Last Update : 20-September-2012,Thursday

 
આજની પ્રથમહરોળની ત્રણ અભિનેત્રીઓમાંની એક અને આગવી અભિનેત્રી વિદ્યા બાલનની આત્મકથા.. લેખાંક ઃ ૨
- ઈચ્છા મુજબ ભગવાન આપે છે છતાં જીવન એ ગુલાબના ફૂલોની શૈયા નથી
- પ્રાર્થના કરો.. પ્રાર્થનાનું ફળ હંમેશા મળે છે
- નિષ્ફળતા અને મુશ્કેલીમાંથી પણ લાભ મળે છે
- વિદ્યા બાલને અત્યાર સુધીમાં ૧૬-૧૭ ફિલ્મો કરી એમાં ૩-૪ સિવાયની ફિલ્મોએ ટંકશાળ પાડી છે

મુંબઇના ચેમ્બુર નામના પરામાં સામાન્ય મધ્યમ વર્ગીય કુટુંબમાં જન્મીને ઉછરીને ફિલ્મી ક્ષેત્રમાં આગળ વધીને ટોચ પર પહોંચેલી અભિનેત્રી વિદ્યા બાલન ઈશ્વરની કૃપાથી અને સ્વબળે એ સ્થાને પહોંચેલી અભિનેત્રી છે. એની આગવી ખૂબી એ છે કે એણે કદી એકના એક પ્રકારની ભૂમિકા કરવાનું પસંદ નથી કર્યું. પડકારરૃપ, ચેલેન્જીંગ ભૂમિકા જ એણે પસંદ કરી છે. એની આ આત્મકથનાત્મક કહાણીમાં એ એની પહેલી અને સફળ તથા પ્રશંસા મેળવનાર ફિલ્મ ''પરિણીતા'' સુધી કઇ રીતે પહોંચી એ અગાઉ એના જ શબ્દોમાં વર્ણવેલું. હવે આગળનું જૂઓ...
''પરિણીતા'' સુધી હું પહોંચી પણ હું એમ નહીં કહું કે... બધું જ ફૂલોની શૈયા જેવું બન્યા કરેલું. ''પરિણીતા'' પહેલાં મેં મેં દક્ષિણમાં ફિલ્મોમાં પ્રવેશવાનો પ્રયત્ન કરેલો. ત્યાં મને સારો અનુભવ ન મળ્યો. ત્યાં મેં જે મુવી કરી એ તબેલામાં પડી. મને ગંદી કહેવામાં આવી અને મને ફિલ્મોમાંથી ભૂંડી રીતે પડતી મૂકવામાં આવી. એ દિવસો મારા માટે સંઘર્ષના હતા અને દક્ષિણમાં હું કશું જ કરી શકી નહીં.
જીવનમાં આવી જાતનો તબક્કો આવતો હોય છે. તમને એમ થાય કે કશું જ કામ થતું નથી અને તમને થાય કે, ''હે ભગવાન! મને જ આવું કેમ થાય છે? જોકે મારા વિચારો છિન્ન ભિન્ન થઇ ગયા હતા પણ ઈશ્વરમાં મારી શ્રધ્ધાએ હંમેશા મારા વિચારોને દબાવી દીધા છે. હું ઈશ્વરને પ્રાર્થના કરતી રહી છું અને મારી પ્રાર્થનાએ હંમેશા મને સાથ આપીને મને ઊભી રાખી છે.''
પાછળ નજર કરતા મને લાગે છે કે દક્ષિણના તબક્કાએ મને એટલું શીખવેલું કે... જે થાય છે એ સારા માટે જ થાય છે.
દાદા એટલે પ્રદીપ સરકાર સાથે મેં અગાઉ કામ કરેલું એટલે ''પરિણીતા'' ફિલ્મીકથા એમણે જ્યારે લખી ત્યારે મારા જાણવા પ્રમાણે તેઓ મારી સાથે એક ફિલ્મ બનાવવા માંગતા હતા. એ સંબંધ ગુરૃ-શિષ્ય જેવો હતો અને એમણે મને ઘણું શીખવ્યું. એમનો વિચાર એવો હતો કે એ ફિલ્મ નવા જ અથવા ઓછા જાણીતા કલાકારોને લઇને કરવી. પણ વિધુ વિનોદ ચોપરાએ ફિલ્મનું નિર્માણ કરવાનું નક્કી કર્યું એટલે મારે બધી પરીક્ષામાંથી ફરી પસાર થવું પડયું.
જીવનમાં પેહેલી જ વખત હું સૈફ અલીખાન અને સંજય દત્ત જેવા મોટા કલાકારો વચ્ચે મારી જાતને મેં જોઇ. પણ હું એમનાથી અંજાઇ ગયેલી નહીં એની મને નવાઇ લાગે છે. ઉલટાનું મને થયું કે હું આ માટે જ ઘડાયેલી છું.
જોકે મારે કહેવું જોઇએ કે સંજય દત્ત જેવા સુપર સ્ટાર સાથે કામ કરવાનો આ પહેલો અનુભવ હતો. કલકત્તામાં અમારું શુટીંગ ચાલતું હતું ત્યારે એની ફિલ્મ ''મુન્નાભાઇ એમ બી બી એસ''ના કારણે લોકો એની પાછળ ગાંડા હતા. એને જોઇને બધા બૂમો પાડવા લાગતા હતા, ''મુન્ના ઓ મુન્ના!'' પણ સંજય દત્ત સાવ સાદો, નિર્દોષ અને નિખાલસ! હું કદી કોઇનાથી પ્રભાવિત નથી થઇ પણ સંજયને હું હંમેશા એ માટે સંભાર્યા કરીશ.
''પરિણીતા''માં કેટલાક ગાઢ અંગત પ્રસંગો, દ્રશ્યો છે એટલે મને પરિચીતો પૂછતા હતા કે... તમે સંસ્કારિક સહજતાથી કઇ રીતે કરી શકેલા. એનું એક કારણ એ છે કે ''દાદા'' પહેલાં ચિત્રકાર છે અને પછી દિગ્દર્શક છે. એટલે એમના દરેક દ્રશ્ય એક પ્રકારની ફ્રેમ જેવા છે એટલે એ એને બગડવા ન દે. પણ મારી બહેન આ બાબતમાં બહુ ચીકણી છે એટલે એ આવા પ્રેમના, અભિવ્યક્તિના દ્રશ્ય વખતે કહેતી, ''દાદા, આ દ્રશ્ય તમે કઇ રીતે શૂટ કરવાનો છો એ તમારે પહેલાથી કહેવું પડશે. મારી બહેન આ બાબતમાં નવી છે એટલે દ્રશ્ય એવું બનાવજો કે જે સંસ્કારી લાગે તથા સુદંર લાગે.''
''પરિણીતા'' ફિલ્મે મારી જીંદગીને નીચી ઊંચી કરી નાંખી. એનો પ્રિમીઅર શો આમસ્ટ્રડમમાં હતો. ત્યાં હું વિમાનમાં ઈકોનોમી ક્લાસમાં ગયેલી અને પાછા ફરતાં બિઝનેસ ક્લાસમાં આવેલી. ફક્ત ૨૪ કલાકમાં મારી દુનિયા કેવી ઝડપથી બદલાઇ ગઇ હતી! હું પાછી ફરી પછી મારી ઉપર અભિનંદનની વર્ષા થવા લાગી, ફોનો આવવા લાગ્યા અને ઈન્ટરવ્યુ ઉપર ઈન્ટરવ્યુ થવા લાગ્યા. તરત જ મને દેશભરમાં ફિલ્મ પ્રોમોટ કરવા માટે શહેરે શહેરે મોકલવામાં આવી. મીડીયા સામે બેસાડવામાં આવી મને જે બાળપણથી જાણતા હતા, એ સગા સંબંધી, સગાના સગા, સંબંધીના સંબંધી બધા મને બોલાવવા લાગ્યા અને મને શ્વાસ લેવાનો પણ સમય ન રહ્યો. આવો અનુભવ જીવનમાં પહેલી જ વાર એક જ વાર થાય છે.
આ ગાંડપણના ત્રણ અઠવાડિયા પછી મને થયું કે હું શું આ ઈચ્છતી હતી? હું કલકત્તા પ્રોમોશન ગયેલી જ્યાં હું માતાના મંદિરે દર્શન કરવા કાલીઘાટ ગયેલી. ત્યાં પ્રેસ આવી પહોંચ્યું. તેઓ સતત ક્લીન કરતા કહેતા હતા, ''થોડા સા યહાં દેખો'' પહેલી વાર ત્યાં મને એવું લાગ્યું કે મારી ''પ્રાઈવસી'' છીનવાઇ ગઇ છે. હું ઘરે આવી અને રડવા લાગી. મને થયું, ''મને ખબર નહીં હું આવું મેળવીશ. મારા ઘરનાઓએ તો જોકે એમ કહ્યું કે, ''તું આ તો ઈચ્છતી હતી.''
મેં જે ૧૬-૧૭ ફિલ્મો કરી છે એમાંથી ૪ ફિલ્મો સિવાયની બધી જ ફિલ્મોએ ટંકશાળ પાડી છે. જુદીજુદી જુદીજુદી ભૂમિકા કરવી એ જ મારો મોટામાં મોટો ગુણ છે. અગાઉ મને એમ થતું હતું કે એ જ પ્રકારની ભૂમિકા કરવામાં કશો ડર રાખવા જેવું તો ન હોય પણ પછી મેં મારી પોતાની મુસાફરી નક્કી કરી લીધી.
હું પાછળ નજર કરું છું તો, ''હે બેબી!'' અને ''કિસ્મત કનેકશન'' તરફ જોઉં છું તો હું ધૂ્રજી ઉઠું છું. પણ એ સાથે એ મને યાદ કરાવે છે કે... હું જે ઈચ્છું છું એ આ નથી. પ્રેક્ષકોએ, લોકોએ ''પરિણીતા''ને ખુલ્લા હાથે આવકારી હતી કારણ કે એમાં હું ''હું'' હતી.
હવે લોકો જૂદા જ પ્રકારની ભૂમિકા માટે મળે છે. એની માટે ફરિયાદ પણ કરવાની નથી.
જોકે, એક અભિનેત્રી તરીકે તાળીઓના ગડગડાટ વચ્ચે કેટલાક કાંકરા પણ પડતા હોય છે. દરેક કલાકાર સાથે એ જોડાયેલું જ હોય છે. દા.ત. અગાઉ જ્યારે ''કિસ્મત કનેકશન'' વખતે શાહીદ કપુર સાથે અને ''સલામે ઈશ્ક'' વખતે જ્હોન અબ્રાહમ સાથે મારું નામ જોડાવા લાગ્યું ત્યારે મને થએલું કે... મારે સાથી કલાકારો સાથે મિત્રતા રાખવાનું બંધ કરવું જોઇએ. મને લોકો સાથે પ્રેમથી વાતો કરવાનું ગમે છે, લોકો મને ગમે છે પણ મને લાગ્યું કે એનો જૂદો અર્થ કરવામાં આવે છે. પણ હવે મને એવી કોઇ દરકાર નથી કારણકે તમે વાતો કરો કે ન કરો પણ લોકો તો તમારી વાતો કરવાના જ! આજે હું ઘણી સુખી છું અને હું એ જ વાત કહેવા માંગું છું.
આવું જ અભિનેત્રી અભિનેત્રી વચ્ચેની સ્પર્ધાનું છે. દા.ત. મારી અને રાની મુખરજી વિષે ઘણું લખાયું છે... પણ હું અહિં કોઇ સાથે હરિફાઇ કરવા નથી આવી કે મિત્રો કરવા નથી આવી. અમારી બન્ને વચ્ચે સુમેળભર્યા સંબંધો છે. અમે હસી મજાક પણ કરીએ છીએ પણ બીજી વાત કરું કે મને કદી ઊંચનીચ જેવું લાગ્યું નથી... એ એની જગ્યાએ બરોબર છે અને હું મારી જગ્યાએ... મારે કશું સાબિત કરવાનું નથી. રાની મારા કરતાં સિનીયર છે અને એણે ઘણું કામ કર્યું છે અને હું એને માન આપું છું. હું અંતરમુખી છું અને મારું એક જ હરિફ છે અને એ હું જાતે જ છું.
મારા વિષે બીજી ટીકાનો જે મારો થાય છે એ મારા પોષાકની ફેશનનો છે. ''કિસ્મત કનેકશન'' ફિલ્મ પછી હું મારા પોષાક વિષે ખરેખર મુંઝવણમાં હતી. એમાં મારા એક મિત્રે કહ્યું કે, ''જાણીતા ફેશન ડીઝાઇનર સવ્યસાચી મુખરજી મને મળવા માંગે છે'' અને અમે જ્યારે મળ્યા ત્યારે એમણે કહ્યું કે,... ''તમે હવે ચર્ચાઓથી પર છો... તમે સાવ અલગ, અદ્વિતિય છો એટલે પ્લીઝ, જેમ છો તેમ જ રહેજો. એ પછી એમની સલાહ મુજબના પોષાક સાથેની મારી પ્રેમકથા શરૃ થઇ. એની સૌંદર્ય સુઝ માટે મને માન છે. મને એનું કાપડ અને કપડાંની ભાષા તથા પ્રિન્ટ ગમે છે. એ મારા વ્યક્તિત્વને અનુરૃપ છે. એ મારા વ્યક્તિત્વને બહાર લાવે છે. રોજના પોષાક માટે હું લખનવી અથવા ફેબ ઈન્ડીયાના સુતરાઉના કપડાં પસંદ કરું છું. ચાલુ કે બીજી કોઇ ફેશનને હું જોતી નથી. મારો કોઇ કોસ્ચ્યુમ ડીઝાઇનર નથી કે સવ્યસાચીજી પણ નથી.
જો કે હું વેસ્ટર્ન ક્લોથ પહેરું છું પણ મને તો જે સ્ત્રી માટેના, સ્ત્રીને શોભે એવા ડ્રેસ ગમે છે અને ઘણા વેસ્ટર્ન ક્લોથ સ્ત્રીને અનુરૃપ નથી હોતા. વળી ભારતની સ્ત્રીઓ અંગોના વળાંક માટે ભાગ્યશાળી છે. ભારતીય પોષાક એ વળાંકોને વધુ સુંદરતાવાળી દેખાડે છે. પશ્ચિમી પોષાક તમારામાં નથી એને ઊછાળે છે જ્યારે ભારતીય પોષાક તમે છો એ બતાવે છે. પોતાને ઝીરો સાઈઝ દેખાડવાની ઈચ્છાવાળી અભિનેત્રીઓ હોય છે જ્યારે હું જે રૃઢ ધોરણ છે એને છોડવા નથી માંગતી. મારી જિંદગીની સફરમાં કોઇ અમૂલ્ય હોય તો મારા અંગતપણાની છાપ છે.
બે વર્ષ પહેલાં અમે મુંબઇના ખારમાં રહેવા ગયા છીએ અને અમને ત્યાં આનંદથી ફાવી ગયું છે પણ ચેમ્બુરની છોકરી હોવાનું હું ભૂલી શકું નહીં કારણ કે આ મારું પહેલું ઘર હતું. એ ઘર હું ભૂલી શકું નહીં, ત્યાંના મંદિરો ભૂલી શકું નહીં જ્યાં હું હંમેશા જતી. મુંબઇનું એ ખુબસુરત પરું છે. બાકી જિંદગી સુંદર છે. જ્યારે હું કામ પર નથી જતી ત્યારે મારા કુટુંબ સાથે સમય કાઢું છું... અથવા પુસ્તકો વાંચું છું અથવા સંગીતના કાર્યક્રમો સાંભળવા જાઉં છું અથવા લોંગ ડ્રાઇવ કરું છું. મારી બહેનને જોડીયા બાળકો છે રુહાન અને ઈરા. એટલે મારી વર્ષો જૂની ઈચ્છા બાળકોને રમાડવાની હતી એ પૂરી થઇ છે.
મીડીયાએ મારું નામ યુટીવી મોસન પિકચરના સીઈઓ સિધ્ધાર્થ રોય કપુર સાથે જોડયું છે જેનો હું ઈન્કાર નથી કરતી. આવા સંબંધોથી તમે સુરક્ષિત થઇ જાવ છો એવું નથી પણ સુરક્ષિત વ્યક્તિ સાથે હોઉં એ આશીર્વાદરૃપ હછે. જોકે મહત્ત્વની વાત એ છે કે તમે તમારી જાતે જ સુરક્ષિત થાવ. હું કુટુંબપ્રથામાં પણ માનું છું અને સ્થિર થઇને રહેવામાં માનું છું. હું એક દિવસ લગ્ન પણ કરીશ પણ અત્યારે નહીં. હું માનું છું કે યોગ્ય સમયે યોગ્ય વસ્તુ બને છે.
છેલ્લે હું કહીશ કે... વ્યક્તિગતોની આ દુનિયામાં ઉત્તમ કશું નથી. દુનિયામાં જો તમે એકલા જ હો તો તમે ઉત્તમ છો જ! આ વાત યાદ રાખો અને તમારા મને અને શરીરને માણો. આપણા બધામાં અમુક પ્રકારની અસુરક્ષા, ડર, નિરાશા હોય છે... એનો સ્વીકાર કરો... એ કારણે તમારી જાતને નાની ન ગણો. તમે અદ્વિતિય છો, તમે વિશિષ્ટ છો અને તમે બદલાવ લાવી શકો તેમ છો.
ગુણવંત છો. શાહ

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           

વીજળીની મદદથી માનવ-અંગો ફરી વિકસાવવાનું સંશોધન

નહાવાની સાથે કપડાં ધોવાની સુવિધા આપતો અનોખો ફુવારો!
યુકેમાં યુવાની લાંબો સમય ટકશે કેમ કે આધેડ વય ૫૫થી ચાલુ થાય છે !

સોશિયલ મિડિયા વ્યક્તિને આત્મશ્લાઘી બનાવતી હોવાનો મનોવૈજ્ઞાાનિકોનો મત

ચીનમાં અમેરિકી રાજદુતની કાર પર દેખાવકારોએ હુમલો કર્યો

ઓસ્ટે્રલિયાએ આયર્લેન્ડ સામે ૭ વિકેટથી આસાન વિજય મેળવ્યો

ભારતની બેડમિંટન સ્ટાર સાયનાએ રૃપિયા ૪૦ કરોડનો કોન્ટ્રાક્ટ કર્યો
આજે સાઉથ આફ્રિકા સામે ઝિમ્બાબ્વેે હારશે તો બહાર
પરિવર્તન પાર્ટી સત્તામાં આવશે તો ગામડાંમાં મફત વીજળી આપશે
સયાજીગંજમાં છ વર્ષની માસુમ બાળકી પર બળાત્કાર ગુજારી હત્યા

ચાંદીના સિક્કા ખરીદવા આવ્યા અને ચોરી ગયા રૃા.૨.૪૯ લાખનું સોનું

સૌથી લાંબો દરીયાકાંઠો ધરાવતુ દાઠા પોલીસ મથક માત્ર ૧૦ જવાનોથી ચાલે છે
નડિયાદમાં ખાનગી હોસ્પિટલમાં ઓચિંતો બ્લાસ્ટ થતા નાસભાગ
સાઉથિ-નિકોલની બીમારીથી ન્યુઝીલેન્ડની ચિંતા વધી
માફી તો માંગી લીધી હવે બોર્ડને મનાવવા બીજુ શું કરુ? ઃ પીટરસન
 
 

Gujarat Samachar Plus

રિક્ષાચાલકની મેક્સિકોમાં હોમલેસ વર્લ્ડકપ માટે પસંદગી
પીઠને ઉઘાડી બતાવતો 'સ્કૂપ બેક ડ્રેસ'
દેશી કાપડને મળ્યો છે વિદેશી ટચ
વજન ઉતારવા અને સેક્સલાઇફ સુધારવામાં મદદરૃપ 'ધ બેડરૃમ વર્કઆઉટ'
આકર્ષક યુવતી જોતા જ કલ્પનાના ઘોડા દોડાવતા પુરુષ
ટ્રાફિકની જાણકારી હવે મોબાઇલમાં
 

Gujarat Samachar glamour

પ્રિયંકા હવે રેખા માટે ગીત ગાવાની ઇચ્છા ધરાવે છે
સૈફ મેરેજ શૂટ સિવડાવવા લંડન જશે
કેટરીનાને મનગમતું ઘર મળી ગયું
મિલા જોવોવિક નાનપણમાં ક્રેડિટ-કાર્ડ ચોરી મોજ-મસ્તી કરતી
પૂનમ ટ્વિટર ઉપર જોવા નહીં મળે
રેસીપી વહેંચી અનુરાગ ફિલ્મનો પ્રચાર કરશે
 
 
 
 
 
 
 

Gujarat Samachar POLL

 

The Milk-Man Of India Passed Away

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved