાખી કથળેલી એસટી સર્વિસને કોસતા કે આખા દિવસમાં એક કે બે બસ આવે એમાં શું વળે? તો વળી કોઈ અક્કલવાળા કહેતા કે એક કે બે બસ ભરાય એટલા બચ્ચા પેદા કરવાવાળાને સરકાર કેમ નથી સમજાવતી કે હવે તો બસ કરો? મહારાષ્ટ્ર એસટીએ તો હવે નવો નિયમ લાગુ કર્યો છે.
બસમાં નોકરી જોઈતી હોય એ પહેલાં બસ કરે. અર્થાત્‌ એસટી બસમાં ડ્રાઇવર અથવા કંડકટરની નોકરી એવાને જ અપાશે જેને બે અથવા બેથી ઓછા સંતાન હોય. જેને બે સંતાન હોય એણે પ્રતિજ્ઞાપત્ર પર સહી કરી દેવી પડશે કે હવે તેઓ બસ કરશે, ત્રીજું બાળક ન અવતરે માટે ઇમર્જન્સી ‘બ્રેક’ મારી દેશે. ૨૦૦૫ની સાલના મહારાષ્ટ્ર સિવિલ સર્વિસીઝ (સ્મોલ ફેમિલી) રુલ્સ અનુસાર એક કે બે બસનો નિયમ નોકરીમાં ભરતી વખતે લાગુ કરવામાં આવ્યો છે. ડ્રાઇવરને ‘બ્રેક’ મારવાનું શીખવવું ન પડે અને કંડક્ટર તો વઘુ પેસેન્જરનો ભરાવો ન થાય માટે સજાગ હોય છે. એસટીવાળાએ એક નવું સૂત્ર બધી બસો ઉપર ચિતરાવવું જોઈએ ‘એક કે બે બસ નહીંતર થશો બે-બસ.’
પતિદેવે પત્નીને પગાર આપવો પડશે
પતિદેવો પોતાની પત્નીને ફક્ત પ્રેમ આપીને સંતોષ માની નહીં શકો, પગાર પણ આપવો પડશે. આ સમાચાર સાંભળીને દેશભરના પરણેલા પુરુષો ચોંકી ગયા છે. રસોઈ કરતી, બાલબચ્ચા ઉછેરતી, ઘરની સાફસફાઈ રાખતી મહિલાઓને હવે હસબન્ડોએ આ ઘરેલું કામકાજનું મહેનતાણું ચૂકવવું પડશે. કેન્દ્રના મહિલા અને બાલ વિકાસ મંત્રાલયે આ માટે પ્રસ્તાવ તૈયાર કર્યો છે. થોડા સમયમાં આ પ્રસ્તાવ કેબિનેટમાં રજૂ કરાશે. ત્યાર પછી આ પ્રસ્તાવ સંસદમાં પાસ થશે અને કાયદાનું સ્વરૂપ લેશે એટલે મહિલાઓનો પગાર ચાલુ થઈ જશે. પતિદેવોએ પોતાની માસિક આવકમાંથી દસથી વીસ ટકા હિસ્સો પત્નીને પગાર તરીકે ચૂકવવો પડશે. કોઈ મરદ ચૂકવણીમાં ઘાલમેલ ન કરે માટે પત્નીના નામે ખાતું ખોલાવી એમાં મહેનતાણાની રકમ જમા કરાવી પડશે.
ભારતમાં ૯૦ ટકા મહિલાઓ ઘરગૃહસ્થી સંભાળે છે. આ ગૃહિણીઓ હવે વેતન મેળવતી થઈ જશે. જોકે મરદોને બરાબર ઓળખતી કેટલીક સ્માર્ટ મહિલાઓના મનમાં અત્યારથી સંશયનો કીડો સળવળવા માંડ્યો છે કે તેમનો પતિ કોઈ ઓછા પગારવાળીને લઈ આવશે તો? પરંતુ આવી ચંિતા કરવાની જરૂર નથી.
અત્યારે જેમ ઘરખર્ચ માટે અમુક રકમ આપે છે એવી રીતે વેતનરૂપે ચોક્કસ રકમ ચૂકવશે. જો વાદા કિયા વો નિભાના પડેગા... રોકે ઝમાના ચાહે રોકે ખુદાઈ વેતન દેના પડેગા... દર મહિને વેતન ચૂકવતો વર કેવો રૂડો લાગશે? વેતન મેળવીને વનિતા ગીત ગણગણશે ‘(વે)તન ભી સુંદર ધન ભી સુંદર તું સુંદરતા કી મૂરત હૈ, કિસી ઔર કો શાયદ કમ હોગી મુઝે તેરી (સેલરી) બહોત કુછ હૈ...
પંચ-વાણી
ઓળખાણ એ તો ખાણ છે, એટલે જ ઓળખાણથી જ (કોલસાની) ખાણ અપાય છે.

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
પૈસા તરત લેવાનું ચૂકી જતાં એટીએમમાં પાછા ચાલ્યા નહીં જાય
મુલાયમ યુપીએ અને એનડીએને તોડી ત્રીજા મોરચાની ફિરાકમાં

ત્રાસવાદી ઘટનાઓમાં ફસીહની ભૂમિકા માટે સાઉદીએ વધુ પુરાવા માંગ્યા

આર્થિક સુધારામાં વિલંબ માટે મમતાને જવાબદાર ગણાવતી સરકાર
એકત્ર કરોડોનું ભંડોળ આપવાની કેજરીવાલની ઓફર અણ્ણાએ નકારી
નવા સપ્તાહમાં સેન્સેક્ષ ૧૯૦૩૩ ઉપર બંધ થતાં ૧૯૨૨૨, નિફ્ટી ૫૭૭૭ ઉપર બંધ થતા ૫૮૩૩ જોવાશે ઃ સપોર્ટ ૧૮૪૧૧, ૫૫૮૮
બેઝ રેટ ઘટાડયા બાદ પ્રાઈમ લેન્ડીંગ રેટ ઘટાડાની એસબીઆઈ
સોનાના ભાવો રૃ.૧૨૫ તથા ચાંદીના રૃ.૬૨૫ તૂટયા ઃ બિસ્કિટમાં રૃ.૧૨૦૦નો કડાકો
બે લેજન્ડરીનું મિલન ઃ લારા તેંડુલકરના ઘરનો મહેમાન બન્યો

ભારતે ચેમ્પિયન ઈંગ્લેન્ડને ૯૦ રનથી શરમજનક પરાજય આપ્યો

પાકિસ્તાને ન્યુઝિલેન્ડને રોમાંચકતા બાદ ૧૩ રનથી પરાજય આપ્યો
દિપિકા કુમારીએ તિરંદાજીના વર્લ્ડ કપમાં સિલ્વર મેડલ જીત્યો

મુરલી વિજયના ૨૬૬ ઃ રાજસ્થાન સામે રેસ્ટ ઓફઈન્ડિયાના ૬૦૭/૭૩૫૪ રનના દેવા બાદ રાજસ્થાનના ૧ વિકેટે ૪૩

રિટેલમાં રિફોર્મ્સથી દેશમાં ફુગાવો કાબુમાં લાવવામાં મદદ મળી રહેશેઃ રંગરાજન

મુંબઈ સુધરાઈના ઓકટ્રોય વિભાગની હેરાનગતિ સામે સાડીના દુકાનદારોનો વિરોધ
 

 

 

Gujarat Samachar Plus

'મિડનાઇટ બ્લૂ' નાઇટ ફેશનનો મનપસંદ રંગ
નજરને 'ફ્રીઝ' કરી દેતા ફ્રિંજ ડ્રેસ
તમે આઇફોન વસાવ્યો કે નહીં?
લિપસ્ટિકથી હૃદયને ક્યાંક નુકસાન ન થાય
નયનોની પરિભાષા
હવે દૂંદાળાદેવને પણ ડી.જે.ના તાલે વિસર્જનનો ટ્રેન્ડ
શહેરીજનોની ખાસ પસંદ ગણેશજીના પ્રિય મોદક
 

Gujarat Samachar glamour

બ્રિટની સ્પીયર્સ ચામડીના રોગથી ત્રાસી ગઇ
અજય દેવગનને રોહિત શેટ્ટીનો હળહળતો અન્યાય...
'બિગ-બોસ-૬'માં સ્વામી નિત્યાનંદની એન્ટ્રી પણ થશે
પટૌડી-પરિવાર દ્વારા મિત્રો માટે 'દાવત-એ-વલીમા'
રિહાનાને તેના ટેટુઓ ધાર્મિક બનાવી રહ્યા છે
ઈડિયટ બોક્સ
શગુફતા રફીક- ભટ્ટ કેમ્પની સૌથી વફાદાર લેખિકા
 
 
 
 
 
 
 

Gujarat Samachar POLL

 

The Milk-Man Of India Passed Away

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus
arc archive

પૂર્તિઓ

 
 
Gujarat Samachar © 2012 All Rights Reserved